കൂടിച്ചേരലിന്‍റെ ക്രിസ്മസ്; പ്രവാസലോകവും ക്രിസ്മസ് ആഘോഷത്തിൽ

ദു​ബൈ: പ്ര​വാ​സ​ലോ​ക​ത്തും ക്രി​സ്മ​സ്​ ആ​ഘോ​ഷ​ത്തി​ന്​ തു​ട​ക്കം. ശ​നി​യാ​ഴ്ച ഉ​ച്ച​ക്കും വൈ​കി​ട്ടും രാ​ത്രി​യും വി​വി​ധ പ​ള്ളി​ക​ളി​ൽ ​ക്രി​സ്മ​സ്​ ശു​ശ്രൂ​ഷ​ക​ൾ ന​ട​ന്നു. ഞാ​യ​റാ​ഴ്ച പു​ല​ർ​ച്ച മു​ത​ൽ രാ​ത്രി വ​രെ നീ​ണ്ടു​നി​ൽ​ക്കു​ന്ന ച​ട​ങ്ങു​ക​ളും പ​ള്ളി​ക​ളി​ൽ സം​ഘ​ടി​പ്പി​ച്ചി​ട്ടു​ണ്ട്. ഇ​തി​ന്​ പു​റ​മെ, കു​ടും​ബാം​ഗ​ങ്ങ​ളും അ​യ​ൽ​ക്കാ​രും സു​ഹൃ​ത്തു​ക്ക​ളു​മെ​ല്ലാം പ്ര​വാ​സ​ലോ​ക​ത്ത്​ ഒ​ത്തു​ചേ​രു​ന്ന ദി​വ​സം കൂ​ടി​യാ​ണ്​ ഇ​ന്ന്.

ഇ​ക്കു​റി ക്രി​സ്മ​സ്​ ഞാ​യ​റാ​ഴ്ച എ​ത്തി​യ​ത്​ പ്ര​വാ​സി​ക​ൾ​ക്ക്​ അ​നു​ഗ്ര​ഹ​മാ​യി. ഞാ​യ​റാ​ഴ്ച വാ​രാ​ന്ത്യ അ​വ​ധി​യാ​യി പ്ര​ഖ്യാ​പി​ച്ച ശേ​ഷ​മു​ള്ള ആ​ദ്യ ക്രി​സ്മ​സാ​ണി​ത്. അ​തി​നാ​ൽ ത​ന്നെ, പ്ര​വാ​സി​ക​ൾ​ക്ക്​ കു​ടും​ബ​ത്തോ​ടും കൂ​ട്ടു​കാ​ർ​ക്കു​മൊ​പ്പം ആ​ഘോ​ഷി​ക്കാ​നു​ള്ള അ​വ​സ​ര​മാ​കും ക്രി​സ്മ​സ്​ ദി​നം. ഇ​തി​ന​കം ദീ​ർ​ഘ​ദൂ​ര ട്രി​പ്പു​ക​ൾ പ​ല​രും പ്ലാ​ൻ ചെ​യ്തു​ക​ഴി​ഞ്ഞു. ചൂ​ട്​ കു​റ​ഞ്ഞ​തി​നാ​ൽ വി​നോ​ദ സ​ഞ്ചാ​രി​ക​ളു​ടെ എ​ണ്ണം വ​ർ​ധി​ക്കും. പു​തു​വ​ൽ​സ​ര​വും ക്രി​സ്മ​സും ഒ​രു​മി​ച്ചാ​ഘോ​ഷി​ക്കു​ന്ന രീ​തി​യി​ലാ​ണ്​ ദു​ബൈ​യി​ലെ​യും ഷാ​ർ​ജ​യി​ലെ​യും വി​വി​ധ വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളി​ൽ പ​രി​പാ​ടി​ക​ൾ ഒ​രു​ക്കി​യി​ട്ടു​ള്ള​ത്.

ക്രി​സ്​​മ​സും ന്യൂ​ഇ​യ​റും അ​ടു​ത്തെ​ത്തി​യ സ​മ​യ​ത്ത്​ ത​ന്നെ ദു​ബൈ ഷോ​പ്പി​ങ്​ ഫെ​സ്റ്റി​വ​ലും ആ​രം​ഭി​ച്ച​ത്​ ദു​ബൈ ന​ഗ​രം അ​ല​ങ്കാ​ര വെ​ളി​ച്ച​ത്തി​ൽ മു​ങ്ങാ​ൻ കാ​ര​ണാ​മാ​യി​രി​ക്ക​യാ​ണ്. എ​ക്സ്​​പോ സി​റ്റി​യി​ലും ഗ്ലോ​ബ​ൽ വി​ല്ലേ​ജി​ലും ധാ​രാ​ളം പ​രി​പാ​ടി​ക​ൾ വ​രും ദി​വ​സ​ങ്ങ​ളി​ൽ സം​ഘ​ടി​പ്പി​ക്കു​ന്നു​ണ്ട്. ക​ഴി​ഞ്ഞ വ​ർ​ഷം കോ​വി​ഡ്​ മ​ഹാ​മാ​രി​യു​ടെ ആ​ശ​ങ്ക പൂ​ർ​ണ്മാ​യും മാ​റി​യി​രു​ന്നി​ല്ല. അ​തി​നാ​ൽ ത​ന്നെ ആ​ഘോ​ഷ​ത്തി​ന്​ പൊ​ലി​മ കു​റ​വാ​യി​രു​ന്നു.

ഇ​ത്ത​വ​ണ നി​യ​ന്ത്ര​ണ​ങ്ങ​ൾ പൂ​ർ​ണ​മാ​യും നീ​ക്കി​യ സാ​ഹ​ച​ര്യ​ത്തി​ൽ കു​ടും​ബ​ങ്ങ​ൾ സ​ന്തോ​ഷ​ത്തി​ലാ​ണ്. വി​വി​ധ പ​ള്ളി​ക​ളു​ടെ നേ​തൃ​​ത്വ​ത്തി​ൽ ക​രോ​ളു​ക​ളും മ​ല​യാ​ള കൂ​ട്ടാ​യ്​​മ​ക​ളു​ടെ നേ​തൃ​ത്വ​ത്തി​ൽ മ​റ്റു ആ​ഘോ​ഷ പ​രി​പ​കാ​ടി​ക​ളും ദി​വ​സ​ങ്ങ​ൾ​ക്ക്​ മു​മ്പേ ത​ന്നെ ഒ​രു​ക്കി​യി​രു​ന്നു. ലോ​ക​ക​പ്പ്​ ഫു​ട്​​ബാ​ളി​ൽ അ​ലി​ഞ്ഞ​തി​നാ​ൽ പ്ര​വാ​സ ലോ​ക​വും വൈ​കി​യാ​ണ്​ ക്രി​സ്മ​സ്​ ആ​ഘോ​ഷ​ത്തി​ലേ​ക്ക്​ ക​ട​ന്ന​ത്.

എ​ങ്കി​ലും, ഫു​ട്​​ബാ​ളു​മാ​യി കൂ​ട്ടി​ക്ക​ല​ർ​ത്തി​യാ​ണ്​ പ​ല​യി​ട​ത്തും ആ​ഘോ​ഷ​ങ്ങ​ൾ ന​ട​ക്കു​ന്ന​ത്. അ​ർ​ജ​ന്‍റീ​ന​ൻ പ​താ​ക​യു​ടെ നി​റ​ത്തി​ലു​ള്ള കേ​ക്ക്, മെ​സ്സി​യു​ടെ ചി​ത്ര​മു​ള്ള ന​ക്ഷ​ത്രം തു​ട​ങ്ങി​യ​വ​യെ​ല്ലാം വി​പ​ണി​യി​ൽ സ​ജീ​വ​മാ​ണ്. യ​ഥാ​ർ​ഥ മി​ശി​ഹ​യു​ടെ ജ​ൻ​മ​ദി​നം ആ​ഘോ​ഷി​ക്കു​മ്പോ​ഴും ഫു​ട്​​ബാ​ളി​ന്‍റെ മി​ശി​ഹ​യെ ചേ​ർ​ത്തു​പി​ടി​ക്കു​ക​യാ​ണ്​ അ​വ​ർ. ഫ്ലാ​റ്റു​ക​ളി​ലും വി​ല്ല​ക​ളി​ലും ന​ക്ഷ​ത്ര​ങ്ങ​ൾ നേ​ര​ത്തെ ഇ​ടം പി​ടി​ച്ചി​രു​ന്നു. ക്രി​സ്റ്റ്യോ​നോ, നെ​യ്മ​ർ, എം​ബാ​പ്പെ എ​ന്നി​വ​ക്ക്​ പു​റ​മെ അ​വ​താ​റും ന​ക്ഷ​ത്ര​പ്പ​ട്ടി​ക​യി​ലു​ണ്ട്.

ക്രി​സ്മ​സ്​ ട്രീ​ക്ക്​ ഇ​ക്കു​റി ആ​വ​ശ്യ​ക്കാ​ർ വ​ർ​ധി​ച്ച​താ​യി സ്ഥാ​പ​ന ഉ​ട​മ​ക​ൾ പ​റ​യു​ന്നു. വി​വി​ധ പ​രി​പാ​ടി​ക​ൾ ന​ട​ക്കു​ന്ന​തി​നാ​ൽ ക്രി​സ്മ​സ്​ പാ​പ്പാ​യു​ടെ വേ​ഷ​വും വി​റ്റു​പോ​കു​ന്നു​ണ്ട്. ക​രോ​ൾ ഗാ​ന മ​ത്സ​ര​വു​മാ​യി വി​വി​ധ കൂ​ട്ടാ​യ്മ​ക​ൾ രം​ഗ​ത്തു​ണ്ട്. വി​വി​ധ എ​മി​റേ​റ്റി​ലു​ള്ള കു​ടും​ബ​ങ്ങ​ൾ ഇ​ന്ന്​ എ​വി​ടെ​യെ​ങ്കി​ലും ഒ​ത്തു​ചേ​ർ​ന്ന്​ ക്രി​സ്മ​സ്​ ആ​ഘോ​ഷി​ക്കും. സ്കൂ​ളു​ക​ൾ​ക്ക്​ അ​വ​ധി​ക്കാ​ല​മാ​യ​തി​നാ​ൽ നാ​ട്ടി​ലേ​ക്ക്​ പോ​യ​വ​രും കു​റ​വ​ല്ല. എ​ങ്കി​ലും, ഭൂ​രി​പ​ക്ഷം പ്ര​വാ​സി​ക​ളും ഇ​വി​ടെ ത​ന്നെ​യാ​ണ്​ ക്രി​സ്മ​സ്​ ആ​ഘോ​ഷി​ക്കു​ന്ന​ത്.