പു​ണ്യ​സ്ഥ​ല​ങ്ങ​ളി​ൽ ഒ​രു​ക്കം പൂ​ർ​ണം; ത​യാ​റെ​ടു​പ്പുകൾ പരിശോധിച്ച് ഹ​ജ്ജ്​ മ​​ന്ത്രി

മ​ക്ക: ഈ ​വ​ർ​ഷ​ത്തെ ഹ​ജ്ജ്​ സീ​സ​ണി​നാ​യി​​ പു​ണ്യ​സ്ഥ​ല​ങ്ങ​ളി​ലെ ഒ​രു​ക്കം പൂ​ർ​ണം. ഹ​ജ്ജ്-​ഉം​റ മ​ന്ത്രി ഡോ. ​തൗ​ഫീ​ഖ് അ​ൽ​റ​ബീ​അ അ​ത​ത്​ സ്ഥ​ല​ങ്ങ​ളി​​ലെ​ത്തി പ​രി​ശോ​ധി​ച്ചു. സ​ൽ​മാ​ൻ രാ​ജാ​വി​ന്റെ നി​ർ​ദേ​ശ​ങ്ങ​ളു​ടെ​യും കി​രീ​ടാ​വ​കാ​ശി അ​മീ​ർ മു​ഹ​മ്മ​ദ് ബി​ൻ സ​ൽ​മാ​ന്റെ ക​ർ​ശ​ന​മാ​യ തു​ട​ർ​ന​ട​പ​ടി​ക​ളു​ടെ​യും വെ​ളി​ച്ച​ത്തി​ലാ​ണി​ത്.

തീ​ർ​ഥാ​ട​ക​രെ സ്വീ​ക​രി​ക്കു​ന്ന​തി​നു​ള്ള എ​ല്ലാ ത​യാ​റെ​ടു​പ്പു​ക​ളും ഉ​റ​പ്പാ​ക്കു​ക​യും തീ​ർ​ഥാ​ട​ക​ർ​ക്ക് ന​ൽ​കു​ന്ന സൗ​ക​ര്യ​ങ്ങ​ൾ, അ​ടി​സ്ഥാ​ന സൗ​ക​ര്യ​ങ്ങ​ൾ, സേ​വ​ന​ങ്ങ​ൾ എ​ന്നി​വ​യു​ടെ ത​യാ​റെ​ടു​പ്പ് പ​രി​ശോ​ധി​ക്കു​ക​യും ചെ​യ്യു​ന്ന​തി​​ന്​ കൂ​ടി​യാ​ണ്​ ഈ ​ന​ട​പ​ടി. പു​ണ്യ​സ്ഥ​ല​ങ്ങ​ളി​ലെ സേ​വ​ന​ത്തി​നാ​യു​ള്ള നി​ര​വ​ധി ക​മ്പ​നി​ക​ളു​ടെ ഒ​രു​ക്ക​ങ്ങ​ൾ ഹ​ജ്ജ്​ മ​ന്ത്രി വി​ല​യി​രു​ത്തി.

നി​ല​വി​ലു​ള്ള സം​വി​ധാ​ന​ങ്ങ​ൾ, താ​മ​സ പ​ദ്ധ​തി​ക​ൾ, ന​ൽ​കു​ന്ന സേ​വ​ന​ങ്ങ​ളു​ടെ ഗു​ണ​നി​ല​വാ​രം എ​ന്നി​വ പ​രി​ശോ​ധി​ച്ചു. പു​ണ്യ​സ്ഥ​ല​ങ്ങ​ളി​ൽ കി​ദാ​ന ക​മ്പ​നി ന​ട​പ്പാ​ക്കു​ന്ന വി​ക​സ​ന പ​ദ്ധ​തി​ക​ളും മ​ന്ത്രി ക​ണ്ടു.