മനംകവർന്ന്​ ഹജ്ജ്​ സേവനത്തിനിറങ്ങിയ കൊച്ചുമിടുക്കി

ജി​ദ്ദ: ഇ​ത്ത​വ​ണ​ത്തെ ഹ​ജ്ജ്​ പ​ര്യ​വ​സാ​നി​ച്ച​പ്പോ​ൾ തീ​ർ​ഥാ​ട​ക​രെ സേ​വി​ക്കാ​നി​റ​ങ്ങി​യ മ​ല​യാ​ളി കൊ​ച്ചു​മി​ടു​ക്കി എ​ല്ലാ​വ​രു​ടെ​യും മ​നം​ക​വ​ർ​ന്നു. കെ.​എം.​സി.​സി ഹ​ജ്ജ്​ സെ​ല്ലി​ന്​ കീ​ഴി​ൽ വ​ള​ൻ​റി​യ​ർ സേ​വ​ന​ത്തി​ന് എ​ത്തി​യ മി​ദ്​​ഹ ഫാ​ത്തി​മ​യാ​ണ്​ തീ​ർ​ഥാ​ട​ക​രു​ടെ ഹൃ​ദ​യ​ത്തി​ലി​ടം​നേ​ടി​യ​ത്. പെ​രി​ന്ത​ൽ​മ​ണ്ണ മ​ണ്ണാ​ർ​മ​ല വേ​ങ്ങൂ​ർ എ.​എം.​എ​ച്ച്.​എ​സി​ൽ ര​ണ്ടാം ക്ലാ​സ്​ വി​ദ്യാ​ർ​ഥി​നി​യാ​ണ്​ ഈ ​ഏ​ഴു വ​യ​സ്സു​കാ​രി.

ജി​ദ്ദ​യി​ൽ ജോ​ലി​ചെ​യ്യു​ന്ന പി​താ​വ്​ നാ​സ​റി​ന്റെ അ​ടു​ത്തേ​ക്ക്​ ഉ​മ്മ റി​ൻ​സി​ദാ​യു​ടെ കൂ​ടെ സ​ന്ദ​ർ​ശ​ന വി​സ​യി​ലെ​ത്തി​യ​താ​ണ്​ മി​ദ്​​ഹ ഫാ​ത്തി​മ. കെ.​എം.​സി.​സി പ്ര​വ​ർ​ത്ത​ക​നാ​യ ഉ​പ്പ​ ഹ​ജ്ജ്​ സേ​വ​ന​ത്തി​ന്​ പോ​കാ​നൊ​രു​ങ്ങി​യ​പ്പോ​ൾ ഹാ​ജി​മാ​ർ​ക്ക് സേ​വ​നം ചെ​യ്യാ​ൻ ഞാ​നും കൂ​ടി വ​ര​ട്ടെ എ​ന്ന് മി​ദ്​​ഹ ചോ​ദി​ച്ചു.

ചൂ​ടി​ന്റെ കാ​ഠി​ന്യ​വും ന​ട​ത്ത​ത്തി​​ന്റെ ദൂ​ര​വും തി​ര​ക്കി​ൽ​പെ​ട്ടാ​ൽ കാ​ണാ​തെ വ​ന്നാ​ലോ എ​ന്ന ഭ​യ​വു​മെ​ല്ലാം കാ​ര​ണം ഉ​പ്പ​യും ഉ​മ്മ​യും​ അ​ത്​ നി​ര​സി​ച്ചു. എ​ന്താ​യാ​ലും കൊ​ണ്ടു​പോ​ക​ണം എ​ന്ന്​ അ​വ​ൾ ചി​ണു​ങ്ങി. ഒ​ടു​വി​ൽ അ​വ​ളു​ടെ ആ​ഗ്ര​ഹ​ത്തി​ന്​ മു​ന്നി​ൽ മാ​താ​പി​താ​ക്ക​ൾ​ക്ക്​ വ​ഴ​ങ്ങേ​ണ്ടി​വ​ന്നു. മ​ക്ക​യി​ലും മീ​ന​യി​ലു​മാ​യി മ​റ്റു കെ.​എം.​സി.​സി വ​ള​ൻ​റി​യ​ർ​മാ​ർ​ക്കൊ​പ്പം ഈ ​കൊ​ച്ചു മി​ടു​ക്കി രാ​പ്പ​ക​ലി​ല്ലാ​തെ ഊ​ണും ഉ​റ​ക്ക​വു​മൊ​ഴി​ച്ച് ഹാ​ജി​മാ​ർ​ക്ക്​ ആ​വ​ശ്യ​മാ​യ എ​ല്ലാ സ​ഹാ​യ​ങ്ങ​ളും ചെ​യ്ത് അ​ഞ്ചു​ദി​വ​സ​മാ​ണ്​ സേ​വ​ന​രം​ഗ​ത്ത്​ അ​വ​ൾ നി​ല​കൊ​ണ്ട​ത്.

പ്ര​വ​ർ​ത്ത​ന​ത്തി​ൽ പ്രാ​യ​ത്തെ വെ​ല്ലു​ന്ന മി​ക​വാ​ണ്​ പു​ല​ർ​ത്തി​യ​തെ​ന്ന്​ മ​റ്റ്​ വ​ള​ൻ​റി​യ​ർ​മാ​ർ ത​ന്നെ സാ​ക്ഷ്യ​പ്പെ​ടു​ത്തു​ന്നു. ലോ​ക​ത്തി​​ന്റെ നാ​നാ​ഭാ​ഗ​ങ്ങ​ളി​ൽ​നി​ന്ന് വ​ന്ന ഹാ​ജി​മാ​രു​ടെ മ​നം​ക​വ​രാ​ൻ അ​വ​ളു​ടെ സേ​വ​ന സ​ന്ന​ദ്ധ​ത​​ക്കാ​യി. അ​നേ​കം രാ​ജ്യ​ക്കാ​രു​ടെ അ​ഭി​ന​ന്ദ​ന​വും പ്ര​ശം​സ​ക​ളും സ​മ്മാ​ന​ങ്ങ​ളും ആ ​ന​ന്മ മ​ന​സ്സി​നു​ള്ള അം​ഗീ​കാ​ര​മാ​യി മാ​റി. കെ.​എം.​സി.​സി​യും നാ​ട്ടു​കാ​രും മി​ദ്​​ഹ ഫാ​ത്തി​മ്മ​യു​ടെ നി​ഷ്ക​ള​ങ്ക​മാ​യ ഈ ​പു​ണ്യ പ്ര​വൃ​ത്തി​ക​ളെ ആ​ദ​രി​ക്കു​ന്ന​തി​നും അ​നു​മോ​ദി​ക്കു​ന്ന​തി​നു​മു​ള്ള ത​യാ​റെ​ടു​പ്പി​ലാ​ണ്.