ഹ​ജ്ജി​ൽ പ​​ങ്കെ​ടു​ക്കു​ന്ന​ത്​ 1,22,422 ഇ​ന്ത്യ​ൻ തീ​ർ​ഥാ​ട​ക​ർ

റി​യാ​ദ്​: ഹ​ജ്ജി​ൽ പ​​ങ്കെ​ടു​ക്കാ​ൻ ഇ​ന്ത്യ​യി​ൽ​നി​ന്ന് എ​ത്തി​യി​രി​ക്കു​ന്ന​ത്​ 1,22,422 തീ​ർ​ഥാ​ട​ക​രാ​ണ്. 10,000ത്തോളം തീ​ർ​ഥാ​ട​ക​ർ സ്വ​കാ​ര്യ ഗ്രൂ​പ്പു​ക​ൾ മു​ഖാ​ന്തര​മാ​ണ്​ എ​ത്തി​യ​ത്. മ​ക്ക​യി​ലും മ​ദീ​ന​യി​ലും എ​ത്തി​യ ശേ​ഷം മൂ​ന്നു മ​ല​യാ​ളി​ക​ൾ ഉ​ൾ​പ്പെ​ടെ 18 ഇ​ന്ത്യ​ൻ തീ​ർ​ഥാ​ട​ക​ർ മ​രി​ച്ചു. ഇ​തി​ൽ ആ​റു​പേ​ർ സ്വ​കാ​ര്യ ഗ്രൂ​പ്പു​ക​ൾ വ​ഴി​യെ​ത്തി​യ​താ​ണ്. മ​ക്ക​യി​ൽ ഇ​ന്ത്യ​ൻ ഹ​ജ്ജ്​ മി​ഷ​ൻ ഒ​രു​ക്കി​യ കേ​ന്ദ്ര​ങ്ങ​ളി​ൽ താ​മ​സി​ച്ച ഇ​ന്ത്യ​ൻ തീ​ർ​ഥാ​ട​ക​ർ ചൊ​വ്വാ​ഴ്ച രാ​ത്രി​യോ​ടെ മി​നാ​യി​ലേ​ക്ക് പു​റ​പ്പെ​ട്ടു. ഹ​ജ്ജ് സ​ർ​വി​സ് ക​മ്പ​നി​ക​ളാ​ണ് ബ​സ്​ മാ​ർ​ഗം ഹാ​ജി​മാ​രെ മി​നാ​യി​ലെ ത​മ്പു​ക​ളി​ൽ എ​ത്തി​ക്കു​ന്ന​ത്. മി​നാ​യി​ൽ കി​ങ്​ അ​ബ്​​ദു​ൽ അ​സീ​സ് പാ​ല​ത്തി​ന് ഇ​രു​വ​ശ​ത്തും കി​ങ്​ ഫ​ഹ​ദ്, സൂ​ഖു​ൽ അ​റ​ബ്, ജൗ​ഹ​റ റോ​ഡു​ക​ൾ​ക്കി​ട​യി​ലും ആ​ണ് ഇ​ന്ത്യ​ൻ ഹാ​ജി​മാ​ർ​ക്ക് താ​മ​സം ഒ​രു​ക്കി​യി​ട്ടു​ള്ള​ത്. 33 ഹ​ജ്ജ് സ​ർ​വി​സ് ക​മ്പ​നി​ക​ൾ​ക്ക് കീ​ഴി​ലാ​ണ് തീ​ർ​ഥാ​ട​ക​ർ ഹ​ജ്ജ് യാ​ത്ര ന​ട​ത്തു​ന്ന​ത്.

ഓ​രോ സ​ർ​വി​സ് ക​മ്പ​നി​ക​ൾ​ക്ക് കീ​ഴി​ലു​ള്ള ത​മ്പു​ക​ളി​ലും ഒ​രു ഡി​സ്പെ​ൻ​സ​റി​യും ഒ​രു​ക്കി​യി​ട്ടു​ണ്ട്. പ​കു​തി​യോ​ളം തീ​ർ​ഥാ​ട​ക​ർ ഹ​ജ്ജ് ന​ട​ക്കു​ന്ന മി​ന, മു​സ്‌​ദ​ലി​ഫ, അ​റ​ഫ, ജം​റാ​ത്ത് എ​ന്നി​വ​ക​ൾ​ക്കി​ട​യി​ൽ മാ​ശാ​ഇ​യ​ർ മെ​ട്രോ വ​ഴി​യാ​ണ് യാ​ത്ര ചെ​യ്യു​ന്ന​ത്. 150 തീ​ർ​ഥാ​ട​ക​ർ​ക്ക് ഒ​രു സം​സ്ഥാ​ന ഹ​ജ്ജ് ഇ​ൻ​സ്പെ​ക്ട​റും സ​ഹാ​യ​ത്തി​ന് കൂ​ടെ​യു​ണ്ട്.

കേ​ര​ള​ത്തി​ൽ​നി​ന്നും 107 ഹ​ജ്ജ് ഇ​ൻ​സ്പെ​ക്ട​ർ​മാ​രും തീ​ർ​ഥാ​ട​ക​രെ അ​നു​ഗ​മി​ക്കു​ന്നു​ണ്ട്. ഇ​തി​ൽ 20 വ​നി​ത ഹ​ജ്ജ് ഇ​ൻ​സ്പെ​ക്ട​ർ​മാ​ർ വി​തൗ​ട്ട് മ​ഹ​റം വി​ഭാ​ഗ​ത്തി​ൽ ഹ​ജ്ജി​നെ​ത്തി​യ 2,600 ഓ​ളം വ​നി​താ തീ​ർ​ഥാ​ട​ക​ർ​ക്ക്​ തു​ണ​യേ​കും. കേ​ര​ള​ത്തി​ൽ​നി​ന്നും 16,341 തീ​ർ​ഥാ​ട​ക​രും 1,000ലേ​റെ സ്വ​കാ​ര്യ തീ​ർ​ഥാ​ട​ക​രു​മാ​ണ് ഹ​ജ്ജി​നു​ള്ള​ത്. ഇ​തി​ൽ സ്വ​കാ​ര്യ ഗ്രൂ​പ്പി​ൽ വ​ന്ന ര​ണ്ടു​പേ​രും സം​സ്ഥാ​ന ഹ​ജ്ജ് ക​മ്മി​റ്റി​ക്ക്​ കീ​ഴി​ലെ​ത്തി​യ ഒ​രാ​ളും അ​സു​ഖ​ങ്ങ​ൾ മൂ​ലം മ​ക്ക​യി​ലും മ​ദീ​ന​യി​ലു​മാ​യി മ​രി​ച്ചു.

മ​ല​യാ​ളി​ക​ളാ​യ 20 ഓ​ളം ഹാ​ജി​മാ​ർ വി​വി​ധ ആ​ശു​പ​ത്രി​ക​ളി​ൽ ചി​കി​ത്സ​യി​ലാ​ണ്. ഇ​വ​രെ മി​നാ​യി​ലേ​ക്ക് കൊ​ണ്ടു​പോ​കാ​തെ നേ​രി​ട്ട് അ​റ​ഫ​യി​ലേ​ക്കാ​വും എ​ത്തി​ക്കു​ക. വി​വി​ധ ആ​ശു​പ​ത്രി​ക​ൾ സ​ജ്ജീ​ക​രി​ക്കു​ന്ന ആം​ബു​ല​ൻ​സു​ക​ളി​ലോ എ​യ​ർ ആം​ബു​ല​ൻ​സു​ക​ളി​ലോ ഇ​വ​രെ അ​റ​ഫ​യി​ൽ എ​ത്തി​ക്കും.