അബൂദബി ഹിന്ദു ക്ഷേത്ര ഉ​ദ്​​ഘാ​ട​നത്തിനെത്തിയ സ്വാമി മഹാരാജിന് വൻ വരവേൽപ്പ്

അ​ബൂ​ദ​ബി: ആദ്യ ഹിന്ദു ക്ഷേത്രത്തിന്‍റെ ഉ​ദ്​​ഘാ​ട​നത്തിൽ പങ്കെടുക്കാനെത്തിയ ബാപ്സ് സ്വാമിനാരായണ്‍ സന്‍സ്തയുടെ ആത്മീയ നേതാവ് മഹന്ത് സ്വാമി മഹാരാജിന് അബൂദബിയിൽ വൻ വരവേൽപ്പ്. രാഷ്ട്രത്തിന്‍റെ അതിഥിയായാണ് സ്വാമി മഹാരാജ് അബൂദബിയിൽ എത്തിയത്. യു.എ.ഇ സഹിഷ്ണുത മന്ത്രി ശൈഖ് നഹ്യാന്‍ മുബാറക്ക് ആല്‍ നഹ്യാന്‍ അബൂദബി വിമാനത്താവളത്തിൽ സ്വാമി മഹാരാജിനെ സ്വീകരിച്ചു.

'യു.എ.ഇയിലേക്ക് സ്വാഗതം. താങ്കളുടെ സാന്നിധ്യത്താൽ ഞങ്ങളുടെ രാഷ്ട്രം അനുഗ്രഹീതമാണ്. നിങ്ങളുടെ ദയ ഞങ്ങളെ സ്പർശിക്കുന്നു, നിങ്ങളുടെ പ്രാർഥന ഞങ്ങൾ അനുഭവിക്കുന്നു'-യു.എ.ഇ മന്ത്രി വ്യക്തമാക്കി. 'നിങ്ങളുടെ സ്നേഹവും ആദരവും ഞങ്ങളെ സ്പർശിക്കുന്നു. യു.എ.ഇയിലെ നേതാക്കൾ മികച്ചവരും നല്ലവരും വിശാല ഹൃദയരുമാണ്' -സ്വാമി മഹാരാജ് മറുപടി നൽകി.

ഫെ​ബ്രു​വ​രി 14നാണ് യു.​എ.​ഇ​യി​ലെ ആ​ദ്യ​ത്തെ പ​ര​മ്പ​രാ​ഗ​ത രീ​തി​യി​ലു​ള്ള ഹി​ന്ദു​ ക്ഷേ​ത്ര​ത്തി​ന്‍റെ ഉ​ദ്​​ഘാ​ട​ന​ച​ട​ങ്ങ്​ ഭ​ര​ണ, ആ​ത്മീ​യ മേ​ഖ​ല​ക​ളി​ലെ പ്ര​മു​ഖ​രു​ടെ സാ​ന്നി​ധ്യ​ത്തി​ലാ​ണ്​ അ​ര​ങ്ങേ​റു​ന്ന​ത്. രാ​വി​ലെ മു​ത​ൽ ആ​രം​ഭി​ക്കു​ന്ന ച​ട​ങ്ങി​ൽ പൂ​ജ ച​ട​ങ്ങു​ക​ളോ​ടെ ഏ​ഴ്​ ആ​രാ​ധ​ന മൂ​ർ​ത്തി​ക​ളെ പ്ര​തി​ഷ്​​ഠി​ക്കും. വൈ​കു​ന്നേ​ര​ത്തെ ച​ട​ങ്ങി​ലാ​ണ്​ പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​ടെ സാ​ന്നി​ധ്യ​ത്തി​ൽ ക്ഷേ​ത്ര​ത്തി​ന്‍റെ സ​മ​ർ​പ്പ​ണ​ച​ട​ങ്ങ്​ ന​ട​ക്കു​ക.

അ​ബൂ​ദ​ബി​യി​ൽ​ നി​ന്ന്​ ദു​ബൈ​യി​ലേ​ക്കു​ള്ള പ്ര​ധാ​ന പാ​ത​ക്ക്​ സ​മീ​പ​ത്താ​യി അ​ബൂ മു​രീ​ഖ പ്ര​ദേ​ശ​ത്താ​ണ്​ ക്ഷേ​ത്രം ഉ​യ​രു​ന്ന​ത്. ഇ​ന്ത്യ​യി​ൽ​ നി​ന്നെ​ത്തി​ച്ച വെ​ളു​ത്ത​തും കാ​വി നി​റ​ത്തി​ലു​ള്ള​തു​മാ​യ മാ​ർ​ബി​ളു​ക​ളാ​ണ്​ നി​ർ​മാ​ണ​ത്തി​ന്​ പ്ര​ധാ​ന​മാ​യും ഉ​പ​യോ​ഗി​ക്കു​ന്ന​ത്. ക്ഷേ​ത്ര​ത്തി​ന്‍റെ ചു​വ​രു​ക​ളി​ൽ വി​ദ​ഗ്​​ധ​രാ​യ ക​ര​കൗ​ശ​ല തൊ​ഴി​ലാ​ളി​ക​ളു​ടെ നേ​തൃ​ത്വ​ത്തി​ലാ​ണ്​ കൊ​ത്തു​പ​ണി​ക​ൾ ചെ​യ്ത​ത്. ഉ​ദ്​​ഘ​ട​ന​ത്തി​നു ​​ശേ​ഷം ഫെ​ബ്രു​വ​രി 18 മു​ത​ലാ​ണ്​ പൊ​തു​ജ​ന​ങ്ങ​ൾ​ക്ക്​ പ്ര​വേ​ശ​നം അ​നു​വ​ദി​ക്കു​ക.

1997 ഏപ്രിലില്‍ യു.എ.ഇ സന്ദര്‍ശിച്ച സ്വാമി മഹാരാജ് ആണ് അബൂദബിയില്‍ ക്ഷേത്രം നിര്‍മിക്കണമെന്ന ആഗ്രഹം പ്രകടിപ്പിച്ചത്. 2015 ആഗസ്തിലാണ് യു.എ.ഇ സര്‍ക്കാര്‍ അബൂദബിയില്‍ ക്ഷേത്രം നിര്‍മിക്കാന്‍ ഭൂമി അനുവദിച്ചത്. യു.എ.ഇ സന്ദര്‍ശിച്ച പ്രധാനമന്ത്രി നരേന്ദ്ര മോദിക്കാണ് അന്നത്തെ അബൂദബി കിരീടാവകാശിയും ഇപ്പോഴത്തെ പ്രസിഡന്‍റുമായ ശൈഖ് മുഹമ്മദ് ഭൂമി കൈമാറിയത്.

2018ല്‍ ബാപ്സ് പ്രതിനിധികള്‍ പ്രധാനമന്ത്രി മോദിക്കൊപ്പം ശൈഖ് മുഹമ്മദിനെ പ്രസിഡന്‍ഷ്യല്‍ കൊട്ടാരത്തിലെത്തി കാണുകയും ക്ഷേത്രത്തിന്‍റെ രണ്ടു പ്ലാനുകള്‍ കാണിക്കുകയും ചെയ്തു. ഇതിൽ നിന്ന്​ ഏറ്റവും മികച്ച ശിലാക്ഷേത്ര നിര്‍മിതി മാതൃകയാണ് ശൈഖ് മുഹമ്മദ് തിരഞ്ഞെടുത്തത്​. 13.5 ഏക്കര്‍ ഭൂമിയാണ് ക്ഷേത്ര നിര്‍മാണത്തിന് കൈമാറിയത്. പാര്‍ക്കിങ് സൗകര്യമേര്‍പ്പെടുത്താന്‍ 13.5 ഏക്കര്‍ കൂടി പിന്നീട് അനുവദിച്ചു.