അ​ബൂ​ദ​ബി ക്ഷേ​ത്രം ഫെ​ബ്രു​വ​രി​യി​ൽ മോ​ദി ഉ​ദ്​​ഘാ​ട​നം ചെ​യ്യും

അബൂദബി: നി​ർ​മാ​ണം പു​രോ​ഗ​മി​ക്കു​ന്ന അ​ബൂ​ദ​ബി ഹി​ന്ദു​ക്ഷേ​ത്ര​ത്തി​ന്‍റെ ഉ​ദ്​​ഘാ​ട​നം ഫെ​ബ്രു​വ​രി 14ന്​ ​ന​ട​ക്കു​ന്ന ച​ട​ങ്ങി​ൽ പ്ര​ധാ​ന​മ​ന്ത്രി ന​രേ​ന്ദ്ര മോ​ദി നി​ർ​വ​ഹി​ക്കും. ക്ഷേ​ത്ര​ത്തി​ന്‍റെ നി​ർ​മാ​ണ ചു​മ​ത​ല​യു​ള്ള ബാ​പ്സ്​ സ്വാ​മി നാ​രാ​യ​ൺ സ​ൻ​സ്ത​യാ​ണ്​ ഇ​ക്കാ​ര്യം വെ​ളി​പ്പെ​ടു​ത്തി​യ​ത്. യു.​എ.​ഇ​യി​ലെ ആ​ദ്യ​ത്തെ പ​ര​മ്പ​രാ​ഗ​ത രീ​തി​യി​ലു​ള്ള ഹി​ന്ദു​ക്ഷേ​ത്ര​ത്തി​ന്‍റെ ഉ​ദ്​​ഘാ​ട​ന ച​ട​ങ്ങ്​ ഭ​ര​ണ, ആ​ത്മീ​യ മേ​ഖ​ല​ക​ളി​ലെ പ്ര​മു​ഖ​രു​ടെ സാ​ന്നി​ധ്യ​ത്തി​ലാ​ണ്​ അ​ര​ങ്ങേ​റു​ക. രാ​വി​ലെ മു​ത​ൽ ആ​രം​ഭി​ക്കു​ന്ന ച​ട​ങ്ങി​ൽ വി​വി​ധ പൂ​ജാ​ച​ട​ങ്ങു​ക​ളോ​ടെ ഏ​ഴ്​ ആ​രാ​ധ​ന​മൂ​ർ​ത്തി​ക​ളെ പ്ര​തി​ഷ്​​ഠി​ക്കും. വൈ​കു​ന്നേ​ര​ത്തെ ച​ട​ങ്ങി​ലാ​ണ്​ മോ​ദി​യു​ടെ സാ​ന്നി​ധ്യ​ത്തി​ൽ ക്ഷേ​ത്ര​ത്തി​ന്‍റെ സ​മ​ർ​പ്പ​ണ ച​ട​ങ്ങ്​ ന​ട​ക്കു​ക.

അ​ബൂ​ദ​ബി​യി​ൽ​നി​ന്ന്​ ദു​ബൈ​യി​ലേ​ക്കു​ള്ള പ്ര​ധാ​ന പാ​ത​ക്കു​ സ​മീ​പ​ത്താ​യി അ​ബൂ മു​രീ​ഖ പ്ര​ദേ​ശ​ത്താ​ണ്​ ക്ഷേ​ത്രം ഉ​യ​രു​ന്ന​ത്. 2018ൽ ​മോ​ദി​യു​ടെ യു.​എ.​ഇ സ​ന്ദ​ർ​ശ​ന​ത്തി​ന്‍റെ പ​ശ്ചാ​ത്ത​ല​ത്തി​ലാ​ണ്​ ക്ഷേ​ത്ര​ത്തി​ന്‍റെ നി​ർ​മാ​ണം പ്ര​ഖ്യാ​പി​ക്ക​പ്പെ​ട്ട​ത്. ഇ​ന്ത്യ​യി​ൽ​നി​ന്ന്​ എ​ത്തി​ച്ച വെ​ളു​ത്ത​തും കാ​വി നി​റ​ത്തി​ലു​ള്ള​തു​മാ​യ മാ​ർ​ബി​ളു​ക​ളാ​ണ്​ നി​ർ​മാ​ണ​ത്തി​ന്​ പ്ര​ധാ​ന​മാ​യും ഉ​പ​യോ​ഗി​ക്കു​ന്ന​ത്. നി​ർ​മാ​ണം അ​ന്തി​മ​ഘ​ട്ട​ത്തി​ലെ​ത്തി​യ കെ​ട്ടി​ട​ത്തി​ന്‍റെ വ​ലി​യ ക​മാ​ന​ങ്ങ​ൾ ഇ​പ്പോ​ൾ ദൃ​ശ്യ​മാ​യി​ത്തു​ട​ങ്ങി​യി​ട്ടു​ണ്ട്. ക്ഷേ​ത്ര​ത്തി​ന്‍റെ ചു​വ​രു​ക​ളി​ൽ വി​ദ​ഗ്​​ധ​രാ​യ ക​ര​കൗ​ശ​ല തൊ​ഴി​ലാ​ളി​ക​ളു​ടെ നേ​തൃ​ത്വ​ത്തി​ലാ​ണ്​ കൊ​ത്തു​പ​ണി​ക​ൾ ന​ട​ന്ന​ത്. പ​ര​മ്പ​രാ​ഗാ​ത ഹി​ന്ദു ക്ഷേ​ത്ര​ങ്ങ​ളി​ലേ​തി​ന്​ സ​മാ​ന​മാ​യ രീ​തി​യി​ലാ​ണ്​ ഓ​രോ ഭാ​ഗ​വും വി​ക​സി​പ്പി​ക്കു​ന്ന​ത്.

ഏ​ഴ്​ എ​മി​റേ​റ്റു​ക​ളെ പ്ര​തി​നി​ധീ​ക​രി​ക്കു​ന്ന ഏ​ഴു​ ക​മാ​ന​ങ്ങ​ളാ​ണ്​ ക്ഷേ​ത്ര​ത്തി​നു​ള്ള​ത്. പി​ങ്ക്​ നി​റ​ത്തി​ലെ ക​മാ​ന​ങ്ങ​ളി​ൽ നി​റ​യെ കൊ​ത്തു​പ​ണി​ക​ളു​ള്ള ക​ല്ലു​ക​ളാ​ണ്​ ഉ​പ​യോ​ഗി​ച്ചി​ട്ടു​ള്ള​ത്. ക​ഴി​ഞ്ഞ മൂ​ന്നു​വ​ർ​ഷ​മാ​യി രാ​ജ​സ്ഥാ​ൻ, ഗു​ജ​റാ​ത്ത്​ എ​ന്നി​വി​ട​ങ്ങ​ളി​ൽ​നി​ന്നാ​യി ര​ണ്ടാ​യി​ര​ത്തി​ലേ​റെ ക​ര​കൗ​ശ​ല തൊ​ഴി​ലാ​ളി​ക​ളാ​ണ്​ ഇ​വി​ടെ പ്ര​വ​ർ​ത്തി​ക്കു​ന്ന​ത്. ക്ഷേ​ത്ര​ത്തൂ​ണു​ക​ളി​ൽ കൊ​ത്തി​യെ​ടു​ത്ത ചി​ത്ര​ങ്ങ​ളി​ൽ ഹി​ന്ദു പു​രാ​ണ​ക​ഥ​ക​ളും ഇ​തി​ഹാ​സ​ങ്ങ​ളും മ​ത​പാ​ഠ​ങ്ങ​ളു​മെ​ല്ലാം ഉ​ൾ​പ്പെ​ട്ടി​ട്ടു​ണ്ട്. ഉ​ദ്​​ഘാ​ട​ന​ത്തി​നു​ശേ​ഷം ഫെ​ബ്രു​വ​രി 18 മു​ത​ലാ​ണ്​ പൊ​തു​ജ​ന​ങ്ങ​ൾ​ക്ക്​ പ്ര​വേ​ശ​നം അ​നു​വ​ദി​ക്കു​ക. ഉ​ദ്​​ഘാ​ട​ന ച​ട​ങ്ങി​ൽ യു.​എ.​ഇ​യി​ലെ ഭ​ര​ണ​രം​ഗ​ത്തെ പ്ര​മു​ഖ​രും പ​​ങ്കെ​ടു​ക്കു​മെ​ന്നാ​ണ്​ പ്ര​തീ​ക്ഷി​ക്ക​പ്പെ​ടു​ന്ന​ത്. ക്ഷേ​ത്രം നി​ല​വി​ൽ വ​രു​ന്ന​തോ​ടെ പ​ശ്ചി​മേ​ഷ്യ​യി​ലെ​ത​ന്നെ ഏ​റ്റ​വും വ​ലി​യ ഹി​ന്ദു ക്ഷേ​ത്ര​മാ​യി ഇ​തു മാ​റു​മെ​ന്നും വി​നോ​ദ​സ​ഞ്ചാ​രി​ക​ളെ​യ​ട​ക്കം ആ​ക​ർ​ഷി​ക്കു​മെ​ന്നു​മാ​ണ്​ പ്ര​തീ​ക്ഷി​ക്ക​പ്പെ​ടു​ന്ന​ത്.