2.75 കോടിയുടെ സ്​കോളർഷിപ് നേടി ഷാജില സലിമും ഷെറിൻ സൂസൻ ചെറിയാനും

കോട്ടയം: 2.75 കോടിയുടെ സ്കോളർഷിപ് നേടി സി.എം.എസ് കോളജിലെ ഗവേഷണ വിദ്യാർഥികൾ. രസതന്ത്ര വിഭാഗം ഗവേഷണ വിദ്യാർഥികളായ ഷാജില സലിം, ഷെറിൻ സൂസൻ ചെറിയാൻ എന്നിവരാണ്​ അമേരിക്കയിലെ ടെന്നീസി സർവകലാശാലയിൽ ആർട്ടിഫിഷൽ ഇന്‍റലിജൻസ് മേഖലയിൽ ഡോക്ടറൽ ഗവേഷണത്തിന്​ സ്കോളർഷിപ് നേടിയത്.

രസതന്ത്ര വിഭാഗം അസി. പ്രഫസറായ ഡോ. വിബിൻ ഐപ് തോമസിന് കീഴിൽ ഒരു വർഷമായി ആർട്ടിഫിഷൽ ഇന്‍റലിജൻസ് മേഖലയിൽ ഗവേഷണം നടത്തി വരുകയായിരുന്നു ഇവർ. ഫ്രാൻ‌സിൽ നടന്ന ഫ്രഞ്ച് കെമിക്കൽ സൊസൈറ്റി കോൺഫറൻസിലും ഇവർ പ്രബന്ധം അവതരിപ്പിച്ചിട്ടുണ്ട്.