പാപമുക്തരായി അറഫയോട്​ വിടപറഞ്ഞ്​ ഹാജിമാർ

മ​ക്ക: ആ​ത്മാ​വി​​ന്റെ ആ​ഴ​ത്തി​ൽ​നി​ന്ന് ദൈ​വ​ത്തി​ലേ​ക്ക് കൈ​യുയ​ർ​ത്തു​ന്ന ഹാ​ജി​മാ​രു​ടെ ക​ണ്ണീ​ർ ക​ഴി​ഞ്ഞു​പോ​യ പാ​പ​ക്ക​റ​ക​ൾ ക​ഴു​കി​ക്ക​ള​യു​മ്പോ​ൾ അ​പ്പോ​ൾ പ്ര​സ​വി​ക്ക​​പ്പെ​ട്ട​തു​പോ​ലെ നി​ഷ്ക​ള​ങ്ക​ത​യി​ലേ​ക്കും പ​രി​ശു​ദ്ധി​യി​ലേ​ക്കും ഉ​യ​രാ​ൻ അ​വ​സ​രം ഒ​രു​ക്ക​പ്പെ​ടു​മെ​ന്നാ​ണ് വി​ശ്വാ​സം. വ​ർ​ണ​വ​ർ​ഗ ദേ​ശ വ്യ​ത്യാ​സ​മി​ല്ലാ​തെ അ​റ​ഫ​യി​ൽ ഒ​ന്നാ​യി നി​ന്ന​പ്പോ​ൾ എ​ല്ലാ​വ​രും ഒ​രേ ദൈ​വ​ത്തി​ന്റെ അ​ടി​മ​ക​ൾ എ​ന്ന സ​മ​ഭാ​വ​ന​യാ​ണ്​ ലോ​ക​ത്തേ​ക്ക്​ പ്ര​സ​രി​ച്ച​ത്. 165 രാ​ജ്യ​ങ്ങ​ളെ പ്ര​തി​നി​ധീ​ക​രി​ച്ചാ​ണ് 17 ല​ക്ഷ​ത്തോളം തീ​ർ​ഥാ​ട​ക​ർ അ​റ​ഫ​യി​ൽ സം​ഗ​മി​ച്ച​ത്.

പ്ര​ഭാ​ഷ​ണ​ത്തി​ന് ശേ​ഷം ഹാ​ജി​മാ​ർ ജ​ബ​ലു​റ​ഹ്​​മ​ക്ക്​ (അ​നു​ഗ്ര​ഹ​ങ്ങ​ളു​ടെ പ​ർ​വ​തം) സ​മീ​പം ഒ​രു​ക്കി​യ താ​ൽ​ക്കാ​ലി​ക ത​മ്പു​ക​ളി​ലേ​ക്ക് മാ​റി. ശു​ഭ്ര​വ​സ്ത്ര​ധാ​രി​ക​ളാ​ൽ തൂ​വെ​ള്ള​യ​ണി​ഞ്ഞ്​ ആ ​പ​ർ​വ​ത​വും വി​ശ്വാ​സി​ക​ളോ​ടൊ​പ്പം ഹ​ജ്ജി​ൽ പ​ങ്കു​ചേ​ർ​ന്നു. സൂ​ര്യാ​സ്ത​മ​നം വ​രെ ലോ​ക മു​സ്​​ലിം​ക​ളു​ടെ മു​ഴു​വ​ൻ പ്ര​തി​നി​ധി​ക​ളാ​യി തീ​ർ​ഥാ​ട​ക​ർ അ​ല്ലാ​ഹു​വി​നോ​ട് മ​ന​മു​രു​കി പ്രാ​ർ​ഥി​ച്ചു.

ലോ​കം നേ​രി​ടു​ന്ന പ്ര​തി​സ​ന്ധി മ​റി​ക​ട​ക്കാ​നു​ള്ള ക​രു​ത്തി​നാ​യും അ​വ​രു​ടെ പ്രാ​ർ​ഥ​ന​ക​ൾ നീ​ണ്ടു. നോ​വു​ന്ന പ്ര​ശ്ന​മാ​യ ഫല​സ്തീ​ൻ പീ​ഡി​ത ജ​ന​ത​യു​ടെ വേ​ദ​ന ഹൃ​ദ​യ​ത്തി​ലേ​റ്റി​യ ഹാ​ജി​മാ​ർ ആ​കാ​ശ​ത്തി​ലേ​ക്ക് കൈ​നീ​ട്ടി നി​സ്സ​ഹാ​യ​ത​യോ​ടെ പ്രാ​ർ​ഥന മ​ന്ത്ര​ങ്ങ​ൾ ഉ​രു​വി​ട്ടു. 40 ഡി​ഗ്രി സെ​ൽ​ഷ്യ​സി​ന്​ മു​ക​ളി​ൽ ക​ത്തു​ന്ന സൂ​ര്യ​ന് കീ​ഴെ എ​ല്ലാം അ​വ​ഗ​ണി​ച്ച് അ​വ​ർ ദി​വ്യ​സ്മ​ര​ണ​യി​ൽ മു​ഴു​കി. സൂ​ര്യാ​സ്ത​മ​നം വ​രെ തി​രി​ച്ച​റി​വ്​ എ​ന്ന അ​ർ​ഥ​മു​ള്ള അ​റ​ഫ മൈ​താ​നം ആ​ത്മീ​യ​ത​യു​ടെ ഉ​ച്ചി​യി​ലെ​ത്തി.

മ​റ്റ്​ തീ​ർ​ഥാ​ട​ക​രോ​ടൊ​പ്പം ഇ​ന്ത്യ​ൻ ഹാ​ജി​മാ​രെ വ്യാ​ഴാ​ഴ്ച ഉ​ച്ച​യോ​ടെ അ​റ​ഫ​യി​ൽ എ​ത്തി​ച്ചി​രു​ന്നു. 59,265 തീ​ർ​ഥാ​ട​ക​ർ മാ​ശാ​ഇ​ർ ട്രെ​യി​ൻ വ​ഴി​യാ​ണ് അ​റ​ഫ​യി​ൽ എ​ത്തി​യ​ത്. സ്വ​കാ​ര്യ ഗ്രൂ​പ്പു​ക​ൾ വ​ഴി​യെ​ത്തി​യ ഹാ​ജി​മാ​ർ ഹ​ജ്ജ് സ​ർ​വി​സ് ക​മ്പ​നി ഒ​രു​ക്കി​യ ബ​സ് മു​ഖേ​ന​യു​മെ​ത്തി. ക​ഠി​ന​മാ​യ ചൂ​ടാ​ണ് അ​റ​ഫ​യി​ൽ അ​നു​ഭ​വ​പ്പെ​ട്ട​ത്. നി​ർ​ജ​ലീ​ക​ര​ണം കാ​ര​ണം പ​ല ഹാ​ജി​മാ​രും അ​വ​ശ​രാ​യി. അ​വ​ർ​ക്ക്​ പ്ര​ഥ​മ ശു​ശ്രൂ​ഷ ന​ൽ​കി. മ​ക്ക​യി​ലെ വി​വി​ധ ആ​ശു​പ​ത്രി​ക​ളി​ലു​ള്ള ഹാ​ജി​മാ​രെ ആം​ബു​ല​ൻ​സു​ക​ളി​ലും എ​യ​ർ ആം​ബു​ല​ൻ​സു​ക​ളി​ലു​മാ​യാ​ണ്​ അ​റ​ഫ​യി​ൽ എ​ത്തി​ച്ച​ത്.

സ​ന്ന​ദ്ധ സം​ഘ​ട​ന​ക​ളും അ​റ​ഫ​യി​ൽ ഹാ​ജി​മാ​രു​ടെ സേ​വ​ന​ത്തി​ന് അ​ണി​നി​ര​ന്നി​രു​ന്നു. ആ​ത്മീ​യ​സാ​യൂ​ജ്യ​ത്തോ​ടെ​യും ആ​ത്മ​സം​തൃ​പ്തി​യോ​ടെ​യു​മാ​ണ് ഓ​രോ ഹാ​ജി​യും അ​റ​ഫ​യോ​ട് വി​ട പ​റ​ഞ്ഞ​ത്. ഇ​ന്ത്യ​ൻ തീ​ർ​ഥാ​ട​ക​രി​ൽ 18 പേ​ർ ഹ​ജ്ജി​ന് മു​ന്നേ വി​വി​ധ കാ​ര​ണ​ങ്ങ​ളാ​ൽ മ​രി​ച്ചി​രു​ന്നു. രോ​ഗ​ശ​യ്യ​യി​ലാ​യ 14 മ​ല​യാ​ളി​ക​ളെ ആം​ബു​ല​ൻ​സി​ലാ​ണ് അ​റ​ഫ​യി​ൽ എ​ത്തി​ച്ച​ത്.