Begin typing your search above and press return to search.
exit_to_app
exit_to_app
Homechevron_rightLIFEchevron_rightSpiritualitychevron_rightഹറമുകളിലെത്തുന്നവരെ...

ഹറമുകളിലെത്തുന്നവരെ സഹായിക്കാൻ പുതിയ യന്ത്രമനുഷ്യർ

text_fields
bookmark_border
haram robot 78989
cancel
camera_alt

ഹറമിലെ പുതിയ യന്ത്രമനുഷ്യരുടെ പ്രവർത്തനോദ്ഘാടനം ഇരുഹറം കാര്യാലയ മേധാവി ഡോ. അബ്​ദുറഹ്​മാൻ അൽസുദൈസ് നിർവഹിക്കുന്നു

ജിദ: മക്ക, മദീന ഹറമുകളിലെത്തുന്നവർക്ക് മാർഗനിർദേശം നൽകാൻ​ പുതിയ യന്ത്രമനുഷ്യരെ ഒരുക്കി ഇരുഹറം കാര്യാലയം. ഖുർആൻ പാരായണം, ഖുതുബ, ബാങ്ക്​ വിളി എന്നിവയു​മായി ബന്ധപ്പെട്ട കാര്യങ്ങൾ അറിയാൻ സഹായിക്കുന്ന പ്രത്യേക തരം റോബോട്ടുകളാണ്​ ഇവ. ഇരുഹറം കാര്യാലയത്തിന്​ കീഴിലെ 'ഇമാം, മുവദ്ദിൻ' ഏജൻസിയാണ്​​​ ഇത്​ പുറത്തിറക്കിയിരിക്കുന്നത്​.

ആർട്ടിഫിഷ്യൻ ഇൻറലിജൻസ്​ സേവനം വർധിപ്പിച്ച്​ സ്​മാർട്ട്​ റോബോട്ടുകളെ പരമാവധി ഉപയോഗപ്പെടുത്തുന്നതിന്റെ ഭാഗമാണ്​ പുതിയ ചുവടുവെപ്പെന്ന്​​ യന്ത്രമനുഷ്യരുടെ പ്രവർ​ത്തനോദ്​ഘാടം നിർവഹിച്ച​ ഇരുഹറം കാര്യാലയ മേധാവി ഡോ. അബ്​ദുറഹ്​മാൻ അൽസുദൈസ്​ പറഞ്ഞു. ഖുർആൻ പാരായണങ്ങൾ, പ്രഭാഷണങ്ങൾ, ബാങ്കുവിളി എന്നിവക്കായുള്ള പുതിയ റോബോട്ട്​ വലിയ പദ്ധതിയുടെ ഭാഗമാണ്​. കൂടുതൽ റോബോട്ടുകളെ ഇതിനായി സജ്ജീകരിക്കും. തീർഥാടകർക്ക് പരമാവധി സേവനങ്ങൾ നൽകാൻ ലക്ഷ്യമിടുന്ന 'വിഷൻ 2030' പദ്ധതികളുടെ ഭാഗമാണിതെന്നും ഡോ. സുദൈസ് പറഞ്ഞു.

ആധുനിക സാങ്കേതിക വിദ്യയുടെ പ്രയോജനം പരമാവധി പ്രയോജനപ്പെടുത്തി തീർഥാടകർക്ക്​ മികച്ച സേവനം നൽകുകയാണ്​ ലക്ഷ്യം​. ഇമാമുമാരുടെയും ബാങ്ക് ​വിളിക്കുന്നവരുടെയും സന്ദേശം തീർഥാടകരിലേക്ക് എത്തിക്കുക എന്നതും പുതിയ റോബോട്ടിലൂടെ ഉദ്ദേശിക്കുന്നുവെന്നും അദ്ദേഹം വ്യക്തമാക്കി​.

പാരായണം, ഖുതുബ, ബാങ്കു​വിളി എന്നിവയുമായി ബന്ധപ്പെട്ട ക്യു.ആർ കോഡുകൾ പ്രദർശിപ്പിക്കുകയാണ്​ റോബോട്ടിന്റെ ജോലി. ആളുകൾക്ക് സ്മാർട്ട് മൊബൈൽ ഫോൺ ഉപയോഗിച്ച്​ സ്കാൻ ചെയ്ത് ഡൗൺലോഡ് ചെയ്തെടുക്കാനാവും. റോബോട്ടിലെ വോയ്​​സ്​ കമാൻഡ്​ വഴി ഇമാമുമാരെയും മുഅദ്ദിനുകളെയും കുറിച്ചുള്ള പൊതുവിവരങ്ങൾ, പ്രതിവാര ഷെഡ്യൂളുകൾ, വെള്ളിയാഴ്ച പ്രഭാഷണം തുടങ്ങിയ വിവരങ്ങൾ അറിയാനും കഴിയും.

Show Full Article
TAGS:Robot Haram 
News Summary - New Robots to Help Visitors to Harams
Next Story