മാ​ർ ക്രി​സോ​സ്റ്റം എന്ന 'സ്വ​ര്‍ണ​നാ​വു​കാ​ര​ന്‍'

സ്ര​ഷ്​​ടാ​വി​ലേ​ക്കു​ള്ള വ​ഴി അ​വി​ട​ത്തെ സൃ​ഷ്​​ടി​ക​ളി​ലൂ​ടെ​യാ​ണ്' എ​ന്ന കാ​ഴ്​​ച​പ്പാ​ടാ​ണ്​​ അന്തരിച്ച ഡോ. ​ഫി​ലി​പ്പോ​സ് മാ​ർ ക്രി​സോ​സ്​​റ്റം മാ​ര്‍ത്തോ​മ വ​ലി​യ മെ​ത്രാ​പോ​ലീ​ത്ത​യെ വ്യ​ത്യ​സ്​​ത​നാ​ക്കിയ​ത്. പ​ക്ഷേ, ന​ര്‍മ​മ​ധു​ര​മാ​യ സം​ഭാ​ഷ​ണ​ശൈ​ലി​യും വ​ശ്യ​മാ​യ പെ​രു​മാ​റ്റ​രീ​തി​ക​ളും അ​തു​ല്യ​മാ​യ വ്യ​ക്തി​ത്വ​വു​മാ​ണ്​ മ​ർ​ത്തോ​മസ​ഭ​യു​ടെ ഈ ​വ​ലി​യ മെ​ത്രാ​പോലീ​ത്ത​യെ സാ​ധാ​ര​ണ​ക്കാ​ർ​ക്കിടയിലും പ്രി​യ​ങ്ക​ര​നാ​ക്കിയ​ത്​.​ സ​ഭ​യോ മ​ത​മോ ജാ​തി​പ​രി​ഗ​ണ​ന​ക​ളോ​യി​ല്ലാ​തെ, സ​മീ​പി​ക്കു​ന്ന സ​ക​ല​ർ​ക്കും സ്​​നേ​ഹം മാ​ത്രം ന​ൽ​കു​ന്ന മഹാ വ്യക്തിത്വം.

മാ​ര്‍ത്തോ​മ സ​ഭ​യു​ടെ വി​കാ​രി ജ​ന​റാ​ളാ​യി​രു​ന്ന അ​ട​ങ്ങ​പ്പു​റ​ത്ത് ക​ല​മ​ണ്ണി​ല്‍ കെ.​ഇ. ഉ​മ്മ​ന്‍ ക​ശീ​ശ​യു​ടെ​യും കാ​ര്‍ത്തി​ക​പ്പ​ള്ളി ന​ടു​ക്കേ​വീ​ട്ടി​ല്‍ ശോ​ശാ​മ്മ​യു​ടെ​യും മ​ക​നാ​യി 1918 ഏ​പ്രി​ല്‍ 27നാ​യി​രു​ന്നു ​ മാ​ർ ക്രി​സോ​സ്​​റ്റ​ത്തി​ന്‍റെ ജ​ന​നം. മാ​രാ​മ​ണ്‍, കോ​ഴ​ഞ്ചേ​രി, ഇ​ര​വി​പേ​രൂ​ര്‍ എ​ന്നി​വി​ട​ങ്ങ​ളി​ല്‍ സ്കൂ​ള്‍ വി​ദ്യാ​ഭ്യാ​സം പൂ​ര്‍ത്തി​യാ​ക്കി, ആ​ലു​വ യൂ​നി​യ​ന്‍ ക്രി​സ്റ്റ്യ​ന്‍ കോ​ള​ജി​ല്‍ നി​ന്ന്​ ബി.​എ. ഡി​ഗ്രി സ​മ്പാ​ദി​ച്ച ഫി​ലി​പ് ഉ​മ്മ​ന്‍ എ​ന്ന യു​വാ​വ് പി​ന്നീ​ട്​ അ​ങ്കോ​ള​യി​ലെ മി​ഷ​ന​റി പ്ര​വ​ര്‍ത്ത​ന​ത്തി​ന് സ്വ​യം സ​മ​ര്‍പ്പി​ക്കു​ക​യാ​ണ് ചെ​യ്ത​ത്.

1942 മു​ത​ല്‍ 44 വ​രെ അ​വി​ടെ പ്ര​വ​ര്‍ത്തി​ച്ചു. ബം​ഗ​ളൂ​രു യു.​ടി കോ​ള​ജി​ല്‍ ശാ​സ്ത്ര​പ​ഠ​നം നി​ര്‍വ​ഹി​ച്ച ​ശേ​ഷ​മാ​ണ്​ 1944 ജ​നു​വ​രി ഒ​ന്നി​ന്​ ശെ​മ്മാ​ശ പ​ട്ട​വും ജൂ​ണ്‍ മൂ​ന്നി​ന്​ ക​ശീ​ശ​പ​ട്ട​വും സ്വീ​ക​രി​ച്ച​ത്. സ്വ​ര്‍ണ​നാ​വു​കാ​ര​ന്‍ എ​ന്ന വി​ശേ​ഷ​ണ​മാ​ണ് സ​ഭാ​ച​രി​ത്രം മാ​ര്‍ ക്രി​സോ​സ്​​റ്റ​ത്തി​ന് ന​ല്‍കി​യ​ത്. അ​ത്​ തി​ക​ച്ചും സാ​ര്‍ഥ​ക​മാ​ക്കു​ന്ന പ്ര​ഭാ​ഷ​ണ​ ചാ​തു​ര്യ​മാ​ണ് ആ ​പേ​രു സ്വീ​ക​രി​ച്ച ഫി​ലി​പ്പോ​സ് മാ​ര്‍ ക്രി​സോ​സ്​​റ്റ​വും പ്ര​ദ​ര്‍ശി​പ്പി​ക്കു​ന്ന​ത്.

ഭ​ദ്രാ​സ​ന​ത്തിന്‍റെ ചു​മ​ത​ല​യി​ല്‍ പ്ര​വേ​ശി​ക്കു​ന്ന​തി​നു​ മു​മ്പ് ഇം​ഗ്ല​ണ്ടി​ല്‍ കാ​ന്‍റര്‍ബ​റി​യി​ലെ സെന്‍റ്​ അ​ഗ​സ്​​റ്റി​ന്‍ കോ​ള​ജി​ല്‍ ഉ​പ​രി​പ​ഠ​നം നി​ര്‍വ​ഹി​ച്ച അ​ദ്ദേ​ഹം മ​ട​ങ്ങി​വ​ന്ന് കോ​ട്ട​യം-​കു​ന്നം​കു​ളം ഭ​ദ്രാ​സ​ന​ത്തി​ന്‍റെ എ​പ്പി​സ്കോ​പ്പാ​യാ​യി 1954ല്‍ ​ചു​മ​ത​ല​യേ​റ്റു. ഇ​തേ​കാ​ല​ത്ത് മാ​ര്‍ത്തോ​മ വൈ​ദി​ക സെ​മി​നാ​രി​യി​ല്‍ പ്രി​ന്‍സി​പ്പ​ലി​ന്‍റെ ചു​മ​ത​ല​യും നി​ര്‍വ​ഹി​ച്ചി​രു​ന്നു. പി​ന്നീ​ട്​ അ​ടൂ​ര്‍-കൊ​ട്ടാ​ര​ക്ക​ര ഭ​ദ്രാ​സ​ന​ത്തിന്‍റെ എ​പ്പി​സ്കോ​പ്പ​യാ​യും പ്ര​വ​ർ​ത്തി​ച്ചു. കേ​ര​ള ക്രി​സ്ത്യ​ന്‍ കൗ​ണ്‍സി​ലി​ന്‍റെ​യും സി.​എ.​എ​സ്.​എ​യു​ടെയും പ്ര​സി​ഡ​ന്‍റ് എ​ന്നീ നി​ല​ക​ളി​ലും പ്ര​വ​ർ​ത്തി​ച്ചു.

1978 ​മേയി​ൽ സ​ഫ്ര​ഗ​ന്‍ മെ​ത്രാ​പ്പോ​ലീ​ത്ത​യാ​യും 1999 മാ​ര്‍ച്ച് 15ന് ​ഓ​ഫി​ഷ്യേ​റ്റി​ങ്​ മെ​ത്രാ​പ്പോ​ലീ​ത്ത​യാ​യും 1999 ഒ​ക്ടോ​ബ​ര്‍ 23ന് ​മാ​ര്‍ത്തോ​മ മെ​ത്രാ​പ്പോ​ലീ​ത്ത​യാ​യും സ്ഥാ​നാ​രോ​ഹ​ണം ചെ​യ്തു. ശ്ലാ​ഘ​നീ​യ​മാ​യ ഭ​ര​ണ നൈ​പു​ണ്യ​വും ന​യ​ത​ന്ത്ര​ജ്ഞ​ത​യു​മാ​ണ് അ​ദ്ദേ​ഹം ക​ർ​മ​മേ​ഖ​ലക​ളി​ലെ​ല്ലാം പ്ര​ദ​ര്‍ശി​പ്പി​ച്ച​ത്. നി​ര​ണം- മാ​രാ​മ​ണ്‍ ഭ​ദ്രാ​സ​ന​ത്തിന്‍റെ ഭ​ര​ണ​ച്ചു​മ​ത​ല​യും നി​ര്‍വ​ഹി​ച്ചി​രു​ന്നു. 2007 ഒ​ക്ടോ​ബ​ര്‍ ഒ​ന്നു​മു​ത​ല്‍ സ​ഭ​യു​ടെ ഭ​ര​ണ​ച്ചു​മ​ത​ല​യി​ല്‍ നി​ന്ന് സ്വ​യം ഒ​ഴി​ഞ്ഞ് കോ​ഴ​ഞ്ചേ​രി മാ​രാ​മ​ണ്‍ ജൂ​ബി​ലി ഹോ​മി​ല്‍ വിശ്രമജീവിതം നയിക്കുകയായിരുന്നു.

വി​ര​മി​ക്ക​ല്‍ എ​ന്ന​തി​ന് പു​തി​യ അ​ര്‍ഥ​മാ​ണ് സ്വ​ജീ​വി​തം​ കൊ​ണ്ട് മാ​ര്‍ ക്രി​സോ​സ്റ്റം ന​ല്‍കിയ​ത്. അ​നേ​ക​രു​ടെ അ​ടു​ത്തേ​ക്ക്​ അദ്ദേഹമെത്തി, അ​നേ​ക​ര്‍ അ​ദ്ദേ​ഹ​ത്തിന്‍റെ അ​ടു​ത്തു​വ​ന്ന് നി​ര്‍വൃ​തി​ദാ​യ​ക​മാ​യ സാ​ന്നി​ധ്യം അ​നു​ഭ​വി​ച്ച​റി​യു​ക​യും ചെ​യ്തു. സ​ഭ​യി​ലെ അം​ഗ​ങ്ങ​ൾ മാ​ത്ര​മ​ല്ല വി​വി​ധ മ​ത-സാം​സ്കാ​രി​ക പ്ര​സ്ഥാ​ന​ങ്ങ​ളും വി​വി​ധ മ​ത​സ്ഥ​രാ​യ സാ​ധാ​ര​ണ​ക്കാ​രും മാ​ര്‍ ക്രി​സോ​സ്റ്റത്തിന്‍റെ ഉ​പ​ദേ​ശ​വും സാ​ന്നി​ധ്യ​വും തേ​ടിയിരുന്നു.