പൊ​തു​വി​ജ്ഞാ​ന​ത്തി​ലൂ​ടെ റെ​ക്കോ​ഡു​ക​ൾ ക​ര​സ്ഥ​മാക്കി കു​രു​ന്നു​ക​ൾ

മ​നാ​മ: പൊ​തു​വി​ജ്ഞാ​ന​ത്തി​ലൂ​ടെ റെ​ക്കോ​ഡു​ക​ൾ ക​ര​സ്ഥ​മാ​ക്കി​യ കു​രു​ന്നു​ക​ൾ ശ്ര​ദ്ധേ​യ​രാ​കു​ന്നു. ബ​ഹ്റൈ​ൻ പ്ര​വാ​സി​ക​ളാ​യ തൃ​ശൂ​ർ പീ​ച്ചി സ്വ​ദേ​ശി സു​ഭാ​ഷി​ന്റെ​യും യു​പി​ഷ​യു​ടെ​യും മ​ക്ക​ളാ​യ അ​ഞ്ച​ര വ​യ​സ്സു​കാ​രി ആ​ദ്യ ല​ക്ഷ്മി​യും ര​ണ്ട​ര വ​യ​സ്സു​കാ​രി അ​ദി​തി ല​ക്ഷ്മി​യു​മാ​ണ് ഏ​ഷ്യ​ബു​ക്ക് ഓ​ഫ് റെ​ക്കോ​ഡ്സി​ലും ഇ​ന്ത്യ ബു​ക്ക് ഓ​ഫ് റെ​ക്കോ​ഡ്സി​ലും ഇ​ടം​പി​ടി​ച്ച് അ​ത്ഭു​ത​മാ​കു​ന്ന​ത്. ബ​ഹ്റൈ​ൻ ഇ​ന്ത്യ​ൻ സ്കൂ​ളി​ൽ ഒ​ന്നാം ക്ലാ​സി​ൽ പ​ഠി​ക്കു​ന്ന ആ​ദ്യ​ല​ക്ഷ്മി ഒ​ന്ന​ര വ​യ​സ്സി​ൽ സം​സാ​രം തു​ട​ങ്ങി​യ​പ്പോ​ൾ മു​ത​ൽ വേ​ഗ​ത്തി​ൽ കാ​ര്യ​ങ്ങ​ൾ ഗ്ര​ഹി​ച്ച് ചു​റ്റു​പാ​ടും കാ​ണു​ന്ന​തും കേ​ൾ​ക്കു​ന്ന​തു​മെ​ല്ലാം അ​മ്മ​യോ​ട് ചോ​ദി​ച്ച് മ​ന​സ്സി​ലാ​ക്കാ​ൻ തു​ട​ങ്ങി.

അ​മ്മ​യോ​ടൊ​പ്പം ഒ​രു വി​ഡി​യോ ക​ണ്ട​പ്പോ​ഴാ​ണ് അ​തി​ലെ കു​ട്ടി​യെ​പ്പോ​ലെ ത​നി​ക്കും പ​ഠി​ക്ക​ണ​മെ​ന്നും വി​ഡി​യോ ചെ​യ്യ​ണ​മെ​ന്നും റെ​ക്കോ​ഡ്സി​ൽ പേ​രു​വ​ര​ണ​മെ​ന്നും ആ​ദ്യ​ല​ക്ഷ്മി അ​മ്മ​യോ​ട് പ​റ​ഞ്ഞ​ത്. മൂ​ന്നു വ​യ​സ്സു​ള്ള​പ്പോ​ൾ ഏ​ഷ്യ​ൻ രാ​ജ്യ​ങ്ങ​ളി​ലെ ഫ്ലാ​ഗു​ക​ൾ ഏ​റ്റ​വും വേ​ഗ​ത്തി​ൽ പ​റ​ഞ്ഞ​തി​നാ​ണ് ഇ​ന്ത്യ ബു​ക്ക് ഓ​ഫ് റെ​ക്കോ​ഡ്സ്, ഏ​ഷ്യ ബു​ക്ക് ഓ​ഫ് റെ​ക്കോ​ഡ്‌​സ് എ​ന്നി​വ കി​ട്ടി​യ​ത്. 195 രാ​ജ്യ​ങ്ങ​ളു​ടെ ഫ്ലാ​ഗു​ക​ൾ തി​രി​ച്ച​റി​ഞ്ഞ് അ​തി​വേ​ഗ​ത്തി​ൽ പ​റ​ഞ്ഞും ഇ​ന്ത്യ ബു​ക്ക് ഓ​ഫ് റെ​ക്കോ​ഡി​സി​ൽ ആ​ദ്യ​ല​ക്ഷ്മി ഇ​ടം നേ​ടി​യി​ട്ടു​ണ്ട്. ഇ​ത്ര​യും രാ​ജ്യ​ങ്ങ​ളു​ടെ ത​ല​സ്ഥാ​ന​ത്തി​ന്റെ പേ​രു​ക​ളും അ​റി​യാം.

പീ​രി​യോ​ഡി​ക് ടേ​ബി​ൾ, രാ​ജ്യ ത​ല​സ്ഥാ​ന​ങ്ങ​ൾ എ​ന്നി​വ​യ​ട​ക്കം നാ​ലു വ​യ​സ്സി​നി​ട​യി​ൽ കാ​ണാ​തെ പ​റ​യു​മാ​യി​രു​ന്നു. ന​ന്നാ​യി പാ​ട്ടു​പാ​ടു​ന്ന ഈ ​കൊ​ച്ചു​മി​ടു​ക്കി ക​ഥ പ​റ​ച്ചി​ൽ, ക​വി​ത ചൊ​ല്ല​ൽ, പൊ​തു​വി​ജ്ഞാ​നം, ചി​ത്ര​ര​ച​ന എ​ന്നി​വ​യി​ലും വി​രു​ത് തെ​ളി​യി​ച്ചി​ട്ടു​ണ്ട്. ആ​ദ്യ​ല​ക്ഷ്മി​യു​ടെ സ​ഹോ​ദ​രി അ​ദി​തി​ല​ക്ഷ്മി​യും ചേ​ച്ചി​യു​ടെ പാ​ത പി​ന്തു​ട​ർ​ന്ന് ഇ​ന്ത്യ ബു​ക്ക് ഓ​ഫ് റെ​ക്കോ​ഡ്സി​ൽ ഇ​ടം നേ​ടി.

ഏ​ഷ്യ​ൻ രാ​ജ്യ​ങ്ങ​ളി​ലെ ഫ്ലാ​ഗ് തി​രി​ച്ച​റി​ഞ്ഞ​തി​നാ​ണ് അ​ദി​തി ല​ക്ഷ്മി​ക്ക് ര​ണ്ടാം വ​യ​സ്സി​ൽ റെ​ക്കോ​ഡ് കി​ട്ടി​യ​ത്. ഏ​ഷ്യ​ൻ രാ​ജ്യ​ങ്ങ​ളു​ടെ ത​ല​സ്ഥാ​ന​ങ്ങ​ളും നൂ​റോ​ളം രാ​ജ്യ​ങ്ങ​ളു​ടെ പ​താ​ക​ക​ളും തി​രി​ച്ച​റി​യാ​ൻ ഈ ​മി​ടു​ക്കി​ക്ക് സാ​ധി​ക്കും. ബ​ഹ്റൈ​നി​ലെ ബെ​ഹ്സാ​ദ് മെ​ഡി​ക്ക​ൽ ക​മ്പ​നി​യി​ൽ അ​ക്കൗ​ണ്ട​ന്റ് ആ​യ സു​ഭാ​ഷും സ്വ​കാ​ര്യ സ്കൂ​ളി​ൽ അ​ധ്യാ​പി​ക​യാ​യി​രു​ന്ന യു​പി​ഷ​യും മ​ക്ക​ളു​ടെ താ​ൽ​പ​ര്യ​ങ്ങ​ൾ​ക്കും ഇ​ഷ്ട​ങ്ങ​ൾ​ക്കും അ​നു​സ​രി​ച്ച് പ്രോ​ത്സാ​ഹ​നം ന​ൽ​കു​ന്നു​ണ്ട്.