ശൂ​ർ​പ്പ​ണ​ഖ​ത്വം എ​ന്ന ശാ​പം

ജീ​വി​ത​ത്തി​ന്റെ ല​ക്ഷ്യം ര​തി​യാ​ണ് എ​ന്നു ക​രു​തു​ന്ന​വ​രാ​ണ് ശൂ​ർ​പ്പ​ണ​ഖ​യും രാ​വ​ണ​നും. രാ​ക്ഷ​സീ​യ​ത​യു​ടെ ഭാ​ഗ​മാ​ണ് ഈ ​സ​മീ​പ​നം. ഇ​ന്ദു​ലേ​ഖ​യെ കി​ട്ടി​യി​ല്ലെ​ങ്കി​ൽ തോ​ഴി എ​ന്ന സൂ​രി ന​മ്പൂ​തി​രി നി​ല​പാ​ട്.

ഇ​തു​കൊ​ണ്ടാ​ണ് 'മാം​സ​നി​ബ​ദ്ധ​മ​ല്ല രാ​ഗം' എ​ന്ന് മ​ഹാ​ക​വി കു​മാ​ര​നാ​ശാ​ൻ ശ​ഠി​ക്കു​ന്ന​ത്. രാ​ഗ​ത്തി​ന് ര​തി ഇ​ല്ലാ​തെ​യും നി​ല​നി​ൽ​ക്കാ​ൻ ക​ഴി​യു​മെ​ന്നു മാ​ത്ര​മ​ല്ല ധ​ർ​മ​ത്തി​ന് വി​രു​ദ്ധ​മ​ല്ലാ​ത്ത ര​തി ഈ​ശ്വ​ര​ഭാ​വം ത​ന്നെ​യാ​ണെ​ന്നും രാ​ഗ​മി​ല്ലാ​ത്ത ര​തി മൃ​ഗീ​യ​മാ​ണെ​ന്നും ആ​ർ​ഷ​ദ​ർ​ശ​നം.

കാ​ട്ടു​പാ​ത​യി​ലൂ​ടെ ന​ട​ക്കാ​നി​റ​ങ്ങി​യ ശൂ​ർ​പ്പ​ണ​ഖ​യി​ൽ അ​വ​ൾ പൊ​ടി​മ​ണ്ണി​ൽ പ​തി​ഞ്ഞു ക​ണ്ട ച​ന്ത​മു​ള്ള കാ​ല​ടി​പ്പാ​ടു​ക​ൾ ആ​ദ്യ​മേ ഉ​ണ​ർ​ത്തു​ന്ന​ത് ര​തി​ഭാ​വ​മാ​ണ്. അ​തി​ന്റെ വ​ഴി പി​ടി​ച്ചാ​ണ് രാ​മ​ല​ക്ഷ്മ​ണ​ന്മാ​രും സീ​ത​യും വ​സി​ക്കു​ന്ന ആ​ശ്ര​മ​ത്തി​ലെത്തു​ന്ന​ത്. കൂ​ടെ​യു​ള്ള​ത് പ​ത്നി​യാ​ണെന്ന് രാ​മ​ൻ വെ​ളി​പ്പെ​ടു​ത്തി​യ ശേ​ഷ​മാ​ണ് 'നീ ​എ​ന്റെ കൂ​ടെ പോ​ന്നു ര​മി​ച്ചു​കൊ​ള്ള​ണം' എ​ന്ന് ശൂ​ർ​പ്പ​ണ​ഖ വാ​ശി പി​ടി​ക്കു​ന്ന​ത്. വി​വാ​ഹ​ബ​ന്ധം, രാ​ഗ​വി​ശു​ദ്ധി, കു​ടും​ബ​വ്യ​വ​സ്ഥി​തി എ​ന്നി​വ​യെ​ക്കു​റി​ച്ചു​ള്ള ചി​ന്ത​ക​ളൊ​ന്നും ക​ണ്ണി​ല്ലാ​ക്കാ​മ​ത്തി​ന് ഒ​രു ത​ര​ത്തി​ലും ത​ട​യി​ടു​ന്നി​ല്ല.

അ​തു​മ​ല്ല, ത​നി​ക്ക് ഒ​രു​ത്തി ഇ​പ്പോ​ഴേ ഉ​ണ്ട്, കൂ​ട്ടി​നാളി​ല്ലാ​ത്ത ല​ക്ഷ്മ​ണ​നോ​ട് പ​റ​ഞ്ഞാ​ൽ അ​വ​ൻ നി​ന്നെ ഉ​ട​ൻ സ്വീ​ക​രി​ക്കും എ​ന്ന്‌ ശ്രീ​രാ​മ​ൻ സൂ​ചി​പ്പി​ക്കേ​ണ്ട താ​മ​സ​മേ ഉ​ണ്ടാ​യു​ള്ളൂ ശൂ​ർ​പ്പ​ണ​ഖ ല​ക്ഷ്മ​ണ​ന്റെ അ​രി​കി​ലേ​ക്ക് ഓ​ടാ​ൻ!

ഇ​ഷ്​ടം പോ​ലെ രൂ​പം ധ​രി​ക്കാ​നു​ള്ള മാ​യാ​ജാ​ലം കൈ​വ​ശമുള്ള​ത് ഉ​പ​യോ​ഗി​ച്ച് ലോ​കൈ​ക സു​ന്ദ​രി​യാ​യാ​ണ് ശൂ​ർ​പ്പ​ണ​ഖ വ​ന്നി​രി​ക്കു​ന്ന​ത്. ആ​ത്മ​നി​യ​ന്ത്ര​ണം ഉ​ള്ള സ​ഹോ​ദ​ര​ന്മാ​ർ പ​ക്ഷേ അ​തി​ൽ വീ​ഴു​ന്നി​ല്ല. ശൂ​ർ​പ്പ​ണ​ഖ​യെ ഇ​രു​വ​രും കൈ​യൊ​ഴി​യു​ന്ന​തി​ൽ ഒ​രു സ്ത്രീ​യോ​ടു​ള്ള നി​ന്ദ അ​ല്ല സം​സ്കാ​ര​രാ​ഹി​ത്യ​ത്തോ​ടു​ള്ള ആ​ക്ഷേ​പ​ഹാ​സ്യ​മാ​ണ് പ്ര​ക​ട​മാ​കു​ന്ന​ത്.

രാ​വ​ണ​ൻ ഇ​തേ ആ​ക്ഷേ​പ​ഹാ​സ്യ​മാ​ണ് സീ​ത​യി​ൽ​നി​ന്ന് ല​ങ്ക​യി​ൽ​വെ​ച്ച് ഏ​റ്റു​വാ​ങ്ങു​ന്ന​ത്. സീ​ത ത​ന്റെ ഉ​റ​ച്ച നി​ല​പാ​ട് പ്ര​ഖ്യാ​പി​ക്കു​ന്ന​ത് ഒ​രു പു​ൽ​ക്കൊ​ടി നു​ള്ളി​യി​ട്ടു​കൊ​ണ്ടാ​ണ് - നി​ങ്ങ​ളു​ടെ എ​ല്ലാ കേ​മ​ത്ത​ത്തി​നും കൂ​ടി ഞാ​ൻ പു​ല്ലു​വി​ല​യേ ക​ൽ​പിക്കു​ന്നു​ള്ളൂ എ​ന്നു​ത​ന്നെ!

ആ​ധു​നി​ക ലോ​ക​ത്ത് ശൂ​ർ​പ്പ​ണ​ഖ​ക്കും രാ​വ​ണ​നുമാണ് മു​ൻ​തൂ​ക്കം. ജീ​വി​ത​ത്തി​​​ന്​ കൂടു​ത​ൽ പ്ര​കൃ​തി​സ​ഹ​ജ​വും അ​തി​സു​ന്ദ​ര​വും പാ​ർ​ശ്വ​ഫ​ല​ര​ഹി​ത​വു​മാ​യ ഭാ​വ​ങ്ങ​ൾ അ​റി​ഞ്ഞും അ​റി​യാ​തെ​യും ഉ​പേ​ക്ഷി​ച്ച് നൈ​മി​ഷി​ക സു​ഖ​ങ്ങ​ളു​ടെ പി​ടി​യി​ൽ നാം ​പെ​ട്ടു​പോ​കു​ന്നു. ഇ​വ​യെ ചൊ​ല്ലി​യു​ള്ള ക​ടി​പി​ടി​യി​ൽ ആ​ണ​വ ജൈ​വ ആ​യു​ധ​ങ്ങ​ളും ലോ​ക​മ​ഹാ​യു​ദ്ധ​ങ്ങ​ളും ഉ​ണ്ടാ​കു​ന്നു.

കു​ടും​ബം, ദേ​ശം, നാ​ട്, ലോ​കം എ​ന്നി​ങ്ങ​നെ എ​ല്ലാ ത​ല​ങ്ങ​ളി​ലും ഈ ​പോ​രു​ക​ൾ അ​ര​ങ്ങേ​റു​ന്നു. ചു​രു​ക്ക​ത്തി​ൽ, ദു​നി​യാ​വ് സം​ഘ​ർ​ഷഭ​രി​ത​മ​ല്ലാതായി​ത്തീ​ര​ണ​മെ​ങ്കി​ൽ രാ​ഗം പ​വി​ത്ര​മാ​യേ പ​റ്റൂ. വി​കാ​ര​സം​സ്ക​ര​ണ​വും മ​നോ​നി​യ​ന്ത്ര​ണ​വും സ്വ​ഭാ​വ​രൂ​പവത്​ക​ര​ണ​ത്തി​ന്റെ ഊ​ടും പാ​വും ആ​യേ മ​തി​യാ​വൂ.