ഹി​റ: വൈ​ജ്ഞാ​നി​ക വെ​ളി​ച്ച​ത്തി​ന്റെ ഉ​റ​വി​ടം

മ​ക്ക​യി​ലെ ഹി​റാ ഗു​ഹ ച​രി​ത്ര​ത്തി​ന്റെ പെ​രു​മ വി​ളി​ച്ചോ​തി സ​ന്ദ​ർ​ശ​ക​രെ ആ​ക​ർ​ഷി​ക്കു​ന്ന ഒ​രി​ട​മാ​ണ്. ഖു​ർ​ആ​ൻ അ​വ​ത​ര​ണ​ത്തി​ന് നാ​ന്ദി​കു​റി​ച്ച ഹി​റാ ഗു​ഹ വേ​റി​ട്ട ച​രി​ത്ര കൗ​തു​ക​മാ​ണ് സ​ന്ദ​ർ​ശ​ക​ർ​ക്ക്‌ പ​ക​ർ​ന്നു​ന​ൽ​കു​ന്ന​ത്. മ​ക്ക​യി​ലെ മ​സ്ജി​ദ് ഹ​റാ​മി​ൽ നി​ന്നും നാ​ല് കി​ലോ​മീ​റ്റ​ർ അ​ക​ലെ​യു​ള്ള പ്ര​കാ​ശ​ത്തി​ന്റെ പ​ർ​വ​തം എ​ന്ന അ​ർ​ഥം വ​രു​ന്ന 'ജ​ബ​ലു​ന്നൂ​രി'​ലെ ഗു​ഹ കാ​ണാ​ൻ രാ​പ്പ​ക​ൽ ഭേ​ദ​മി​ല്ലാ​തെ അ​ഭൂ​ത​പൂ​ർ​വ​മാ

​യ സ​ന്ദ​ർ​ശ​ക​രു​ടെ ഒ​ഴു​ക്കാ​ണ്. ഹി​റാ ഗു​ഹ​യി​ൽ ധ്യാ​ന​ത്തി​ലി​രി​ക്കെ ജി​ബ്രീ​ൽ മാ​ലാ​ഖ പ്ര​വാ​ച​ക​ന് ദൈ​വ​വ​ച​ന​ത്തി​ന്റെ ആ​ദ്യ സൂ​ക്ത​ങ്ങ​ൾ ഓ​തി​ക്കേ​ൾ​പ്പി​ക്കു​ക​യാ​യി​രു​ന്നു. അ​ങ്ങ​നെ ച​രി​ത്ര​പ്ര​സി​ദ്ധ​മാ​യ ഇ​ടം കാ​ണാ​നാ​ണ് തീ​ർ​ഥാ​ട​ക​രു​ടെ ഒ​ഴു​ക്ക്. മു​ഹ​മ്മ​ദ് ന​ബി​യു​ടെ 40ാം വ​യ​സ്സി​ൽ പ്ര​വാ​ച​ക​ത്വ​ത്തി​ന് സാ​ക്ഷ്യം​വ​ഹി​ച്ച ഇ​വി​ടം സ​ന്ദ​ർ​ശ​ക​ർ​ക്ക് ന​ൽ​കു​ന്ന​ത് ച​രി​ത്ര​ത്തോ​ടൊ​പ്പം ആ​ത്മീ​യ സാ​യു​ജ്യ​വു​മാ​ണ്. ദൈ​വ​ദൂ​ത​ൻ 'വാ​യി​ക്കു​ക' എ​ന്ന് ആ​ദ്യ​മാ​യി മു​ഹ​മ്മ​ദ് ന​ബി​യെ ഹി​റാ ഗു​ഹ​യി​ൽ വെ​ച്ച് വാ​യി​ച്ചു കേ​ൾ​പ്പി​ച്ചു.

ജ​ബ​ലു​ന്നൂ​രി​ന്റെ ഉ​ച്ചി​ലാ​ണ് ഹി​റ ഗു​ഹ. മ​ക്ക​യി​ലെ കു​ത്ത​ഴി​ഞ്ഞ സാ​മൂ​ഹി​ക ജീ​വി​തം ക​ണ്ട് മ​നം മ​ടു​ത്ത പ്ര​വാ​ച​ക​ൻ ദി​വ്യ​ബോ​ധ​നം ല​ഭി​ക്കു​ന്ന​തി​ന് മു​മ്പ് ത​ന്നെ ഏ​കാ​ന്ത​ത തേ​ടി ഈ ​ഗു​ഹ​യി​ൽ എ​ത്താ​റു​ണ്ടാ​യി​രു​ന്നു. ഈ ​ഏ​കാ​ന്ത വാ​സ​ത്തി​നി​ടെ​യാ​ണ് ആ​ദ്യ​മാ​യി ഖു​ർ​ആ​ൻ അ​വ​ത​രി​ച്ച​തെ​ന്നാ​ണ് ഇ​സ്‌​ലാ​മി​ക വി​ശ്വാ​സം. ഇ​തോ​ടെ ഹി​റാ ഗു​ഹ സ്‌​മ​രി​ക്ക​പ്പെ​ടു​ന്ന ഒ​രു പേ​രാ​യി മാ​റി. സ​മു​ദ്ര​നി​ര​പ്പി​ൽ​നി​ന്ന് 621 മീ​റ്റ​ർ ഉ​യ​ര​ത്തി​ലാ​ണ് ഹി​റാ ഗു​ഹ. മ​ല​യു​ടെ മു​ക​ളി​ലെ​ത്താ​ൻ ശ​രാ​ശ​രി ഒ​ന്ന​ര മ​ണി​ക്കൂ​ർ സ​മ​യം വേ​ണം. ചെ​ങ്കു​ത്താ​യ വ​ഴി​യി​ലൂ​ടെ മു​ക​ളി​ലെ​ത്തി 20 മീ​റ്റ​ർ താ​ഴോ​ട്ട് ഇ​റ​ങ്ങി​യാ​ലെ ഗു​ഹ​യു​ടെ അ​ക​ത്ത് എ​ത്താ​ൻ ക​ഴി​യൂ.

ക​യ​റ്റി​റ​ക്കം എ​ളു​പ്പ​മാ​ക്കാ​ൻ പ​ട​വു​ക​ൾ നി​ർ​മി​ച്ചി​ട്ടു​ണ്ട്. ഒ​രേ​സ​മ​യ​ത്ത് ര​ണ്ടോ​മൂ​ന്നോ പേ​ർ​ക്ക് മാ​ത്രം ക​യ​റാ​ൻ സാ​ധി​ക്കു​ന്ന ചെ​റി​യ ഇ​ടം മാ​ത്ര​മാ​ണ് ഹി​റ. പ്ര​വാ​ച​ക​ത്വ​ത്തി​ന്റെ ദി​വ്യ​പ്ര​കാ​ശം പ​ര​ത്തി​യ മ​ല എ​ന്ന നി​ല​ക്കാ​ണ് ജ​ബ​ലു​ന്നൂ​ർ ച​രി​ത്ര​ത്തി​ൽ വേ​റി​ട്ടു​നി​ൽ​ക്കു​ന്ന​ത്. ജ​ബ​ലു ഹി​റാ, ജ​ബ​ലു​ൽ ഖു​ർ​ആ​ൻ, ജ​ബ​ലു​ൽ ഇ​സ്‌​ലാം എ​ന്നീ പേ​രു​ക​ളി​ലും അ​റി​യ​പ്പെ​ടു​ന്നു​ണ്ട്. മ​ക്ക​യു​ടെ വ​ട​ക്കു​കി​ഴ​ക്ക് ഭാ​ഗ​ത്ത് മ​സ്ജി​ദു​ൽ ഹ​റാ​മി​ൽ​നി​ന്ന് അ​ഞ്ച​ര കി​ലോ​മീ​റ്റ​ർ അ​ക​ല​ത്തി​ലാ​ണ് ഇ​ത് സ്ഥി​തി ചെ​യ്യു​ന്ന​ത്. അ​റ​ഫ - മി​ന ഭാ​ഗ​ങ്ങ​ളി​ലേ​ക്ക് പോ​കു​മ്പോ​ൾ ഇ​ട​തു​ഭാ​ഗ​ത്താ​യി ഉ​യ​ർ​ന്നു​നി​ൽ​ക്കു​ന്ന ജ​ബ​ലു​ന്നൂ​ർ കാ​ണാം.

പു​ണ്യ​സ്ഥ​ല​മ​ല്ലെ​ങ്കി​ലും ഖു​ർ​ആ​ന്റെ ആ​ദ്യ​സൂ​ക്ത​ങ്ങ​ൾ ഇ​റ​ങ്ങി​യ പ്ര​ദേ​ശം കാ​ണാ​ൻ മ​ക്ക​യി​ലെ​ത്തു​ന്ന നി​ര​വ​ധി തീ​ർ​ഥാ​ട​ക​ർ ജ​ബ​ലു​ന്നൂ​ർ ക​യ​റാ​റു​ണ്ട്. വ​ള​രെ പ്ര​യാ​സം സ​ഹി​ച്ചാ​ണ് പ്ര​വാ​ച​ക​ൻ ജ​ബ​ലു​ന്നൂ​ർ നി​ര​വ​ധി ത​വ​ണ ക​യ​റി​യി​റ​ങ്ങി​യ​തെ​ന്ന് ഇ​സ്‌​ലാ​മി​ക ച​രി​ത്ര​കാ​ര​ന്മാ​ർ രേ​ഖ​പ്പെ​ടു​ത്തി​യി​ട്ടു​ണ്ട്. ഗു​ഹ​യി​ൽ ധ്യാ​ന​ത്തി​ൽ ക​ഴി​ഞ്ഞ പ്ര​വാ​ച​ക​ന് ഭ​ക്ഷ​ണം എ​ത്തി​ക്കാ​ൻ പ​ത്നി ഖ​ദീ​ജ വാ​ർ​ധ​ക്യം അ​വ​ഗ​ണി​ച്ച് പ​ല ത​വ​ണ ജ​ബ​ലു​ന്നൂ​ർ ക​യ​റി​യി​റ​ങ്ങി​യ​താ​യും ച​രി​ത്ര​കാ​ര​ന്മാ​ർ രേ​ഖ​പ്പെ​ടു​ത്തി​യി​ട്ടു​ണ്ട്.

മൂ​ന്ന​ര മീ​റ്റ​ർ നീ​ള​വും ഒ​ന്ന​ര മീ​റ്റ​ർ വീ​തി​യും മാ​ത്ര​മു​ള്ള ഗു​ഹ​യു​ടെ അ​ക​ത്ത് ക​ട​ക്കു​ന്ന പ​ല​രും പു​റ​ത്തി​റ​ങ്ങാ​ൻ വൈ​കു​ന്ന​തും ചി​ല​ർ അ​വി​ടെ വെ​ച്ച് ന​മ​സ്ക​രി​ക്കു​ന്ന​തും കാ​ര​ണ​മാ​യി തി​ര​ക്ക് നി​യ​ന്ത്ര​ണാ​തീ​ത​മാ​യ അ​വ​സ്ഥ​യി​ലാ​ണി​പ്പോ​ൾ. ഹി​റാ ഗു​ഹ​യി​ൽ വെ​ച്ച് പ്ര​ത്യേ​ക പ്രാ​ർ​ഥ​ന​യോ ന​മ​സ്കാ​ര​മോ ന​ട​ത്തു​ന്ന​തി​ന് ഇ​സ്‌​ലാ​മി​ൽ നി​ർ​ദേ​ശ​മി​ല്ല എ​ന്ന സ​ന്ദേ​ശം മ​ല​യു​ടെ അ​ടി​വാ​ര​ത്തി​ൽ സ്ഥാ​പി​ച്ച ബോ​ർ​ഡി​ൽ വി​വി​ധ ഭാ​ഷ​ക​ളി​ൽ എ​ഴു​തി​വെ​ച്ചി​ട്ടു​ണ്ട്.

സൗ​ദി​യ​ധി​കൃ​ത​ർ സ​ന്ദ​ർ​ശ​ക​ർ​ക്ക് മ​ല ക​യ​റാ​ൻ വേ​ണ്ട ഒ​രു​ക്ക​ങ്ങ​ൾ കാ​ര്യ​ക്ഷ​മ​മാ​യി ന​ട​ത്തി​യ​താ​യി ഇ​വി​ടെ കാ​ണാ​ൻ ക​ഴി​യി​ല്ല. ആ​യാ​സ​ക​ര​മാ​യ മ​ല​ക​യ​റ്റ​ത്തി​ന് ചി​ല ച​വി​ട്ടു​പ​ടി​ക​ൾ അ​ങ്ങി​ങ്ങാ​യി ഉ​ണ്ടാ​ക്കി​യി​ട്ടു​ണ്ട്. ഗു​ഹ​യി​ലേ​ക്കു​ള്ള യാ​ത്ര അ​പ​ക​ടം നി​റ​ഞ്ഞ​താ​യ​തി​നാ​ൽ സ​ന്ദ​ർ​ശ​ക​ർ​ക്ക് നി​യ​ന്ത്ര​ണം വേ​ണ​മെ​ന്നും കേ​ബി​ൾ കാ​ർ പോ​ലു​ള്ള സം​വി​ധാ​ന​ങ്ങ​ൾ അ​നി​വാ​ര്യ​മാ​ണെ​ന്നും മ​ക്ക​യി​ലെ ഉ​മ്മു​ൽ ഖു​റാ സ​ർ​വ​ക​ലാ​ശാ​ല​യി​ലെ ഹ​ജ്ജ് ഉം​റ ഇ​ൻ​സ്റ്റി​റ്റ്യൂ​ട്ട് നി​ർ​ദേ​ശം ന​ൽ​കി​യി​ട്ടു​ണ്ട്.

റ​മ​ദാ​നി​ലെ ഒ​രു രാ​വി​ൽ ഖു​ർ​ആ​ന്റെ ആ​ദ്യ​വ​രി​ക​ളു​മാ​യി ഹി​റാ ഗു​ഹ​യി​ൽ​നി​ന്ന് പു​റ​ത്തി​റ​ങ്ങി​യ പ്ര​വാ​ച​ക​ൻ പി​ന്നീ​ട് ഇ​വി​ടേ​ക്ക് തി​രി​ച്ചു​വ​ന്നി​ല്ലെ​ന്നാ​ണ് ച​രി​ത്രം പ​റ​യു​ന്ന​ത്. ഹി​റ​യു​ടെ ച​രി​ത്ര​പ​ര​മാ​യ പെ​രു​മ തേ​ടി​യും പ്ര​വാ​ച​ക​ന്റെ പാ​ദ​സ്പ​ർ​ശം ഏ​റ്റ ഭൂ​മി​ക ഒ​രു നോ​ക്ക് കാ​ണാ​നും വേ​ണ്ടി​യാ​ണ് സ​ന്ദ​ർ​ശ​ക​ർ ദി​വ​സ​വും ഇ​വി​ടെ എ​ത്തു​ന്ന​ത്.