ഉത്തരധ്രുവത്തിലൂടെ ദൈർഘ്യമേറിയ വ്യോമപാത താണ്ടി ഇന്ത്യൻ വനിത പൈലറ്റുമാർ

ബം​ഗ​ളൂ​രു: ലോകത്തിലെ ഏറ്റവും ദൈർഘ്യമേറിയ വ്യോമപാത താണ്ടി എ​യ​ർ ഇ​ന്ത്യ​യിലെ വനിത പൈലറ്റുമാർ. നാല് വനിത പൈലറ്റുമാർ നിയന്ത്രിച്ച എ​യ​ർ ഇ​ന്ത്യ​യു​ടെ ബോ​യി​ങ്​ 777 വി​മാ​നം 13,993 കി​ലോ​മീ​റ്റ​ർ യാത്ര പൂർത്തിയാക്കി സാ​ൻ​ഫ്രാ​ൻ​സി​സ്​​കോ​യി​ൽ​ നി​ന്ന്​ ബം​ഗ​ളൂ​രു​വിൽ എത്തി.

ക്യാ​പ്​​റ്റ​ൻ സോ​യ അ​ഗ​ർ​വാ​ളി​ന്‍റെ നേ​തൃ​ത്വ​ത്തി​ൽ ക്യാ​പ്​​റ്റ​ന്മാ​രാ​യ ത​ൻ​മ​യ്​ പാ​പാ​ഗ​രി, സൊ​ൻ​വാ​നെ ആ​കാം​ക്ഷ, ശി​വാ​നി മാ​ന​സ്​ എ​ന്നി​വ​രാ​ണ് ച​രി​ത്ര​യാ​ത്ര​ക്ക്​ ചു​ക്കാ​ൻ​ പി​ടി​ച്ച​ വ​നി​ത ​പൈ​ല​റ്റു​മാർ. പ്രാ​ദേ​ശി​ക സ​മ​യം ശ​നി​യാ​ഴ്​​ച രാ​ത്രി 8.30ന്​ ​സാ​ൻ​ഫ്രാ​ൻ​സി​സ്​​കോ​യി​ൽ ​നി​ന്ന് പുറപ്പെട്ട വിമാനം തി​ങ്ക​ളാ​ഴ്​​ച പു​ല​ർ​ച്ച 3.50ന്​ ​യാ​ത്ര പൂ​ർ​ത്തി​യാ​ക്കി 238 യാത്രക്കാരുമായി ബം​ഗ​ളൂ​രു കെം​പ​ഗൗ​ഡ അ​ന്താ​രാ​ഷ്​​ട്ര വി​മാ​ന​ത്താ​വ​ള​ത്തി​ൽ സുരക്ഷിതമായി ഇറങ്ങി. 17 മ​ണി​ക്കൂ​റി​ലേ​റെ പ​റ​ക്ക​ൽ, ഇ​ന്ത്യ​യി​ലെ ഏ​തൊ​രു യാ​ത്രാ ​വി​മാ​ന​ത്തിന്‍റെയും ഏ​റ്റ​വും കൂ​ടി​യ യാ​ത്ര​ാദൂ​രമാണ്.

ഏ​റെ വി​ഷ​മ​ക​ര​മാ​യ ഉ​ത്ത​ര​ധ്രു​വ​ത്തി​ലൂ​ടെ​യു​ള്ള റൂ​ട്ടി​ൽ വി​മാ​നം പ​റ​ത്താ​ൻ പ​രി​ച​യ ​സ​മ്പ​ന്ന​രെ​യാ​ണ്​ വി​മാ​ന​ക്ക​മ്പ​നി​ക​ൾ ചു​മ​ത​ല​പ്പെ​ടു​ത്താ​റ്. ബോ​യി​ങ്​ 777 പ​റ​ത്തി​യ ലോ​ക​ത്തി​ലെ ഏ​റ്റ​വും പ്രാ​യം​കു​റ​ഞ്ഞ ​പൈ​ല​റ്റെ​ന്ന റെ​ക്കോ​ഡ്​ സോ​യ അ​ഗ​ർ​വാ​ൾ 2013ൽ ​സ്വ​ന്ത​മാ​ക്കി​യി​രു​ന്നു. 8000 മ​ണി​ക്കൂ​റിലേ​റെ വി​മാ​നം പ​റ​ത്തി​യ സോ​യ 10 വ​ർ​ഷ​മാ​യി ബോ​യി​ങ്​ 777 പൈ​ല​റ്റാ​ണ്.

ബം​ഗ​ളൂ​രു​വിൽ നി​ന്ന്​ സാ​ൻ​ഫ്രാ​ൻ​സി​സ്​​കോ​യി​ലേക്ക് പൂർണമായും പുരുഷ പൈലറ്റുമാർ നിയന്ത്രിക്കുന്ന വിമാനം ഇന്ന് യാത്ര പുറപ്പെടും. ഡ​ൽ​ഹി- സാ​ൻ​ഫ്രാ​ൻ​സി​സ്​​കോ സ​ർ​വി​സി​നെ​ക്കാ​ളും 1000 കി​ലോ​മീ​റ്റ​ർ അ​ധി​ക​മാ​ണ്​ ബം​ഗ​ളൂ​രു സ​ർ​വി​സി​നു​ള്ള​ത്​. മേ​യ്​ ആ​റു മു​ത​ൽ യു​നൈ​റ്റ​ഡ്​ എ​യ​ർ​ൈ​ല​ൻ​സും സാ​ൻ​ഫ്രാ​ൻ​സി​സ്​​കോ- ബം​ഗ​ളൂ​രു സ​ർ​വി​സ്​ ആ​രം​ഭി​ക്കും.

Latest Video: