നി​റം​പെ​യ്യു​ന്ന ഷാ​ർ​ജ​യി​ലെ റ​മ​ദാ​ൻ രാ​വു​ക​ൾ

വൈ​വി​ധ്യ​മാ​ർ​ന്ന ക​ലാ-​സാം​സ്കാ​രി​ക പ​രി​പാ​ടി​ക​ളി​ലൂ​ടെ റ​മ​ദാ​ൻ രാ​ത്രി​ക​ൾ​ക്ക് നി​റം പ​ക​രാ​നൊ​രു​ങ്ങി​യി​രി​ക്ക​യാ​ണ്​ ഷാ​ർ​ജ​യി​ലെ വി​നോ​ദ കേ​ന്ദ്ര​ങ്ങ​ൾ. അ​ൽ ഖ​സ്ബ, അ​ൽ മ​ജാ​സ് വാ​ട്ട​ർ​ഫ്ര​ണ്ട്, അ​ൽ ഹീ​റ ബീ​ച്ച്, നൂ​ർ ഐ​ല​ൻ​ഡ്, മെ​ലീ​ഹ ആ​ർ​ക്കി​യോ​ള​ജി​ക്ക​ൽ സെ​ന്‍റ​ർ, ഖോ​ർ​ഫ​ക്കാ​ൻ ബീ​ച്ച് തു​ട​ങ്ങി പ്ര​വാ​സി​ക​ളു​ടെ പ്രി​യ​കേ​ന്ദ്ര​ങ്ങ​ളി​ലെ​ല്ലാം ഇ​ഫ്താ​ർ, സു​ഹൂ​ർ വി​ശേ​ഷ​ങ്ങ​ൾ​ക്കു പു​റ​മെ ഇ​ത്ത​വ​ണ പ​ര​മ്പ​രാ​​ഗ സം​​ഗീ​ത​പ്ര​ക​ട​ന​വും ഫു​ഡ് ഫെ​സ്റ്റി​വ​ലു​മ​ട​ക്കം പ്ര​ത്യേ​ക റ​മ​ദാ​ൻ പ​രി​പാ​ടി​ക​ളു​ണ്ട്. പ്ര​ത്യേ​ക അ​ല​ങ്കാ​ര​ത്തോ​ടെ തി​ള​ങ്ങി നി​ൽ​ക്കു​ന്ന അ​ൽ ഖ​സ്ബ​യി​ൽ ഇ​ത്ത​വ​ണ റ​മ​ദാ​നി​ൽ പ​ത്തു ദി​വ​സം നീ​ണ്ടു നി​ൽ​ക്കു​ന്ന ഭ​ക്ഷ്യ​മേ​ള​യു​ണ്ട്. മാ​ർ​ച്ച് 30മു​ത​ൽ ഏ​പ്രി​ൽ 8വ​രെ ദി​വ​സ​ങ്ങ​ളി​ൽ ന​ട​ക്കു​ന്ന അ​ൽ ഖ​സ്ബ ഫു​ഡ് ഫെ​സ്റ്റി​വ​ലി​ൽ പാ​ച​ക​വു​മാ​യി ബ​ന്ധ​പ്പെ​ട്ട ശി​ൽ​പ്പ​ശാ​ല​ക​ളും പ്ര​ഫ​ഷ​ണ​ൽ ഷെ​ഫ് മ​ത്സ​ര​വും കു​ട്ടി​ക​ൾ​ക്ക് ആ​വേ​ശം പ​ക​രാ​ൻ പ്ര​ത്യേ​ക പ​രി​പാ​ടി​ക​ളും ഒ​രു​ക്കു​ന്നു​ണ്ട്.

‘എ ​വേ​ൾ​ഡ് ഓ​ഫ് ഫ്ലേ​വേ​ഴ്‌​സ്’ എ​ന്ന മു​ദ്രാ​വാ​ക്യ​ത്തി​ൽ അ​ണി​യി​ച്ചൊ​രു​ക്കു​ന്ന മേ​ള​യി​ൽ വി​വി​ധ സം​സ്‌​കാ​ര​ങ്ങ​ൾ പ്ര​തി​ഫ​ലി​പ്പി​ക്കു​ന്ന സ്ട്രീ​റ്റ് ഫു​ഡ് പ​വ​ലി​യ​നു​ക​ളും ചെ​റു​ക​ച്ച​വ​ട ശാ​ല​ക​ളു​മു​ണ്ടാ​വും. ഉ​ത്സ​വ​പ്ര​തീ​തി നി​റ​ഞ്ഞു​നി​ൽ​ക്കു​ന്ന അ​ന്ത​രീ​ക്ഷ​ത്തി​ൽ പാ​ച​ക​വി​ദ​​ഗ്ധ​ർ അ​വ​രു​ടെ ക​ഴി​വു​ക​ൾ പ്ര​ക​ടി​പ്പി​ക്കു​ന്ന പ്രൊ​ഫ​ഷ​ണ​ൽ ഷെ​ഫ് അ​രീ​ന​യും അ​വ​ത​രി​പ്പി​ക്കു​ന്നു​ണ്ട്. ഐ​സി​ലും പ​ഴ​ങ്ങ​ളി​ലും ചോ​ക്ലേ​റ്റി​ലു​മെ​ല്ലാം മ​നോ​ഹ​ര​മാ​യ ഡി​സൈ​ൻ തീ​ർ​ക്കു​ന്ന​വ​ർ​ക്ക് പ​ങ്കെ​ടു​ക്കാ​നു​ള്ള മ​ത്സ​ര​ങ്ങ​ളും ഇ​വി​ടെ അ​ര​ങ്ങേ​റും. മേ​ള​യു​ടെ ഭാ​​ഗ​മാ​യി വ​ന്നെ​ത്തു​ന്ന​വ​ർ​ക്കെ​ല്ലാം പ​ങ്കെ​ടു​ക്കാ​വു​ന്ന സൗ​ജ​ന്യ ആ​രോ​​ഗ്യ പ​രി​ശോ​ധ​ന​യു​മു​ണ്ട്.

ഇ​ഫ്താ​ർ അ​നു​ഭ​വി​ക്കാം

കു​ടും​ബ​ത്തോ​ടൊ​പ്പം മ​നോ​ഹ​ര​മാ​യ ഇ​ഫ്താ​ർ ആ​സ്വ​ദി​ക്കാ​നു​ള്ള അ​വ​സ​ര​മാ​ണ് മെ​ലീ​ഹ​യി​ലെ ‘റ​മ​ദാ​ൻ സ്റ്റാ​ർ ലോ​ഞ്ചും’ അ​ൽ നൂ​ർ ദ്വീ​പി​ലെ ‘ബൈ ​ദി ബേ ​ഇ​ഫ്താ​റും’. ആ​കാ​ശ​ത്തി​ന് കീ​ഴെ ന​ക്ഷ​ത്ര​ങ്ങ​ളെ​യും ക​ണ്ട്, വി​വി​ധ വി​നോ​ദ​ങ്ങ​ളി​ലേ​ർ​പ്പെ​ട്ട് രു​ചി​യേ​റി​യ വി​ഭ​വ​ങ്ങ​ൾ ആ​സ്വ​ദി​ക്കാ​നു​ള്ള വേ​റി​ട്ട അ​നു​ഭ​വ​മാ​ണ് ഇ​വി​ടെ അ​തി​ഥി​ക​ളെ കാ​ത്തി​രി​ക്കു​ന്ന​ത്. ഖാ​ലി​ദ് ത​ടാ​ക​ത്തി​ന്‍റെ​യും ഷാ​ർ​ജ ന​ഗ​ര​ത്തി​ന്റെ​യും മ​നോ​ഹ​ര​ക്കാ​ഴ്ച​ക​ൾ ആ​സ്വ​ദി​ച്ചി​രി​ക്കാ​ൻ ത​ക്ക​വി​ധ​ത്തി​ൽ മ​ണ​ൽ​പ്പ​ര​പ്പി​ൽ പ്രേ​ത്യേ​കം ത​യാ​റാ​ക്കി​യ​താ​ണ് അ​ൽ നൂ​ർ ദ്വീ​പി​ന്റെ ‘ഇ​ഫ്താ​ർ ബൈ ​ദി ബേ’. ​നോ​മ്പു​തു​റ​ക്കാ​യെ​ത്തു​ന്ന​വ​ർ​ക്ക് ദ്വീ​പി​ലെ കാ​ഴ്ച​ക​ളെ​ല്ലാം ചു​റ്റി​യ​ടി​ക്കാ​നു​ള്ള അ​വ​സ​ര​മു​ണ്ട്. ബ​ട്ട​ർ​ഫ്ലൈ ഹൗ​സി​ലേ​ക്കു​ള്ള പ്ര​വേ​ശ​ന​വും സൗ​ജ​ന്യ​മാ​ണ്. പ​രി​ശീ​ല​നം നേ​ടി​യ ഗൈ​ഡി​ന്‍റെ സ​ഹാ​യ​ത്തോ​ടെ വാ​ന​നി​രീ​ക്ഷ​ണ​വും ഇ​തോ​ടൊ​പ്പ​മു​ണ്ട്. മു​തി​ർ​ന്ന​വ​ർ​ക്ക് 180 ദി​ർ​ഹം, കു​ട്ടി​ക​ൾ​ക്ക് 95 ദി​ർ​ഹം എ​ന്നി​ങ്ങ​നെ​യാ​ണ് നി​ര​ക്കു​ക​ൾ.

അ​ല​ങ്കാ​ര​വി​ള​ക്കു​ക​ളു​ടെ പൊ​ലി​മ​യി​ൽ പ്ര​ത്യേ​കം ത​യാ​റാ​ക്കി​യ മ​ജ്ലി​സി​ൽ നോ​മ്പു​തു​റ​ക്കാ​ൻ പാ​ക​ത്തി​ലാ​ണ് മെ​ലീ​ഹ ആ​ർ​ക്കി​യോ​ള​ജി സെ​ന്റ​റി​ലെ റ​മ​ദാ​ൻ സ്റ്റാ​ർ ലോ​ഞ്ച് ഒ​രു​ക്കി​യി​ട്ടു​ള്ള​ത്. ആ​റു മ​ണി​ക്ക് തു​ട​ങ്ങി രാ​ത്രി പ​ന്ത്ര​ണ്ടു വ​രെ നീ​ണ്ടു നി​ൽ​ക്കു​ന്ന ഇ​ഫ്താ​ർ അ​നു​ഭ​വ​ത്തി​ന്‍റെ ഭാ​​ഗ​മാ​യി സൗ​ജ​ന്യ വാ​ന​നി​രീ​ക്ഷ​ണം, കു​തി​ര​ക​ളോ​ടൊ​പ്പ​മു​ള്ള ഫോ​ട്ടോ സെ​ഷ​നു​ക​ൾ എ​ന്നി​വ​യു​മു​ണ്ട്. കാ​രം​സ്, ബോ​ർ​ഡ് ​ഗെ​യിം​സ് എ​ന്നി​വ​യ​ട​ക്കം വൈ​വി​ധ്യ​മാ​ർ​ന്ന രു​ചി​ക​ളോ​ടൊ​പ്പം കു​ടും​ബ​ത്തോ​ടും സു​ഹൃ​ത്തു​ക്ക​ളോ​ടു​മൊ​പ്പം മ​രു​ഭൂ​മി​യി​ലെ നോ​മ്പു​തു​റ എ​ക്കാ​ല​വും ഓ​ർ​ത്തി​രി​ക്കു​ന്ന അ​നു​ഭ​വ​മാ​ക്കാ​ൻ വേ​റെ​യും വി​ശേ​ഷ​ങ്ങ​ളു​ണ്ട്. മു​തി​ർ​ന്ന​വ​ർ​ക്ക് 250 ദി​ർ​ഹ​മും കു​ട്ടി​ക​ൾ​ക്ക് 150 ദി​ർ​ഹ​മു​മാ​ണ് ഇ​ഫ്താ​ർ പാ​ക്കേ​ജു​ക​ളു​ടെ നി​ര​ക്ക്.

അ​ത്യാ​ഡം​ബ​ര​പൂ​ർ​വ​മാ​യൊ​രു ഇ​ഫ്താ​ർ അ​നു​ഭ​വ​മാ​ണ് അ​ന്വേ​ഷി​ക്കു​ന്ന​തെ​ങ്കി​ൽ ചു​രു​ങ്ങി​യ ചെ​ല​വി​ൽ അ​തി​നു​ള്ള അ​വ​സ​ര​മൊ​രു​ക്കു​ക​യാ​ണ് ചെ​ഡി അ​ൽ ബൈ​ത്ത് ഹോ​ട്ട​ൽ. പ്ര​ത്യേ​ക നി​ര​ക്കു​ക​ളി​ൽ റൂ​മു​ക​ൾ ല​ഭ്യ​മാ​ക്കു​ന്ന ഹോ​ട്ട​ൽ, കു​ട്ടി​ക​ൾ​ക്ക് സൗ​ജ​ന്യ​മാ​യും മു​തി​ർ​ന്ന​വ​ർ​ക്ക് 199 ദി​ർ​ഹം മു​ത​ലും ഇ​ഫ്താ​ർ ബു​ഫെ ഒ​രു​ക്കു​ന്നു​ണ്ട്. ആ​ക​ർ​ഷ​ക​മാ​യ കി​ഴി​വു​ക​ൾ സ്വ​ന്ത​മാ​ക്കാ​നും പ്ര​ത്യേ​ക പാ​ക്കേ​ജു​ക​ളെ​ക്കു​റി​ച്ചും അ​റി​യാ​ൻ https://discovershurooq.ae/ എ​ന്ന വെ​ബ്സൈ​റ്റ് സ​ന്ദ​ർ​ശി​ക്കു​ക.

‘റ​മ​ദാ​ൻ നൈ​റ്റ്സ്’ പ​രി​പാ​ടി​ക​ൾ

വാ​രാ​ന്ത്യ​ങ്ങ​ളി​ൽ ‘റ​മ​ദാ​ൻ നൈ​റ്റ്സ്’ എ​ന്ന പേ​രി​ൽ പ്ര​ത്യേ​ക പ്ര​ദ​ർ​ശ​ന​ങ്ങ​ളും ആ​ഘോ​ഷ​ങ്ങ​ളു​മൊ​രു​ക്കി​യാ​ണ് അ​ൽ മ​ജാ​സ് വാ​ട്ട​ർ​ഫ്ര​ണ്ട്, അ​ൽ ഹീ​റ ബീ​ച്ച്, ഖോ​ർ​ഫ​ക്കാ​ൻ ബീ​ച്ച്, അ​ൽ മു​ൻ​ത​സ പാ​ർ​ക്ക് എ​ന്നി​വ സ​ഞ്ചാ​രി​ക​ളെ ക്ഷ​ണി​ക്കു​ന്ന​ത്. മാ​ർ​ച്ച് 24 മു​ത​ൽ ഏ​പ്രി​ൽ 9 വ​രെ നീ​ളു​ന്ന എ​ല്ലാ വാ​രാ​ന്ത്യ​ങ്ങ​ളി​ലും (വെ​ള്ളി, ശ​നി, ഞാ​യ​ർ) രാ​ത്രി ഒ​മ്പ​ത് മു​ത​ൽ 11.45 വ​രെ പ​ര​മ്പ​രാ​​ഗ​ത വാ​ദ്യോ​പ​ക​ര​ണ​ങ്ങ​ളും വ​യ​ലി​ലും ഉ​പ​യോ​​ഗി​ച്ചു​മു​ള്ള ത​ത്സ​മ​യ പ്ര​ദ​ർ​ശ​ന​ങ്ങ​ള​ട​ക്കം പ്ര​ത്യേ​ക പ​രി​പാ​ടി​ക​ളു​ണ്ടാ​വും.

ഏ​പ്രി​ൽ 20 വ​രെ നീ​ളു​ന്ന ഖോ​ർ​ഫ​ക്കാ​ൻ ബീ​ച്ചി​ലെ റ​മ​ദാ​ൻ രാ​ത്രി​യാ​ഘോ​ഷ​ങ്ങ​ളു​ടെ ഭാ​​ഗ​മാ​യി, സ​ന്ദ​ർ​ശ​ക​രു​മാ​യി ആ​രോ​​ഗ്യ​സം​ര​ക്ഷ​ണ​ത്തി​ന്‍റെ പ്രാ​ധാ​ന്യം പ​ങ്കു​വെ​ക്കു​ന്ന പ്ര​ത്യേ​ക ഫി​റ്റ്ന​സ് പ​രി​ശീ​ല​ന​വു​മൊ​രു​ക്കു​ന്നു​ണ്ട്.