Top
Begin typing your search above and press return to search.
exit_to_app
exit_to_app
ഭ​ര​ത​ൻ എ​ന്ന മൂ​ല്യം  
cancel
Homechevron_rightLIFEchevron_rightSpiritualitychevron_rightഭ​ര​ത​ൻ എ​ന്ന മൂ​ല്യം

ഭ​ര​ത​ൻ എ​ന്ന മൂ​ല്യം  

text_fields
bookmark_border

രാ​മാ​യ​ണ​ത്തി​ലെ ഉ​ജ്വ​ല ക​ഥാ​പാ​ത്ര​മാ​ണ് ഭ​ര​ത​ൻ. ദ​ശ​ര​ഥ​നി​ൽ​നി​ന്ന് നേ​ടി​യ വ​ര​ത്തിെ​ൻ​റ പി​ൻ​ബ​ല​ത്തി​ൽ കൈ​കേ​യി പ​ട്ടാ​ഭി​ഷേ​കം മു​ട​ക്കു​ക​യും ശ്രീ​രാ​മ​നെ പ​തി​നാ​ല് വ​ർ​ഷ​ത്തെ വ​ന​വാ​സ​ത്തി​ന് അ​യ​ച്ച് സ്വ​ന്തം മ​ക​നാ​യ ഭ​ര​ത​ന് രാ​ജ്യാ​വ​കാ​ശം ഉ​റ​പ്പി​ക്കു​ക​യും ചെ​യ്യു​ന്നു.

ഈ ​സ​മ​യം ഭ​ര​ത​നും ശ​ത്രു​ഘ്ന​നും അ​മ്മാ​വ​നാ​യ യു​ധാ​ജി​ത്തി​നോ​ടൊ​ത്ത് കൈ​േ​ക​യ​ത്തി​ൽ വ​സി​ക്കു​ക​യാ​യി​രു​ന്നു. സ​ന്ദേ​ശ​മ​നു​സ​രി​ച്ച് അ​യോ​ധ്യ​യി​ലെ​ത്തി​യ​പ്പോ​ൾ രാ​മ​ൻ വ​ന​വാ​സ​ത്തി​നു​പോ​യ​തും പി​താ​വാ​യ ദ​ശ​ര​ഥ​ൻ പു​ത്ര​ശോ​ക​ത്താ​ൽ ഹൃ​ദ​യം​പൊ​ട്ടി മ​രി​ച്ച​തും അ​റി​ഞ്ഞ് ഭ​ര​ത​ന് സ​മ​നി​ല തെ​റ്റി.

ഉ​റ​യി​ൽ​നി​ന്നൂ​രി​യ വാ​ൾ​കൊ​ണ്ട് സ്വ​യം​ഹ​ത്യ​ക്ക്​ ശ്ര​മി​ച്ച​പ്പോ​ൾ ചാ​ടി വീ​ണ് ശ​ത്രു​ഘ്ന​ൻ ത​ട​ഞ്ഞു. പി​ന്നീ​ട് സ്വ​ബോ​ധം വീ​ണ്ടെ​ടു​ത്ത് കൈ​കേ​യി​യു​ടെ ക​ണ​ക്കു​കൂ​ട്ട​ലു​ക​ളെ​ല്ലാം തെ​റ്റി​ച്ച് സ​ന്യാ​സ​വേ​ഷ​ത്തി​ൽ ശ്രീ​രാ​മ​നോ​ടൊ​പ്പം കാ​ട്ടി​ൽ ക​ഴി​യാ​നാ​ണ് ഭ​ര​ത​ൻ തീ​രു​മാ​നി​ച്ച​ത്.

പ​തി​നാ​ലു വ​ർ​ഷം ക​ഴി​യാ​തെ താ​ൻ അ​യോ​ധ്യ​യി​ലേ​ക്ക് തി​രി​ച്ചു വ​രി​ല്ലെ​ന്നും അ​തു​വ​രെ ഭ​ര​ത​ൻ ത​ന്നെ നാ​ട് ഭ​രി​ക്ക​ണ​മെ​ന്നും ശ്രീ​രാ​മ​ൻ ശ​ഠി​ച്ച​തി​നെ തു​ട​ർ​ന്ന് ഭ​ര​ത​ൻ തി​രി​ച്ചു​വ​രാ​ൻ നി​ർ​ബ​ന്ധി​ത​നാ​യി. പ​തി​നാ​ല് വ​ർ​ഷം ക​ഴി​ഞ്ഞ് തി​രി​ച്ചു​വ​ര​വി​ന്​ ഒ​രു​ദി​വ​സം​പോ​ലും വൈ​കി​യാ​ൽ താ​ൻ അ​ഗ്​​നി​പ്ര​വേ​ശം ചെ​യ്യു​മെ​ന്ന പ്ര​തി​ജ്ഞ​യോ​ടെ ശ്രീ​രാ​മ​െ​ൻ​റ മെ​തി​യ​ടി​ക​ൾ ഏ​റ്റു​വാ​ങ്ങി​യാ​ണ് ആ ​ഹൃ​ദ​യാ​ലു മ​ട​ങ്ങി​യ​ത്.

ശ്രീ​രാ​മ​ൻ ഇ​ല്ലാ​ത്ത​തു​കൊ​ണ്ട് ശൂ​ന്യ​വും കൈ​കേ​യി വ​സി​ക്കു​ന്ന​തു​കൊ​ണ്ട് നി​ന്ദ്യ​വു​മാ​യ അ​യോ​ധ്യ ഉ​പേ​ക്ഷി​ച്ച് സ​മീ​പ​ത്തു​ള്ള ന​ന്ദി​ഗ്രാ​മ​ത്തി​ൽ പാ​ദു​ക​ങ്ങ​ൾ ര​ണ്ടും പ്ര​തി​ഷ്ഠി​ച്ച് കാ​ഷാ​യ​വേ​ഷ​മ​ണി​ഞ്ഞ് അ​വി​ടെ​നി​ന്ന് രാ​ജ്യ​ഭ​ര​ണം ന​ട​ത്തു​ക​യാ​യി​രു​ന്നു ഭ​ര​ത​ൻ.

സ​ഹോ​ദ​ര​സ്​​നേ​ഹ​ത്തിെ​​ൻ​റ ഉ​ത്ത​മ​വും ഉ​ദാ​ത്ത​വു​മാ​യ മാ​തൃ​ക​യാ​ണി​ത്. ജ്യേ​ഷ്ഠ​നോ​ടു​ള്ള ക​റ​ക​ള​ഞ്ഞ സ്​​നേ​ഹാ​ദ​ര​ങ്ങ​ളും ഭ​ക​തി​വി​ശ്വാ​സ​ങ്ങ​ളും ആ​ത്്മാ​ർ​പ്പ​ണ​വു​മാ​ണ് ​െവ​ച്ചു​നീ​ട്ടി​യ അ​ധി​കാ​ര​ത്തെ നി​റ​ഞ്ഞ മ​ന​സ്സോ​ടെ കൈ​യൊ​ഴി​യു​ന്ന​തി​നു​ള്ള ധീ​ര​ത​യും പ്രാ​പ്തി​യു​മെ​ല്ലാം ഭ​ര​ത​നേ​കി​യ​ത്.

പ​തി​നാ​ലു വ​ർ​ഷം രാ​ജ്യം ഭ​രി​ക്കാ​ൻ രാ​മ​ൻ ആ​വ​ശ്യ​പ്പെ​ട്ട​പ്പോ​ൾ രാ​മ​പാ​ദു​ക​ങ്ങ​ളെ സാ​ക്ഷി​യാ​ക്കി​യാ​ണ് ആ ​നി​ർ​ദേ​ശം ഭ​ര​ത​ൻ പാ​ലി​ച്ച​ത്. അ​ദ്ദേ​ഹ​ത്തിെ​ൻ​റ ഉ​റ​ച്ച ബോ​ധ്യ​ങ്ങ​ളെ, ദൃ​ഢ​നി​ശ്ച​യ​ങ്ങ​ളെ സ്വാ​ധീ​നി​ക്കാ​ൻ, പി​ന്തി​രി​പ്പി​ക്കാ​ൻ അ​മ്മ​യാ​യ കൈ​കേ​യി​ക്കു​പോ​ലും ക​ഴി​ഞ്ഞി​ല്ല.

ശ്രീ​രാ​മ​ൻ സ്വ​ജീ​വി​തം​കൊ​ണ്ട് സാ​ക്ഷാ​ത്​​ക​രി​ച്ച സ​മു​ന്ന​ത​മൂ​ല്യ​ങ്ങ​ൾ​ക്ക് സാ​ക്ഷ്യ​വും പ​ശ്ചാ​ത്ത​ല​ശോ​ഭ​യു​മൊ​രു​ക്കു​ന്നു​ണ്ട് അ​ദ്ദേ​ഹ​ത്തിെ​ൻ്റ സ​ഹോ​ദ​ര​ന്മാ​ർ ഉ​ൾ​പ്പെ​ടെ​യു​ള്ള ക​ഥാ​പാ​ത്ര​ങ്ങ​ൾ.

തൃ​പ്തി​ക​ര​മാ​യ ഉ​പ​ഭോ​ഗം​പോ​ലും ന​ട​ത്താ​ൻ ക​ഴി​യാ​തെ വി​ഭ​വ​ങ്ങ​ൾ കൂ​ട്ടി​വെ​ക്കാ​ൻ പ​ണി​പ്പെ​ട്ടോ​ടു​ന്ന ഇ​ന്ന​ത്തെ ലോ​ക​ത്ത്​ ത്യാ​ഗ​ത്തിെ​ൻ​റ മു​ഖം​മൂ​ടി​യ​ണി​ഞ്ഞാ​ണ് ഭോ​ഗ​വാ​സ​ന​ക​ൾ വി​ള​യാ​ട്ടം ന​ട​ത്തു​ന്ന​ത്.

അ​വി​ടെ​യാ​ണ് ത്യാ​ഗ​നി​ർ​ഭ​ര​വും സ്​​നേ​ഹ​സു​ര​ഭി​ല​വു​മാ​യ ഹൃ​ദ​യ​ബ​ന്ധ​ങ്ങ​ളു​ടെ ആ​ഖ്യാ​നം അ​തീ​വ​പ്ര​സ​ക്ത​മാ​കു​ന്ന​തും വീ​ണ്ടു​വി​ചാ​ര​ത്തി​ന് േപ്ര​രി​പ്പി​ക്കു​ന്ന​തും.

Show Full Article
TAGS:ramayana vazhiyil ramayanam ramayana masam karkidakam 
Next Story