യു.പി ഗ്രാമങ്ങളിലൂടെ ഒരു നോമ്പുകാലം

നോ​മ്പു​കാ​ല ഓ​ർ​മ​ക​ൾ ചി​ക​യു​മ്പോ​ൾ ആ​ദ്യം മ​ന​സ്സി​ലെ​ത്തു​ന്ന​ത് ബി​രു​ദ​പ​ഠ​നം ക​ഴി​ഞ്ഞ കാ​ല​മാ​ണ്. തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജി​ൽ​നി​ന്ന് ബി.​ഫാം പൂ​ർ​ത്തി​യാ​ക്കി​യ​തി​നു പി​ന്നാ​ലെ​യാ​ണ് കേ​ന്ദ്ര​സ​ർ​ക്കാ​റി​ന്റെ ഒ​രു ​പ്രോ​ജ​ക്ടി​ന്റെ ഭാ​ഗ​മാ​വാ​ൻ അ​വ​സ​രം ല​ഭി​ച്ച​ത്. ഇ​ന്ത്യ​യി​ലെ പി​ന്നാ​ക്ക​പ്ര​ദേ​ശ​ങ്ങ​ളി​ലെ ആ​രോ​ഗ്യ​കേ​ന്ദ്ര​ങ്ങ​ൾ സ​ന്ദ​ർ​ശി​ച്ച് അ​വ​ശ്യ​മ​രു​ന്നു​ക​ളു​ടെ ല​ഭ്യ​ത റി​പ്പോ​ർ​ട്ട് ചെ​യ്യേ​ണ്ട ഒ​രു സ​ർ​വേ. കേ​ര​ള​ത്തി​ൽ​നി​ന്ന് ഞ​ങ്ങ​ൾ ര​ണ്ടു​പേ​രും ഡ​ൽ​ഹി​യി​ൽ​നി​ന്ന് ഒ​രാ​ളും പ്രോ​ജ​ക്ട് ഏ​റ്റെ​ടു​ത്ത സ്ഥാ​പ​ന​ത്തി​ന്റെ ര​ണ്ടു​പേ​രും ഉ​ൾ​പ്പെ​ടെ അ​ഞ്ചം​ഗ​സം​ഘം.

2013ൽ ​റ​മ​ദാ​ൻ തു​ട​ങ്ങാ​നി​രി​ക്കെ ബാ​ഗും വ​സ്ത്ര​ങ്ങ​ളു​മെ​ടു​ത്ത് യാ​ത്ര​പു​റ​പ്പെ​ട്ടു. ഉ​ത്ത​ർ​പ്ര​ദേ​ശി​ലെ അ​തി​ർ​ത്തി​പ്ര​ദേ​ശ​ങ്ങ​ൾ ഉ​ൾ​പ്പെ​ടു​ന്ന മേ​ഖ​ല​ക​ളി​ലാ​യി​രു​ന്നു ഞ​ങ്ങ​ളു​ടെ ജോ​ലി. സ​​ർ​വേ തു​ട​ങ്ങി ദി​വ​സ​ങ്ങ​ൾ​ക്ക​കം റ​മ​ദാ​നു​മെ​ത്തി. അ​ഞ്ചു​പേ​രു​ടെ സം​ഘ​ത്തി​ൽ നോ​മ്പു​കാ​ര​നാ​യു​ള്ള​ത് ഞാ​ൻ മാ​ത്രം. കി​ഴ​ക്ക​ൻ യു.​പി​യി​ലും പ​ടി​ഞ്ഞാ​റ​ൻ യു.​പി​യി​ലു​മാ​യി 14 ജി​ല്ല​ക​ളി​ൽ ഗ്രാ​മ​പ്ര​ദേ​ശ​ങ്ങ​ളി​ലൂ​ടെ​യാ​ണ് സ​ഞ്ചാ​രം. ഇ​തി​നി​ട​യി​ൽ നോ​മ്പെ​ടു​ക്കു​ക​യും തു​റ​ക്കു​ക​യും വേ​ണം. ഒ​പ്പ​മു​ള്ള​വ​രും സ​ഹ​ക​രി​ക്കു​ന്ന​വ​രാ​ണ്. പ​ക്ഷേ, നോ​മ്പു​തു​റ ഓ​രോ ദി​വ​സ​വും വെ​ല്ലു​വി​ളി​ലാ​യി. പ​ള്ളി​ക​ളാ​ണ് എ​ന്നും ല​ക്ഷ്യം. പ​ക്ഷേ, സി​ദ്ദാ​ർ​ഥ് ന​ഗ​ർ, ബ​ഹ്റൈ​ച്, ശ്രാ​വ​സ്തി തു​ട​ങ്ങി​യ ഈ​സ്റ്റേ​ൺ ഉ​ത്ത​ർ​പ്ര​ദേ​ശി​ലെ ഏ​റ്റ​വും പി​ന്നാ​ക്ക ജി​ല്ല​ക​ളി​ൽ ജ​ന​ങ്ങ​ളു​ടെ അ​വ​സ്ഥ​ത​ന്നെ ദ​യ​നീ​യ​മാ​ണ്. പി​ന്നെ, പ​ള്ളി​ക​ളു​ടെ സ്ഥി​തി അ​തി​ദ​യ​നീ​യ​വും. ഒ​രി​ക്ക​ൽ സ​ർ​വേ​യും ക​ഴി​ഞ്ഞ് ക്ഷീ​ണി​ച്ച് നോ​മ്പു​തു​റ​ക്കാ​ൻ വ​ല്ല സൗ​ക​ര്യ​വും ഉ​ണ്ടോ എ​ന്ന പ്ര​തീ​ക്ഷ​യി​ലാ​യി​രു​ന്നു പ​ള്ളി​യി​ലെ​ത്തി​യ​ത്. പ​ക്ഷേ, അ​വി​ടെ ഇ​മാ​മി​ന്റെ കൈ​യി​ൽ ആ​കെ​യു​ള്ള​ത് ഒ​രു ഗ്ലാ​സ് വെ​ള്ള​വും ഒ​രു ചീ​ള് ഈ​ത്ത​പ്പ​ഴ​വും മാ​ത്രം. ചെ​റു ന​ഗ​ര​ങ്ങ​ളി​ലെ പ​ള്ളി​ക​ളി​ലും ഇ​തു​ത​ന്നെ​യാ​യി​രു​ന്നു അ​വ​സ്ഥ. പ്ര​ദേ​ശ​ത്തെ ജ​ന​ങ്ങ​ളു​ടെ അ​വ​സ്ഥ​യും ക​ര​ള​ലി​യി​ക്കു​ന്ന​താ​യി​രു​ന്നു. റി​ക്ഷാ​വ​ലി​ച്ചും പു​ക​യി​ല ചു​രു​ട്ടി​യും ജീ​വി​തം ക​ഴി​യു​ന്ന​വ​ർ. വി​ദ്യാ​ഭ്യാ​സ​വും ന​ല്ല ചി​കി​ത്സ​യും മ​രു​ന്നു​മെ​ല്ലാം അ​വ​ർ​ക്ക് ആ​ഢം​ബ​ര​മാ​യി​രു​ന്നു.

ഇ​തൊ​ക്കെ അ​നു​ഭ​വി​ച്ച​റി​യു​മ്പോ​ഴാ​ണ് ന​മ്മു​ടെ നാ​ടും ജീ​വി​ത​സാ​ഹ​ച​ര്യ​ങ്ങ​ളു​മെ​ല്ലാം എ​ത്ര​യോ ഭേ​ദ​മെ​ന്ന് മ​ന​സ്സി​ലാ​കു​ന്ന​ത്. എ​ന്നാ​ൽ, പ​ടി​ഞ്ഞാ​റ​ൻ യു.​പി​യി​ലെ അ​നു​ഭ​വം മ​റി​ച്ചാ​യി​രു​ന്നു. ഡ​ൽ​ഹി​യോ​ട​ടു​ത്ത ഗ്രാ​മ​ങ്ങ​ളും ന​ഗ​ര​ങ്ങ​ളും വി​ക​സ​ന​മെ​ല്ലാം എ​ത്തി​യ പ്ര​ദേ​ശ​ങ്ങ​ൾ. ഇ​വി​ടെ​യെ​ല്ലാം പ​ള്ളി​യെ​ത​ന്നെ ആ​ശ്ര​യി​ച്ചാ​യി ആ ​നാ​ളു​ക​ളി​ലെ ഇ​ഫ്താ​ർ. ഹ​മൂ​സ് ഉ​ൾ​പ്പെ​ടെ വി​ഭ​വ​സ​മൃ​ദ്ധ​മാ​യ നോ​മ്പു​തു​റ​ക​ൾ. ഒ​രു നാ​ടി​ന്റെ ര​ണ്ടു ചി​ത്ര​ങ്ങ​ൾ ഈ ​കു​റ​ഞ്ഞ നാ​ളി​ൽ അ​നു​ഭ​വി​ച്ച​റി​ഞ്ഞ​താ​യി​രു​ന്നു ജീ​വി​ത​ത്തി​ന്റെ ഏ​റ്റ​വും വ​ലി​യ നോ​മ്പു​പാ​ഠം.

തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജി​ലെ പ​ഠ​ന​കാ​ല​ത്ത് ഇ​ഫ്താ​റി​ന് പ​ള്ളി​ക​ളി​ൽ ഔ​ഷ​ധ​ക്ക​ഞ്ഞി​യെ​ന്ന് വി​ളി​ക്കു​ന്ന ഉ​ലു​വാ​ക്ക​ഞ്ഞി കി​ട്ടു​മാ​യി​രു​ന്നു. അ​തൊ​രു വേ​റി​ട്ട അ​നു​ഭ​വ​മാ​യി​രു​ന്നു. ആ ​നാ​ട്ടി​ലെ ജ​ന​ങ്ങ​ൾ ഞ​ങ്ങ​ൾ വി​ദ്യാ​ർ​ഥി​ക​ളെ​യും പ്ര​ത്യേ​കം പ​രി​ഗ​ണി​ച്ചി​രു​ന്നു. മെ​ഡി​ക്ക​ൽ കോ​ള​ജി​ൽ അ​ന്ന് എ​ല്ലാ നോ​മ്പി​നും റ​മ​ദാ​ൻ മെ​സ് ഉ​ണ്ടാ​കും. മു​ൻ​കൂ​ട്ടി അ​റി​യി​ച്ചാ​ൽ ന​മ്മു​ടെ അ​മു​സ്‌​ലിം സു​ഹൃ​ത്തു​ക്ക​ളെ അ​തി​ഥി​യാ​യി ഇ​ഫ്താ​റി​ന് ക്ഷ​ണി​ക്കാം എ​ന്ന​സൗ​ക​ര്യം വേ​റി​ട്ട അ​നു​ഭ​വ​മാ​യി​രു​ന്നു.

അ​വ​ർ​ക്ക് ​റ​മ​ദാ​ൻ പ​രി​ച​യ​പ്പെ​ടാ​നു​ള്ള അ​വ​സ​രം കൂ​ടി​യാ​യി​രു​ന്നു ഇ​ത്. ഫൈ​ന​ൽ ഇ​യ​റി​നു പ​ഠി​ക്കു​മ്പോ​ൾ ക്ലാ​സി​ലെ എ​ല്ലാ​വ​ർ​ക്കും ഇ​ഫ്താ​ർ കൊ​ടു​ക്കാ​ൻ ഞ​ങ്ങ​ൾ തീ​രു​മാ​നി​ച്ചു. അ​ന്ന് അ​ധ്യാ​പ​ക​ര​ട​ക്കം എ​ല്ലാ​വ​രും പ​ങ്കെ​ടു​ത്തു. നോ​മ്പു​കാ​രോ​ട് ഐ​ക്യ​പ്പെ​ട്ട് ഒ​രു​പാ​ട് അ​മു​സ്‍ലിം പെ​ൺ​കു​ട്ടി​ക​ളും വ്ര​ത​മെ​ടു​ത്ത​ത് ഓ​ർ​മ​യി​ലെ സു​ന്ദ​ര​മാ​യ നി​മി​ഷ​മാ​യി തു​ട​രു​ന്നു. ഇ​ഫ്താ​റി​ന്റെ കൂ​ടി​ച്ചേ​ര​ലു​ക​ൾ മ​നു​ഷ്യ​ർ ത​മ്മി​ൽ സ്നേ​ഹം​പ​ങ്കി​ടാ​ൻ ന​ല്ലൊ​രു വേ​ദി​യാ​ണ്. അ​തി​നേ​ക്കാ​ൾ ഉ​പ​രി നോ​മ്പ് എ​ന്താ​ണ് ന​മ്മു​ടെ രീ​തി​ക​ൾ എ​ന്താ​ണ് എ​ന്ന് അ​റി​യാ​ത്ത​വ​ർ​ക്ക് അ​ത് കാ​ണി​ച്ചു​കൊ​ടു​ക്കു​ക ആ ​സ​ന്ദേ​ശം കൈ​മാ​റു​ക എ​ന്നു​ള്ള​ത് വ​ലി​യ ഒ​രു സ​ന്തോ​ഷ​മാ​ണ്.