മത സാഹോദര്യവും സഭയുടെ ഐക്യവുമാണ് പ്രധാനമെന്ന് മാ​ർ​പാ​പ്പ; ഒ​രു കു​ടും​ബ​മാ​യി മു​ന്നോ​ട്ടു പോ​കാമെന്ന് ആഹ്വാനം

വത്തിക്കാൻ സിറ്റി: ആഗോള കത്തോലിക്ക സഭയുടെ പരമാധ്യക്ഷനായി ചുമതലയേറ്റ ലിയോ പതിനാലാമൻ മാ​ർ​പാ​പ്പ സു​വി​ശേ​ഷ സ​ന്ദേ​ശത്തിൽ സ്നേ​ഹ​ത്തി​നും സ​മാ​ധാ​ന​ത്തി​നും ഐ​ക്യ​ത്തി​നും ആ​ഹ്വാ​നം ചെ​യ്തു. വിവിധ മതസ്ഥരുമായുള്ള ഐക്യം പ്രധാനമാണെന്നും ഐക്യത്തോടെയും സാഹോദര്യത്തോടെയും മുന്നോട്ടു പോകണം. സ്നേ​ഹ​ത്തി​ന്‍റെ സ​മ​യ​മാ​ണിതെന്നും ന​മു​ക്ക് ദൈ​വ​ത്തി​ലേ​ക്ക് ന​ട​ക്കാമെന്നും മ​റ്റു​ള്ള​വ​രെ സ്നേ​ഹി​ക്കാമെന്നും സ​മാ​ധാ​ന​മു​ള്ള ഒ​രു ലോ​ക​ത്തി​നാ​യി പ്രാ​ർ​ഥി​ക്കാ​മെ​ന്നും മാ​ർ​പാ​പ്പ പറഞ്ഞു.

താ​ൻ തെ​ര​ഞ്ഞെ​ടു​ക്ക​പ്പെ​ട്ട​ത് തന്‍റെ എ​ന്തെ​ങ്കി​ലും മി​ക​വ് കൊ​ണ്ട​ല്ല, അ​ത് ദൈ​വ​ഹി​ത​മാ​യി​രു​ന്നു. ഒ​രു സം​ഗീ​തോ​പ​ക​ര​ണ​ത്തി​ലെ ത​ന്ത്രി​ക​ൾ എ​ങ്ങ​നെ ഒ​രു സു​ന്ദ​ര​മാ​യ സം​ഗീ​തം പു​റ​പ്പെ​ടു​വി​ക്കു​ന്നു​വോ അ​ങ്ങ​നെ​യൊ​രു തെ​ര​ഞ്ഞെ​ടു​പ്പാ​യി​രു​ന്നു അ​ത്. താ​ൻ ഭ​യ​ത്തോ​ടെ നി​ങ്ങ​ളു​ടെ അ​ടു​ത്തേ​ക്ക് ഒ​രു സ​ഹോ​ദ​ര​നാ​യാ​ണ് വ​രു​ന്ന​ത്. നി​ങ്ങ​ളു​ടെ സ​ന്തോ​ഷ​ത്തി​ലും വി​ശ്വാ​സ​ത്തി​ലും നി​ങ്ങ​ളു​ടെ സേ​വ​ക​നാ​യി ഇ​രി​ക്കാനും ദൈ​വ​ത്തി​ലേ​ക്കു​ള്ള സ്നേ​ഹ​ത്തി​ന്‍റെ പാ​ത​യി​ൽ നി​ങ്ങ​ൾക്കൊ​പ്പം ന​ട​ക്കാ​നും ആ​ഗ്ര​ഹി​ക്കു​ന്നു.

ഒ​രൊ​റ്റ കു​ടും​ബ​മാ​യി ന​മു​ക്ക് മു​ന്നോ​ട്ടു​പോ​കാം. സ്നേ​ഹ​വും ഐ​ക്യ​വു​മാ​ണ് പ്ര​ധാ​ന​ം. പി​താ​വി​ൽ നി​ന്ന് യേശു ഏ​റ്റെ​ടു​ത്ത​ ജ​ന​ങ്ങ​ളെ ന​യി​ക്കാ​നു​ള്ള ദൗ​ത്യം ന​മ്മളി​ലേ​ക്ക് എ​ത്തു​ക​യാ​ണ്. പ​ത്രോ​സ് എ​ങ്ങ​നെ​യാ​ണ് ഈ ​ദൗ​ത്യം നി​ർ​വ​ഹി​ച്ച​ത്. പ​ത്രോ​സി​ന്‍റെ ജീ​വി​തം ദൈ​വ​ത്തി​ന്‍റെ സ്നേ​ഹം കൊ​ണ്ട് നി​റഞ്ഞി​രു​ന്നു.

അ​യ​ൽ​ക്കാ​ര​നെ സ്നേ​ഹി​ക്കു​ക, സ​ഹാ​ദ​ര​ന്മാ​രെ സ്നേ​ഹി​ക്കു​ക. ഐ​ക്യ​മു​ള്ള ഒ​രു സ​ഭ എ​ന്ന​താ​ണ് ത​ന്‍റെ ആ​ദ്യ​ത്തെ ആ​ഗ്ര​ഹം. യേശു​വി​ൽ നാ​മെ​ല്ലാ​വ​രും ഒ​ന്നാ​യി​രി​ക്ക​ണം. ചെ​റി​യ ചെ​റി​യ സം​ഘ​ങ്ങ​ളാ​യി ഒ​തു​ങ്ങു​ന്ന​ത​ല്ല, മ​റ്റൊ​ന്നി​നേ​ക്കാ​ൾ മേ​ധാ​വി​ത്വ​മു​ണ്ടെ​ന്ന് ക​രു​തു​ന്ന​ത​ല്ല, മ​റി​ച്ച് യേശു​വി​ന്‍റെ സ്നേ​ഹം മ​റ്റു​ള്ള​വ​രി​ലേ​ക്ക് ന​ൽകുന്ന​തി​നാ​യാ​ണ് നമ്മളെ ​വി​ളി​ക്ക​പ്പെ​ട്ട​തെ​ന്ന് ബോ​ധ്യ​മു​ണ്ടാ​ക​ണം. അ​ത് സാ​ധ്യ​മാ​ക​ണ​മെ​ങ്കി​ൽ മ​റ്റു​ള്ള​വ​രു​ടെ സാ​മൂ​ഹ്യ​വും ആ​ത്മീ​യ​വു​മാ​യ സം​സ്കാ​ര​ങ്ങ​ളെ​യും മൂ​ല്യ​ങ്ങ​ളെ​യും മ​ന​സി​ലാ​ക്കാ​നാ​ണ് ശ്ര​മി​ക്കേ​ണ്ട​തെ​ന്നും ലിയോ പതിനാലാമൻ മാ​ർ​പാ​പ്പ വ്യക്തമാക്കി.

നാം ​ഒ​രു​പാ​ട് ബു​ദ്ധി​മു​ട്ടേ​റി​യ നി​മി​ഷ​ങ്ങ​ളി​ലൂ​ടെ​യാ​ണ് ക​ട​ന്നു​പോ​യ​ത്. ഫ്രാ​ൻ​സി​സ് മാ​ർ​പാ​പ്പ​യു​ടെ വി​യോ​ഗം വേ​ദ​നി​പ്പി​ക്കു​ന്ന​താ​യി​രു​ന്നു. എ​ന്നാ​ൽ, അ​തി​നുശേ​ഷം വ്യ​ക്ത​മാ​കു​ന്ന​ത് ദൈ​വം ത​ന്‍റെ ജ​ന​ത്തെ ഉ​പേ​ക്ഷി​ക്കു​ക​യി​ല്ല എ​ന്ന​തിന്‍റെ ഉ​റ​പ്പാ​ണെന്ന് വ്യക്തമാക്കിയ മാർപാപ്പ, ത​ന്നിലേൽപ്പിച്ച ​ദൗ​ത്യ​ത്തി​ൽ എ​ല്ലാ​വ​രോ​ടും ന​ന്ദി​ പ​റ​ഞ്ഞു​.

സെന്‍റ് പീ​റ്റേ​ഴ്സ് ബസിലിക്കയിലെ ച​ത്വ​ര​ത്തി​ൽ നടന്ന സ്ഥാ​നാ​രോ​ഹ​ണ ചടങ്ങിലാണ് ആഗോള കത്തോലിക്ക സഭയുടെ പരമാധ്യക്ഷനായി ലി​യോ പ​തി​നാ​ലാ​മ​ൻ മാ​ർ​പാ​പ്പ ചു​മ​ത​ല​യേ​റ്റത്. പൗ​ര​സ്ത്യ​സ​ഭ​ക​ളി​ലെ പാ​ത്രി​യാ​ർ​ക്കീ​സു​മാ​ർ​ക്കൊ​പ്പം വി​ശു​ദ്ധ പ​ത്രോ​സി​ന്‍റെ ക​ബ​റി​ട​ത്തി​ൽ പ്രാ​ർ​ഥി​ക്കു​ക​യും ധൂ​പാ​ർ​ച്ച​ന ന​ട​ത്തു​ക​യും ചെ​യ്ത​ ശേ​ഷ​ം പ്ര​ദ​ക്ഷി​ണ​മാ​യാണ് മാർപാപ്പ സ്ഥാ​നാ​രോ​ഹ​ണ ചടങ്ങിന് എത്തിയത്.

പ​ത്രോ​സി​ന്‍റെ തൊ​ഴി​ലി​നെ ഓ​ർ​മ​പ്പെ​ടു​ത്തി മു​ക്കു​വ​ന്‍റെ മോ​തി​ര​വും ഇ​ട​യ​ധ​ർ​മം ഓ​ർ​മ​പ്പെ​ടു​ത്തി ക​ഴു​ത്തി​ല​ണി​യു​ന്ന പാ​ലി​യ​വും മാർപാപ്പ സ്വീ​ക​രി​ച്ചതോടെ സ്ഥാ​നാ​രോ​ഹ​ണ​ത്തി​ലെ പ്ര​ധാ​ന ച​ട​ങ്ങ് പൂർത്തിയായി. വി​ശു​ദ്ധ കു​ർ​ബാ​ന​ക്കി​ട​യി​ൽ ല​ത്തീ​ൻ, ​ഗ്രീ​ക്ക് ഭാ​ഷ​ക​ളി​ലെ സു​വി​ശേ​ഷ ​പാ​രാ​യ​ണ​ത്തി​ന് ശേ​ഷ​മാ​യി​രുന്നു പാ​ലി​യ​വും മോ​തി​ര​വും മാർപാപ്പ സ്വീ​ക​രിച്ചത്.

വി​വി​ധ ഭൂ​ഖ​ണ്ഡ​ങ്ങ​ളി​ൽ​ നി​ന്നു​ള്ള മെ​ത്രാ​ൻ, വൈ​ദി​ക​ൻ, ഡീ​ക്ക​ൻ തുടങ്ങി വ്യ​ത്യ​സ്ത പ​ദ​വി​ക​ളി​ലു​ള്ള മൂ​ന്ന് ക​ർ​ദി​നാ​ൾ​മാ​രാ​ണ് ഈ ​ച​ട​ങ്ങ് നി​ർ​വ​ഹി​ച്ചത്. ഡീ​ക്ക​ൻ ക​ർ​ദി​നാ​ളാണ് മാ​ർ​പാ​പ്പ​യെ പാ​ലി​യം അ​ണി​യി​ച്ചത്. തു​ട​ർ​ന്ന് മാർപാ​പ്പാ​യു​ടെ മേ​ൽ ക​ർ​ത്താ​വി​ന്‍റെ സാ​ന്നി​ധ്യ​വും സ​ഹാ​യ​വും ഉ​ണ്ടാ​കു​വാ​നാ​യി വൈ​ദി​ക ക​ർ​ദി​നാ​ൾ പ്ര​ത്യേ​ക പ്രാ​ർ​ഥ​ന ചൊ​ല്ലു​ക​യും ദൈ​വ​ത്തി​ന്‍റെ അ​നു​ഗ്ര​ഹത്തിനായി പ്രാ​ർ​ഥി​ക്കു​ക​യും ചെ​യ്തു. തുടർന്നായിരുന്നു മെ​ത്രാ​ൻ ക​ർ​ദി​നാ​ളിൽ നിന്ന് മാ​ർ​പാ​പ്പ മോ​തി​രം സ്വീ​ക​രി​ച്ചത്.

മോ​തി​ര​വും പാ​ലി​യ​വും സ്വീ​ക​രി​ച്ച​ ലിയോ പതിനാലാമൻ വിശ്വാസികളെ ആ​ശീ​ർ​വ​ദി​ച്ചു. തു​ട​ർ​ന്ന് ലോ​ക​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ ​നി​ന്നു​ള്ള 12 പേ​ർ മു​ഴു​വ​ൻ വിശ്വാസികളെയും പ്ര​തി​നി​ധാ​നം ചെ​യ്ത് മാ​ർ​പാ​പ്പ​യോ​ടു​ള്ള വി​ധേ​യ​ത്വം പ്ര​തീ​കാ​ത്മ​ക​മാ​യി പ്ര​ഖ്യാ​പി​ച്ചു. ശേ​ഷം മാ​ർ​പാ​പ്പ സു​വി​ശേ​ഷ സ​ന്ദേ​ശം ന​ൽ​കു​ക​യും വി​ശു​ദ്ധ കു​ർ​ബാ​ന തു​ട​രു​ക​യും ചെ​യ്തു.

സ്ഥാ​നാ​രോ​ഹ​ണ​ച്ച​ട​ങ്ങി​ൽ ഇ​ന്ത്യ ഉ​ൾ​പ്പെ​ടെ ലോ​ക​രാ​ജ്യ​ങ്ങ​ളി​ൽ​ നി​ന്നുള്ള പ്രതിനിധി സംഘങ്ങളും രാഷ്ട്രത്തലവന്മാരും പ്രമുഖരും പങ്കെടുത്തു. സ്ഥാ​നാ​രോ​ഹ​ണ​ച്ചടങ്ങ് കാണാനും പ്രാർഥനയിൽ പങ്കെടുക്കാനും വൻജനാവലിയാണ് സെന്‍റ് പീറ്റേഴ്സ് ചത്വരത്തിൽ എത്തിയത്.

മെയ് എട്ടിനാണ് അമേരിക്കയിൽ നിന്നുള്ള ക​ർ​ദി​നാ​ൾ റോബർട്ട് ഫ്രാൻസിസ് പ്രിവോസ്തിനെ പുതിയ മാർപാപ്പയായി കത്തോലിക്ക സഭ തെരഞ്ഞെടുത്തത്. വി​വി​ധ രാ​ജ്യ​ങ്ങ​ളി​ൽ​ നി​ന്നു​ള്ള 133 ക​ർ​ദി​നാ​ൾ​മാ​രാ​ണ് പു​തി​യ മാ​ർ​പാ​പ്പ​യെ ക​ണ്ടെ​ത്താ​നു​ള്ള കോ​ൺ​​ക്ലേ​വി​ൽ പ​​ങ്കെ​ടു​ത്തത്. പരിഷ്‍കരണ വാദിയായി അറിയപ്പെടുന്ന കർദിനാൾ റോബർട്ട് പ്രിവോസ്ത്, ലിയോ പതിനാലാമൻ എന്ന പേര് സ്വീകരിച്ചു.