രക്ഷകനുമായി സൈക്കിളിലേറി മോഹനൻ ശബരിമലയിലേക്ക്

നീ​ലേ​ശ്വ​രം: ‘ഒ​രു​പ​ക്ഷേ അ​ന്ന് കു​ള​ത്തി​ന്റെ പ​ട​വു​ക​ളി​ൽ അ​റി​യാ​തെ കാ​ലെ​ടു​ത്തു വെ​ച്ചി​രു​ന്നു​വെ​ങ്കി​ൽ ഇ​ന്നീ ഭൂ​മു​ഖ​ത്ത് ഞാ​നു​ണ്ടാ​കു​മാ​യി​രു​ന്നി​ല്ല. പ​ട​വു​ക​ളി​ൽ കാ​ലെ​ടു​ത്തു​വെ​ക്കു​ന്ന​തി​ന് നി​മി​ഷ​ങ്ങ​ൾ​ക്കുമു​മ്പ് പാ​മ്പി​നുനേ​രെ മ​ണി​ക​ണ്ഠ​ൻ നാ​യ്​ ചാ​ടി​യി​ല്ലാ​യി​രു​ന്നു​വെ​ങ്കി​ൽ ഇ​ന്നെ​നി​ക്ക് അ​യ്യ​പ്പ സ​ന്നി​ധി​യി​ലേ​ക്കെ​ത്താ​ൻ സാ​ധി​ക്കു​മാ​യി​രു​ന്നി​ല്ല’. തി​രു​വ​ന​ന്ത​പു​രം സ്വ​ദേ​ശി​യും ക​ഴി​ഞ്ഞ 36 വ​ർ​ഷ​മാ​യി നീ​ലേ​ശ്വ​ര​ത്ത് താ​മ​സി​ച്ച് നി​ർ​മാ​ണ മേ​ഖ​ല​യി​ൽ പ​ണി​യെ​ടു​ക്കു​ന്ന തൊ​ഴി​ലാ​ളി​യു​മാ​യ മോ​ഹ​ന​ന്റെ വാ​ക്കു​ക​ളാ​ണി​ത്.

വ്ര​തം നോ​റ്റ് മാ​ല​യി​ട്ട് മ​ക​ര വി​ള​ക്ക് ദ​ർ​ശി​ക്കാ​ൻ ത​ന്റെ സ്ഥി​രം വാ​ഹ​ന​മാ​യ സൈ​ക്കി​ളി​ൽ നീ​ലേ​ശ്വ​ര​ത്തുനി​ന്ന് യാ​ത്ര പു​റ​പ്പെ​ട്ടി​രി​ക്കു​ക​യാ​ണ് മോ​ഹ​ന​ൻ. മോ​ഹ​നനൊ​പ്പം ഒ​രു നാ​യു​മു​ണ്ട്. നീ​ലേ​ശ്വ​ര​ത്തെ താ​മ​സ​ത്തി​നി​ട​യി​ൽ മാ​ർ​ക്ക​റ്റ് ജ​ങ്​​ഷ​നി​ൽ നി​ൽ​ക്കു​മ്പോ​ഴാ​ണ് വ​ർ​ഷ​ങ്ങ​ൾ​ക്കു മു​മ്പ് അ​വി​ചാ​രി​ത​മാ​യി നാ​യ്​ കൂ​ടെ കൂ​ടി​യ​ത്. അ​തി​ന് മ​ണി​ക​ണ്ഠ​ൻ എ​ന്ന് പേ​രി​ട്ടു. ത​നി​ക്ക് 24 മ​ണി​ക്കൂ​റും കൂ​ട്ടാ​യി അ​രു​മ​യോ​ടെ അ​നു​സ​രി​ച്ച് നി​ൽ​ക്കും.

രാ​വി​ലെ ബ​സ് ക​യ​റി പ​ണി​ക്ക് പോ​യാ​ൽ തി​രി​ച്ചു​വ​രു​ന്ന സ​മ​യ​ത്ത് സ്റ്റോ​പ്പി​ൽ കാ​ത്തി​രി​ക്കു​മെ​ന്നും മോ​ഹ​ന​ൻ പ​റ​യു​ന്നു. നാ​യ് ത​ന്റെ ജീ​വ​ൻ ര​ക്ഷി​ച്ച ക​ഥ​യും മോ​ഹ​ന​ന് പ​ങ്കുവെക്കാനുണ്ട്. ഒ​രു ദി​വ​സം തീ​ർ​ത്ഥ​ങ്ക​ര കു​ള​ത്തി​ൽ കു​ളി​ക്കാ​നാ​യി പ​ട​വു​ക​ൾ ക​ട​ന്ന് ഇ​റ​ങ്ങാ​ൻ കാ​ലെ​ടു​ത്ത നി​മി​ഷം മ​ണി​ക​ണ്ഠ​ൻ പ​ട​വി​ൽ പ​ത്തി​വി​ട​ർ​ത്തി​യ മൂ​ർ​ഖ​ൻ പാ​മ്പി​നു നേ​രേ ചാ​ടി​വീ​ണ് മ​ര​ണ​മു​ഖ​ത്തു​നി​ന്ന് ര​ക്ഷി​ച്ച മ​റ​ക്കാ​നാ​വാ​ത്ത സം​ഭ​വ​മാ​ണ​ത്.

ക​ഴി​ഞ്ഞ തി​ങ്ക​ളാ​ഴ്ച പു​ല​ർ​ച്ച 6.45ന് ​അ​യ്യ​പ്പ സ​ന്നി​ധി​യി​ലേ​ക്ക് നീ​ലേ​ശ്വ​ര​ത്തു​നി​ന്ന് പു​റ​പ്പെ​ട്ട​പ്പോ​ൾ മോ​ഹ​ന​ന് മ​ണി​ക​ണ്ഠ​നും കൂ​ടെ​ക്കൂ​ടി. സൈ​ക്കി​ളി​ൽ സ​ഞ്ച​രി​ക്കു​മ്പോ​ൾ മു​ന്നി​ലും പി​ന്നി​ലു​മാ​യി സം​ര​ക്ഷ​ണ ക​വ​ചം തീ​ർ​ത്ത് വ​ഴി​കാ​ട്ടി​യാ​യി കൂ​ടെ ത​ന്നെ​യു​ണ്ട്. ദി​വ​സ​വും പ​ത്ത് മ​ണി​ക്കൂ​ർ നീ​ളു​ന്ന സൈ​ക്കി​ൾ സ​ഞ്ചാ​ര​ത്തി​ന് അ​ക​മ്പ​ടി സേ​വി​ച്ചാ​ൽ നാ​യു​ടെ ഒ​രു​ദി​വ​സ​ത്തെ ഡ്യൂ​ട്ടി അ​വ​സാ​നി​ക്കും.

നീ​ലേ​ശ്വ​ര​ത്തു​നി​ന്ന് 430 കി​ലോ​മീ​റ്റ​ർ സൈ​ക്കി​ളി​ൽ സ​ഞ്ച​രി​ച്ച് പ​മ്പ പൊ​ലീ​സ് സ്റ്റേ​ഷ​നി​ൽ അ​റി​യി​ച്ച​ശേ​ഷം സൈ​ക്കി​ൾ സു​ര​ക്ഷി​ത​മാ​ക്കി​വെ​ച്ച് സ​ന്നി​ധാ​ന​ത്തേ​ക്ക് പു​റ​പ്പെ​ടാ​നാ​ണ് പ​ദ്ധ​തി. ഇ​ത്ര​യും സ​മ​യം സൈ​ക്കി​ളി​ന് കാ​വ​ൽ​നി​ന്ന് ത​ന്റെ മ​ല​യി​റ​ക്ക​ത്തി​നാ​യി മ​ണി​ക​ണ്ഠ​ൻ കാ​ത്തി​രി​ക്കു​മെ​ന്ന് മോ​ഹ​ന​ൻ പ​റ​യു​ന്നു.