Begin typing your search above and press return to search.
proflie-avatar
Login
exit_to_app
exit_to_app
കാ​മ​ന​ക​ളു​ടെ സ​ഞ്ചാ​ര​പ​ഥ​ങ്ങ​ൾ
cancel
Homechevron_rightLIFEchevron_rightSpiritualitychevron_rightകാ​മ​ന​ക​ളു​ടെ...

കാ​മ​ന​ക​ളു​ടെ സ​ഞ്ചാ​ര​പ​ഥ​ങ്ങ​ൾ

text_fields
bookmark_border

ഭാ​ര​തീ​യ ഇ​തി​ഹാ​സ​ങ്ങ​ളു​ടെ ഗ​തി​വി​ഗ​തി​ക​ൾ നി​ർ​ണ​യി​ക്കു​ന്ന​തി​ൽ വ​ലി​യ പ​ങ്കു​വ​ഹി​ച്ച​ത് സ്​​ത്രീ​ക​ഥാ​പാ​ത്ര​ങ്ങ​ളാ​ണ്. കൈ​കേ​യി​യു​ടെ ദാ​സി​യാ​യ മ​ന്ഥര മു​ത​ൽ അ​ത്​ ആ​രം​ഭി​ക്കു​ന്നു. ദ​ശ​ര​ഥ​ൻ മു​മ്പ് ന​ൽ​കി​യ വ​ര​ങ്ങ​ൾ ചോ​ദി​ക്കാ​ൻ കൈ​കേ​യി​യോ​ട് ആ​വ​ശ്യ​പ്പെ​ടു​ന്ന​ത് മ​ന്ഥര​യാ​ണ്. അ​ത് അ​വ​ത​രി​പ്പി​ക്കേ​ണ്ട സ​ന്ദ​ർ​ഭം, രീ​തി, സ​ഫ​ല​മാ​ക്കു​ന്ന​തി​നു​ള്ള വ​ഴി​ക​ൾ എ​ന്നി​വ​യെ​ല്ലാം അ​വ​ർ ഉ​പ​ദേ​ശി​ക്കു​ന്നു​ണ്ട്. അ​ത​നു​സ​രി​ച്ച് പ്ര​വ​ർ​ത്തി​ച്ച​തു ​കൊ​ണ്ടാ​ണ് പ​ട്ടാ​ഭി​ഷേ​കം മു​ട​ങ്ങി​യ​തും ശ്രീ​രാ​മാ​ദി​ക​ൾ​ക്ക് വ​ന​ത്തി​ൽ പോ​കേ​ണ്ടി വ​ന്ന​തും.

വ​ന​വാ​സ​കാ​ല​ത്ത് മ​റ്റൊ​രു വ​ഴി​ത്തി​രി​വു​ണ്ടാ​ക്കി​യ​ത്​ രാ​വ​ണ​െ​ൻ​റ സ​ഹോ​ദ​രി ശൂ​ർ​പ്പ​ണ​ഖ. കാ​ല​കേ​യ​ന്മാ​രു​മാ​യു​ള്ള യു​ദ്ധ​ത്തി​ൽ രാ​വ​ണ​ൻ അ​ബ​ദ്ധ​വ​ശാ​ൽ വ​ധി​ച്ച വി​ദ്യു​ജ്ജി​ഹ്വ​നാ​യി​രു​ന്നു ശൂ​ർ​പ്പ​ണ​ഖ​യു​ടെ ഭ​ർ​ത്താ​വ്. വി​ധ​വ​യാ​യി​ത്തീ​ർ​ന്ന അ​വ​ൾ ത​നി​ക്കി​ഷ്​​ട​മു​ള്ള​യാ​ളെ ഭ​ർ​ത്താ​വാ​യി ല​ഭി​ക്കു​ന്ന​തി​ന് ഈ ​ലോ​കം മു​ഴു​വ​നും അ​ന്വേ​ഷി​ച്ചി​ട്ടും ക​ണ്ടെ​ത്താ​നാ​യി​ല്ല. രാ​മ​ല​ക്ഷ്മ​ണ​ന്മാ​രും സീ​ത​യും ദ​ണ്ഡ​കാ​ര​ണ്യ​ത്തി​ലെ​ത്തി​യ​ത​റി​ഞ്ഞ്​ അ​വ​രെ നേ​രി​ട്ടു കാ​ണാ​ൻ തീ​രു​മാ​നി​ച്ചു. അ​തി​ന് ഒ​രു സു​ന്ദ​രീ​ര​ത്ന​ത്തിന്‍റെ വേ​ഷം ധ​രി​ച്ച് പ​ർ​ണാ​ശ്ര​മ​ത്തി​ൽ പ്ര​വേ​ശി​ച്ചു.

ശ്രീ​രാ​മ​നെ ക​ണ്ട മാ​ത്ര​യി​ൽ കാ​മ​പ​ര​വ​ശ​യാ​യി സ്വ​യം പ​രി​ച​യ​പ്പെ​ടു​ത്തി ഇം​ഗി​തം അ​റി​യി​ച്ചു. താ​ൻ വി​വാ​ഹി​ത​നും ഭാ​ര്യാ​സ​മേ​ത​നു​മാ​ണെ​ന്നു പ​റ​ഞ്ഞ് രാ​മ​ൻ ശൂ​ർ​പ്പ​ണ​ഖ​യെ ല​ക്ഷ്മ​ണ​ന​രി​കി​ലേ​ക്ക് വി​ട്ടു. ല​ക്ഷ്മ​ണ​നോ​ടും ഇ​തേ ആ​വ​ശ്യം ഉ​ന്ന​യി​ച്ച​പ്പോ​ൾ ശ്രീ​രാ​മ ദാ​സ​നാ​ണ് താ​നെ​ന്നും സു​ന്ദ​രി​യാ​യ അ​വ​ൾ ദാ​സി​യാ​കേ​ണ്ട​വ​ള​ല്ലെ​ന്നും കു​ലാ​ചാ​ര​ശീ​ല​ങ്ങ​ളെ​ല്ലാം തു​റ​ന്നു​പ​റ​ഞ്ഞാ​ൽ രാ​മ​ൻ​ത​ന്നെ അ​വ​ളെ സ്വീ​ക​രി​ക്കു​മെ​ന്നും പ​റ​ഞ്ഞു. ത​ന്നെ ശു​ശ്രൂ​ഷി​ക്കാ​ൻ നി​ല​വി​ൽ ഒ​രാ​ളു​ണ്ടെ​ന്നും സ​ഹോ​ദ​ര​ന് അ​ങ്ങ​നെ​യൊ​ന്ന് ഇ​ല്ലാ​ത്ത​തു​കൊ​ണ്ട് അ​ദ്ദേ​ഹ​ത്തെ സ​മീ​പി​ക്കു​ന്ന​താ​കും ഉ​ചി​ത​മെ​ന്നും അ​റി​യി​ച്ച് ല​ക്ഷ്​​മ​ണ​െ​ൻ​റ അ​ടു​ത്തേ​ക്കു​ത​ന്നെ വീ​ണ്ടും തി​രി​ച്ച​യ​ച്ചു.

ത​നി​ക്ക് ശൂ​ർ​പ്പ​ണ​ഖ​യി​ൽ ഒ​രാ​ഗ്ര​ഹ​വു​മി​ല്ലെ​ന്ന​റി​യി​ച്ച് ല​ക്ഷ്മ​ണ​ൻ ഒ​രി​ക്ക​ൽ​കൂ​ടി ജ്യേ​ഷ്ഠ​നെ കാ​ണാ​ൻ ആ​വ​ശ്യ​പ്പെ​ട്ടു. രാ​മന്‍റെ മു​ന്നി​ൽ​ചെ​ന്ന് പ​ല​ത​ര​ത്തി​ൽ അ​പേ​ക്ഷി​ച്ചി​ട്ടും കാ​മി​തം ന​ട​ക്കാ​ത്ത​തി​ൽ ശൂ​ർ​പ്പ​ണ​ഖ​ക്ക്​ ക​ടു​ത്ത ഇ​ച്ഛാ​ഭം​ഗ​വും കോ​പ​വു​മു​ണ്ടാ​യി. മാ​യാ​രൂ​പം വെ​ടി​ഞ്ഞ് സ്വ​ന്തം രൂ​പം​കൈ​ക്കൊ​ണ്ട് അ​വ​ൾ സീ​ത​ക്കു​നേ​രെ അ​ല​റി​യ​ടു​ത്തു. ഇ​തു​ക​ണ്ട ല​ക്ഷ്മ​ണ​ൻ ശൂ​ർ​പ്പ​ണ​ഖ​യു​ടെ മൂ​ക്കും മു​ല​ക​ളും വാ​ളാ​ൽ മു​റി​ച്ചു​ക​ള​ഞ്ഞു. ഇ​താ​ണ് സീ​താ​പ​ഹ​ര​ണം ഉ​ൾ​പ്പെ​ടെ​യു​ള്ള സം​ഭ​വ​വി​കാ​സ​ങ്ങ​ൾ​ക്ക് വ​ഴി​മ​രു​ന്നി​ട്ട​ത്.

ഇ​വി​ടെ രാ​മ​ല​ക്ഷ്മ​ണ​ന്മാ​ർ ശൂ​ർ​പ്പ​ണ​ഖ​യു​ടെ അ​ട​ങ്ങാ​ത്ത കാ​മ​ന​ക​ൾ​ക്ക് ശു​ഭ​പ്ര​തീ​ക്ഷ ന​ൽ​കി അ​വ​ളെ​യി​ട്ട് പ​ന്താ​ടി. നി​ജ​സ്ഥി​തി ധ​രി​പ്പി​ച്ച് ശൂ​ർ​പ്പ​ണ​ഖ​യെ നേ​ര​ത്തെ പി​ന്തി​രി​പ്പി​ക്കാ​മാ​യി​രു​ന്നു. എ​ന്നാ​ൽ, ആ ​മാ​യാ​മോ​ഹി​നീ​രൂ​പ​ത്തെ പെ​ട്ടെ​ന്ന് കൈ​യൊ​ഴി​യു​ന്ന​തി​നു​ള്ള മ​നു​ഷ്യ​സ​ഹ​ജ​മാ​യ വൈ​മ​ന​സ്യ​മാ​ണ് അ​വി​ടെ പ്ര​വ​ർ​ത്തി​ച്ച​തെ​ന്ന് വ്യ​ക്തം. എ​ന്നാ​ൽ, ശൂ​ർ​പ്പ​ണ​ഖ​യി​ലെ ത​ട​യ​പ്പെ​ട്ട കാ​മം േക്രാ​ധ​മാ​യും അ​ത് പ​ടി​പ​ടി​യാ​യി ഉ​യ​ർ​ന്ന് ബു​ദ്ധി​നാ​ശ​മാ​യും പ​രി​ണ​മി​ച്ച​തു​കൊ​ണ്ടാ​ണ് അ​വ​ൾ ത​നി​നി​റ​മെ​ടു​ത്ത് കൈ​യേ​റ്റ​ത്തി​ന് മു​തി​ർ​ന്ന​ത്. ഇ​ങ്ങ​നെ നി​ർ​ബാ​ധം സ​ഞ്ച​രി​ച്ച് വി​വി​ധ നി​ല​ക​ളി​ൽ പ്ര​വ​ർ​ത്തി​ച്ച അ​ട​ങ്ങാ​ത്ത കാ​മ​ന​ക​ളാ​ണ് ഒ​രു വം​ശ​ത്തെ സ​ർ​വ​നാ​ശ​ത്തി​ലേ​ക്ക് ന​യി​ച്ച​ത്.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:karkidakamramayanamramayana masam
Next Story