ധ​നു​മാ​സ രാ​വു​ക​ളി​ലെ ന​ക്ഷ​ത്ര​ത്തി​ള​ക്ക​ങ്ങ​ൾ...

ഓ​ർ​മ​ക​ളി​ൽ നി​റ​ഞ്ഞു​നി​ൽ​ക്കു​ന്ന ആ​ഘോ​ഷ​ങ്ങ​ളു​ടെ മാ​സ​ങ്ങ​ളാ​ണ് വൃ​ശ്ചി​ക​വും ധ​നു​വും. വൃ​ശ്ചി​ക​ത്തി​ന്റെ അ​വ​സാ​ന​ത്തോ​ടെ വീ​ട്ടു​മു​റ്റ​ത്ത്, നീ​ള​ൻ ക​വു​ങ്ങു​ത​ടി​ക​ളി​ൽ വെ​ച്ചു​കെ​ട്ടി​യ വെ​ള്ള നി​റ​ത്തി​ലു​ള്ള ട്യൂ​ബ് ലൈ​റ്റു​ക​ളാ​ണ് പി​ന്നീ​ടു​ള്ള രാ​വു​ക​ളെ പ്ര​കാ​ശ​പൂ​രി​ത​മാ​ക്കു​ന്ന​ത്. ക്രി​സ്മ​സ് ആ​ഘോ​ഷ​ങ്ങ​ൾ​ക്ക് തു​ട​ക്ക​മാ​കു​ന്ന​തും അ​വി​ടെ​നി​ന്നു ത​ന്നെ.

ആ ​വെ​ളി​ച്ച​ത്തി​ലേ​ക്ക് ആ​ദ്യ​മെ​ത്തു​ന്ന​ത് അ​ങ്ങാ​ടി​മ​രു​ന്നു പാ​ട്ടി​ന്റെ ഈ​ര​ടി​ക​ളു​മാ​യി ചി​ല​രാ​കും. അ​പ്പോ​ൾ, മു​റ്റ​ത്തെ സ​പ്പോ​ട്ട മ​ര​ത്തി​നു​കീ​ഴി​ലെ നി​ല​വി​ള​ക്കി​ന് തി​രി​തെ​ളി​യും. നി​റ​ദീ​പ​ത്തെ വ​ലം​വെ​ച്ച് പാ​ട്ടി​ന്റെ ശീ​ലു​ക​ൾ ആ​ശാ​ൻ ശി​ഷ്യ​ഗ​ണ​ങ്ങ​ളി​ലേ​ക്കു പ​ക​രും. മാ​ർ​ഗം​ക​ളി​യു​ടെ ചു​വ​ടു​ക​ൾ മു​റു​കു​ക​യാ​യി. മി​ന്നി​യും തെ​ളി​ഞ്ഞു​മു​ള്ള ട്യൂ​ബ് ലൈ​റ്റു​ക​ളു​ടെ പ്ര​കാ​ശ​ത്തി​ൽ അ​വ​ർ രാ​വെ​ളു​ക്കു​വോ​ളം നൃ​ത്തം ചെ​യ്തു​കൊ​ണ്ടേ​യി​രി​ക്കും. ജാ​തി​മ​ത ഭേ​ദ​മ​ന്യേ​യു​ള്ള ക​ലാ​സ്നേ​ഹി​ക​ൾ​ക്കൊ​പ്പം ഉ​മ്മ​റ​ക്കോ​ലാ​യി​ലി​രു​ന്ന് ഒ​രു കൊ​ച്ചു​പെ​ൺ​കു​ട്ടി​യും അ​ർ​ഥ​മ​റി​യാ​തെ അ​തേ​റ്റു​പാ​ടും.

ആ ​വെ​ളി​ച്ച​ത്തി​ലേ​ക്ക് ത​ന്നെ​യാ​ണ്, പ​ല പാ​ട്ടു​ക​ളു​മാ​യി കാ​ര​ൾ സം​ഘ​ങ്ങ​ൾ വ​ന്നു​ക​യ​റു​ന്ന​തും. ക്രി​സ്മ​സ് കാ​ല​മെ​ത്തു​ന്ന​തോ​ടെ വീ​ടി​നോ​ടു​ചേ​ർ​ന്ന അ​ച്ച​ടി​ശാ​ല​യു​ടെ പേ​രെ​ഴു​തി​യ ബോ​ർ​ഡി​നു മു​ന്നി​ൽ ന​ക്ഷ​ത്രം തൂ​ക്ക​ണ​മെ​ന്ന് ഞാ​ൻ വാ​ശി​പി​ടി​ക്കും. വ​ർ​ണം വി​ത​റു​ന്ന ആ ​ന​ക്ഷ​ത്ര​വെ​ളി​ച്ച​ത്തി​ലി​രു​ന്ന് പു​റം കാ​ഴ്ച​ക​ളി​ലേ​ക്ക് നോ​ക്കും. ന​ക്ഷ​ത്ര​ങ്ങ​ളും പു​ൽ​ക്കൂ​ടു​ക​ളും കൊ​ണ്ടു അ​ലം​കൃ​ത​മാ​യ വീ​ടു​ക​ൾ ചു​റ്റും കാ​ണാം.

അ​ത്ത​ര​മൊ​രു ദി​ന​ത്തി​ൽ ഉ​റ​ങ്ങാ​തെ​യു​ള്ള കാ​ത്തി​രി​പ്പി​ലേ​ക്ക്, നീ​ള​ൻ​വ​ടി​യും വെ​ള്ള​ത്താ​ടി​യു​മാ​യി ചു​വ​പ്പു​മ​യ​ത്തി​ൽ സാ​ന്താ​ക്ലോ​സും സം​ഘ​വും വ​ന്നു ക​യ​റും. കൈ​നി​റ​യെ വ​ർ​ണ​ക്ക​ട​ലാ​സി​ൽ പൊ​തി​ഞ്ഞ മി​ഠാ​യി​ക​ൾ കി​ട്ടും. മി​ഠാ​യി​ക​ൾ രു​ചി​ച്ച​തി​നു​ശേ​ഷം, വ​ർ​ണ​ക്ക​ട​ലാ​സു​ക​ൾ ചി​ത്ര​ശ​ല​ഭ​ങ്ങ​ളാ​ക്കി നൂ​ലി​ൽ കൊ​രു​ത്ത് മാ​ല​യാ​ക്കും. തോ​ര​ണ​മാ​യി മു​റി​യി​ൽ അ​വ അ​ല​ങ്കാ​ര​മാ​കും. കു​ഞ്ഞു​നാ​ളി​ലെ കു​ഞ്ഞു സം​തൃ​പ്തി​ക​ൾ...

‘ഇ​ന്നു​രാ​വി​ൽ മാ​ലാ​ഖ​മാ​ർ പാ​ടി...’

മ​ഞ്ഞു​പൊ​ഴി​യു​ന്ന രാ​വു​ക​ളി​ലെ കാ​ര​ൾ സം​ഘ​ത്തി​ന്റെ പാ​ട്ടി​നൊ​പ്പം ഡ്രം ​കൊ​ട്ടു​ന്ന​തി​ന്റെ മു​ഴ​ക്കം ഇ​ന്നും കാ​തു​ക​ളി​ൽ ഉ​ള്ള​പോ​ലെ.

കാ​ര​ൾ സം​ഘ​ങ്ങ​ൾ​ക്ക് കൊ​ടു​ക്കാ​നു​ള്ള തു​ക അ​പ്പ​ച്ച​ൻ മാ​റ്റി​വെ​ച്ചി​ട്ടു​ണ്ടാ​കും. അ​വ​രെ ക​ട്ട​ൻ​കാ​പ്പി​യും പ​രി​പ്പു​വ​ട​യും സ്നേ​ഹ​പൂ​ർ​വം ക​ഴി​പ്പി​ച്ചേ യാ​ത്ര​യാ​ക്കൂ.

ശാ​ന്തി​യു​ടെ​യും സ​മാ​ധാ​ന​ത്തി​ന്റെ​യും സ​ന്തോ​ഷ​ത്തി​ന്റെ​യും ആ​ശം​സ​ക​ളു​മാ​യി ക്രി​സ്മ​സ് കാ​ർ​ഡു​ക​ൾ വ​ന്നെ​ത്തി​യി​രു​ന്ന​തും അ​ന്നാ​ണ്. സ്നേ​ഹ​വും പ്ര​ണ​യ​വും ഓ​ർ​മ​ക​ളും അ​തി​ലൂ​ടെ എ​ത്ര​യോ പേ​ർ പ​ങ്കു​വെ​ച്ചു. കാ​ർ​ഡു​ക​ൾ ക​ട​ക​ളി​ൽ നി​ര​ന്നി​രി​ക്കു​ന്ന​തു​ത​ന്നെ മ​നോ​ഹ​ര​മാ​യ കാ​ഴ്ച​യാ​യി​രു​ന്നു. കാ​ലാ​ന്ത​ര​ത്തി​ൽ അ​വ അ​ന്യം​നി​ന്നു.

തി​രു​പ്പി​റ​വി തി​രു​നാ​ളി​ന് ദേ​വാ​ല​യ​ത്തി​ൽ വി​ശ്വാ​സി​ക​ൾ ഒ​ന്നി​ച്ചു​കൂ​ടും. കു​ന്തി​രി​ക്ക​ത്തി​ന്റെ പ​രി​മ​ളം നി​റ​ഞ്ഞു​നി​ൽ​ക്കു​ന്ന ഭ​ക്തി​സാ​ന്ദ്ര​മാ​യ പാ​തി​രാ കു​ർ​ബാ​ന​ക്കു​ശേ​ഷം മ​ട​ങ്ങി​യെ​ത്തു​മ്പോ​ൾ വെ​ള്ള​യ​പ്പ​വും ഇ​റ​ച്ചി​ക്ക​റി​യും മു​ട്ട റോ​സ്റ്റു​മെ​ല്ലാം തീ​ൻ​മേ​ശ​യി​ൽ നി​ര​ന്നി​രു​പ്പു​ണ്ടാ​കും.

അ​ത് ഒ​രു വീ​ട്ടി​ലേ​ക്ക് മാ​ത്ര​മു​ള്ള​താ​യി​രു​ന്നി​ല്ല. വാ​ട്ടി​യ വാ​ഴ​യി​ല​ക​ളി​ൽ പൊ​തി​ഞ്ഞും ക​റി​ക​ൾ തൂ​ക്കു​പാ​ത്ര​ത്തി​ലു​മാ​യി അ​യ​ൽ​പ​ക്ക​ത്തെ വീ​ടു​ക​ളി​ലേ​ക്കും ത​ന്നു​വി​ടും. ‘ക്രി​സ്മ​സ്’ എ​ന്നാ​ൽ പ​ര​സ്പ​ര സ്നേ​ഹ​ത്തി​ന്റെ​യും സാ​ഹോ​ദ​ര്യ​ത്തി​ന്റെ​യും അ​ട​യാ​ള​മാ​ണെ​ന്ന് പ​ഠി​പ്പി​ച്ച, ഇ​ന്നും മ​ന​സ്സി​ൽ കെ​ടാ​തെ ക​ത്തു​ന്ന ന​ക്ഷ​ത്ര​ത്തി​ള​ക്ക​മു​ള്ള ഓ​ർ​മ​ക​ൾ.