50 ദി​വ​സം, 298 പേ​ജു​ക​ൾ വ​ടി​വൊ​ത്ത കൈ​യ​ക്ഷ​ര​ത്തി​ൽ ബൈ​ബിൾ പ​ക​ർ​ത്തി മ​റി​യാ​മ്മ ടീ​ച്ച​ർ

ഇ​രി​ങ്ങാ​ല​ക്കു​ട: ബൈ​ബി​ളി​ലെ നാ​ല് സു​വി​ശേ​ഷ​ങ്ങ​ൾ പൂ​ർ​ണ​മാ​യി പ​ക​ർ​ത്തി​യെ​ഴു​തി​യ ക​രു​വ​ന്നൂ​ർ സ്വ​ദേ​ശി​നി​ക്ക് രൂ​പ​ത ബ​ഹു​മ​തി. ക​രു​വ​ന്നൂ​ർ തേ​ല​പ്പി​ള്ളി സ്വ​ദേ​ശി​നി​യും റി​ട്ട. പ്ര​ധാ​നാ​ധ്യാ​പി​ക​യു​മാ​യ തേ​ല​പ്പി​ള്ളി പാ​റ​മ്മേ​ൽ ലോ​ന​പ്പ​ന്റെ ഭാ​ര്യ മ​റി​യാ​മ്മ​യാ​ണ് 85ാം വ​യ​സ്സി​ൽ ബൈ​ബി​ളി​ലെ നാ​ല് സു​വി​ശേ​ഷ​ങ്ങ​ൾ പൂ​ർ​ണ​മാ​യും പ​ക​ർ​ത്തി​യെ​ഴു​തി ഇ​രി​ങ്ങാ​ല​ക്കു​ട രൂ​പ​ത​യു​ടെ ബ​ഹു​മ​തി നേ​ടി​യ​ത്.

രൂ​പ​ത​യി​ലെ അം​ഗ​ങ്ങ​ൾ​ക്കാ​യി പ്രാ​യ​ഭേ​ദ​മ​ന്യേ ന​ട​ത്തി​യ മ​ത്സ​ര​ത്തി​ലാ​ണ് 50 ദി​വ​സ​ങ്ങ​ൾ കൊ​ണ്ട് ബൈ​ബി​ളി​ലെ നാ​ല് സു​വി​ശേ​ഷ​ങ്ങ​ളും 298 പേ​ജു​ക​ളി​ലാ​യി പൂ​ർ​ണ​മാ​യി പ​ക​ർ​ത്തി​യെ​ഴു​തി ഇ​ട​വ​ക ത​ല​ത്തി​ലും രൂ​പ​ത ത​ല​ത്തി​ലും സ​മ്മാ​ന​ങ്ങ​ൾ നേ​ടി​യ​ത്.

ഇ​രി​ങ്ങാ​ല​ക്കു​ട രൂ​പ​ത ബൈ​ബി​ള്‍ അ​പ്പ​സ്‌​തോ​ലേ​റ്റി​ന്റെ നേ​തൃ​ത്വ​ത്തി​ല്‍ ബൈ​ബി​ള്‍ പ​ക​ര്‍ത്തി​യെ​ഴു​തു​ന്ന ‘ലാ​ബി​ബ്ലി​യ 2023’ മ​ത്സ​ര​ത്തി​ൽ 380 പേ​രാ​ണ് പ​ങ്കെ​ടു​ത്ത​ത്. ഇ​തി​ൽ ഏ​റ്റ​വും കൂ​ടു​ത​ൽ വ​യ​സ്സു​ള്ള ക​രു​വ​ന്നൂ​ർ പ്ര​ദേ​ശ​ത്ത് നി​ന്നു​ള്ള ഏ​ക മ​ത്സ​രാ​ർ​ഥി​യാ​ണ് മ​റി​യാ​മ്മ ടീ​ച്ച​ർ. ഇ​ത​ട​ക്കം രൂ​പ​ത സം​ഘ​ടി​പ്പി​ച്ച മ​ത്സ​ര വി​ജ​യി​ക​ൾ​ക്കു​ള്ള സ​മ്മാ​ന​ങ്ങ​ൾ ബി​ഷ​പ് മാ​ര്‍ പോ​ളി ക​ണ്ണൂ​ക്കാ​ട​ന്‍ വി​ത​ര​ണം ചെ​യ്തു. മൂ​ർ​ക്ക​നാ​ട് സെൻറ് ആ​ൻ​റ​ണീ​സ് എ​ൽ.​പി സ്കൂ​ളി​ൽ​നി​ന്നാ​ണ് മ​റി​യാ​മ്മ ടീ​ച്ച​ർ പ്ര​ധാ​നാ​ധ്യാ​പി​ക​യാ​യി വി​ര​മി​ച്ച​ത്.

മാ​യ​ന്നൂ​ർ, പേ​രാ​മ്പ്ര, ക​ല്ലേ​റ്റും​ക​ര, എ​ട​ത്തി​രി​ത്തി എ​ന്നീ സ്കൂ​ളു​ക​ളി​ലും സേ​വ​ന​മ​നു​ഷ്ടി​ച്ചി​ട്ടു​ണ്ട്. ക​രു​വ​ന്നൂ​ർ സെൻറ് മേ​രീ​സ് പ​ള്ളി​യി​ൽ ദീ​ർ​ഘ​കാ​ലം മ​ത​ബോ​ധ​ന അ​ധ്യാ​പി​ക​യാ​യും ലി​ജി​യ​ൻ ഓ​ഫ് മേ​രി, മാ​തൃ​സം​ഘം എ​ന്നീ കൂ​ട്ടാ​യ്മ​ക​ളി​ലും സ​ജീ​വ​മാ​യി​രു​ന്നു. യു.​എ.​ഇ​യി​ലെ ക​രു​വ​ന്നൂ​ർ​ക്കാ​രു​ടെ സൗ​ഹൃ​ദ കൂ​ട്ടാ​യ്മ​യാ​യ ‘ഏ​ക യു.​എ.​ഇ’​യു​ടെ ചെ​യ​ർ​മാ​ൻ ബെ​ന്നി തേ​ല​പ്പി​ള്ളി മ​ക​നാ​ണ്.