ബലിപെരുന്നാൾ ജൂൺ 29ന് -പാളയം ഇമാം

തിരുവനന്തപുരം: കേരളത്തിൽ ബലിപെരുന്നാൾ ജൂൺ 29 (വ്യാഴാഴ്ച) ആയിരിക്കും. പാളയം ഇമാം ഡോ. വി.പി സുഹൈബ് മൗലവിയും ദക്ഷിണ കേരള ജംഇയ്യത്തുൽ ഉലമ സംസ്ഥാന സെക്രട്ടറി തൊടിയൂർ മുഹമ്മദ് കുഞ്ഞ് മൗലവിയുമാണ് ഇക്കാര്യം അറിയിച്ചത്.

ദുൽഖഅദ് 29 ഞായറാഴ്ച മാസപ്പിറവി ദൃശ്യമാകാത്തതിനാൽ തിങ്കളാഴ്ച ദുൽഖഅദ് 30 പൂർത്തീകരിച്ച് ചൊവ്വാഴ്ച ജൂൺ 20ന് ദുൽ ഹജ്ജ് ഒന്നും ജൂൺ 29ന് ബലിപെരുന്നാളും ആയിരിക്കുമെന്ന് വാർത്താകുറിപ്പിൽ അറിയിച്ചു.