വി​ട​പ​റ​യു​ന്ന ദി​ക്​​റ്​​പാ​ടി​ക്കി​ളി

നോ​മ്പി​നു എ​ല്ലാ​വ​രു​ടെ വീ​ട്ടി​ലും ഏ​റ്റ​വും തി​ര​ക്കു​പി​ടി​ച്ച ഒ​രി​ട​മു​ണ്ടെ​ങ്കി​ൽ അ​ത് അ​ടു​ക്ക​ള​യാ​യി​രി​ക്കും. വി​വി​ധ ത​രം പ​ല​ഹാ​ര​ങ്ങ​ളും വ​റ​വു​ക​ളും പാ​നീ​യ​ങ്ങ​ളും ഒ​രു​ക്കു​ന്ന തി​ര​ക്കി​ലാ​വും ഉ​മ്മ​മാ​ർ. സ​ത്യ​ത്തി​ൽ അ​വ​രു​ടെ പാ​ച​ക​ത്തി​ലു​ള്ള ക​ഴി​വു​ക​ളെ​ല്ലാം പു​റ​ത്തെ​ടു​ക്കാ​ൻ ഇ​തി​ലും ന​ല്ല അ​വ​സ​രം വേ​റെ ഇ​ല്ലെ​ന്നു​ത​ന്നെ പ​റ​യാം.

ആ​ദ്യ​മേ​ത​ന്നെ ഓ​രോ​രു​ത്ത​രും ഓ​രോ ജോ​ലി​ക​ൾ ഏ​റ്റെ​ടു​ത്തി​ട്ടു​ണ്ടാ​വും. കൂ​ട്ട​ത്തി​ൽ എ​ളു​പ്പ​മു​ള്ള ജോ​ലി ആ​ർ​ക്കാ​ണോ ആ ​ആ​ളു​ടെ കൈ​യാ​ളാ​യി​ട്ടാ​വും ഞ​ങ്ങ​ൾ കു​ട്ടി​ക​ൾ കൂ​ടു​ക. എ​ല്ലാ​വ​രും ഒ​ത്തൊ​രു​മ​യോ​ടു​കൂ​ടി ഓ​രോ​ന്ന് ചെ​യ്യു​ന്ന​ത് കാ​ണാ​ൻ ത​ന്നെ ഒ​രു പ്ര​ത്യേ​ക ചേ​ലാ​ണ്.

എ​ല്ലാം ക​ഴി​ഞ്ഞ് വ​ല്യു​പ്പ​യു​ടെ കൂ​ടെ ദി​ക്റു​ക​ൾ ചൊ​ല്ലി മ​ഗ്‌​രി​ബ് ബാ​ങ്കി​നു വേ​ണ്ടി​യു​ള്ള കാ​ത്തി​രി​പ്പാ​ണ് പി​ന്നീ​ട്. ശേ​ഷം ജ​മാ​അ​ത്താ​യി​ട്ടു​ള്ള ന​മ​സ്കാ​ര​വും ഓ​ത്തും പ്രാ​ർ​ഥ​ന​യും. വാ​ക്കു​ക​ളാ​ൽ വി​വ​രി​ക്കാ​ൻ ക​ഴി​യാ​ത്ത വ​ല്ലാ​ത്ത ഒ​രു അ​നു​ഭ​വം ത​ന്നെ​യാ​ണ് അ​വ​യെ​ല്ലാം. ഇ​നി ഒ​രി​ക്ക​ലും തി​രി​ച്ചു​കി​ട്ടാ​ത്ത ആ ​ന​ല്ല നാ​ളു​ക​ൾ. ഇ​ന്ന് ആ ​കൂ​ട്ടു​കു​ടും​ബ​മെ​ല്ലാം അ​ണു​കു​ടും​ബ​മാ​യി. കു​ട്ടി​ക​ളാ​യി​രു​ന്ന ഞ​ങ്ങ​ൾ​ക്ക് കു​ട്ടി​ക​ളാ​യി, ഞ​ങ്ങ​ൾ ഉ​മ്മ​മാ​രോ​ടൊ​പ്പ​ത്തി​നൊ​പ്പം കാ​ര്യ​ങ്ങ​ൾ ഒ​രു​ക്കു​ന്നു.

ആ ​പ​ഴ​യ​കാ​ല ഓ​ർ​മ​ക​ളാ​ണ്​ ഓ​രോ റ​മ​ദാ​നും സ​മ്മാ​നി​ക്കു​ന്ന​ത്. വി​ട പ​റ​യാ​ൻ ഒ​രു​ങ്ങു​ക​യാ​ണ് റ​മ​ദാ​ൻ. വി​ശ്വാ​സി​ക​ളെ സം​ബ​ന്ധി​ച്ച്​ ഹൃ​ദ​യ​​ഭേ​ദ​ക​മാ​യ നി​മി​ഷ​ങ്ങ​ളാ​ണ​ത്​. കാ​ര​ണം പു​ണ്യ​ങ്ങ​ളു​ടെ പൂ​ക്കാ​ലം സ​മ്മാ​നി​ച്ച​ത്​ നാ​ഥ​നു​മാ​യി ഹൃ​ദ​യം​കൊ​ണ്ട്​ സം​സാ​രി​ക്കാ​നു​ള്ള അ​വ​സ​ര​ങ്ങ​ളാ​യി​രു​ന്നു. അ​ത്​ അ​ക​ന്നു​പോ​കു​ന്ന​ത്​ നി​റ​ക​ണ്ണു​ക​ളോ​ടെ നോ​ക്കി​നി​ൽ​ക്കു​ക​യാ​ണ്​ വി​ശ്വാ​സി​ക​ൾ. നോ​ക്കെ​ത്താ ദൂ​ര​ത്ത്​ വീ​ണ്ടു​മൊ​രു പു​ണ്യ​ങ്ങ​ളു​ടെ പൂ​ക്കാ​ല​ത്തെ പ്ര​തീ​ക്ഷി​ച്ചു​കൊ​ണ്ട്​ ന​മു​ക്ക്​ കാ​ത്തി​രി​ക്കാം.