ഈ​ത്ത​പ്പ​ഴ​ത്തി​ന്റെ മ​ധു​ര​മു​ള്ള നോ​മ്പു​ക​ൾ

​ഓ​രോ നോ​മ്പ് ക​ഴി​യു​മ്പോ​ഴും ന​മ്മ​ളി​ല്‍നി​ന്നും അ​ക​ന്നു പോ​കു​ന്ന​ത് ചെ​റു​പ്പ​കാ​ല​ത്തെ നോ​മ്പി​ന്റെ മ​റ​ക്കാ​നാ​വാ​ത്ത അ​നു​ഭ​വ​ങ്ങ​ളാ​ണ്. ഇ​ന്നും ഒ​രു കു​ഞ്ഞു നോ​വാ​യി വേ​ട്ട​യാ​ടു​ന്ന ഓ​ർ​മ​ക​ളാ​ണ് കു​ട്ടി​ക്കാ​ല​ത്തെ നോ​മ്പ് ദി​ന​ങ്ങ​ൾ. ഓ​ർ​മ​ക​ളി​ൽ ആ ​നോ​മ്പു​കാ​ല​ത്തി​ന് ഈ​ത്ത​പ്പ​ഴ​ത്തി​ന്റെ മ​ധു​ര​മാ​ണ്. സ്കൂ​ളി​ല്‍ പ​ഠി​ക്കു​ന്ന കാ​ല​ത്ത് ഉ​മ്മാ​ന്റെ പി​റ​കെ കു​റെ ന​ട​ന്നു കൊ​ഞ്ചി​യാ​ലാ​ണ് നോ​മ്പ് പി​ടി​ക്കാ​ന്‍ സ​മ്മ​തി​ക്കു​ക. കാ​ര​ണം വേ​റൊ​ന്നു​മ​ല്ല, നോ​മ്പു​ള്ള ദി​വ​സം വെ​യി​ല​ത്ത് ഗ്രൗ​ണ്ടി​ലൂ​ടേ​യും വ​ഴി​ക​ളി​ലൂ​ടേ​യു​മൊ​ക്കെ ഓ​ടി​ക്ക​ളി​ച്ച് വൈ​കു​ന്നേ​രം ക്ഷീ​ണി​ച്ചാ​യി​രി​ക്കും വീ​ട്ടി​ല്‍ തി​രി​ച്ചെ​ത്തു​ന്ന​ത്. വീ​ട്ടി​ലെ​ത്തി​യാ​ലാ​ണ് ആ ​ക്ഷീ​ണം തി​രി​ച്ച​റി​യു​ന്ന​തെ​ന്ന് മാ​ത്രം. പി​ന്നെ വി​ശ​പ്പ് സ​ഹി​ക്കാ​ന്‍ ക​ഴി​യാ​തെ​യു​ള്ള ക​ര​ച്ചി​ൽ തു​ട​ങ്ങും. നോ​മ്പ് മു​റി​ക്ക​ട്ടെ എ​ന്ന് ചോ​ദി​ച്ച് അ​ടു​ക​ള​യി​ൽ നോ​മ്പു​തു​റ​ക്കു​ള്ള വി​ഭ​വ​ങ്ങ​ളു​ണ്ടാ​ക്കു​ന്ന ഉ​മ്മാ​ന്റെ പി​റ​കെ ന​ട​ക്കും. ബാ​ങ്കു​കൊ​ടു​ക്കാ​ൻ നേ​ര​ത്താ​വും ഈ ​ക​ര​ച്ചി​ൽ എ​ന്നാ​ലും ഉ​മ്മ പ​റ​യും നോ​മ്പ് മു​റി​ച്ചോ, പ​ക്ഷേ ഇ​നി നീ ​നോ​മ്പ് പി​ടി​ക്ക​ണം എ​ന്ന് പ​റ​ഞ്ഞു വാ ​അ​പ്പൊ ത​രാം ബാ​ക്കി​ന്ന്. അ​ങ്ങ​നെ അ​ര നോ​മ്പു​ക​ളും മു​ക്കാ​ൽ നോ​മ്പു​ക​ളു​മാ​യാ​ണ് നോ​മ്പെ​ടു​ക്കാ​ൻ തു​ട​ങ്ങു​ന്ന​ത്.

നോ​മ്പ് പി​ടി​ക്കു​ന്ന​തി​നു പി​ന്നി​ല്‍ വേ​റെ ഒ​രു കാ​ര്യം കൂ​ടി​യു​ണ്ടാ​യി​രു​ന്നു അ​ന്ന്. ഉ​ച്ച​ക്ക് മ​റ്റു​ള്ള കു​ട്ടി​ക​ൾ സ്കൂ​ളി​ൽ ചോ​റ് ക​ഴി​ക്കു​മ്പോ​ള്‍ ന​മ്മ​ൾ ഇ​ങ്ങ​നെ ഗ​മ​യി​ൽ മ​സി​ലും പി​ടി​ച്ചു ന​ട​ക്കും, അ​ത് ക​ണ്ടു ചോ​ദി​ക്കു​ന്ന​വ​രോ​ട് നോ​മ്പാ​ണെ​ന്ന് പ​റ​യാ​ന്‍ ത​ന്നെ ഒ​രു പ്ര​ത്യേ​ക സു​ഖ​മാ​ണ്.

അ​വ​ധി ദി​വ​സ​ങ്ങ​ളി​ല്‍ നോ​മ്പ് പി​ടി​ച്ച ശേ​ഷം രാ​വി​ലെ ത​ന്നെ ക​ളി​ക്കാ​ന്‍ പോ​കും. പി​ന്നെ പ​റ​യ​ണോ കു​റ​ച്ചു ക​ഴി​ഞ്ഞു വാ​യി​ല്‍ തു​പ്പ​ലി​നു പ​ക​രം കു​റ​ച്ചു പ​ത മാ​ത്ര​മേ ഉ​ണ്ടാ​വൂ. അ​ത്താ​ഴ​ത്തി​ന് ക​ഴി​ച്ച ചോ​റും മീ​ൻ ക​റി​യും നേ​ന്ത്ര​പ്പ​ഴോം എ​പ്പോ​ഴേ ആ​വി​യാ​യി​ട്ടു​ണ്ടാ​വും. സ​ക​ല പി​ടി​യും വി​ട്ടു വീ​ട്ടി​ലേ​ക്ക് ക​യ​റി വ​രു​മ്പോ​ള്‍ ഉ​മ്മ​യു​ടെ വ​ക ചീ​ത്ത പ​റ​ച്ചി​ലും പേ​ടി​പ്പി​ക്ക​ലും കാ​ത്തു നി​ല്‍പ്പു​ണ്ടാ​വും. എ​ന്നാ​ലും നോ​മ്പു​കാ​ലം അ​ന്ന് ര​സ​മു​ള്ള കാ​ല​മാ​യി​രു​ന്നു.

നോ​മ്പും പെ​രു​ന്നാ​ളും ഒ​ക്കെ ക​ഴി​ഞ്ഞ് മ​ദ്​​റ​സ തു​റ​ന്നാ​ൽ ഉ​സ്താ​ദ് ചോ​ദി​ക്കും ആ​രാ കൂ​ടു​ത​ൽ നോ​മ്പെ​ടു​ത്ത​ത്?.. എ​ത്ര നോ​മ്പെ​ടു​ത്തു എ​ന്നൊ​ക്കെ?..​അ​ന്ന് എ​ല്ലാ​വ​രു​ടെ മു​ന്നി​ലും എ​ഴു​ന്നേ​റ്റ് നി​ന്ന് ഞാ​ൻ മു​പ്പ​തും എ​ടു​ത്തു ഉ​സ്താ​ദേ എ​ന്ന് പ​റ​യു​ന്ന​തും വ​ലി​യ ഗ​മ​യാ​യി​രു​ന്നു. കു​റെ ക​ഷ്ട​പ്പാടും ദാ​രി​ദ്ര്യ​വും ഉ​ണ്ടാ​യി​രു​ന്നെ​ങ്കി​ലും നോ​മ്പി​ന്റെ മൂ​ല്യ​ത്തെ പ​ഠി​ച്ച​തും അ​റി​ഞ്ഞ​തും കു​ട്ടി​ക്കാ​ല​ത്താ​ണ്. അ​ന്ന് റ​മ​ദാ​ൻ ആ​ഘോ​ഷ​മാ​യി​രു​ന്നു. നോ​മ്പും നി​സ്കാ​ര​ങ്ങ​ളും ദാ​ന​ധ​ർ​മ​ങ്ങ​ളും നി​ർ​വ​ഹി​ച്ചും ഖു​ർ​ആ​ൻ പ​ഠി​ച്ചും ഓ​തി​യും ഹ​ദീ​സു​ക​ൾ വാ​യി​ച്ചും പ​ഠി​ച്ചും കേ​ട്ടും, അ​യ​ൽ​പ​ക്ക കു​ടും​ബ ബ​ന്ധ​ങ്ങ​ൾ ന​ന്നാ​ക്കി​യും റ​മ​ദാ​ൻ ആ​ഘോ​ഷ​മാ​ക്കു​ന്ന​വ​രാ​യി​രു​ന്നു ചു​റ്റു​മു​ള്ള​വ​ർ. ഇ​ന്നും ഓ​ർ​ക്കു​മ്പോ​ൾ മ​ന​സ്സി​ൽ കു​ളി​ര​ണി​യി​ക്കു​ന്ന ന​ല്ല കാ​ലം.

ഇ​ബ്രാ​ഹിം ഒ​റ്റ​പ്പാ​ലം,
ക​ൺ​വീ​ന​ർ, ഇ​ന്ത്യ​ൻ സോ​ഷ്യ​ൽ ക്ല​ബ്
മ​ല​ബാ​ർ​വി​ങ്