കഥയ മമ കഥയ മമ കഥകളതി സാദരം... തുടങ്ങി, രാമായണ ശീലുകളുടെ പൂക്കാലം

പ​യ്യ​ന്നൂ​ർ: "ക​ഥ​യ മ​മ ക​ഥ​യ മ​മ ക​ഥ​ക​ള​തി സാ​ദ​രം കാ​കു​ൽ​സ്ഥ ലീ​ല​ക​ൾ കേ​ട്ടാ​ൽ മ​തി​വ​രാ...."​മ​ഴ​യൊ​ഴി​ഞ്ഞ ക​ർ​ക്ക​ട​ക സം​ക്ര​മ സ​ന്ധ്യ​യി​ൽ രാ​മാ​യ​ണ പാ​രാ​യ​ണ​ത്തി​ന് തു​ട​ക്ക​മാ​യി. ഇ​ക്കു​റി 32 ദി​വ​സ​മാ​ണ് ക​ർ​ക്ക​ട​ക മാ​സം എ​ന്ന പ്ര​ത്യേ​ക​ത​യും വ​ട​ക്ക​ൻ കേ​ര​ള​ത്തി​നു​ണ്ട്. ക്ഷേ​ത്ര​ങ്ങ​ളി​ലും ഹൈ​ന്ദ​വ ഭ​വ​ന​ങ്ങ​ളി​ലും സം​ക്ര​മ​ദി​ന​മാ​യ ഞാ​യ​റാ​ഴ്ച മു​ത​ൽ രാ​മാ​യ​ണ പാ​രാ​യ​ണ​ത്തി​ന് തു​ട​ക്ക​മാ​യി.

മ​ഴ​യൊ​ഴി​ഞ്ഞ ക​ർ​ക്ക​ട​ക സം​ക്ര​മ​മാ​ണ് ഇ​ക്കു​റി ഉ​ത്ത​ര​കേ​ര​ള​ത്തി​ൽ. ഏ​താ​നും ദി​വ​സം ക​ന​ത്ത മ​ഴ പെ​യ്തി​രു​ന്നു​വെ​ങ്കി​ലും പി​ന്നീ​ട് മാ​നം തെ​ളി​ഞ്ഞു. സൂ​ര്യ​നെ കാ​ണാ​ത്ത മാ​സ​മാ​ണ് ക​ർ​ക്ക​ട​ക​മെ​ന്ന് പ​ഴ​യ ത​ല​മു​റ പ​റ​യാ​റു​ണ്ട്. ക​ർ​ക്ക​ട​ക​ത്തി​ന്റെ ഭീ​തി​യ​ക​റ്റാ​നാ​ണ് രാ​മാ​യ​ണ മാ​സ​മാ​യി ആ​ച​രി​ക്കു​ന്ന​ത്.

ക​ണ്ണൂ​ർ, കാ​സ​ർ​കോ​ട് ജി​ല്ല​ക​ളി​ലെ ചെ​റു​തും വ​ലു​തു​മാ​യ എ​ല്ലാ ക്ഷേ​ത്ര​ങ്ങ​ളി​ലും മാ​സാ​ച​ര​ണം വി​വി​ധ പ​രി​പാ​ടി​ക​ളോ​ടെ ന​ട​ന്നു വ​രു​ന്നു. ക​ർ​ക്ക​ട​ക സം​ക്ര​മം ഒ​ഴി​വു ദി​ന​മാ​യ​തി​നാ​ൽ ത​ളി​പ്പ​റ​മ്പ് രാ​ജ​രാ​ജേ​ശ്വ​ര ക്ഷേ​ത്രം, പ​യ്യ​ന്നൂ​ർ സു​ബ്ര​ഹ്മ​ണ്യ​സ്വാ​മി ക്ഷേ​ത്രം, തു​ട​ങ്ങി പ്ര​ശ​സ്ത ക്ഷേ​ത്ര​ങ്ങ​ളി​ലെ​ല്ലാം വ​ൻ തി​ര​ക്കാ​ണ് ഉ​ണ്ടാ​യ​ത്.

എ​ഴു​ത്ത​ച്ഛ​ന്റെ അധ്യാ​ത് മ രാ​മാ​യ​ണ​മാ​ണ് വാ​യ​ന​ക്ക് ഉ​പ​യോ​ഗി​ച്ചു വ​രു​ന്ന​ത്.​ബാ​ല​കാ​ണ്ഡം, അ​യോ​ധ്യാ​കാ​ണ്ഡം, ആ​ര​ണ്യ​കാ​ണ്ഡം, കി​ഷ്കി​ന്ധാ​കാ​ണ്ഡം, സു​ന്ദ​ര​കാ​ണ്ഡം, യു​ദ്ധ​കാ​ണ്ഡം എ​ന്നി​ങ്ങ​നെ രാ​മ​രാ​വ​ണ​യു​ദ്ധ​ത്തി​ന് ശേ​ഷം ശ്രീ​രാ​മ​ൻ അ​യോ​ധ്യാ​പ​തി​യാ​വു​ന്ന​തു​വ​രെ​യു​ള്ള ക​ഥ​ക​ളാ​ണ് വാ​യ​ന​യി​ൽ സാ​ധാ​ര​ണ പ​തി​വു​ള്ള​ത്. ഒാരോ ദി​വ​സ​വും വാ​യി​ക്കേ​ണ്ട ഭാ​ഗ​ങ്ങ​ൾ അ​ട​യാ​ള​പ്പെ​ടു​ത്തി​യ ഗ്ര​ന്ഥ​ങ്ങ​ൾ ഇ​പ്പോ​ൾ വി​പ​ണി​യി​ൽ ല​ഭ്യ​മാ​ണ്. രാ​മാ​യ​ണ ക​ഥ​യു​മാ​യി ബ​ന്ധ​പ്പെ​ട്ട പ്ര​ശ്നോ​ത്ത​രി​ക​ളും മി​ക്ക​യി​ട​ങ്ങ​ളി​ലും പ​തി​വാ​ണ്.