തകർത്ത് ഈത്തപ്പഴ വിപണി; വില കൂടി

കോ​ഴി​ക്കോ​ട്​: നോ​മ്പു​കാ​ല​ത്തെ മു​ഖ്യ​യി​ന​മാ​യ ​ഈ​ത്ത​പ്പ​ഴം വാ​ങ്ങാ​ൻ ഇ​ത്ത​വ​ണ ആ​വ​ശ്യ​ക്കാ​ർ കൂ​ടി​യ​താ​യി വ്യാ​പാ​രി​ക​ൾ. കോ​വി​ഡ് നി​യ​ന്ത്ര​ണ​ങ്ങ​ൾ ക​ഴി​ഞ്ഞ് സൗ​ദി​യി​ലും മ​റ്റ് അ​റ​ബ് രാ​ജ്യ​ങ്ങ​ളി​ലും ആ​ഭ്യ​ന്ത​ര ഉ​പ​യോ​ഗ​ത്തി​ൽ വ​ൻ വ​ർ​ധ​ന​യാ​ണ്. ഇ​തോ​ടെ വ​ര​വ് കു​റ​യു​ക​യും വി​ല കൂ​ടു​ക​യും ചെ​യ്തു.

നോ​മ്പി​നോ​ട​നു​ബ​ന്ധി​ച്ചു​ള്ള തി​ര​ക്കി​ന് ഇ​പ്പോ​ൾ ചെ​റി​യ ശ​മ​ന​മു​ണ്ടാ​യെ​ങ്കി​ലും ബി​സി​ന​സ് ന​ന്നാ​യി ന​ട​ക്കു​ന്ന​താ​യി വ​ലി​യ​ങ്ങാ​ടി​യി​ലെ പ്ര​മു​ഖ ഈ​ത്ത​പ്പ​ഴ വ്യാ​പാ​രി​യാ​യ ടി.​കെ. അ​ബ്ദു​ൽ അ​സീ​സ്​ പ​റ​ഞ്ഞു. വി​ല​ക്കു​റ​വു​ള്ള ജ​ന​പ്രി​യ ഇ​ന​ങ്ങ​ൾ​ക്കെ​ല്ലാം നി​ര​ക്ക് കൂ​ടി​യി​ട്ടു​ണ്ട്. ഈ​ജി​പ്ത്, കു​വൈ​ത്ത് ഇ​ന​ങ്ങ​ൾ ഇ​പ്പോ​ൾ വ​രു​ന്നി​ല്ല.

ഒ​മാ​ൻ ഇ​ന​ങ്ങ​ൾ കി​ലോ​ക്ക് 200 രൂ​പ​ക്ക് കി​ട്ടും. ഇ​റാ​ഖി​ൽ​നി​ന്ന് ചാ​ക്കി​ൽ എ​ത്തു​ന്ന ഏ​റ്റ​വും ജ​ന​പ്രി​യ​മാ​യ സാ​ദാ ഇ​ന​ത്തി​ന് വി​ല കി​ലോ​ക്ക് 80 രൂ​പ​യാ​യി ഉ​യ​ർ​ന്നു. 30 കി​ലോ പ​ഴം 2400 രൂ​പ​ക്ക് കി​ട്ടും. അ​ച്ചാ​റി​ടാ​ൻ വ്യാ​പ​ക​മാ​യി ഉ​പ​യോ​ഗി​ക്കു​ന്ന ഇ​ന​മാ​ണി​ത്.

കോ​വി​ഡി​ന്​ മു​മ്പു​ള്ള​തി​നേ​ക്കാ​ൾ കാ​ര​ക്ക​യി​ന​ങ്ങ​ളു​ടെ വി​ല ഉ​യ​ർ​ന്നി​ട്ടു​ണ്ട്. സൗ​ദി,​ ഇ​റാ​ൻ, ഇ​റാ​ഖ്, തു​നീ​ഷ്യ, അ​ൽ​ജീ​രി​യ തു​ട​ങ്ങി വി​വി​ധ നാ​ടു​ക​ളി​ൽ​നി​ന്ന് മ​ല​ബാ​റി​ലെ ഏ​റ്റ​വും വ​ലി​യ ഈ​ത്ത​പ്പ​ഴ മൊ​ത്ത​വി​പ​ണി​യാ​യ കോ​ഴി​ക്കോ​ട്​ വ​ലി​യ​ങ്ങാ​ടി​യി​ലേ​ക്ക്​ ഈ​ത്ത​പ്പ​ഴം എ​ത്താ​റു​ണ്ട്.

ഉ​ണ​ക്ക​ക്കാ​ര​ക്ക തീ​രെ കി​ട്ടാ​താ​യി. നി​കു​തി വ​ർ​ധ​ന​യും മ​റ്റും കാ​ര​ണം പാ​കി​സ്താ​നു​മാ​യു​ള്ള വ്യാ​പാ​രം കു​റ​ഞ്ഞ​തി​ന്റെ ഭാ​ഗ​മാ​യാ​ണി​ത്. നേ​ര​ത്തേ 50 -60 രൂ​പ​യു​ണ്ടാ​യി​രു​ന്ന ഉ​ണ​ക്ക​ക്കാ​ര​ക്ക​ക്ക് ക​ഴി​ഞ്ഞ വ​ർ​ഷം കി​ലോ​ക്ക് 100 രൂ​പ​ക്കു മു​ക​ളി​ലെ​ത്തി​യി​രു​ന്നു. ഇ​ത്ത​വ​ണ ഉ​ണ​ക്ക​ക്കാ​ര​ക്ക കി​ട്ടാ​താ​യ​തോ​ടെ 250 മു​ത​ൽ 300 രൂ​പ വ​രെ​യാ​യി ഉ​യ​ർ​ന്നു.

സാ​ധാ​ര​ണ വ​രു​ന്ന​തി​ന്റെ 10 ശ​ത​മാ​നം മാ​ത്ര​മേ കോ​ഴി​ക്കോ​ട്ടെ​ത്തി​യി​ട്ടു​ള്ളൂ. 40 ലോ​ഡോ​ളം ഉ​ണ​ക്ക​ക്കാ​ര​ക്ക വ​രു​ന്നി​ട​ത്ത് ര​ണ്ടു ലോ​​ഡ് മാ​ത്ര​മേ എ​ത്തി​യി​ട്ടു​ള്ളൂ​വെ​ന്ന് വ്യാ​പാ​രി​ക​ൾ പ​റ​യു​ന്നു.

മും​ബൈ, തൂ​ത്തു​ക്കു​ടി വ​ഴി​യാ​ണ് ഈ​ത്ത​പ്പ​ഴം കാ​ര്യ​മാ​യി എ​ത്തു​ന്ന​ത്. കോ​വി​ഡ്​ കാ​ര​ണം ഉം​റ​യ​ട​ക്കം തീ​ർ​ഥാ​ട​ക യാ​ത്ര​ക​ൾ ഇ​ല്ലാ​താ​യ​തോ​ടെ സൗ​ദി​യി​ലും മ​റ്റും ഈ​ത്ത​പ്പ​ഴ വി​ൽ​പ​ന​യും ഉ​പ​യോ​ഗ​വും കു​റ​ഞ്ഞ​തി​നാ​ൽ ക​ഴി​ഞ്ഞ ത​വ​ണ യ​ഥേ​ഷ്​​ടം പ​ഴ​ങ്ങ​ൾ വ​ന്നി​രു​ന്നു. സൗ​ദി​യി​ൽ നി​ന്നു​ള്ള മ​ബ്​​​റൂം, അ​ജ്​​വ തു​ട​ങ്ങി​യ​വ​ക്കെ​ല്ലാം വി​ല​കൂ​ടി.

പേ​രു​കേ​ട്ട ഏ​റ്റ​വും മു​ന്തി​യ സൗ​ദി​യി​ന​മാ​യ അ​ജ്​​വ​ക്ക്​ കി​ലോ 500 രൂ​പ മു​ത​ൽ 700 രൂ​പ വ​രെ​യു​ണ്ടാ​യി​രു​ന്ന​ത് 750 മു​ത​ൽ 900 വ​രെ​യാ​യി​ വി​ല. മ​ശൂ​ക്ക്​ ഇ​ന​ത്തി​ന്​ 300 രൂ​പ​യു​ള്ള​ത് 400ലേ​ക്ക് ഉ​യ​ർ​ന്നു.​ അ​ൽ​ജീ​രി​യ​ൻ ഇ​ന​ങ്ങ​ൾ 950 മു​ത​ൽ 1050 രൂ​പ വ​രെ വി​ല​ക്ക്​ കി​ട്ടും. ​ഇ​വ​ക്ക് വി​ല​ക്കൂ​ടു​ത​ൽ ഏ​ശി​യി​ട്ടി​ല്ല. അ​ഞ്ചു​ കി​ലോ​യു​ള്ള പെ​ട്ടി​ക്ക്​ 600 രൂ​പ മു​ത​ൽ 950 രൂ​പ വ​രെ വി​ല​യു​ള്ള ഇ​റാ​ൻ ഇ​ന​ങ്ങ​ൾ​ക്ക്​ ഇ​പ്പോ​ൾ വ​ര​വ് കു​റ​വാ​ണ്.

വ​ന്ന​തി​ന് വി​ല​ക്കൂ​ടു​ത​ലു​മു​ണ്ട്. ഇ​റാ​നി​ൽ നി​ന്നു​ള്ള കി​മി​യ ബ്രാ​ൻ​ഡ് 500 ഗ്രാ​മി​ന്റെ പെ​ട്ടി ജ​ന​പ്രി​യ​മാ​ണ്. ഇ​തി​ന്റെ വി​ല പെ​ട്ടി​ക്ക് 120 രൂ​പ​വ​രെ​യാ​യി ഉ​യ​ർ​ന്നു. സൗ​ദി​യി​ൽ നി​ന്നു​ള്ള മ​ശൂ​ക്ക്, മ​ബ്റൂം, ശു​ക്ക​രി, മെ​ജോ​ൾ, മ​റി​യം, സു​ഫ്റി തു​ട​ങ്ങി​യ മു​ന്തി​യ ഇ​ന​ങ്ങ​ളു​ടെ മൂ​ന്നു കി​ലോ​യു​ടെ വ​ലി​യ പാ​ക്കു​ക​ൾ​ക്ക് ഇ​പ്പോ​ൾ ആ​വ​ശ്യ​ക്കാ​രേ​റെ​യാ​ണ്. 1000-1800 രൂ​പ​ക്ക് കി​ട്ടു​ന്ന പാ​ക്ക് ചെ​റി​യ കു​ടും​ബ​ത്തി​ന് നോ​മ്പു​കാ​ലം മു​ഴു​വ​ൻ ഉ​പ​യോ​ഗി​ക്കാ​മെ​ന്ന​താ​ണ് കാ​ര​ണം.