Top
Begin typing your search above and press return to search.
exit_to_app
exit_to_app
സീ​താ​പ​രി​ത്യാ​ഗം
cancel
Homechevron_rightLIFEchevron_rightSpiritualitychevron_rightസീ​താ​പ​രി​ത്യാ​ഗം

സീ​താ​പ​രി​ത്യാ​ഗം

text_fields
bookmark_border

ഗം​ഗാ​ന​ദീ തീ​ര​ത്തെ മു​നീ​ശ്വ​ര​ന്മാ​രു​ടെ പു​ണ്യാ​ശ്ര​മ​ങ്ങ​ൾ സ​ന്ദ​ർ​ശി​ക്കാ​നും കു​റ​ച്ചു​ദി​വ​സം താ​മ​സി​ക്കാ​നു​മു​ള്ള അ​തി​യാ​യ ആ​ഗ്ര​ഹം ഒ​രി​ക്ക​ൽ സീ​താ​ദേ​വി ശ്രീ​രാ​മ​നെ അ​റി​യി​ച്ചു. അ​ടു​ത്ത ദി​വ​സം ത​ന്നെ പു​റ​പ്പെ​ട്ടു​കൊ​ള്ളാ​ൻ ശ്രീ​രാ​മ​ൻ അ​നു​മ​തി​യേ​കി.

തു​ട​ർ​ന്ന് അ​ര​മ​ന​യു​ടെ വി​ശാ​ല​ശാ​ല​യി​ലേ​ക്ക്​ എ​ഴു​​ന്ന​ള്ളി​യ​പ്പോ​ൾ അ​വി​ടെ ഒ​ത്തു​കൂ​ടി​യ​വ​ർ​ക്കി​ട​യി​ൽ ത​െ​ൻ​റ വി​ശ്വ​സ്​​ത ദൂ​ത​നാ​യ ഭ​ദ്ര​നെ ക​ണ്ടു. ഗ്രാ​മ​ങ്ങ​ളി​ലും ന​ഗ​ര​ങ്ങ​ളി​ലു​മു​ള്ള പ്ര​ജ​ക​ൾ ഭ​ര​ണ​ത്തെ എ​ങ്ങ​നെ വി​ല​യി​രു​ത്തു​ന്നു​വെ​ന്നും കു​ടും​ബാം​ഗ​ങ്ങ​ളെ​ക്കു​റി​ച്ച് എ​ന്തു പ​റ​യു​ന്നു​വെ​ന്നും അ​ന്വേ​ഷി​ച്ചു.

രാ​വ​ണ​ൻ ത​ട്ടി​ക്കൊ​ണ്ടു​പോ​യി അ​ടി​മ​യെ​പ്പോ​ലെ പാ​ർ​പ്പി​ച്ച സീ​ത​യെ ശ്രീ​രാ​മ​ൻ വെ​റു​ക്കാ​ത്ത​തെ​ന്തു​കൊ​ണ്ടാ​ണെ​ന്നും മ​റ്റൊ​രാ​ളു​ടെ അ​ധീ​ന​ത​യി​ൽ അ​നേ​ക ദി​വ​സ​മി​രു​ന്നാ​ലും ത​ങ്ങ​ളു​ടെ ഭാ​ര്യ​മാ​രെ രാ​ജാ​വ് ചെ​യ്ത​തു​പോ​ലെ സ്വീ​ക​രി​ച്ച് പൊ​റു​പ്പി​ക്കേ​ണ്ടി വ​രു​മെ​ന്നും ജ​ന​ങ്ങ​ൾ​ക്കി​ട​യി​ൽ സം​സാ​ര​മു​ണ്ടെ​ന്ന് ഭ​ദ്ര​ൻ പ​റ​ഞ്ഞു.

ഇ​തു​കേ​ട്ട് വേ​ദ​ന​പൂ​ണ്ട ശ്രീ​രാ​മ​ൻ വാ​ത്മീ​കി ആ​ശ്ര​മ​ത്തി​ന് സ​മീ​പ​ത്തു​ള്ള ഒ​ഴി​ഞ്ഞ പ്ര​ദേ​ശ​ത്ത് സീ​ത​യെ ഉ​പേ​ക്ഷി​ക്കാ​ൻ ല​ക്ഷ്മ​ണ​ന് ആ​ജ്ഞ​യേ​കി. കാ​ര്യ​ങ്ങ​ളെ​ല്ലാം മ​ന​സ്സി​ലാ​ക്കി​യ സീ​ത വി​ധാ​താ​വ് ത​ന്നെ സൃ​ഷ്​​ടി​ച്ച​ത് ദുഃ​ഖി​ക്കാ​ൻ മാ​ത്ര​മാ​ണെ​ന്ന് നെ​ടു​വീ​ർ​പ്പി​ട്ട് രാ​ജ​ശാ​സ​ന നി​റ​വേ​റ്റാ​ൻ ല​ക്ഷ്മ​ണ​നോ​ട് ആ​വ​ശ്യ​പ്പെ​ടു​ന്നു. ഗം​ഗ​യു​ടെ തെ​ക്കേ​ക്ക​ര​യി​ൽ രാ​മ​നെ വി​ളി​ച്ച് നെ​ഞ്ചു​പൊ​ട്ടി വി​ല​പി​ക്കു​ന്ന സീ​ത​യെ വാ​ത്മീ​കി മ​ഹ​ർ​ഷി ത​െ​ൻ​റ ആ​ശ്ര​മ​ത്തി​ലേ​ക്ക് ആ​ന​യി​ക്കു​ന്നു.

സൂ​ര്യ​ച​ന്ദ്ര​ന്മാ​ർ, ദേ​വ​േ​ശ്ര​ഷ്ഠ​ന്മാ​ർ, ഗ​ന്ധ​ർ​വ​ന്മാ​ർ, മാ​മു​നീ​ന്ദ്ര​ന്മാ​ർ എ​ന്നി​വ​രു​ടെ മു​ന്നി​ൽ​വെ​ച്ച് ഇ​ന്ദ്ര​നും അ​ഗ്​​നി​യും വാ​യു​വും സീ​ത പ​രി​ശു​ദ്ധ​യാ​ണെ​ന്ന് സാ​ക്ഷ്യ​പ്പെ​ടു​ത്തി​യ ശേ​ഷം ത​െ​ൻ​റ മ​ന​സ്സാ​ക്ഷി​യ​നു​സ​രി​ച്ചാ​ണ് ശ്രീ​രാ​മ​ൻ സീ​ത​യെ കൈ​ക്കൊ​ള്ളു​ന്ന​ത്.

ഇ​ങ്ങ​നെ പ്ര​പ​ഞ്ച​ശ​ക്തി​ക​ളു​ടെ സാ​ക്ഷ്യ​വും ആ​ത്മ​ബോ​ധ്യ​വു​മു​ള്ള വ​സ്​​തു​ത​യാ​ണ് പി​ന്നീ​ടു​ണ്ടാ​യ ജ​നാ​പ​വാ​ദ​ത്തി​ൽ ശി​ഥി​ല​മാ​കു​ന്ന​ത്. വി​ക​ല​വും ക്രൂ​ര​വും നി​ന്ദ്യ​വും നി​ർ​ദ​യ​വു​മാ​യ അ​ധി​കാ​ര​പ്ര​യോ​ഗ​മാ​ണ് സീ​ത​യെ​ന്ന സ്​​ത്രീ​യി​ൽ, ഗ​ർ​ഭി​ണി​യാ​യ ഭാ​ര്യ​യി​ൽ, പ്ര​ജ​യി​ൽ പു​രു​ഷ​നും ഭ​ർ​ത്താ​വും ഭ​ര​ണാ​ധി​കാ​രി​യു​മാ​യ ശ്രീ​രാ​മ​ൻ ന​ട​ത്തി​യ​ത്!! മു​ഖ്യ​ധ​ർ​മ​ത്തെ​ക്കു​റി​ച്ച് വ്യ​ക്ത​മാ​യ കാ​ഴ്ച​പ്പാ​ടു​ണ്ടാ​കേ​ണ്ടൊ​രു ഭ​ര​ണാ​ധി​കാ​രി ജ​നാ​പ​വാ​ദ​ങ്ങ​ളെ ഹി​ത​പ​രി​ശോ​ധ​ന​യി​ലൂ​ടെ വി​ല​യി​രു​ത്തു​ന്ന​തി​നോ പൗ​ര​സ​മ​ക്ഷം പ്ര​തി​ജ്ഞ ചെ​യ്യി​ച്ച്​ ത​ദ​നു​സൃ​ത​മാ​യ ന​ട​പ​ടി​ക​ൾ കൈ​ക്കൊ​ള്ളു​ന്ന​തി​നോ ത​യാ​റാ​യി​ല്ല.

ശ്രീ​രാ​മ​ൻ ത​നി​ക്ക് നി​ഷേ​ധി​ച്ച സ​മ​ത്വം, നീ​തി, ധ​ർ​മം, സ്വാ​ത​ന്ത്ര്യം തു​ട​ങ്ങി​യ​വ​യു​ടെ ആ​ദി​മാ​തൃ​ക​ക​ൾ അ​ദ്ദേ​ഹ​ത്തിെ​ൻ​റ വം​ശാ​വ​ലി​യു​ടെ ഉ​ള്ള​ട​ക്ക​ത്തി​ൽ ദ​ർ​ശി​ക്കു​ന്ന സീ​ത​യെ ത​െ​ൻ​റ 'ചി​ന്താ​വി​ഷ്​​ട​യാ​യ സീ​ത'​യി​ൽ മ​ഹാ​ക​വി കു​മാ​ര​നാ​ശാ​ൻ അ​വ​ത​രി​പ്പി​ക്കു​ന്നു​ണ്ട്.

സ്​​ത്രീ, ഭാ​ര്യ, രാ​ജ്ഞി, അ​മ്മ, പ്ര​ജ എ​ന്നീ നി​ല​ക​ളി​ൽ അ​നു​ഭ​വി​ച്ച അ​നീ​തി​യും നെ​റി​കേ​ടു​ക​ളു​മെ​ല്ലാം അ​തി​ൽ വി​ചാ​ര​വി​മ​ർ​ശ​ത്തി​ന് വി​ധേ​യ​മാ​ക്കു​ന്നു​ണ്ട്. ത​െ​ൻ​റ കീ​ർ​ത്തി​ദോ​ഷ​ത്തെ ക​ഴു​കി​ക്ക​ള​യു​ന്ന​തി​ൽ ത​ൽ​പ​ര​നാ​യ രാ​മ​ൻ അ​ൽ​പ​ബു​ദ്ധി​ക​ൾ​ക്ക് ചേ​ർ​ന്ന​വി​ധം പ്ര​വ​ർ​ത്തി​ച്ച​തു​മൂ​ലം ത​ന്നെ​ക്കു​റി​ച്ചു​ള്ള അ​പ​വാ​ദ​ത്തെ സ്​​ഥി​രീ​ക​രി​ക്കു​ക​യാ​ണ് ചെ​യ്ത​ത്.

അ​പ​രാ​ധി​യെ സം​ശ​യ​ത്തിെ​ൻ​റ പേ​രി​ൽ വി​ടാ​റു​ണ്ടെ​ന്നി​രി​ക്കെ, നി​ര​പ​രാ​ധി​യാ​യ താ​ൻ ശി​ക്ഷി​ക്ക​പ്പെ​ട്ടി​രി​ക്കു​ന്നു. ആ​ത്മ​വി​ശു​ദ്ധി​യ​ല്ലാ​തെ പ​ര​സ്യ​മാ​യ മ​റ്റൊ​രു തെ​ളി​വും ത​നി​ക്ക് ആ​രു​ടെ മു​ന്നി​ലും വെ​ക്കാ​നി​ല്ലെ​ന്നും അ​തു​കൊ​ണ്ട് ത​നി​ക്ക് സാ​ക്ഷി താ​ൻ ത​ന്നെ​യാ​ണെ​ന്നും സീ​ത അ​തി​ൽ വെ​ളി​പ്പെ​ടു​ത്തു​ന്നു​ണ്ട്.

ഒ​രു മാ​യാ​സീ​ത​യെ​ക്കൂ​ടി സൃ​ഷ്​​ടി​ച്ചോ സം​ഭ​വ​ങ്ങ​ളെ മാ​യി​ക​ത​ല​ത്തി​ൽ വ്യാ​ഖ്യാ​നി​ച്ചോ സീ​താ​പ​രി​ത്യാ​ഗ​ത്തെ ആ​ർ​ക്കും ഒ​രു​കാ​ല​ത്തും പ്ര​തി​രോ​ധി​ക്കാ​നാ​കി​ല്ല. ആ​രും പൂ​ർ​ണ​ര​ല്ലാ​ത്ത​തു​കൊ​ണ്ടും ദേ​ശ​കാ​ല​പ​രി​മി​തി​ക​ൾ ഏ​ത് ചെ​യ്തി​ക​ളെ​യും സ്വാ​ധീ​നി​ക്കു​മെ​ന്ന​തു​കൊ​ണ്ടും ആ​ദ​ർ​ശ​ബിം​ബ​ങ്ങ​ളാ​യി ഉ​യ​ർ​ത്തി​ക്കാ​ണി​ക്കു​ന്ന​വ​രി​ലെ​ല്ലാം പാ​ക​പ്പി​ഴ​ക​ളും പോ​രാ​യ്മ​ക​ളും ന്യൂ​ന​ത​ക​ളു​മു​ണ്ടാ​കും. അ​തു​ൾ​ക്കൊ​ണ്ട് ന​മ്മു​ടെ വാ​യ​ന​ക​ളെ നി​ര​ന്ത​രം പ​രി​ഷ്​​ക​രി​ച്ച് സ​മ്പ​ന്ന​വും സ​മ്പു​ഷ്​​ട​വും സാ​ർ​ഥ​ക​വു​മാ​ക്കു​ന്ന​തി​ന് ആ​വ​ശ്യ​പ്പെ​ടു​ന്നു​ണ്ട്​ വി​ശ്വോ​ത്ത​ര​കൃ​തി​ക​ൾ.

Show Full Article
TAGS:ramayan vazhiyil ramayana masam ramayanam karkidakam 
Next Story