ഹ​ജ്ജി​നു ​ശേ​ഷം മ​ദീ​ന സ​ന്ദ​ർ​ശ​ന​ത്തി​ന് തീ​ർ​ഥാ​ട​ക​രു​ടെ ഒ​ഴു​ക്ക്

മ​ദീ​ന: ഹ​ജ്ജ് ക​ർ​മ​ങ്ങ​ൾ​ക്ക് പ​രി​സ​മാ​പ്തി കു​റി​ച്ച​പ്പോ​ൾ തീ​ർ​ഥാ​ട​ക​ർ മ​ദീ​ന സ​ന്ദ​ർ​ശ​ന​ത്തി​നാ​യി ഒ​ഴ​ക്കു​തു​ട​രു​ന്നു. സ്വ​ന്തം രാ​ജ്യ​ത്തേ​ക്ക് മ​ട​ങ്ങു​ന്ന​തി​നു​മു​മ്പ് പ്ര​വാ​ച​ക​ന്റെ പ​ള്ളി​യും പ്ര​ധാ​ന ച​രി​ത്ര​പ്ര​ദേ​ശ​ങ്ങ​ളും കൂ​ടി സ​ന്ദ​ർ​ശി​ക്കാ​ൻ തീ​ർ​ഥാ​ട​ക​ർ എ​ത്തി​യ​തോ​ടെ മ​ദീ​ന ന​ഗ​രം ജ​ന​ത്തി​ര​ക്കി​ല​മ​ർ​ന്നു.

ഇ​ന്ത്യ​ൻ ഹ​ജ്ജ് ക​മ്മി​റ്റി​ക്കു​കീ​ഴി​ൽ ഹ​ജ്ജി​നെ​ത്തി​യ തീ​ർ​ഥാ​ട​ക​ർ നേ​ര​ത്തേ മ​ദീ​ന സ​ന്ദ​ർ​ശ​നം പൂ​ർ​ത്തി​യാ​ക്കി നാ​ട്ടി​ലേ​ക്കു​ള്ള മ​ട​ക്ക​ത്തി​ലാ​ണ്. പ​ല സം​ഘ​ങ്ങ​ളും ഇ​തി​ന​കം നാ​ട​ണ​ഞ്ഞു​ക​ഴി​ഞ്ഞു. വി​ദേ​ശ രാ​ജ്യ​ങ്ങ​ളി​ലെ പ​ല ഹ​ജ്ജ് സം​ഘ​ങ്ങ​ളും ഹ​ജ്ജി​നു​ശേ​ഷ​മാ​ണ് മ​ദീ​ന സ​ന്ദ​ർ​ശ​ന പ​ദ്ധ​തി​ക​ൾ ന​ട​പ്പാ​ക്കു​ന്ന​ത്. മ​ദീ​ന​യി​ലെ​ത്തു​ന്ന​വ​ർ​ക്ക് സു​ഗ​മ​മാ​യ സ​ന്ദ​ർ​ശ​നം പൂ​ർ​ത്തി​യാ​ക്കാ​ൻ ആ​രോ​ഗ്യ-​സേ​വ​ന മേ​ഖ​ല​യി​ൽ പ്ര​വ​ർ​ത്തി​ക്കു​ന്ന​വ​ർ തീ​ർ​ഥാ​ട​ക​രു​ടെ കൂ​ടെ സേ​വ​ന​ത്തി​നാ​യി രം​ഗ​ത്തു​ണ്ട്.

പ്ര​വാ​ച​ക​ന്റെ പ​ള്ളി​യി​ലേ​ക്ക് തീ​ർ​ഥാ​ട​ക​രെ കൊ​ണ്ടു​പോ​കു​ന്ന​തി​നും ഹി​ജ്‌​റ ഹൈ​വേ​യി​ലെ മ​ദീ​ന ഗേ​റ്റി​ലൂ​ടെ പു​ണ്യ​ന​ഗ​ര​ത്തി​ലേ​ക്ക് പ്ര​വേ​ശി​ക്കു​ന്ന​തി​നും രാ​ജ്യ​ത്തി​ന്റെ വ​ട​ക്ക​ൻ അ​തി​ർ​ത്തി പോ​യ​ന്റു​ക​ളി​ലേ​ക്കു​ള്ള ബ​സു​ക​ൾ നി​യു​ക്ത വ​ഴി​ക​ളി​ലൂ​ടെ ന​യി​ക്കു​ന്ന​തി​നും ബ​സു​ക​ൾ സു​ഗ​മ​മാ​യ രീ​തി​യി​ൽ യാ​ത്ര ചെ​യ്യാ​നും എ​ല്ലാ ന​ട​പ​ടി​ക​ളും പൂ​ർ​ത്തി​യാ​ക്കി. ഹ​ജ്ജ്, ഉം​റ മ​ന്ത്രാ​ല​യ​ത്തി​ന്റെ​യും മ​റ്റ് ബ​ന്ധ​പ്പെ​ട്ട വി​വി​ധ വ​കു​പ്പു​ക​ളു​ടെ​യും മേ​ൽ​നോ​ട്ട​ത്തി​ൽ തി​ര​ക്കു​ക​ൾ കു​റ​ക്കാ​നും ചു​രു​ങ്ങി​യ സ​മ​യ​ത്തി​നു​ള്ളി​ൽ മ​ദീ​ന സ​ന്ദ​ർ​ശ​നം പൂ​ർ​ത്തി​യാ​ക്കാ​നും സം​വി​ധാ​ന​മൊ​രു​ക്കി.

മ​ദീ​ന​യി​ലെ അ​മീ​ർ മു​ഹ​മ്മ​ദ് അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ൽ തീ​ർ​ഥാ​ട​ക​രു​ടെ വ​ൻ തി​ര​ക്കാ​ണ് അ​നു​ഭ​വ​പ്പെ​ടു​ന്ന​ത്. 3,90,000 വി​ദേ​ശ തീ​ർ​ഥാ​ട​ക​ർ ഹ​ജ്ജി​നു​മു​മ്പ് മ​ദീ​ന സ​ന്ദ​ർ​ശ​നം പൂ​ർ​ത്തി​യാ​ക്കി​യ​താ​യി ഔ​ദ്യോ​ഗി​ക ക​ണ​ക്കു​ക​ൾ വ്യ​ക്ത​മാ​ക്കു​ന്നു.