റ​മ​ദാ​ൻ നി​ലാ​വി​ല​ലി​ഞ്ഞ വി​ശ്വാ​സം

നോ​മ്പി​ന്‍റെ ചൈ​ത​ന്യ​വും പു​ണ്യ​വും നു​ക​ർ​ന്ന്​ ഒ​രു പു​ണ്യ​മാ​സം​കൂ​ടി പ​ടി​യി​റ​ങ്ങു​ന്നു. കോ​ള​ജ് വി​ദ്യാ​ഭ്യാ​സ കാ​ല​ത്ത് സു​ഹൃ​ത്തു​ക്ക​ളോ​ടൊ​ത്ത് ആ​ദ്യ​മാ​യി നോ​മ്പ് തു​റ​ന്ന​തും പി​ന്നീ​ട് അ​വ​രോ​ടൊ​പ്പം നോ​മ്പ് എ​ടു​ത്തു​കൊ​ണ്ട് നോ​മ്പ് തു​റ​ന്ന​തും ഇ​ന്ന​ലെ​ക​ളി​ലെ മ​ധു​ര കാ​ര​ക്ക​ക​ളാ​യി​രു​ന്നു​വെ​ങ്കി​ൽ ഇ​ന്ന് ഈ​ശ്വ​ര​സ​മ​ക്ഷം എ​ന്റെ വി​ശ്വാ​സ​ത്തി​ന്റെ സ്നേ​ഹ​സ​മ​ർ​പ്പ​ണ​മാ​യി​ട്ടാ​ണ് ഞാ​ൻ എ​ടു​ക്കു​ന്ന​ത്.

1998ൽ ​ഡി​ഗ്രി ഒ​ന്നാം വ​ർ​ഷം കാ​യം​കു​ളം എം.​എ​സ്.​എം കോ​ള​ജി​ൽ പ​ഠി​ക്കു​ന്ന കാ​ല​ത്ത് ഡി​സം​ബ​ർ മാ​സ​ത്തി​ലാ​ണ് നോ​മ്പ് സ​മാ​ഗ​ത​മാ​യ​ത്. ക്രി​സ്‌​മ​സി​ന്‍റെ അ​വ​ധി​ക്കാ​ല​ത്ത് നാ​ഷ​ന​ൽ സ​ർ​വി​സ് സ്‌​കീ​മി​ന്റെ ദ​ശ​ദി​ന ക്യാ​മ്പ് കോ​ള​ജി​ൽ ന​ട​ക്കു​ക​യാ​ണ്. ഞാ​നും അ​തി​ൽ പ​ങ്കെ​ടു​ത്തു. ആ​ദ്യ ദി​വ​സം സ​ന്ധ്യ​യാ​യ​പ്പോ​ൾ സു​ഹൃ​ത്ത് പ​റ​ഞ്ഞു, എ​ൻ.​എ​സ്.​എ​സി​ന്‍റെ കോ ​ഓ​ഡി​നേ​റ്റ​ർ​മാ​രി​ലൊ​രാ​ളാ​യ ഷാ​ജ​ഹാ​ൻ സാ​ർ അ​ന​ല​യോ​ട് മെ​സ് ഹാ​ളി​ലേ​ക്ക് വ​രാ​ൻ വി​ളി​ക്കു​ന്നു​ണെ​ന്ന്. മെ​സ്സി​ലെ​ത്തി​യ​പ്പോ​ൾ നോ​മ്പു​കാ​രാ​യ ക്യാ​മ്പ് സു​ഹൃ​ത്തു​ക്ക​ളെ​ല്ലാം നോ​മ്പ് തു​റ​ക്കാ​നി​രി​ക്കു​ന്നു.

രാ​വി​ലെ മു​ത​ൽ എ​ന്നോ​ടൊ​പ്പം അ​ക്ഷീ​ണം പ​ണി​യെ​ടു​ത്ത​വ​ർ. ഒ​രു തു​ള്ളി കു​ടി​നീ​രു​പോ​ലു​മി​റ​ക്കാ​തെ നോ​മ്പെ​ടു​ത്ത് കാ​ത്തി​രു​ന്ന​വ​രു​ടെ കൂ​ടെ എ​ന്നെ വി​രു​ന്നു​കാ​രി​യാ​ക്കി​യ​ത് ക​ണ്ട് ഞാ​ൻ അ​തി​ശ​യി​ച്ചു. എ​ന്നാ​ൽ, നോ​മ്പു​കാ​രി​യ​ല്ലാ​ത്ത എ​നി​ക്ക് അ​വ​രോ​ടൊ​പ്പ​മി​രു​ന്ന് നോ​മ്പ് തു​റ​ക്കാ​ൻ ഒ​ര​ൽ​പം ജാ​ള്യ​മു​ണ്ടാ​യി​രു​ന്നു. അ​ടു​ത്ത ദി​വ​സ​വും നോ​മ്പു​തു​റ​യി​ലേ​ക്ക് അ​വ​രെ​ന്നെ ക്ഷ​ണി​ച്ചു. മ​ന​സ്സി​ല്ലാ​മ​ന​സ്സോ​ടെ​യാ​ണെ​ങ്കി​ലും ആ ​സ്നേ​ഹം ആ​സ്വ​ദി​ക്കാ​ൻ ഞാ​ൻ വീ​ണ്ടും അ​വ​രു​ടെ കൂ​ടെ കൂ​ടി. അ​വി​ടെ​വെ​ച്ച് ഞാ​ൻ തീ​രു​മാ​ന​മെ​ടു​ത്തു, നാ​ളെ മു​ത​ൽ നോ​മ്പെ​ടു​ത്ത് സു​ഹൃ​ത്തു​ക്ക​ളു​ടെ കൂ​ടെ നോ​മ്പു​തു​റ​ക്കും. അ​ന്നു മു​ത​ൽ എ​ട്ടു ദി​വ​സം ഞാ​ൻ നോ​മ്പെ​ടു​ത്തു. ഇ​താ​ണ് എ​ന്‍റെ ജീ​വി​ത​ത്തി​ലെ ആ​ദ്യ​ത്തെ റ​മ​ദാ​ൻ നോ​മ്പ്.

സു​ബ്ഹി ബാ​ങ്കി​നു​മു​മ്പ് ഞ​ങ്ങ​ൾ അ​ഞ്ചു പെ​ൺ​കു​ട്ടി​ക​ളു​ടെ കൂ​ടെ​യു​ള്ള ലേ​ഡി കോ​ഓ​ഡി​നേ​റ്റ​ർ ഫാ​ത്തി​മ ഇ​ത്ത​യു​ടെ ഒ​പ്പം ജീ​വി​ത​ത്തി​ലെ ആ​ദ്യ​ത്തെ ഇ​ട​യ​ത്താ​ഴം. പി​ന്നീ​ട്​ ഓ​രോ ദി​വ​സ​വും ഇ​ട​യ​ത്താ​ഴ നേ​ര​ത്ത് ഫാ​ത്തി​മ ഇ​ത്ത​യി​ൽ​നി​ന്ന് ഞാ​ൻ റ​മ​ദാ​ൻ വ്ര​ത​ത്തെ​പ്പ​റ്റി​യും ഇ​സ്‌​ലാം വി​ശ്വാ​സ​ത്തെ​ക്കു​റി​ച്ചും പ്രാ​ഥ​മി​ക​മാ​യി അ​റി​ഞ്ഞു​തു​ട​ങ്ങി. പി​ന്നീ​ട് ഞാ​ൻ​ത​ന്നെ താ​ൽ​പ​ര്യ​മെ​ടു​ത്ത് ഇ​സ്‌​ലാം വി​ശ്വാ​സം പ​ഠി​ച്ചു​തു​ട​ങ്ങി. തൊ​ട്ട​ടു​ത്ത വ​ർ​ഷ​ത്തെ റ​മ​ദാ​ൻ നോ​മ്പ് മു​ഴു​വ​ൻ നോ​റ്റ സം​തൃ​പ്‌​തി​യി​ലാ​യി​രു​ന്നു. ദൈ​വി​ക​വി​ശ്വാ​സ​ത്തെ അ​റി​ഞ്ഞ​തും പ​ഠി​ക്കാ​ൻ തു​ട​ങ്ങി​യ​തും നോ​മ്പി​ൽ​നി​ന്നാ​ണ്. ആ ​നി​ല​ക്ക് ഇ​സ്​​ലാം വി​ശ്വാ​സ​ത്തി​ലേ​ക്കു​ള്ള എ​ന്റെ ജീ​വി​ത​യാ​ത്ര​യി​ൽ റ​മ​ദാ​ൻ നോ​മ്പി​ന് അ​ഭേ​ദ്യ​മാ​യ ബ​ന്ധ​മാ​ണു​ള്ള​ത്.