ശബരിമല: പടിപൂജ ബുക്കിങ്​ 2039 വരെ പൂർത്തിയായി; ബുക്ക് ചെയ്യുന്ന തുകയിൽ വർധനവുണ്ടായാൽ വഴിപാടുകാർ അടക്കണം

ശബരിമല: ശബരിമലയിലെ പ്രധാന വഴിപാടായ പടിപൂജയുടെ ബുക്കിങ്​ 2039 വരെ പൂർത്തിയായി. 1,37,900 രൂപയാണ് പടിപൂജയുടെ നിരക്ക്. 2039 ഏപ്രിൽ വരെയുള്ള ബുക്കിങ്​ ആണ് പൂർത്തിയായിരിക്കുന്നത്.

പടിപൂജ നടത്തുന്ന സമയത്ത് ബുക്ക് ചെയ്യുന്ന തുകയിൽ നിന്ന്​ വർധന ഉണ്ടായാൽ അത് വഴിപാടുകാർ അടക്കേണ്ടി വരും. മണ്ഡല - മകരവിളക്ക് കാലത്തെ തിരക്ക് പരിഗണിച്ച് ഈ കാലയളവിൽ പടിപൂജ ഒഴിവാക്കിയിരിക്കുകയാണ്.

പകരം മകരവിളക്കിന് ശേഷമുള്ള നാല് ദിവസങ്ങളിലും മാസ പൂജാവേളയിലുമാണ് പടിപൂജ നടത്തുന്നത്.