മ​ല​യാ​ള​ത്തി​ൽ പ്രജാപതിയാണ് യു.പിക്കാരി ശ്രുതി

പെ​രി​ന്ത​ൽ​മ​ണ്ണ: പ്രൈ​മ​റി ക്ലാ​സു​ക​ളി​ൽ ഇ​ത​ര സം​സ്ഥാ​ന​ക്കാ​രാ​യ തൊ​ഴി​ലാ​ളി​ക​ളു​ടെ മ​ക്ക​ൾ ഏ​റി​യും കു​റ​ഞ്ഞും ഉ​ണ്ടെ​ങ്കി​ലും വാ​യ​ന മ​ത്സ​ര​ത്തി​ലും കൈ​യെ​ഴു​ത്തി​ലും മി​ക​വു കാ​ട്ടി ശ്ര​ദ്ധേ​യ​യാ​വു​ക​യാ​ണ് യു.​പി സ്വ​ദേ​ശി​ക​ളു​ടെ മ​ക​ൾ നാ​ലാം ക്ലാ​സു​കാ​രി ശ്രു​തി പ്ര​ജാ​പ​തി. പെ​രി​ന്ത​ൽ​മ​ണ്ണ വെ​സ്റ്റ് (മ​ണ്ടോ​ടി) ജി.​എ​ൽ.​പി സ്കൂ​ളി​ലാ​ണ് ശ്രു​തി​യും അ​നി​യ​ത്തി ശ്രേ​യ​യും.

പ​ഠ​ന മി​ക​വി​ന് കാ​ഷ് പ്രൈ​സി​നും ശ്രു​തി​യെ തെ​ര​ഞ്ഞെ​ടു​ത്തി​ട്ടു​ണ്ട്. മാ​തൃ​ഭാ​ഷ​യാ​യ ഹി​ന്ദി​യേ​ക്കാ​ൾ മി​ക​വു പു​ല​ർ​ത്തി​യാ​ണി​വ​ർ മ​ല​യാ​ളം പ​ഠി​ക്കു​ന്ന​തെ​ന്ന് അ​ധ്യാ​പി​ക​യും എ​ഴു​ത്തു​കാ​രി​യു​മാ​യ ബി​ന്ദു പ​രി​യാ​പു​ര​ത്ത് പ​റ​യു​ന്നു. ഈ ​വ​ർ​ഷ​ത്തെ വാ​യ​ന പ​ക്ഷാ​ച​ര​ണ​വു​മാ​യി ബ​ന്ധ​പ്പെ​ട്ട് ന​ട​ത്തി​യ വാ​യ​ന​മ​ത്സ​ത്തി​ലും കൈ​യെ​ഴു​ത്തു മ​ത്സ​ര​ത്തി​ലു​മാ​ണ് ശ്രു​തി പ്ര​ജാ​പ​തി മ​ല​യാ​ളി കു​ട്ടി​ക​ളേ​ക്കാ​ൾ മി​ക​വു പു​ല​ർ​ത്തി​യ​ത്.

ഇ​ത​ര സം​സ്ഥാ​ന​ക്കാ​രാ​യി 13 കു​ട്ടി​ക​ളു​ണ്ടി​വി​ടെ. ഇ​തി​ൽ നാ​ലു​പേ​ർ ശ​രാ​ശ​രി​യേ​ക്കാ​ൾ മു​കളിലാണ്. പെ​രി​ന്ത​ൽ​മ​ണ്ണ ന​ഗ​ര​സ​ഭ പ​രി​ധി​യി​ലെ മി​ക്ക പ്രൈ​മ​റി സ്കൂ​ളു​ക​ളി​ലും മ​ല​യാ​ളി​ക​ള​ല്ലാ​ത്ത കു​ട്ടി​ക​ളു​ണ്ട്. സെ​ൻ​ട്ര​ൽ ജി.​എ​ൽ.​പി സ്കൂ​ളി​ലും പാ​താ​യ്ക്ക​ര എ.​യു.​പി സ്കൂ​ളി​ലും 15ലേ​റെ വീ​തം കു​ട്ടി​ക​ളു​ണ്ട്. ഇ​ത​ര​സം​സ്ഥാ​ന തൊ​ഴി​ലാ​ളി​ക​ളു​ടെ കു​ട്ടി​ക​ൾ​ക്ക് പ​ഠ​ന സൗ​ക​ര്യ​ങ്ങ​ൾ പ​ര​മാ​വ​ധി ഏ​ർ​പ്പെ​ടു​ത്ത​ണ​മെ​ന്നാ​ണ് വി​ദ്യാ​ഭ്യാ​സ വ​കു​പ്പ് ന​ൽ​കി​യ നി​ർ​ദേ​ശം.