കൊ​ടു​ക്ക​ൽ വാ​ങ്ങ​ലി​ന്റെ റമദാൻ

തി​രു​വ​ന​ന്ത​പു​ര​ത്തെ വി​ഴി​ഞ്ഞം അ​ന്താ​രാ​ഷ്ട്ര തു​റ​മു​ഖം, അ​തി​മ​നോ​ഹ​ര​മാ​യ കോ​വ​ളം ബീ​ച്ചു​ക​ൾ, ച​രി​ത്ര​പ​ര​മാ​യ സ്ഥ​ല​ങ്ങ​ൾ എ​ന്നി​വ​യാ​ണ് ഞാ​ൻ താ​മ​സി​ക്കു​ന്ന വി​ഴി​ഞ്ഞ​ത്തി​ന്‍റെ പ്ര​ത്യേ​ക​ത. കേ​ര​ള​ത്തി​ന്‍റെ സ​മ്പ​ന്ന​മാ​യ പൈ​തൃ​കം പ​ര്യ​വേ​ക്ഷ​ണം ചെ​യ്യാ​നു​ള്ള മി​ക​ച്ച സ്ഥ​ല​മാ​ണ്​ കോ​വ​ളം. തി​രു​വ​ന​ന്ത​പു​രം ശ്രീ ​പ​ത്മ​നാ​ഭ​സ്വാ​മി ക്ഷേ​ത്രം, ആ​റ്റു​കാ​ൽ ക്ഷേ​ത്രം, ഭീ​മാ പ​ള്ളി തു​ട​ങ്ങി​യ വി​നോ​ദ​സ​ഞ്ചാ​രി​ക​ളു​ടെ കേ​ന്ദ്ര​ങ്ങ​ളെല്ലാം എ​ന്റെ നാ​ടാ​യ വി​ഴി​ഞ്ഞ​ത്തോ​ടു ചേ​ർ​ന്നു​കി​ട​ക്കു​ന്നു. കോ​വ​ളം, പൂ​വാ​ർ, വി​ഴി​ഞ്ഞം എ​ന്നീ പ്ര​ദേ​ശ​ങ്ങ​ളി​ൽ മു​സ്​​ലിം​ക​ൾ ധാ​രാ​ളം തി​ങ്ങി​പ്പാ​ർ​ക്കു​ന്ന പ്ര​ദേ​ശ​ങ്ങ​ളാ​ണ്.

അ​തു​കൊ​ണ്ടു​ത​ന്നെ റ​മ​ദാ​ൻ മാ​സം ആ​ഘോ​ഷ ദി​ന​ങ്ങ​ളാ​ണ് ഞ​ങ്ങ​ളു​ടെ പ്ര​ദേ​ശ​ത്തി​ന്. വൈ​കു​ന്നേ​ര​ങ്ങ​ളി​ൽ ഞ​ങ്ങ​ളു​ടെ ഭാ​ഗ​ത്തെ മു​സ്​​ലിം പ​ള്ളി​ക​ളി​ൽ​നി​ന്ന് കി​ട്ടു​ന്ന ഔ​ഷ​ധ ക​ഞ്ഞി​ക്ക്​ പ്ര​ത്യേ​ക രു​ചി ത​ന്നെ​യാ​ണ്. കു​രു​മു​ള​ക്, ജീ​ര​കം, തേ​ങ്ങ, മ​ഞ്ഞ​ൾ, പ​ട്ട, മ​ല്ലി​യി​ല അ​ട​ങ്ങി​യ ക​ഞ്ഞി​വാ​ങ്ങാ​ൻ വേ​ണ്ടി ജാ​തി മ​ത ഭേ​ദ​മ​ന്യേ ആ​ളു​ക​ൾ ന​ട​ന്നും വാ​ഹ​ന​ത്തി​ലും വ​ന്നു​കൊ​ണ്ടേ​യി​രി​ക്കും. കൂ​ട്ട​ത്തി​ൽ കാ​ര​ക്ക ഫ്രൂ​ട്സ്, വെ​ള്ളം, എ​ണ്ണ​ക്ക​ടി​ക​ൾ ഇ​വ​യു​ള്ള കി​റ്റു​ക​ളും കി​ട്ടും.

പി​ന്നീ​ട് വ​ർ​ഷ​ങ്ങ​ളാ​യി ഒ​മാ​നി​ലെ ഇ​ബ്രി​യി​ൽ ഞാ​ൻ ജോ​ലി ചെ​യ്തി​രു​ന്ന സു​വ​ർ​ണ​കാ​ല അ​നു​ഭ​വ​ങ്ങ​ൾ ഒ​രി​ക്ക​ലും മ​റ​ക്കാ​വു​ന്ന​ത​ല്ല. ഹ​ൽ​വ, ഫ്രൂ​ട്സ്, സ്‌​നാ​ക്‌​സ്​ എ​ന്നി​വ​യും, മ​ട്ട​ൻ, ചി​ക്ക​ൻ, മ​ത്സ്യം, ബി​രി​യാ​ണി​യും കൊ​ടു​ത്തു​വി​ടു​ന്ന സു​മ​യ്യ മാം ​എ​ന്റെ ഒ​രു സ​ഹോ​ദ​രി​യെ​പോ​ലെയാണ്. ലോ​ക​ത്തെ​വി​ടെ​യാ​ണെ​ങ്കി​ലും മു​സ്​​ലി​ക​ൾ എ​ല്ലാ​വ​രും മ​റ്റു​ള്ള​വ​രെ ചേ​ർ​ത്ത് നി​ർ​ത്തി പു​ണ്യം ചെ​യ്യു​ന്ന മാ​സം ആ​ണ് റ​മ​ദാ​ൻ. മു​സ്​​ലി​ംക​ൾ അ​ല്ലാ​ത്ത​വ​ർ​പോ​ലും പ​ങ്കു​കൊ​ള്ളു​ന്ന സ്നേ​ഹ​ത്തി​ന്റെ, ക​രു​ണ​യു​ടെ, മ​നു​ഷ്യ​ത്വ​ത്തി​ന്റെ പ​ര​സ്പ​രം കൊ​ടു​ക്ക​ൽ വാ​ങ്ങ​ലി​ന്റെ മാ​സ​മാ​ണ് റ​മ​ദാ​ൻ. ഇ​ങ്ങ​നെ മ​റ​ക്കാ​ൻ ക​ഴി​യാ​ത്ത നോ​മ്പ​നു​ഭ​വ​ങ്ങ​ൾ നി​ര​വ​ധി​യാ​ണ്. ന​ന്മ​ക​ളു​ടെ വ​സ​ന്തകാ​ലം. ഇ​പ്പോ​ൾ ഒ​മാ​നി​ലെ സൂ​റി​ൽ പു​ണ്യ​ങ്ങ​ളു​ടെ നോ​മ്പു​കാ​ലം ക​ട​ന്നു​പോ​കു​ന്നു.