Begin typing your search above and press return to search.
proflie-avatar
Login
exit_to_app
exit_to_app
Homechevron_rightLIFEchevron_rightYouthchevron_rightആ വൈറൽ സഹോദരങ്ങൾ...

ആ വൈറൽ സഹോദരങ്ങൾ ഇവിടെയുണ്ട്...

text_fields
bookmark_border
ആ വൈറൽ സഹോദരങ്ങൾ ഇവിടെയുണ്ട്...
cancel
camera_alt

മുഹമ്മദ്​ മനാസ്​ മാലിക്, മുഹമ്മദ്​ മാസിൻ മാലിക്​, മറിയം മിൻസ മാലിക്​

സമൂഹ മാധ്യമങ്ങളിൽ പുത്തൻ ‘വൈബു’മായി ഗൾഫ്​ മലയാളികളുടെ മനം കവരുകയാണ്​ ഷാർജയിൽ നിന്നുള്ള മൂന്നംഗ മലയാളി സഹോദരങ്ങൾ. വിദ്യാർഥികളായ മുഹമ്മദ്​ മനാസ്​ മാലിക്, മുഹമ്മദ്​ മാസിൻ മാലിക്​, മറിയം മിൻസ മാലിക്​ എന്നിവരാണ് കിടിലൻ പ്രമോഷൻ വിഡിയോകളിലൂടെ സോഷ്യൽ മീഡിയയിൽ തരംഗം തീർക്കുന്നത്​​​​​​. പ്രഫഷനൽ യുട്യൂബർമാരെ പോലും കടത്തിവെട്ടുന്ന ചടുലമായ ഇംഗ്ലീഷ്​ ഭാഷയിലെ അവതരണമാണ്​ ഇൻസ്റ്റഗ്രാമിൽ ഇവരെ ശ്രദ്ധേയമാക്കുന്നത്​​.

വിഡിയോയുടെ തുടക്കം മുതൽ അവസാനം വരെ ഉന്മേഷവും ഊർജവും നിലനിർത്താനുള്ള ഇവരുടെ കഴിവ്​​ ഏവരേയും അദ്ഭുതപ്പെടുത്തും. കൂട്ടത്തിൽ മുതിർന്നവനായ മുഹമ്മദ്​ മനാസ്​ മാലിക്​ ഇതിനകം വൻകിട കമ്പനികളുടെ പ്രമോഷൻ വിഡിയോകൾ അവതരിപ്പിച്ചു കഴിഞ്ഞു. ചില പ്രമുഖ ഹൈപ്പർ മാർക്കറ്റ്​ കമ്പനികൾ പ്രമോഷൻ വിഡിയോകൾക്കായി 12കാരനായ മനാസിനെ സമീപിച്ചിരിക്കുകയാണ്​​.

എട്ടുവയസ്സുകാരനായ മുഹമ്മദ്​ മാസിൻ മാലികും അഞ്ചുവയസ്സുകാരിയായ ഇളയവൾ മറിയം മിൻസ മാലികും വിത്യസ്തവും കൗതുകകരവുമായ വിഡിയോകളുമായി പ്രേക്ഷരെ കൈയിലെടുത്തുകഴിഞ്ഞു. ഷാർജയിലെ ഗൾഫ്​ ഏഷ്യൻ ഇംഗ്ലീഷ്​ സ്കൂൾ വിദ്യാർഥികളാണ്​ മൂവരും. മാതാവ്​ റിയാന മാലികാണ്​ ചാനൽ നിയന്ത്രിക്കുന്നത്​. സമൂഹ മാധ്യമങ്ങളിൽ മാത്രമല്ല, സ്​കൂൾ പഠനകാര്യത്തിലും കുട്ടികൾ മിടുക്കരാണ്​​.

തുടങ്ങിയത്​ ഉമ്മ, താരമായത്​ മക്കൾ

സ്വന്തം പാചക പരീക്ഷണങ്ങൾ പങ്കുവെക്കാനാണ്​ റിയാന മാലിക്​ 2019ൽ ഒരു യു ട്യൂബ്​ ചാനലിനെ കുറിച്ച്​ ആലോചിക്കുന്നത്​​. ഭർത്താവും ദുബൈ മീഡിയ ഇൻകോർപറേറ്റഡിൽ ഐ.ടി എൻജിനീയറുമായ അബ്​ദുൽ മാലിക്​ തെരുവത്തുമായി വിഷയം പങ്കിട്ടതോടെ കട്ട സപ്പോർട്ടും കിട്ടി. അങ്ങനെ​ ഭർത്താവിന്‍റെയും മക്കളുടെയും പേരുകളിലെ ആദ്യാക്ഷരങ്ങൾ കൂട്ടിവെച്ച്​ ആർ4എം എന്ന ചാനലിന്​ തുടക്കമിട്ടു.

മികച്ച പ്രതികരണമാണ്​ ചാനലിന്​ ലഭിച്ചിരുന്നത്​. ഇതിനിടയിലാണ്​ മക്കളുടെ ജീവിതത്തിലെ സുന്ദര നിമിഷങ്ങൾ പങ്കുവെക്കാനായി മൂന്നു മാസം മുമ്പ്​ ആർ4എം എന്ന ഇൻസ്റ്റാഗ്രാം പേജ്​ ആരംഭിക്കുന്നത്​​.​ കുഞ്ഞുമകൾ മറിയം മിൻസ മാലികിന്‍റെ ഒരു കുഞ്ഞു വിഡിയോ ആയിരുന്നു ആദ്യം പോസ്റ്റ്​ ചെയ്തത്​​​.

കെ.ജി2 കുട്ടികളെ ആകർഷിക്കുന്ന അക്കങ്ങളുമായി ബന്ധപ്പെട്ടതും അൺബോക്സിങ്​ വിഡിയോകളുമായിരുന്നു ഇതിൽ ഏറെയും​. ഇത്​ ശ്രദ്ധിക്കപ്പെടാൻ തുടങ്ങിയതോടെ സഹോദരങ്ങൾ രണ്ടു പേരുടെയും വിഡിയോകളും അപ്​ ലോഡ്​ ചെയ്യാൻ തുടങ്ങി. ഇത്​ ശ്രദ്ധ നേടിയതോടെയാണ്​ യു ട്യൂബ്​ ചാനലിന്​ തുടക്കമിടുന്നത്​. പിന്നീടാണ്​ ചാനലിന്‍റെ പേര്​​ ‘സിബ്ലിങ്​ ഡെസ്റ്റിനി’ എന്നാക്കുന്നത്​.

കാസർഗോഡ്​ ജില്ലയിലെ തെരുവത്ത്​ ഗ്രാമത്തിൽനിന്ന്​ 15 വർഷം മുമ്പാണ്​ അബ്​ദുൽ മാലിക്​ ദുബൈയി​ലെത്തുന്നത്​. മക്കൾ മൂവരും ജനിച്ചതും ദുബൈയിലാണ്​. ഇപ്പോൾ കുടുംബം ഷാർജയിലാണ്​ താമസം. യു.എ.ഇയിലെ മികച്ച പശ്ചാത്തല സൗകര്യമാണ്​ കുട്ടികളിലെ കഴിവുകളെ സമ്പുഷ്ടമാക്കിയതെന്നാണ്​ മാലികിന്‍റെ സാക്ഷ്യപ്പെടുത്തൽ.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:viral sibilings
News Summary - viral sibilings
Next Story