റ​മ​ദാ​ൻ: അ​കം തു​ട​ച്ച്, പു​റം മി​നു​ക്കി...

സോ​ണീ സാ​ബൂ​ന്റെ ന​ല്ല ഗ​ന്ധം, പാ​റാ​ത്തി​ന്റെ ഇ​ല ഉ​പ​യോ​ഗി​ച്ച് മ​ത്താ​ര​ണ ഉ​ര​ക്കു​ന്ന​തി​ന്റെ ക​ര ക​ര ശ​ബ്ദം, വീ​ടി​ന്റെ മേ​ൽ​ക്കൂ​ര​യി​ലെ മാ​റാ​ല​ക​ൾ ത​ട്ടാ​ൻ മാ​റാ​ല കൊ​ള്ളി​യെ കു​ത്ത​നെ നി​ർ​ത്തി​യി​രി​ക്കു​ന്നു. ക​ട്ടി​ൽ, ക​സേ​ര, അ​ടു​ക്ക​ള​യി​ലെ മ​റ്റു വീ​ട്ടു​പ​ക​ര​ണ​ങ്ങ​ൾ എ​ല്ലാം തേ​ച്ചു​ര​ച്ച് വൃ​ത്തി​യാ​ക്കാ​നാ​യി മു​റ്റ​ത്തേ​ക്കി​റ​ക്കി​വെ​ച്ചി​രി​ക്കു​ന്നു. ഉ​മ്മ പ​തി​വി​ൽ ക​വി​ഞ്ഞ തി​ര​ക്കി​ലാ​ണി​ന്ന്. എ​ന്തോ ഈ​വ​ന്റി​നോ ആ​രെ​യോ സ്വീ​ക​രി​ക്കാ​നോ വീ​ടി​നെ​യും പ​രി​സ​ര​ത്തെ​യും സ​ജ്ജ​മാ​ക്കു​ക​യാ​ണു​മ്മ. അ​തെ, റ​മ​ദാ​ൻ തു​ട​ങ്ങു​ന്ന​തി​ന്റെ തൊ​ട്ടു​മു​മ്പു​ള്ള ദി​ന​ങ്ങ​ൾ ഇ​ങ്ങ​നെ ക്ലീ​നി​ങ്ങു​മാ​യി ഉ​മ്മ വ​ള​രെ തി​ര​ക്കി​ലാ​യി​രി​ക്കും. ‘ന​ന​ച്ചു​കു​ളി’ എ​ന്ന പേ​രി​ൽ എ​ല്ലാ വീ​ടു​ക​ളും പു​ണ്യ​ങ്ങ​ളു​ടെ വ​സ​ന്ത​കാ​ല​മാ​യ റ​മ​ദാ​നെ വ​ര​വേ​ൽ​ക്കാ​ൻ ഇ​ങ്ങ​നെ ഒ​രു​ങ്ങാ​റു​ണ്ട്. സ​ത്യ​ത്തി​ൽ, ഒ​രു മാ​സം മു​മ്പു​ത​ന്നെ റ​മ​ദാ​ൻ കാ​ല​ത്തേ​ക്കു​വേ​ണ്ടി​യു​ള്ള ത​യാ​റെ​ടു​പ്പു​ക​ൾ ഉ​മ്മ തു​ട​ങ്ങി​വെ​ക്കും.

ന​ല്ല ഇ​നം പ​ച്ച​രി വാ​ങ്ങി ക​ഴു​കി ഉ​ണ​ക്കി പൊ​ടി​ച്ചു​വെ​ക്കും. 30 ദി​വ​സ​വും ഇ​ഫ്താ​റി​ന് ഈ ​പൊ​ടി ഉ​പ​യോ​ഗി​ച്ചു​ണ്ടാ​ക്കി​യ നൈ​സ് പ​ത്തി​രി​യാ​യി​രി​ക്കും പ്ര​ധാ​ന വി​ഭ​വം. മ​ല്ലി, മു​ള​ക്, മ​ഞ്ഞ​ൾ എ​ല്ലാം ഉ​ണ​ക്കി വ​റു​ത്ത് മി​ല്ലി​ൽ പോ​യി പൊ​ടി​ച്ചു​കൊ​ണ്ടു​വ​രും. പാ​ക്ക​റ്റു​ക​ളി​ൽ റെ​ഡി​യാ​യി ക​ട​ക​ളി​ൽ​നി​ന്നു കി​ട്ടു​ന്ന മ​ല്ലി മു​ള​ക് മ​സാ​ല​ക​ൾ​ക്ക് വീ​ട്ടി​ലേ​ക്ക് പ്ര​വേ​ശ​ന​മി​ല്ല. പ്ര​ത്യേ​കി​ച്ചും നോ​മ്പു​കാ​ല​ത്ത്. നാ​ട്ടി​ലെ നോ​മ്പോ​ ർ​മ​ക​ളെ റീ​കാ​ൾ ചെ​യ്യു​മ്പോ​ൾ മ​ന​സ്സി​ൽ തെ​ളി​യു​ന്ന ആ​ദ്യ രം​ഗ​ങ്ങ​ളി​ൽ ഒ​ന്ന് ഈ ​മു​ന്നൊ​രു​ക്ക പ്ര​വ​ർ​ത്ത​ന​ങ്ങ​ൾ​ത​ന്നെ​യാ​ണ്.

ക​രു​ത​ലി​ന്റെ​യും പ​ങ്കു​വെ​പ്പി​ന്റെ​യും നാ​ളു​ക​ൾ കൂ​ടി​യാ​യി​രി​ക്കും റ​മ​ദാ​നും അ​നു​ബ​ന്ധ ദി​ന​ങ്ങ​ളും. അ​ടു​ത്ത കു​ടും​ബ​ക്കാ​ർ​ക്കും അ​യ​ൽ​വാ​സി​ക​ൾ​ക്കും നോ​മ്പു​കാ​ലം ക​ഴി​യാ​ൻ ആ​വ​ശ്യ​മാ​യ വി​ഭ​വ​ങ്ങ​ൾ ഉ​ണ്ടെ​ന്ന് ഉ​റ​പ്പി​ക്കാ​ൻ പ​ര​സ്പ​രം ശ്ര​മി​ക്കാ​റു​ണ്ട്. ചി​ല​രെ​യെ​ങ്കി​ലും വീ​ട്ടി​ലേ​ക്ക് ക്ഷ​ണി​ച്ചു​വ​രു​ത്തി നോ​മ്പ് തു​റ​പ്പി​ക്കും. കു​ഞ്ഞു​നാ​ളു​ക​ളി​ൽ ഞാ​ൻ അ​യ​ൽ​വ​ക്ക​ത്തെ പ​ല വീ​ടു​ക​ളി​ലേ​ക്കും അ​വി​ട​ത്തെ ഉ​മ്മ​മാ​രു​ടെ സ്പെ​ഷ​ൽ ഗ​സ്റ്റാ​യി നോ​മ്പ് തു​റ​ക്കാ​ൻ പോ​യ​തി​ന്റെ മ​ധു​ര​മ​നോ​ഹ​ര ഓ​ർ​മ​ക​ൾ ഇ​ന്നും മാ​യാ​തെ ഉ​ള്ള​ക​ത്തു​ണ്ട്. അ​യ​ൽ​വീ​ട്ടു​കാ​രാ​യ കു​ഞ്ഞി​മോ​ൾ താ​ത്ത​യും ഖ​ദീ​ജ താ​ത്ത​യു​മൊ​ക്കെ അ​വ​രു​ടെ വീ​ടു​ക​ളി​ലേ​ക്ക് വി​ളി​ച്ച് സ്നേ​ഹ​വും വാ​ത്സ​ല്യ​വും ചേ​ർ​ത്ത് പാ​കം​ചെ​യ്‌​തെ​ടു​ത്ത ഒ​ന്നാം ത​രം ഇ​റ​ച്ചി ക​റി, ഈ​ത്ത​പ്പ​ഴ പൊ​രി, പ​ത്തി​രി.... വേ​റെ ലെ​വ​ൽ നോ​മ്പു​തു​റ സ​ൽ​ക്കാ​രം ത​ന്നെ​യാ​യി​രി​ക്കു​മ​ത്.

നോ​മ്പ് തു​റ​പ്പി​ച്ച​വ​ർ​ക്ക് നോ​മ്പെ​ടു​ത്ത​യാ​ളു​ടേ​തി​ന് സ​മാ​ന​മാ​യ പു​ണ്യം ല​ഭി​ക്കു​മെ​ന്ന പ്ര​വാ​ച​ക വ​ച​നം ഈ ​വ​ഴി​യി​ൽ വി​ശ്വാ​സി​ക​ൾ​ക്ക് വ​ലി​യ പ്ര​ചോ​ദ​ന​മാ​ണ്. റ​മ​ദാ​ൻ അ​വ​സാ​ന​ത്തോ​ട​ടു​ക്കു​മ്പോ​ൾ പ്ര​ത്യേ​കി​ച്ച് 27ാം രാ​വി​ൽ അ​യ​ൽ​വാ​സി​ക​ളും കു​ടും​ബ​ക്കാ​രു​മൊ​ക്കെ കു​ട്ടി​ക​ളാ​യ ഞ​ങ്ങ​ൾ​ക്ക് പൈ​സ ത​രും. ഏ​താ​നും ദി​ന​ങ്ങ​ൾ ക​ഴി​ഞ്ഞാ​ൽ വ​രു​ന്ന പെ​രു​ന്നാ​ൾ ആ​ഘോ​ഷി​ക്കാ​നു​ള്ള ക​രു​തി​വെ​പ്പാ​യി​രി​ക്കും ഇ​ങ്ങ​നെ കി​ട്ടു​ന്ന സം​ഖ്യ​ക​ൾ.ചു​രു​ക്ക​ത്തി​ൽ, ഒ​ത്തി​രി ദി​ന​ങ്ങ​ൾ​ക്കു​മു​മ്പ് ആ​രം​ഭി​ക്കു​ന്ന ഒ​രു​ക്ക​ങ്ങ​ളും ‘ന​ന​ച്ചു​കു​ളി​യും’ ക​ഴി​ഞ്ഞ് റ​മ​ദാ​നെ സ്വീ​ക​രി​ച്ച് സ്നേ​ഹ​വും സൗ​ഹാ​ർ​ദ​വും പ​ങ്കു​വെ​പ്പു​ക​ളും സാ​ധ്യ​മാ​ക്കി​യാ​ണ് ഈ ​വി​ശു​ദ്ധ മാ​സ​ത്തെ യാ​ത്ര​യാ​ക്കാ​റു​ള്ള​ത്. അ​വ​സാ​നം പെ​രു​ന്നാ​ളി​ന്റെ പി​റ കാ​ണു​ന്ന മു​റ​ക്ക് അ​യ​ൽ​ക്കാ​രി​ലെ ദ​രി​ദ്ര​രി​ലേ​ക്ക് നി​ശ്ചി​ത അ​ള​വ് ഭ​ക്ഷ്യ​ധാ​ന്യം​കൂ​ടി എ​ത്തി​ച്ച് ന​ൽ​കി​യാ​ണ് ഈ ​വ​സ​ന്ത​കാ​ല​ത്തെ ഓ​രോ വി​ശ്വാ​സി​യും ഹൃ​ദ​യ​ത്തോ​ട് ചേ​ർ​ത്തു​വെ​ക്കാ​റ്.