മകരവിളക്ക്; സുരക്ഷാ ക്രമീകരണം പൂര്‍ത്തിയായി

ഇ​ടു​ക്കി: ശ​ബ​രി​മ​ല മ​ക​ര​വി​ള​ക്ക് മ​ഹോ​ത്സ​വ​ത്തി​നോ​ട് അ​നു​ബ​ന്ധി​ച്ച് ജി​ല്ല​യി​ല്‍ ഒ​രു​ക്കം പൂ​ര്‍ത്തി​യാ​യ​താ​യി ക​ല​ക്ട​ര്‍ ഡോ. ​ദി​നേ​ശ​ന്‍ ചെ​റു​വാ​ട്ട് അ​റി​യി​ച്ചു. സു​ര​ക്ഷ ഉ​റ​പ്പു​വ​രു​ത്താ​ന്‍ 1500ല്‍ ​അ​ധി​കം പൊ​ലീ​സു​കാ​രെ വി​ന്യ​സി​ച്ചി​ട്ടു​ണ്ട്. ഗ​താ​ഗ​ത നി​യ​ന്ത്ര​ണം, അ​ടി​യ​ന്ത​ര സേ​വ​നം, ശു​ചി​ത്വം, ആ​രോ​ഗ്യ സൗ​ക​ര്യ​ങ്ങ​ള്‍, കു​ടി​വെ​ള്ളം എ​ന്നി​വ വി​വി​ധ വ​കു​പ്പു​ക​ളു​ടെ സ​ഹ​ക​ര​ണ​ത്തോ​ടെ ഉ​റ​പ്പാ​ക്കി.

ഗ​താ​ഗ​ത​ത്തി​ര​ക്ക് നി​യ​ന്ത്രി​ക്കാ​ന്‍ കു​മ​ളി, ക​മ്പം​മെ​ട്ട് പാ​ത​ക​ളി​ല്‍ കൂ​ടു​ത​ല്‍ പൊ​ലീ​സി​നെ നി​യോ​ഗി​ച്ചി​ട്ടു​ണ്ട്. പു​ല്ലു​മേ​ട്ടി​ലും കൂ​ടു​ത​ല്‍ ഉ​ദ്യോ​ഗ​സ്ഥ​രെ വി​ന്യ​സി​ച്ചു. റ​വ​ന്യു വ​കു​പ്പി​ന്റെ സ​ഹ​ക​ര​ണ​ത്തോ​ടെ അ​ക്‌​സ ലൈ​റ്റു​ക​ള്‍ സ്ഥാ​പി​ച്ചി​ട്ടു​ണ്ട്. കോ​ഴി​ക്കാ​നം, പു​ല്ലു​മേ​ട് ഭാ​ഗ​ത്ത് പൊ​ലീ​സ് എ​യ്ഡ് പോ​സ്റ്റ് സ്ഥാ​പി​ച്ചു.

കാ​ന​ന പാ​ത​യി​ല്‍ ഓ​രോ കി​ലോ​മീ​റ്റ​റി​ലും പോ​യ​ന്റ് ഡ്യൂ​ട്ടി​ക്കാ​യി വ​നം വ​കു​പ്പ് ഉ​ദ്യോ​ഗ​സ്ഥ​രെ നി​യോ​ഗി​ച്ചു. അ​പ​ക​ട​ക​ര​മാ​യ സ്ഥ​ല​ങ്ങ​ളി​ല്‍ ഉ​റ​പ്പു​ള്ള ബാ​രി​ക്കേ​ഡ് സ്ഥാ​പി​ച്ചു. കു​മ​ളി, വ​ണ്ടി​പ്പെ​രി​യാ​ര്‍ എ​ന്നി​വി​ട​ങ്ങ​ളി​ല്‍ ക​ണ്‍ട്രോ​ള്‍ റൂം ​തു​റ​ന്നു. മ​ക​ര​വി​ള​ക്ക് ദി​വ​സം കു​മ​ളി-​കോ​ഴി​ക്കാ​നം റൂ​ട്ടി​ല്‍ രാ​വി​ലെ ആ​റു മു​ത​ല്‍ കെ.​എ​സ്.​ആ​ര്‍.​ടി.​സി പ്ര​ത്യേ​ക സ​ര്‍വി​സ് ന​ട​ത്തും. വി​വി​ധ വ​കു​പ്പു​ക​ളു​ടെ വാ​ഹ​ന​ങ്ങ​ള്‍ പാ​ര്‍ക്ക് ചെ​യ്യു​ന്ന​തി​ന് പ്ര​ത്യേ​ക പാ​ര്‍ക്കി​ങ് സൗ​ക​ര്യം ഉ​റ​പ്പാ​ക്കി​യി​ട്ടു​ണ്ട്.