യൂ ​ട്യൂ​ബ് ഗു​രു​വാ​യി; ചി​റ​ക​ടി​ച്ചു​യ​ർ​ന്ന് പ്ര​സി​ന്തി​ന്റെ ഡ്രോ​ൺ

കാ​ഞ്ഞാ​ണി: യൂ ​ട്യൂ​ബ് ഗു​രു​വാ​യ​തോ​ടെ പ്ര​സി​ന്തി​ന്റെ മോ​ഹ​ങ്ങ​ൾ ചി​റ​കു​വി​ട​ർ​ത്തി ഡ്രോ​ൺ രൂ​പ​ത്തി​ൽ ആ​കാ​ശ​ത്തി​ൽ പ​റ​ന്നു​യ​ർ​ന്നു. കാ​ഞ്ഞാ​ണി മ​ണ​ലൂ​ർ സ്വ​ദേ​ശി​യും ഭാ​ര​തീ​യ വി​ദ്യാ​മ​ന്ദി​റി​ലെ ഏ​ഴാം ക്ലാ​സ് വി​ദ്യാ​ർ​ഥി​യു​മാ​യ പ്ര​സി​ന്തി​ന് ഡ്രോ​ൺ നി​ർ​മാ​ണം കു​ട്ടി​ക്ക​ളി​യ​ല്ല.

യൂ ​ട്യൂ​ബി​ൽ​നി​ന്ന് ഡ്രോ​ൺ നി​ർ​മി​ക്കു​ന്ന വി​ദ്യ സൂ​ക്ഷ്മ​ത​യോ​ടെ നോ​ക്കി​ക്ക​ണ്ടു പ​ഠി​ക്കു​ക​യും അ​തി​നു​വേ​ണ്ട സാ​മ​ഗ്രി​ക​ൾ വാ​ങ്ങി​ച്ച് അ​സം​ബി​ൾ ചെ​യ്യു​ക​യും ചെ​യ്ത​പ്പോ​ൾ കൊ​ച്ചു​മ​ന​സ്സി​ൽ മൊ​ട്ടി​ട്ട ആ​ഗ്ര​ഹ​ങ്ങ​ൾ ചി​റ​കു​വി​ട​ർ​ത്തി പ​റ​ന്നു. മ​ണ​ലൂ​ർ ബാ​ങ്ക് സെൻറ​റി​നു സ​മീ​പം റി​ട്ട. കെ.​എ​സ്.​ഇ.​ബി ജീ​വ​ന​ക്കാ​ര​നാ​യ കാ​ട്ടി​ക്കോ​വി​ൽ പ്ര​കാ​ശ​ന്റെ​യും ഭാ​ര്യ സു​ന​ന്ദ​യു​ടെ ര​ണ്ടു മ​ക്ക​ളി​ൽ ഇ​ള​യ​വ​നാ​ണ് പ്ര​സി​ന്ത്.

ഡ്രോ​ൺ നി​ർ​മി​തി​ക്കാ​വ​ശ്യ​മാ​യ ഇ​ല​ക്ട്രോ​ണി​ക് ഉ​പ​ക​ര​ണ​ങ്ങ​ളും പ​റ​പ്പി​ക്കാ​നു​ള്ള പ്രൊ​പ്പ​ല്ല​റു​ക​ളും ഇ​തു നി​യ​ന്ത്രി​ക്കു​ന്ന​തി​നു​ള്ള റി​മോ​ട്ട് നി​ർ​മാ​ണ​ത്തി​നു​ള്ള സാ​മ​ഗ്രി​ക​ളു​മെ​ല്ലാം ഈ ​കൊ​ച്ചു മി​ടു​ക്ക​ൻ ത​ന്നെ​യാ​ണ് സൂ​ക്ഷ്മ​ത​യോ​ടെ നി​ർ​മി​ച്ച​ത്. ഏ​ക​ദേ​ശം 3000 രൂ​പ​യോ​ളം ചെ​ല​വി​ട്ട ചെ​റി​യ ഡ്രോ​ണാ​ണ് രൂ​പ​ക​ൽ​പ​ന ന​ട​ത്തി​യ​ത്. ന​ല്ലൊ​രു ചി​ത്ര​കാ​ര​ൻ കൂ​ടി​യാ​ണ് പ്ര​സി​ന്ത്. ബി.​ഡി.​എ​സ് വി​ദ്യാ​ർ​ഥി​യാ​യ പ്ര​ണ​വ് സ​ഹോ​ദ​ര​നാ​ണ്.