പഴമയുടെ ആഘോഷമായി 'ഹയ്യാ ബയ്യാ..'

മ​നാ​മ: പ​ഴ​മ​യു​ടെ ഓ​ർ​മ​പു​തു​ക്ക​ലാ​യെ​ത്തു​ന്ന ഹ​യ്യാ ബ​യ്യാ ആ​ഘോ​ഷ​ത്തി​​ന്റെ ആ​വേ​ശ​ത്തി​ൽ കു​ട്ടി​ക​ൾ. ബ​ലി​പെ​രു​ന്നാ​ളി​നോ​ട് അ​നു​ബ​ന്ധി​ച്ചു​ള്ള ആ​ചാ​ര​മാ​ണ് ഹ​യ്യാ ബ​യ്യാ. ചെ​റി​യ കു​ട്ട​ക​ളി​ൽ മു​ള​പ്പി​ക്കു​ന്ന ധാ​ന്യ​ങ്ങ​ൾ പെ​രു​ന്നാ​ൾ ദി​വ​സം ആ​ഘോ​ഷ​പൂ​ർ​വം ക​ട​ലി​ൽ എ​റി​യു​ന്ന​താ​ണ് ച​ട​ങ്ങ്.

ഹ​ജ്ജ്​ തീ​ർ​ഥാ​ട​ന​ത്തി​നു​പോ​യ പ്രി​യ​പ്പെ​ട്ട​വ​ർ സു​ര​ക്ഷി​ത​രാ​യി തി​രി​ച്ചെ​ത്തു​ന്ന​തി​നു​ള്ള പ്രാ​ർ​ഥ​ന​യാ​യാ​ണ്​ ഈ ​ആ​ചാ​രം ന​ട​ത്തു​ന്ന​തെ​ന്ന്​ പ​റ​യു​ന്നു. പ്ര​ത്യേ​ക വ​സ്ത്ര​ങ്ങ​ൾ ധ​രി​ച്ചും പാ​ട്ടു​ക​ൾ പാ​ടി​യു​മാ​ണ്​ കു​ട്ടി​ക​ൾ ആ​ഘോ​ഷ​ത്തി​ൽ പ​​ങ്കെ​ടു​ക്കു​ന്ന​ത്. ഹ​ജ്ജ് മാ​സ​മാ​യ ദു​ല്‍ഹ​ജ്ജ് ഒ​ന്നി​ന് ത​ന്നെ ത​ങ്ങ​ളു​ടെ വീ​ട്ടു​പ​രി​സ​ര​ങ്ങ​ളി​ല്‍ കു​ട്ടി​ക​ള്‍ പ്ര​ത്യേ​കം ത​യാ​റാ​ക്കി​യ ചെ​ടി​ച്ച​ട്ടി​ക​ളി​ല്‍ ചെ​റി​യ ചെ​ടി​ക​ള്‍ ന​ട്ടു​പി​ടി​പ്പി​ക്കും.

ഓ​രോ ദി​വ​സ​വും ഇ​തി​ന് വെ​ള്ള​വും വ​ള​വും ന​ല്‍കി പ​രി​ച​രി​ക്കു​ക​യും താ​ലോ​ലി​ക്കു​ക​യും ചെ​യ്യും. ചെ​ടി​ക​ളു​മാ​യി കു​ട്ടി​ക​ള്‍ പ​ത്തു​ദി​വ​സ​ത്തി​നു​ള്ളി​ല്‍ വ​ല്ലാ​ത്തൊ​രു ആ​ത്മ​ബ​ന്ധം സ്ഥാ​പി​ച്ചി​രി​ക്കും. അ​റ​ഫ ദി​ന​ത്തി​​ന്റെ വൈ​കു​ന്നേ​രം ഈ ​ചെ​ടി​ക​ളു​മാ​യി കു​ട്ടി​ക​ള്‍ വി​വി​ധ വ​ര്‍ണ​ങ്ങ​ളി​ലു​ള്ള മ​നോ​ഹ​ര​മാ​യ വ​സ്ത്ര​ങ്ങ​ള്‍ അ​ണി​ഞ്ഞ് ക​ട​ല്‍ത്തീ​ര​ത്തേ​ക്ക് ഘോ​ഷ​യാ​ത്ര​യാ​യി പു​റ​പ്പെ​ടും. കൂ​ടെ മു​തി​ര്‍ന്ന​വ​രും അ​വ​രു​ടെ സ​ഹാ​യി​ക​ളാ​യി ഉ​ണ്ടാ​വും. ക​ട​ല്‍ത്തീ​ര​ത്തു​ള്ള ഉ​യ​ര്‍ന്ന പ്ര​ദേ​ശ​ത്ത് ക​യ​റി​നി​ന്ന് 'ഹ​യ്യ ബ​യ്യ റാ​ഹ​ത് ഹ​യ്യ ബ​യ്യാ​ത് ഹ​യ്യ...' എ​ന്ന് തു​ട​ങ്ങു​ന്ന ഗാ​നം ഇ​വ​ര്‍ സം​ഘ​മാ​യി ആ​ല​പി​ക്കും.

പാ​ട്ടു​പാ​ടു​ന്ന​തി​നി​ട​യി​ല്‍ ത​ന്നെ ത​ങ്ങ​ളു​ടെ കൈ​യി​ലു​ള്ള ചെ​ടി​ക​ള്‍ ഇ​വ​ര്‍ ഓ​രോ​രു​ത്ത​രാ​യി ക​ട​ലി​ലേ​ക്കൊ​ഴു​ക്കും. വ​ല​തു​വ​ശ​ത്തു​നി​ന്നാ​രം​ഭി​ച്ച് ഇ​ട​തു​വ​ശ​ത്ത് അ​വ​സാ​നി​ക്കു​ന്ന ക്ര​മ​ത്തി​ലാ​ണ് ഈ ​ഒ​ഴു​ക്ക​ലു​ക​ള്‍. ശേ​ഷം ഇ​വ​ര്‍ ഹ​ജ​ജ് ക​ർ​മ​ത്തി​ന് പോ​യ ത​ങ്ങ​ളു​ടെ ബ​ന്ധു​മി​ത്രാ​ദി​ക​ള്‍ സു​ര​ക്ഷി​ത​രാ​യി തി​രി​ച്ച് വ​രാ​നും പെ​രു​ന്നാ​ള്‍ ദി​നം സ​ന്തോ​ഷ​ക​ര​മാ​വാ​നും വേ​ണ്ടി അ​വി​ടെ​നി​ന്ന് പ്രാ​ർ​ഥി​ക്കും. പി​ന്നെ ത​ങ്ങ​ളു​ടെ വീ​ടു​ക​ളി​ലേ​ക്ക് തി​രി​ച്ചു​പോ​കും. കു​ട്ടി​ക​ളി​ൽ പ​രി​പാ​ല​ന ശീ​ല​വും ക്ഷ​മ​യും ത്യാ​ഗ​മ​നോ​ഭാ​വ​വും വ​ള​ർ​ത്തി​യെ​ടു​ക്കാ​ൻ ഈ ​ആ​ചാ​ര​ത്തി​ന്​ ക​ഴി​യാ​റു​ണ്ട്.

മു​ൻ​കാ​ല​ങ്ങ​ളി​ൽ ഈ​ന്ത​പ്പ​ന​യു​ടെ ഓ​ല​കൊ​ണ്ട് മെ​ട​യു​ന്ന കു​ട്ട​ക​ളി​ൽ വീ​ടു​ക​ളി​ൽ ത​ന്നെ​യാ​ണ് തി​ന പോ​ലു​ള്ള ധാ​ന്യ​ങ്ങ​ൾ മു​ള​പ്പി​ച്ചി​രു​ന്ന​ത് . ഓ​ല​കൊ​ണ്ടു​ള്ള കു​ട്ട​ക​ൾ നി​ർ​മി​ച്ചു​ന​ൽ​കു​ന്ന നി​ര​വ​ധി പേ​ർ പ​ണ്ടു​ണ്ടാ​യി​രു​ന്നു. കാ​ലം മാ​റി​യ​പ്പോ​ൾ ആ​ചാ​ര​രീ​തി​ക​ൾ​ക്കും മാ​റ്റം വ​ന്നു. ഇ​ന്ന് ക​ട​ക​ളി​ൽ​നി​ന്ന്​ വാ​ങ്ങു​ന്ന പ്ലാ​സ്റ്റി​ക് കൂ​ടു​ക​ളാ​ണ് ഉ​പ​യോ​ഗി​ക്കു​ന്ന​ത്. ധാ​ന്യ​ങ്ങ​ൾ മു​ള​പ്പി​ച്ച ഇ​ത്ത​രം പ്ലാ​സ്റ്റി​ക്​ കൂ​ടു​ക​ൾ പ്രാ​ദേ​ശി​ക പ​ച്ച​ക്ക​റി​ക​ൾ വി​ൽ​ക്കു​ന്ന മാ​ർ​ക്ക​റ്റു​ക​ളി​ൽ ല​ഭ്യ​മാ​ണ്. മാ​ൽ​കി​യ, ബാ​ർ​ബാ​ർ, ക​ർ​ബാ​ബാ​ദ്, നു​റാ​ന, ബു​സൈ​തീ​ൻ എ​ന്നി​വി​ട​ങ്ങ​ളി​ലാ​ണ്​ പ്ര​ധാ​ന​മാ​യും ഹ​യ്യാ ബ​യ്യാ ആ​ഘോ​ഷം ന​ട​ക്കു​ന്ന​ത്.