ഹജ്ജ്: തീര്‍ഥാടകരുടെ യാത്ര പൂര്‍ത്തിയായി

കൊ​ണ്ടോ​ട്ടി: ഹ​ജ്ജ് നി​ര്‍വ​ഹി​ക്കാ​ൻ സം​സ്ഥാ​ന​ത്തു​നി​ന്നു​ള്ള തീ​ര്‍ഥാ​ട​ക​രു​ടെ യാ​ത്ര പൂ​ര്‍ത്തി​യാ​യി. ഞാ​യ​റാ​ഴ്ച ക​ണ്ണൂ​രി​ല്‍നി​ന്ന് പു​റ​പ്പെ​ട്ട സൗ​ദി എ​യ​ര്‍ലൈ​ന്‍സ് വി​മാ​ന​ത്തി​ലാ​ണ് 322 പേ​ര​ട​ങ്ങി​യ അ​വ​സാ​ന തീ​ര്‍ഥാ​ട​ക​സം​ഘം യാ​ത്ര​യാ​യ​ത്. ക​രി​പ്പൂ​ർ, കൊ​ച്ചി വി​മാ​ന​ത്താ​വ​ള​ങ്ങ​ളി​ല്‍നി​ന്നു​ള്ള വി​മാ​ന​ങ്ങ​ള്‍ ഞാ​യ​റാ​ഴ്ച സ​ര്‍വി​സ് പൂ​ര്‍ത്തി​യാ​ക്കി. ഈ ​ര​ണ്ട് പു​റ​പ്പെ​ട​ല്‍ കേ​ന്ദ്ര​ങ്ങ​ളി​ല്‍നി​ന്നും ക​ണ്ണൂ​രി​ല്‍നി​ന്നും ഞാ​യ​റാ​ഴ്ച ഓ​രോ വി​മാ​ന​ങ്ങ​ളാ​ണ് ജി​ദ്ദ​യി​ലേ​ക്ക് തി​രി​ച്ച​ത്.

സം​സ്ഥാ​ന ഹ​ജ്ജ് ക​മ്മി​റ്റി മു​ഖേ​ന ഇ​ത്ത​വ​ണ 18,200 പേ​രാ​ണ് മ​ക്ക​യി​ലെ​ത്തി​യ​ത്. ഇ​തി​ല്‍ 280 പേ​ര്‍ ഇ​ത​ര സം​സ്ഥാ​ന​ങ്ങ​ളി​ല്‍നി​ന്നും കേ​ന്ദ്ര ഭ​ര​ണ പ്ര​ദേ​ശ​ങ്ങ​ളി​ല്‍നി​ന്നു​മു​ള്ള​വ​രു​മാ​ണ്. ഇ​ത്ത​വ​ണ​യും സം​സ്ഥാ​ന​ത്തു​നി​ന്നു​ള്ള തീ​ര്‍ഥാ​ട​ക​രി​ല്‍ കൂ​ടു​ത​ല്‍ പേ​രും വ​നി​ത​ക​ളാ​ണ്. 10,792 വ​നി​ത​ക​ളും 7408 പു​രു​ഷ​ന്മാ​രു​മാ​ണു​ള്ള​ത്.

ര​ണ്ട് വ​യ​സ്സി​ന് താ​ഴെ​യു​ള്ള ഒ​മ്പ​ത് കു​രു​ന്ന് തീ​ര്‍ഥാ​ട​ക​രും സം​സ്ഥാ​ന​ത്തു​നി​ന്നു​ള്ള സം​ഘ​ത്തി​ലു​ള്‍പ്പെ​ടും. തീ​ര്‍ഥാ​ട​ക​രു​ടെ തി​രി​ച്ചു​വ​ര​വി​ന് ജൂ​ലൈ ഒ​ന്നി​ന് തു​ട​ക്ക​മാ​കും. മ​ദീ​ന​യി​ല്‍നി​ന്നു​ള്ള മ​ട​ക്ക​യാ​ത്ര വി​മാ​ന സ​ര്‍വി​സു​ക​ള്‍ പു​റ​പ്പെ​ട്ട വി​മാ​ന​ത്താ​വ​ള​ങ്ങ​ളി​ലേ​ക്ക് 22 വ​രെ തു​ട​രും. ക​രി​പ്പൂ​രി​ല്‍നി​ന്ന് ഞാ​യ​റാ​ഴ്ച രാ​വി​ലെ 8.25ന് ​തി​രി​ച്ച എ​യ​ര്‍ ഇ​ന്ത്യ എ​ക്‌​സ്പ്ര​സി​ന്റെ അ​വ​സാ​ന വി​മാ​ന​ത്തി​ല്‍ 143 തീ​ര്‍ഥാ​ട​ക​രാ​ണു​ണ്ടാ​യി​രു​ന്ന​ത്.