17ാം നൂറ്റാണ്ടിലെ ക്ഷേത്രം പുനരുദ്ധരിക്കാൻ പൂഞ്ഞാർ രാജവംശം

കു​മ​ളി: സം​സ്ഥാ​ന അ​തി​ർ​ത്തി ജി​ല്ല​യാ​യ തേ​നി​യി​ലെ ഗൂ​ഡല്ലൂ​രി​ലു​ള്ള 400 വ​ർ​ഷ​ത്തി​ല​ധി​കം പ​ഴ​ക്ക​മു​ള്ള ക്ഷേ​ത്രം പു​ന​രു​ദ്ധ​രി​ക്കാ​നൊ​രു​ങ്ങി പൂ​ഞ്ഞാ​ർ രാ​ജ​വം​ശ​വും നാ​ട്ടു​കാ​രും.

ഇ​തി​ന്‍റെ ഭാ​ഗ​മാ​യി ക്ഷേ​ത്ര​വ​ള​പ്പി​ൽ ത​യാ​റാ​ക്കി​യ പ​ന്ത​ലി​ൽ ശ​നി​യാ​ഴ്ച താം​ബൂ​ല ദേ​വ​പ്ര​ശ്ന​വും അ​ന്ന​ദാ​ന​വും ന​ട​ന്നു. ഗൂ​ഡല്ലൂ​രി​ലെ ഒ​രേ​ക്ക​ർ 20 സെ​ന്‍റ്​ സ്ഥ​ല​ത്ത്​ നി​ല​വി​ലെ ശി​വ ക്ഷേ​ത്രം 17-ാം നൂ​റ്റാ​ണ്ടി​ൽ പൂ​ഞ്ഞാ​ർ രാ​ജ​വം​ശം നി​ർ​മി​ച്ച​തെ​ന്നാ​ണ് വി​വ​രം.

ക്ഷേ​ത്രം കാ​ല​പ്പ​ഴ​ക്കം മൂ​ലം ത​ക​ർ​ന്നു വീ​ഴാ​റാ​യ സ്ഥി​തി​യി​ലാ​യ​തോ​ടെ​യാ​ണ് പു​ന​രു​ദ്ധ​രി​ക്കാ​ൻ രാ​ജ​വം​ശ​ത്തി​ലെ ഇ​പ്പോ​ഴ​ത്തെ ത​ല​മു​റ​യും നാ​ട്ടു​കാ​രും രം​ഗ​ത്ത് വ​ന്ന​ത്.

രാ​ജ​വം​ശ​ത്തി​ലെ പി​ൻ​ഗാ​മി​യാ​യ ശ്രീ​ജി​ത്തി​ന്‍റെ നേ​തൃ​ത്വ​ത്തി​ൽ തേ​നി കോ​ള​ജി​ലെ മു​ൻ വൈ​സ് പ്രി​ൻ​സി​പ്പ​ൽ വി. ​കൃ​ഷ്ണ​മൂ​ർ​ത്തി, അ​മേ​രി​ക്ക​ൻ സ്വ​ദേ​ശി സ​ദാ​ശി​വം എ​ന്നി​വ​രാ​ണ് ശ​നി​യാ​ഴ്ച ന​ട​ന്ന പ​രി​പാ​ടി​ക​ൾ​ക്ക് മേ​ൽ​നോ​ട്ടം വ​ഹി​ച്ച​ത്. ചോ​റ്റാ​നി​ക്ക​ര​യി​ൽ നി​ന്നെ​ത്തിഋഷികേ​ശ് ന​മ്പൂ​തി​രി​യു​ടെ നേ​തൃ​ത്വ​ത്തി​ലാ​ണ് ദേ​വ​പ്ര​ശ്ന​പൂ​ജ​ക​ൾ ന​ട​ന്ന​ത്.