ലിയോ 14ാമൻ: അമേരിക്കയിൽ നിന്നുള്ള ആദ്യ മാർപ്പാപ്പ

വത്തിക്കാൻ സിറ്റി: അമേരിക്കയിൽനിന്നുള്ള റോബർട്ട് ഫ്രാൻസിസ് പ്രിവോസ്തിനെ പുതിയ മാർപാപ്പയായി തെരഞ്ഞെടുത്തു. ‘ഹബേമുസ് പാപാം’ (നമുക്കൊരു മാർപാപ്പയെ ലഭിച്ചു) എന്ന വാക്കുകളോടെ സെന്റ് പീറ്റേഴ്സ് ചത്വരത്തിന് അഭിമുഖമായുള്ള ബാൽക്കണിയിൽനിന്ന് പുതിയ മാർപാപ്പയെ പരിചയപ്പെടുത്തി.

വ​ത്തി​ക്കാ​നി​ൽ ന​ട​ന്ന ക​ർ​ദി​നാ​ൾ​മാ​രു​ടെ കോ​ൺ​​ക്ലേ​വി​ന്റെ ര​ണ്ടാം ദി​വ​സ​ത്തെ മൂന്നാം ഘ​ട്ട വോ​ട്ടെ​ടു​പ്പി​ലാണ് പുതിയ മാ​ർ​പാ​പ്പ​യെ തെ​ര​ഞ്ഞെ​ടുത്തത്. പരിഷ്‍കരണ വാദിയായി അറിയപ്പെടുന്ന കർദിനാൾ റോബർട്ട് പ്രിവോസ്ത്, ലിയോ പതിനാലാമൻ എന്ന പേരിലാകും അറിയപ്പെടുക.

ഇന്ത്യൻ സമയം വ്യാഴാഴ്ച രാത്രി 9.40ഓടെയാണ് പുതിയ മാർപാപ്പയെ തിരഞ്ഞെടുത്തത് അറിയിച്ചുകൊണ്ട് വത്തിക്കാനിലെ സിസ്റ്റൈൻ ചാപ്പലി​ന്റെ പുകക്കുഴലിൽനിന്ന് വെളുത്ത പുക ഉയർന്നത്. പു​തി​യ മാ​ർ​പാ​പ്പ​യെ തെ​ര​ഞ്ഞെ​ടു​ക്കു​ന്ന​ത് കേ​ൾ​ക്കാ​നാ​യി ആ​യി​ര​ക്ക​ണ​ക്കി​ന് വി​ശ്വാ​സി​ക​ളാ​ണ് വ​ത്തി​ക്കാ​ൻ സി​റ്റി​യി​ലെ സെ​ന്റ് പീ​റ്റേ​ഴ്സ്ബ​ർ​ഗ് ച​ത്വരത്തിൽ കാ​ത്തി​രുന്ന​ത്.

ഉ​ച്ച​ക്കു​ശേ​ഷം ന​ട​ക്കു​ന്ന വോ​ട്ടെ​ടു​പ്പി​ൽ പു​തി​യ മാ​ർ​പാ​പ്പ തെ​ര​ഞ്ഞെ​ടു​ക്ക​പ്പെ​ടു​മെ​ന്ന് ക​ർ​ദി​നാ​ൾ​മാ​രു​ടെ സം​ഘ​ത്തി​ന്റെ ഡീ​ൻ ജി​യോ​വ​നി ബാ​റ്റി​സ്റ്റ റീ ​പ്ര​തീ​ക്ഷ പ്ര​ക​ടി​പ്പി​ച്ചിരുന്നു. വൈ​കീ​ട്ട് താ​ൻ റോ​മി​ൽ തി​രി​ച്ചെ​ത്തു​മ്പോ​ൾ സി​സ്റ്റൈ​ൻ ചാ​പ്പ​ലി​ന്റെ കു​ഴ​ലി​ലൂ​ടെ വെ​ളു​ത്ത പു​ക ഉ​യ​രു​ന്നു​ണ്ടാ​വു​മെ​ന്നാണ് 91കാ​ര​നാ​യ റീ ​പ​റ​ഞ്ഞത്.

വി​വി​ധ രാ​ജ്യ​ങ്ങ​ളി​ൽ ​നി​ന്നു​ള്ള 133 ക​ർ​ദി​നാ​ൾ​മാ​രാ​ണ് പു​തി​യ മാ​ർ​പാ​പ്പ​യെ ക​ണ്ടെ​ത്താ​നു​ള്ള കോ​ൺ​​ക്ലേ​വി​ൽ പ​​ങ്കെ​ടു​ത്തത്.