ഹജ്ജ്: ഒമ്പത് സംസ്ഥാനങ്ങളിൽ ക്വോട്ട തികക്കാൻ അപേക്ഷകരില്ല; രാജ്യത്ത് ഹജ്ജ് അപേക്ഷ കുത്തനെ കുറഞ്ഞു

മ​ല​പ്പു​റം: ഈ ​വ​ർ​ഷ​ത്തെ ഹ​ജ്ജി​ന് അ​നു​വ​ദി​ച്ച ക്വോ​ട്ട തി​ക​ക്കാ​ൻ അ​പേ​ക്ഷ​ക​രി​ല്ലാ​തെ ഒ​മ്പ​ത്​ സം​സ്ഥാ​ന​ങ്ങ​ൾ. കോ​വി​ഡി​ന്​ മു​മ്പ്​ ഹ​ജ്ജ്​ അ​പേ​ക്ഷ​യി​ൽ രാ​ജ്യ​ത്ത്​ ഒ​ന്നാ​മ​താ​യി​രു​ന്ന കേ​ര​ളം ഇ​ക്കു​റി നാ​ലാം സ്ഥാ​ന​ത്തു​മാ​യി. ഓ​രോ സം​സ്ഥാ​ന​ത്തെ​യും മു​സ്​​ലിം ജ​ന​സം​ഖ്യ​യു​ടെ അ​ടി​സ്ഥാ​ന​ത്തി​ലാ​ണ്​ ഹ​ജ്ജി​ന്​ ക്വോ​ട്ട നി​ശ്ച​യി​ക്കു​ന്ന​ത്. ഇ​പ്ര​കാ​രം അ​നു​വ​ദി​ച്ച ക്വോ​ട്ട തി​ക​ക്കാ​ൻ അ​പേ​ക്ഷ​രി​ല്ലാ​ത്ത​ത് ആ​ന്ധ്ര, അ​സം, ബി​ഹാ​ർ, ഹി​മാ​ച​ൽ പ്ര​ദേ​ശ്, ഝാ​ർ​ഖ​ണ്ഡ്, പ​ഞ്ചാ​ബ്, ത്രി​പു​ര, ഉ​ത്ത​ർ​പ്ര​ദേ​ശ്, ബം​ഗാ​ൾ സം​സ്ഥാ​ന​ങ്ങ​ളി​ലാ​ണ്. ഇ​വി​ട​ങ്ങ​ളി​ൽ ബാ​ക്കി​യു​ള്ള സീ​റ്റു​ക​ൾ മ​റ്റ്​ സം​സ്ഥാ​ന​ങ്ങ​ൾ​ക്ക് വീ​തി​ച്ചു ന​ൽ​കു​ക​യാ​യി​രു​ന്നു. ബം​ഗാ​ളി​ൽ മാ​ത്രം 9,041 പേ​രു​ടെ കു​റ​വാ​ണു​ള​ള​ത്. ബി​ഹാ​റി​ൽ 8,587ഉം.

​ഉ​ത്ത​ർ​പ്ര​ദേ​ശി​ന്​ അ​നു​വ​ദി​ച്ച ക്വോ​ട്ട 31,180 ആ​ണെ​ങ്കി​ൽ അ​പേ​ക്ഷ​ക​ർ 26,786 മാ​ത്രം. മ​റ്റ്​ സം​സ്ഥാ​ന​ങ്ങ​ളി​ലെ ക​ണ​ക്ക്​ ക്വോ​ട്ട, അ​പേ​ക്ഷ​ക​ർ എ​ന്ന ക്ര​മ​ത്തി​ൽ: ബം​ഗാ​ൾ- 19,976, 10,935. അ​സം: 8,840, 6,302. ആ​ന്ധ്ര: 2931, 2323. ബി​ഹാ​ർ: 14,225, 5638. ഝാ​ർ​ഖ​ണ്ഡ്​: 3,884, 2901. ഹി​മാ​ച​ൽ പ്ര​ദേ​ശ്​: 121, 74. പ​ഞ്ചാ​ബ്​: 434, 308. ത്രി​പു​ര: 256, 165.

ഇ​ക്കു​റി രാ​ജ്യ​ത്ത് ഹ​ജ്ജ്​ അ​പേ​ക്ഷ​ക​ളി​ലും വ​ലി​യ കു​റ​വു​ണ്ടാ​യി​ട്ടു​ണ്ട്. 2019ൽ 2,67,261 ​അ​പേ​ക്ഷ​ക​രു​ണ്ടാ​യി​രു​ന്നെ​ങ്കി​ൽ ഇ​ക്കു​റി 1,84,147 പേ​ർ മാ​ത്ര​മാ​ണു​ള്ള​ത്. 2018 ൽ 3,55,604 ​ഉം 2017 ൽ 4,48,268​ഉം അ​പേ​ക്ഷ​ക​രു​ണ്ടാ​യി​രു​ന്നു. ഇ​ത്ത​വ​ണ കേ​ന്ദ്ര ഹ​ജ്ജ്​ ക​മ്മി​റ്റി ക്വോ​ട്ട വ​ർ​ധി​പ്പി​ക്കു​ക​യും മൂ​ന്ന്​ വ​ർ​ഷ​ത്തി​ന്​ ശേ​ഷം കോ​വി​ഡ് നി​യ​ന്ത്ര​ണ​ങ്ങ​ൾ ല​ഘൂ​ക​രി​ച്ച്​ ഹ​ജ്ജി​ന്​ അ​വ​സ​രം ഒ​രു​ക്കു​ക​യും ചെ​യ്തി​ട്ടും അ​പേ​ക്ഷ​ക​രു​ടെ എ​ണ്ണം കു​ത്ത​നെ കു​റ​യു​ക​യാ​യി​രു​ന്നു.

കോ​വി​ഡി​ന്​ മു​മ്പ്​ രാ​ജ്യ​ത്ത്​ ഹ​ജ്ജ്​ അ​പേ​ക്ഷ​ക​രി​ൽ ഒ​ന്നാം സ്ഥാ​ന​ത്താ​യി​രു​ന്ന കേ​ര​ളം ഇ​ക്കു​റി നാ​ലാ​മ​താ​ണ്. ഇ​ത്ത​വ​ണ 19,524 അ​പേ​ക്ഷ​ക​രാ​ണു​ള്ള​ത്. ഇ​തി​ൽ 10,531 പേ​ർ​ക്ക്​ അ​വ​സ​രം ല​ഭി​ച്ചു. 2019ൽ 43115, 2018​ൽ 69783, 2017ൽ 95236 ​അ​പേ​ക്ഷ​ക​രാ​ണ് കേ​ര​ള​ത്തി​ലു​ണ്ടാ​യി​രു​ന്ന​ത്. ഉ​ത്ത​ർ​പ്ര​ദേ​ശി​ലാ​ണ്​ കൂ​ടു​ത​ൽ അ​പേ​ക്ഷ​ക​ർ. മ​ഹാ​രാ​ഷ്ട്ര​ക്കാ​ണ്​ ര​ണ്ടാം​സ്ഥാ​നം -23,982 പേ​ർ. മ​ഹാ​രാ​ഷ്ട്ര​യി​ൽ​നി​ന്ന് 15,033 പേ​ർ​ക്ക്​ അ​വ​സ​രം ല​ഭി​ച്ചു. മൂ​ന്നാ​മ​തു​ള്ള ഗു​ജ​റാ​ത്തി​ലെ 20,947 അ​പേ​ക്ഷ​ക​രി​ൽ 8,096 പേ​ർ​ക്ക് അ​വ​സ​രം കി​ട്ടി.