പ്രണയസാഫല്യം; അതിജീവനത്തിൽ ഒന്നിച്ച് യൂനുസും ഫാത്തിമയും

തി​രൂ​ർ: അ​തി​ജീ​വ​ന പോ​രാ​ട്ട​ങ്ങ​ൾ​ക്കി​ടെ ജീ​വി​ത​ത്തി​ന്റെ പു​തി​യ അ​ധ്യാ​യ​ത്തി​ലേ​ക്ക് ചു​വ​ടു​വെ​ച്ച് യൂ​നു​സും ഫാ​ത്തി​മ ഷ​ബാ​ന​യും. ഭി​ന്ന​ശേ​ഷി​ക്കാ​രു​ടെ ഉ​ന്ന​മ​ന​ത്തി​നാ​യി തി​രൂ​രി​ൽ പ്ര​വ​ർ​ത്തി​ക്കു​ന്ന ‘കി​ൻ​ഷി​പ്പി​’ലെ അ​ന്തേ​വാ​സി​ക​ളാ​ണ് ഞാ​യ​റാ​ഴ്ച വി​വാ​ഹി​ത​രാ​യ യൂ​നു​സും ഫാ​ത്തി​മ​യും. ഇ​രു​വ​രും ഇ​വി​ടെ വെ​ച്ചാ​ണ് ക​ണ്ടു​മു​ട്ടി​യ​തും പ്ര​ണ​യ​ത്തി​ലാ​യ​തും.

ഏ​ഴു​മാ​സ​ത്തെ പ്ര​ണ​യ​ത്തി​നു ശേ​ഷ​മാ​ണ് ഇ​വ​ർ വി​വാ​ഹ ജീ​വി​ത​ത്തി​ലേ​ക്ക് പ്ര​വേ​ശി​ച്ച​ത്. ര​ണ്ടു​പേ​രു​ടെ​യും കു​ടും​ബ​ങ്ങ​ളു​ടെ അ​നു​ഗ്ര​ഹ​വും ഒ​രു​മി​ക്ക​ലി​ന് തു​ണ​യാ​യി. കി​ൻ​ഷി​പ്പ് ഡ​യ​റ​ക്ട​ർ നാ​സ​ർ കു​റ്റൂ​ർ കി​ൻ​ഷി​പ്പി​ൽ ക​ല്യാ​ണ​പ്പ​ന്ത​ലൊ​രു​ക്കി​യാ​ണ് യൂ​നു​സി​ന്റെ​യും ഫാ​ത്തി​മ​യു​ടെ​യും ആ​ഗ്ര​ഹം സ​ഫ​ല​മാ​ക്കി​യ​ത്.

കു​ട്ടി​യാ​യി​രി​ക്കു​മ്പോ​ൾ പോ​ളി​യോ ബാ​ധി​ച്ച് ശ​രീ​രം ത​ള​ർ​ന്ന​താ​ണ് ഈ​ര​ച്ച​മ്പാ​ട്ട് യൂ​നു​സി​ന്. 34കാ​ര​നാ​യ ഇദ്ദേഹം നി​റ​മ​രു​തൂ​ർ മ​ങ്ങാ​ട് സ്വ​ദേ​ശി​യാ​ണ്. വീ​ൽ ചെ​യ​റി​ന്റെ സ​ഹാ​യ​ത്തോ​ടെ​യാ​ണ് സ​ഞ്ചാ​രം. പി​താ​വും മാ​താ​വും മ​ര​ിച്ച യൂ​നു​സി​ന് ഇ​നി കൂ​ട്ടാ​യി ഫാ​ത്തി​മ​യു​ണ്ടാ​വും.

ബി.​പി അ​ങ്ങാ​ടി​യി​ലെ ത​ച്ച​റാ​യി​ൽ ഹം​സ​യു​ടെ​യും ഷാ​ഫി​ജ​യു​ടെ​യും മ​ക​ളാ​യ 20കാ​രി ഫാ​ത്തി​മ ഏ​ഴു​മാ​സം മു​മ്പാ​ണ് കി​ൻ​ഷി​പ്പി​ൽ എ​ത്തി​യ​ത്. മാ​ന​സി​ക സം​ഘ​ർ​ഷം അ​നു​ഭ​വി​ച്ചി​രു​ന്ന ഫാ​ത്തി​മ​ക്ക് ഇ​വി​ട​ത്തെ പ​രി​ച​ര​ണ​ത്തോ​ടെ ഏ​റെ സൗ​ഖ്യം ല​ഭി​ച്ചു. തു​ട​ർ​ന്ന് കി​ൻ​ഷി​പ്പി​ൽ വ​ള​ന്റി​യ​റാ​യി.

ചെ​റി​യ പ​റ​പ്പൂ​രിലുള്ള ഫാ​ത്തി​മ​യു​ടെ പി​താ​വ് ഹം​സ​യു​ടെ നേ​തൃ​ത്വ​ത്തി​ലാ​യി​രു​ന്നു നി​ക്കാ​ഹ് ച​ട​ങ്ങു​ക​ൾ. ശ​നി​യാ​ഴ്ച കി​ൻ​ഷി​പ്പ് ഹാ​ളി​ൽ ന​ട​ന്ന വി​വാ​ഹ സ​ൽക്കാ​ര​ത്തി​ൽ നി​ര​വ​ധി പേ​രാ​ണ് പ​ങ്കാ​ളി​ക​ളാ​യ​ത്.