ചരിത്രം പറയുന്ന അൽ ബിദിയ പള്ളി

ഫു​ജൈ​റ​യി​ലെ ഖോ​ര്‍ഫ​ഖാ​നി​ല്‍നി​ന്ന് 12 കി​ലോ​മീ​റ്റ​ര്‍ അ​ക​ലെ​യു​ള്ള അ​ൽ ബി​ദി​യ പ​ള്ളി​ക്ക്​ പ​റ​യാ​നു​ള്ള​ത്​ നൂ​റ്റാ​ണ്ടു​ക​ളു​ടെ ച​രി​ത്ര​മാ​ണ്. 1,300ല​ധി​കം വ​ര്‍ഷം പ​ഴ​ക്ക​മു​ള്ള ഈ ​മ​സ്ജി​ദ് പ്ര​വാ​ച​ക അ​നു​ച​ര​ന്മാ​രു​ടെ കാ​ല​ത്ത് നി​ര്‍മി​ച്ച​താ​ണെ​ന്നു പ​റ​യ​പ്പെ​ടു​ന്നു. ബി​ദി​യ എ​ന്ന സ്ഥ​ല​ത്തോ​ടു ബ​ന്ധ​പ്പെ​ടു​ത്തി​യാ​ണ് ഈ ​പ​ള്ളി​ക്ക് അ​ത്ത​ര​മൊ​രു പേ​ര് ല​ഭി​ച്ച​ത്. എ.​ഡി 640ലാ​ണ് (ഹി​ജ്‌​റ 20) ച​രി​ത്ര​പ്ര​സി​ദ്ധ​മാ​യ ഈ ​പ​ള്ളി നി​ര്‍മി​ച്ച​തെ​ന്ന് 'ഇ​മേ​ജ​സ്​ ഓ​ഫ്​ അ​ബൂ​ദ​ബി ആ​ൻ​ഡ്​ യു.​എ.​ഇ' എ​ന്ന കൃ​തി​യി​ല്‍ രേ​ഖ​പ്പെ​ടു​ത്തി​യി​ട്ടു​ണ്ട്. ഫു​ജൈ​റ​യി​ലെ പു​രാ​വ​സ്തു വി​ഭാ​ഗം ആ​സ്‌​ട്രേ​ലി​യ​യി​ലെ സി​ഡ്‌​നി യൂ​നി​വേ​ഴ്‌​സി​റ്റി​യു​മാ​യി സ​ഹ​ക​രി​ച്ച് 1997 -98 കാ​ല​ഘ​ട്ട​ത്തി​ല്‍ ന​ട​ത്തി​യ റേ​ഡി​യോ കാ​ര്‍ബ​ണ്‍ ഡേ​റ്റി​ങ് പ്ര​കാ​രം എ.​ഡി 1446ലാ​ണ് ഈ ​പ​ള്ളി നി​ര്‍മി​ച്ച​തെ​ന്ന് ഇ​വി​ടെ സ്ഥാ​പി​ച്ച ച​രി​ത്ര​ഫ​ല​ക​ത്തി​ല്‍ രേ​ഖ​പ്പെ​ടു​ത്തി​യി​ട്ടു​ണ്ട്. എ​ന്നാ​ല്‍, ചി​ല ച​രി​ത്ര​രേ​ഖ​ക​ള്‍ ഇ​തി​നോ​ടു യോ​ജി​ക്കു​ന്നി​ല്ല.

1300ല​ധി​കം വ​ര്‍ഷം പ​ഴ​ക്കം ഈ ​പ​ള്ളി​ക്കു​ണ്ടെ​ന്നു​പ​റ​യു​ന്ന പ​ല ച​രി​ത്ര​ഗ്ര​ന്ഥ​ങ്ങ​ളും കാ​ണാ​ന്‍ ക​ഴി​ഞ്ഞി​ട്ടു​ണ്ട്. ഈ ​അ​ഭി​പ്രാ​യ​മാ​ണ്​ അ​റ​ബി​ക​ള്‍ക്കി​ട​യി​ല്‍ കൂ​ടു​ത​ൽ പ്ര​ചാ​ര​ത്തി​ലു​ള്ള​ത്. ക​ളി​മ​ണ്ണും ബി​ദി​യ പ്ര​ദേ​ശ​ത്തു ല​ഭി​ക്കു​ന്ന ചെ​റി​യ ഉ​രു​ണ്ട ക​രി​ങ്ക​ല്ലും ഉ​ട​ച്ചു​ചേ​ര്‍ത്ത് പ​ശ​പ​ശ​പ്പ് പോ​ലെ​യാ​ക്കി കു​ഴ​ച്ചാ​ണ് പ​ള്ളി​യു​ടെ നി​ര്‍മാ​ണം പൂ​ര്‍ത്തീ​ക​രി​ച്ച​ത്. നാ​ല്​ ക​ളി​മ​ണ്‍ മി​നാ​ര​ങ്ങ​ളു​ണ്ട്. ആ​ധു​നി​ക മി​നാ​ര​ങ്ങ​ളെ​പ്പോ​ലും വെ​ല്ലു​ന്ന ഇ​വ അ​നേ​കം വി​നോ​ദ​സ​ഞ്ചാ​രി​ക​ളെ ഇ​വി​ടേ​ക്ക്​ ആ​ക​ര്‍ഷി​ക്കു​ന്ന പ്ര​ധാ​ന ഘ​ട​ക​മാ​ണ്. മ​രം തീ​രെ ഉ​പ​യോ​ഗി​ക്കാ​തെ​യാ​ണ് പ​ള്ളി​യു​ടെ മേ​ല്‍ക്കൂ​ര നി​ര്‍മി​ച്ചി​രി​ക്കു​ന്ന​ത്. ക​ളി​മ​ണ്ണി​ല്‍ പ​ണി​തീ​ര്‍ത്ത മൂ​ന്ന​ടി ഉ​യ​ര​ത്തി​ലു​ള്ള ഏ​ഴു​ജ​ന​ൽ, വാ​തി​ലു​ക​ളും ബി​ദി​യ പ​ള്ളി​ക്കു​ണ്ട്.

പ​ള്ളി​യു​ടെ പ്ര​വേ​ശ​ന ക​വാ​ടം ആ​ര്‍ച് രീ​തി​യി​ലാ​ണ് പ​ണി​തി​രി​ക്കു​ന്ന​ത്. 80 അ​ടി വി​സ്തീ​ര്‍ണ​മു​ള്ള അ​കം​പ​ള്ളി​യി​ല്‍ 55 മു​ത​ല്‍ 65 വ​രെ പേ​ര്‍ക്ക് ഒ​രേ​സ​മ​യം ന​മ​സ്ക​രി​ക്കാം. അ​കം​പ​ള്ളി​യി​ല്‍ മ​നോ​ഹ​ര​മാ​യി ക​ളി​മ​ണ്ണി​ല്‍ നി​ര്‍മി​ച്ച മി​മ്പ​റും ശ്ര​ദ്ധേ​യ​മാ​ണ്. ഇ​രു​ള്‍മൂ​ടി​യ ഇ​ട​നാ​ഴി​യി​ലേ​ക്കു പ്ര​വേ​ശി​ക്കു​ന്ന​തു​പോ​ലെ തോ​ന്നു​മാ​യി​രു​ന്നു​വ​ത്രെ വൈ​ദ്യു​തീ​ക​രി​ക്കു​ന്ന​തി​നു​മു​മ്പ് പ​ള്ളി​യു​ടെ അ​കം. ദു​ബൈ മു​നി​സി​പ്പാ​ലി​റ്റി​യു​മാ​യി സ​ഹ​ക​രി​ച്ച് പൗ​രാ​ണി​ക​ത അ​പ്പ​ടി നി​ല​നി​ര്‍ത്തി​ക്കൊ​ണ്ടാ​ണ് ബി​ദി​യ പ​ള്ളി പു​ന​ര്‍നി​ര്‍മി​ച്ച​ത്. പ​ഴ​മ ഒ​ട്ടും ചോ​ര്‍ന്നു​പോ​കാ​തെ പു​ന​രു​ദ്ധ​രി​ച്ച പ​ള്ളി ഫു​ജൈ​റ ഭ​ര​ണാ​ധി​കാ​രി ശൈ​ഖ് അ​ഹ്മ​ദ് അ​ല്‍ ശ​ര്‍ഖി 2003 മാ​ര്‍ച്ച് മൂ​ന്നി​നാ​ണ് വി​ശ്വാ​സി​ക​ള്‍ക്കാ​യി തു​റ​ന്നു​കൊ​ടു​ത്ത​ത്. യു.​എ.​ഇ​യി​ലെ​ത്തു​ന്ന സ​ഞ്ചാ​രി​ക​ളെ ഏ​റെ ആ​ക​ര്‍ഷി​ക്കു​ന്ന പ്ര​ധാ​ന ടൂ​റി​സ്റ്റ് കേ​ന്ദ്ര​ങ്ങ​ളി​ലൊ​ന്നു​കൂ​ടി​യാ​ണി​ന്ന് ഫു​ജൈ​റ​യി​ലെ ബി​ദി​യ പ​ള്ളി.