സൗ​ന്ദ​ര്യ​ത്തി​​ന്‍റെ ന​യ​ത​ന്ത്രം

സൗ​ന്ദ​ര്യം ഏ​തു മ​ഹാ​നെ​യും ശാ​ന്ത​നാ​ക്കും എ​ന്ന് ഇ​തി​ഹാ​സ​ങ്ങ​ൾ സാ​ക്ഷ്യ​പ്പെ​ടു​ത്തു​ന്നു. ലോ​ക വി​നാ​ശ​ക​ര​മാ​യ കോ​പം ശ​മി​പ്പി​ക്കാ​ൻ സൗ​ന്ദ​ര്യ​ത്തെ പ്ര​യോ​ജ​ന​പ്പെ​ടു​ത്താം, അ​ത് തെ​റ്റ​ല്ലെ​ന്ന സൂ​ച​ന​യു​മു​ണ്ട്.

സൗ​ന്ദ​ര്യ​ത്തി​​ന്‍റെ​യൊ​ക്കെ ആ​ക​ർ​ഷ​ണ​ത്തി​ന് മു​ക​ളി​ൽ അ​ല്ലേ മ​ഹ​ത്തു​ക്ക​ൾ എ​ന്ന് ചോ​ദി​ക്കാം. അ​തെ​യെ​ന്നും ആ​യി​രി​ക്ക​ണ​മെ​ന്നും ത​ന്നെ​യാ​ണ് മ​ഹ​ർ​ഷി​മ​തം. എ​ങ്കി​ലും, ത​നി​ക്കും ലോ​ക​ത്തി​നും വി​നാ​ശ​ക​രം അ​ല്ല എ​ങ്കി​ൽ, സൗ​ന്ദ​ര്യ​ത്തെ അ​തി​​ന്‍റെ സ്വാ​ഭാ​വി​ക ധ​ർ​മം ന​ട​പ്പി​ലാ​ക്കാ​ൻ അ​നു​വ​ദി​ക്കു​ന്ന​തുകൊ​ണ്ട് കു​ഴ​പ്പ​മി​ല്ല എ​ന്നു സൂ​ചി​പ്പി​ക്കു​മ്പോ​ൾ തീ​ർ​ച്ച​യാ​യും മ​ഹ​ർ​ഷി​യു​ടെ മു​ഖ​ത്ത് ഒ​രു കു​സൃ​തി​ച്ചി​രി ത​ങ്ങിനി​ൽപു​ണ്ട്. ജ​ന്തു​വി​ന്നു തു​ട​രു​ന്നു വാ​സ​നാബ​ന്ധം ഇ​ങ്ങ് ഉ​ട​ലു വീ​ഴു​വോ​ള​വും എ​ന്ന മ​ഹാ​ക​വി കു​മാ​ര​നാ​ശാ​​ന്‍റെ സ​ഹാ​നു​ഭൂ​തി​ച്ചി​രി ത​ന്നെ!

സീ​താ​ന്വേ​ഷ​ണ​ത്തി​ന് രാ​മ​നെ സ​ഹാ​യി​ക്കാ​മെ​ന്ന് വാ​ക്കുകൊ​ടു​ത്ത സു​ഗ്രീ​വ​ൻ അ​ക്കാ​ര്യം മ​റ​ന്ന് മ​ദ്യ​വും മ​ദി​രാ​ക്ഷി​യും ആ​യി ക​ഴി​യു​മ്പോ​ൾ അ​യാ​ളെ​യും കി​ഷ്കി​ന്ധ​യെ​യും ഒ​രു​മി​ച്ച് ദ​ഹി​പ്പി​ക്കാ​ൻ മ​തി​യാ​യ കോ​പ​ത്തോ​ടെ ക​ട​ന്നു​വ​രു​ന്ന ല​ക്ഷ്മ​ണ​ൻ കൊ​ട്ടാ​ര​ത്തി​ൽ പ്ര​വേ​ശി​ക്കെ സ്വീ​ക​രി​ക്കാ​ൻ നി​ൽ​ക്കു​ന്ന​ത് വി​ശ്വ​സു​ന്ദ​രി​യാ​യ താ​ര​യാ​ണ്. വ​ന്നാ​ലും, ഇ​ത് അ​ങ്ങ​യു​ടെ ഭ​വ​നം ആ​ണ​ല്ലോ എ​ന്നാ​ണ് മ​ധു​രോ​ദാ​ര​മാ​യ സ്വീ​ക​ര​ണ​മൊ​ഴി!

ഹ​നൂ​മാ​​ന്‍റെ മു​ന്ന​റി​യി​പ്പി​നെ തു​ട​ർ​ന്ന് ഭ​യ​പ്പെ​ട്ട് മ​ദ്യ​ല​ഹ​രി ന​ഷ്​​ട​പ്പെ​ട്ട സു​ഗ്രീ​വ​ൻ ക​ണ്ടു​പി​ടി​ച്ച ആ​പ​ൽ​ക്കാ​ല​വി​ദ്യ​യാ​ണ് ആ ​സ്വീ​ക​ര​ണം.ഈ ​ അ​ട​വ് ഫ​ലി​ക്കു​ന്നു. ചു​ട്ടു​പ​ഴു​ത്ത ലോ​ഹം ത​ണു​ക്കു​ന്ന​തുപോ​ലെ ല​ക്ഷ്മ​ണ കോ​പം കാ​ണക്കാ​ണേ ശ​മി​ക്കു​ന്നു.

(മ​ഹാ​ഭാ​ര​ത​ത്തി​ലും ഉ​ണ്ട് ഇ​ങ്ങ​നെ ഒ​രു അ​വ​സ​രം. നാ​ട്ടി​ൽ ന​ട​മാ​ടു​ന്ന വ​ര​ൾ​ച്ചക്ക്​ പ​രി​ഹാ​രം ഉ​ണ്ടാ​വാ​ൻ നി​ഷ്ക​ള​ങ്ക​ത​യു​ടെ അ​വ​താ​ര​മാ​യ ഋ​ഷ്യശൃം​ഗ​നെ കൊ​ണ്ടു​വ​ന്നാ​ൽ മ​തി എ​ന്ന​റി​ഞ്ഞ ഒ​രു മ​ഹാ​രാ​ജാ​വ് സു​ന്ദ​രി​ക​ളാ​യ ക​ന്യ​ക​മാ​രെ അ​യ​ച്ച് അ​ത് സാ​ധി​ക്കു​ന്നു. ത​നി​ക്ക് ഒ​രു അ​ബ​ദ്ധം പ​റ്റി മാ​ൻ​പേ​ട​യി​ൽ ഉ​ണ്ടാ​യ കു​ട്ടി​യെ ലൈം​ഗി​ക​ചോ​ദ​ന​യെ കു​റി​ച്ച് ഒ​ന്നും അ​റി​യി​ക്കാ​തെ വ​ള​ർ​ത്തി​ക്കൊ​ണ്ടു​വ​രു​ന്ന വി​ഭാ​ണ്ഡ​ക​ൻ എ​ന്ന മു​നി ദി​വ്യ​ദൃ​ഷ്​ടികൊ​ണ്ട് എ​ല്ലാം അ​റി​ഞ്ഞ് ആ ​രാ​ജാ​വി​നെ​യും രാ​ജ്യ​ത്തെ​യും ശ​പി​ച്ചു ഭ​സ്മ​മാ​ക്കാ​ൻ പു​റ​പ്പെ​ടു​ന്നു. ഇ​ത് ഉ​ണ്ടാ​കു​മെ​ന്ന് നേ​രത്തേ ക​രു​തി​യ രാ​ജാ​വ് വ​ഴി​യി​ലു​ട​നീ​ളം മ​ഹാസു​ന്ദ​രി​മാ​രെ അ​ണി​നി​ര​ത്തു​ന്നു, അ​തോ​ടൊ​പ്പം അ​തി​ഗം​ഭീ​ര​മാ​യ സ്വീ​ക​ര​ണ ന​ട​പ്പ​ന്ത​ലും വാ​ദ്യ​വും സം​ഗീ​ത​വും വ​ര​വേ​ൽ​പ്പും വേ​റെ​യും. അ​ര​മ​ന​യി​ൽ എ​ത്തു​മ്പോ​ഴേ​ക്കും മ​ഹ​ർ​ഷി താ​ൻ എ​ന്തി​നാ​ണ് വ​ന്ന​ത് എ​ന്ന​തു​പോ​ലും മ​റ​ന്നു​പോ​കു​ന്നു! മ​നു​ഷ്യ​ജ​ന്മ​ത്തി​ൽ സൗ​ന്ദ​ര്യ​ത്തി​നു​ള്ള സ്ഥാ​നം ഓ​ർ​ത്ത് ഒ​രു ഊ​റി​ച്ചി​രി​യാ​ണ് ഇ​വി​ടെ​യും ഇ​തി​ഹാ​സ​കാ​ര​​ന്‍റെ മു​ഖ​ത്ത്.)

മ​നു​ഷ്യസ്വ​ഭാ​വ​ത്തെ സൂ​ക്ഷ്മ​മാ​യി നി​രീ​ക്ഷി​ച്ച് അ​റി​യാ​ൻ രാ​മാ​യ​ണം കി​ളി​പ്പാ​ട്ട് ന​മ്മെ സ​ഹാ​യി​ക്കു​ന്നു. പ​ക്ഷേ, ഈ ​സ​ഹാ​യം ഉ​പ​യോ​ഗ​പ്പെ​ട​ണം എ​ങ്കി​ൽ വെ​റു​തെ ഒ​ഴു​ക്ക​ൻ വാ​യ​ന പോ​രാ, കു​റ​ച്ചൊ​രു ആ​ലോ​ച​ന​യും അ​തി​നു പി​ന്നാ​ലെ വേ​ണം.