Top
Begin typing your search above and press return to search.
exit_to_app
exit_to_app
വാ​ക്കിന്‍റെ നേ​രു​റ​വ​ക​ൾ
cancel
Homechevron_rightLIFEchevron_rightSpiritualitychevron_rightവാ​ക്കിന്‍റെ...

വാ​ക്കിന്‍റെ നേ​രു​റ​വ​ക​ൾ

text_fields
bookmark_border

സീ​ത​യു​ടെ അ​ന്ത​ർ​ധാ​ന​ത്തോ​ടെ അ​യോ​ധ്യ ശോ​ക​മൂ​ക​മാ​യി, ദു​ർ​നി​മി​ത്ത​ങ്ങ​ളും ക​ണ്ടു​തു​ട​ങ്ങി. അ​ന്നൊ​രി​ക്ക​ൽ മൃ​ത്യു​ദേ​വ​നാ​യ യ​മ​ധ​ർ​മ​ൻ താ​പ​സ​വേ​ഷം ധ​രി​ച്ച് അ​യോ​ധ്യ​യി​ലെ​ത്തു​ന്നു. ശ്രീ​രാ​മ​ൻ അ​ദ്ദേ​ഹ​ത്തെ സ്വീ​ക​രി​ച്ച് കു​ശ​ല​പ്ര​ശ്നം ചെ​യ്ത​പ്പോ​ൾ അ​തീ​വ ര​ഹ​സ്യം ത​നി​ക്ക് അ​റി​യി​ക്കാ​നു​ണ്ടെ​ന്നും അ​തി​നി​ട​യി​ൽ വേ​റെ​യാ​രെ​ങ്കി​ലും കേ​ൾ​ക്കു​ക​യോ കാ​ണു​ക​യോ ചെ​യ്താ​ൽ അ​യാ​ളെ വ​ധി​ക്കു​മെ​ന്ന് വാ​ക്ക് ന​ൽ​ക​ണ​മെ​ന്നും ഉ​ണ​ർ​ത്തി​ച്ചു. കാ​ര്യം ധ​രി​പ്പി​ച്ച് കാ​വ​ൽ​ക്കാ​രെ മാ​റ്റി ല​ക്ഷ്മ​ണ​നെ അ​വി​ടെ നി​ർ​ത്തി.

അ​വ​താ​രോ​ദ്ദേ​ശ്യം പൂ​ർ​ത്തി​യാ​ക്കി​യ ശ്രീ​രാ​മ​ൻ തി​രി​ച്ചു​ വ​രു​ന്ന​തു​മാ​യി ബ​ന്ധ​പ്പെ​ട്ട സം​ഭാ​ഷ​ണം പു​രോ​ഗ​മി​ക്ക​വേ, അ​വി​ടെ വ​ന്ന ദു​ർ​വാ​സാ​വ് മ​ഹ​ർ​ഷി രാ​മ​നെ അ​ടി​യ​ന്ത​ര​മാ​യി കാ​ണു​ന്ന​തി​ന് തി​ടു​ക്കം കൂ​ട്ടി. നി​ല​വി​ലെ സാ​ഹ​ച​ര്യം പ​റ​ഞ്ഞ​പ്പോ​ൾ ശ​പി​ച്ച് രാ​ജ്യ​വും കു​ല​വും മു​ടി​ക്കു​മെ​ന്ന് ആ​ക്രോ​ശി​ച്ചു. താ​ൻ​മൂ​ലം സ​ർ​വ​നാ​ശം ഉ​ണ്ടാ​ക​രു​തെ​ന്ന് തീ​രു​മാ​നി​ച്ച് ല​ക്ഷ്മ​ണ​ൻ രാ​മ​നെ നേ​രി​ട്ടു​ക​ണ്ട് കാ​ര്യ​ങ്ങ​ൾ ബോ​ധി​പ്പി​ച്ചു. എ​ന്ത് ഉ​പേ​ക്ഷി​ച്ചും പ്ര​തി​പാ​ലി​ക്കു​ന്ന രാ​മ​ൻ വ​ധ​വും ത്യാ​ഗ​വും ഒ​രു​പോ​ലെ​യാ​യ​തു​കൊ​ണ്ട് ല​ക്ഷ്മ​ണ​നെ ഉ​പേ​ക്ഷി​ക്കു​ന്ന​താ​യി പ്ര​ഖ്യാ​പി​ച്ചു.

സീ​ത​യു​ടെ​യും ല​ക്ഷ്മ​ണ​െ​ൻ​റ​യും ദേ​ഹ​വി​യോ​ഗ​ത്തി​ൽ അ​സ്വ​സ്​​ഥ​ചി​ത്ത​നാ​യ രാ​മ​ൻ ഭൂ​മി​യി​ലെ വാ​സം അ​വ​സാ​നി​പ്പി​ക്കാ​ൻ തീ​രു​മാ​നി​ച്ചു. മ​ക്ക​ളു​ടെ അ​ഭി​ഷേ​കം ന​ട​ത്തി ഭ​ര​ത ശ​ത്രു​ഘ്ന​ന്മാ​രോ​ടൊ​പ്പം മ​ഹാ​പ്ര​സ്​​ഥാ​ന​ത്തി​നി​റ​ങ്ങി. വാ​ന​ര​ന്മാ​രും രാ​ക്ഷ​സ​ന്മാ​രും പൗ​ര​ജ​ന​ങ്ങ​ളും മ​റ്റ് ജീ​വ​ജാ​ല​ങ്ങ​ളു​മെ​ല്ലാം രാ​മ​നെ പി​ന്തു​ട​ർ​ന്നു. സ​ര​യൂ​ന​ദി​യി​ൽ സ​ഹോ​ദ​ര​ന്മാ​ർ​ക്കൊ​പ്പം ദേ​ഹ​ത്യാ​ഗം ചെ​യ്ത് സ്വ​രൂ​പ​ത്തി​ലേ​ക്ക് മ​ട​ങ്ങി​യ​ശേ​ഷം ത​ന്നോ​ടൊ​ത്ത് വ​ന്ന​വ​ർ​ക്കും അ​ദ്ദേ​ഹം പ​ര​ലോ​ക​ത്ത് ഉ​ന്ന​ത​സ്​​ഥാ​ന​ങ്ങ​ൾ ഉ​റ​പ്പാ​ക്കി.

രാ​മ​ക​ഥ​യു​ടെ ഗ​തി​വി​ഗ​തി​ക​ളെ തീ​രു​മാ​നി​ക്കു​ന്ന​തും നി​യ​ന്ത്രി​ക്കു​ന്ന​തും ആ​ച​ര​ണ​ത്തി​ൽ വി​ട്ടു​വീ​ഴ്ച​യി​ല്ലാ​ത്ത വാ​ക്കു​ക​ളാ​ണ്. കൈ​കേ​യി​ക്ക് അ​ച്ഛ​ൻ കൊ​ടു​ത്ത വാ​ക്ക് പാ​ലി​ക്കു​ന്ന​തി​നാ​ണ് അ​ധി​കാ​രം ഉ​പേ​ക്ഷി​ച്ച് ശ്രീ​രാ​മ​ൻ വ​ന​വാ​സ​ത്തി​നി​റ​ങ്ങി​യ​ത്. അ​തി​ൽ ക്ഷു​ഭി​ത​നാ​യ ല​ക്ഷ്മ​ണ​നെ സാ​ന്ത്വ​നി​പ്പി​ക്കു​ന്ന​ത് സാ​രോ​പ​ദേ​ശ​വ​ച​ന​ങ്ങ​ളാ​ണ്. സു​ഗ്രീ​വ​നു​മാ​യി സ​ഖ്യം ന​ട​ത്തു​മ്പോ​ൾ ന​ൽ​കി​യ വാ​ഗ്ദാ​ന​മാ​ണ് ബാ​ലി​വ​ധം. പാ​തി​വ്ര​ത്യം തെ​ളി​യി​ച്ച​ത് അ​ഗ്നി​യു​ടെ ജ്വ​ലി​ക്കു​ന്ന വാ​ക്കു​ക​ളി​ലൂ​ടെ​യാ​ണ്. വ​ച​നം അ​തിെ​ൻ​റ സം​ഹാ​ര​രൂ​പ​മെ​ടു​ത്ത​പ്പോ​ഴാ​ണ് രാ​ജ​സ​ദ​സ്സി​ൽ സീ​ത ഭൂ​പ്ര​വേ​ശം ന​ട​ത്തി​യ​ത്. കാ​ഷാ​യ​വേ​ഷ​ത്തി​ൽ വ​ന്ന യ​മ​ധ​ർ​മ​ന് കൊ​ടു​ത്ത വാ​ക്ക് പാ​ലി​ക്കാ​നാ​ണ് ല​ക്ഷ്മ​ണ​നെ ഉ​പേ​ക്ഷി​ച്ച​ത്.

സ​ത്യ​വി​ശു​ദ്ധി​യാ​ർ​ന്ന് പ്രാ​ണ​നി​ലൂ​ടെ പു​റ​ത്തേ​ക്കു​വ​രു​ന്ന ആ​ത്മ​സാ​ക്ഷ്യ​മെ​ടു​ത്ത, ഹൃ​ദ​യ​സ്​​പ​ർ​ശ​മു​ള്ള വാ​ക്കിെ​ൻ​റ മൂ​ല്യ​ത്തെ വ്യ​ക്തി​ബ​ന്ധ​ങ്ങ​ൾ മ​റ​ന്നും പ്രാ​ണ​ൻ ത്യ​ജി​ച്ചും പ​രി​പാ​ലി​ക്കു​ക​യും പ്ര​വ​ർ​ത്തി​പ്പി​ക്കു​ക​യും ചെ​യ്യു​ന്ന ധ​ർ​മ​നി​ഷ്ഠ​യി​ലും നീ​തി​ബോ​ധ​ത്തി​ലു​മാ​ണ് രാ​മേ​തി​ഹാ​സ​ത്തിെ​ൻ​റ അ​ടി​വേ​രു​ക​ൾ പ​ട​ർ​ന്നു​കി​ട​ക്കു​ന്ന​ത്.

Show Full Article
TAGS:ramayana vazhiyil ramayanam ramayana masam karkidakam 
Next Story