ആത്മീയതയുടെ അലയൊലിയുമായി വിശ്വാസിക്കൂട്ടം

കാ​യം​കു​ളം: ക​ച്ച​വ​ടത്തി​ര​ക്കി​ന്‍റെ ആ​ര​വ​ങ്ങ​ളു​യ​രു​ന്ന ന​ഗ​ര​മ​ധ്യ​ത്തി​ലെ നൂ​റ്റാ​ണ്ട് പ​ഴ​ക്ക​മു​ള്ള പ​ള്ളി​യി​ൽ നി​ന്നു​യ​രു​ന്ന​ത് ആ​ത്മീ​യ​ത​യു​ടെ അ​ല​യൊ​ലി. പ​ഴ​മ​യു​ടെ ഗ​രി​മ പേ​റു​ന്ന ച​രി​ത്ര​പാ​ര​മ്പ​ര്യ​മു​ള്ള കാ​യം​കു​ളം മു​സ്​​ലിം ജ​മാ​അ​ത്ത് പ​ള്ളി റ​മ​ദാ​ൻ രാ​വു​ക​ളി​ൽ കൂ​ടു​ത​ൽ സ​ജീ​വ​മാ​കും. ആ​ത്മീ​യ ചൈ​ത​ന്യ​ത്തി​ന്‍റെ വി​രു​ന്നു​കാ​ല​മാ​യ വി​ശു​ദ്ധ​റ​മ​ദാ​നി​ൽ വി​ശ്വാ​സി​ക​ൾ​ക്കാ​വ​ശ്യ​മാ​യ എ​ല്ലാ​സൗ​ക​ര്യ​ങ്ങ​ളും ഇ​വി​ടു​ണ്ടാ​കും. ദേ​ശ​ങ്ങ​ളു​ടെ അ​തി​ർ​വ​ര​മ്പു​ക​ളി​ല്ലാ​ത്ത വി​ശ്വാ​സി​ക്കൂ​ട്ട​മാ​ണ് പ​ള്ളി​യു​ടെ പ്ര​ത്യേ​ക​ത.

തി​രു​വി​താം​കൂ​റി​ലെ ആ​ദ്യ​ത്തെ ജു​മാ​മ​സ്ജി​ദു​ക​ളി​ലൊ​ന്നാ​യ കാ​യം​കു​ളം മു​സ്​​ലിം ജ​മാ​അ​ത്തി​ന് രാ​ജ​ഭ​ര​ണ​ത്തി​ന്‍റെ കൈ​​യൊ​പ്പ്​ ചാ​ർ​ത്തി​യ അ​വ​കാ​ശ​ങ്ങ​ളെ​ക്കു​റി​ച്ചും പ​റ​യാ​നു​ണ്ട്. ആ​ല​പ്പു​ഴ, പ​ത്ത​നം​തി​ട്ട, കൊ​ല്ലം ജി​ല്ല​ക​ളി​ലാ​യി വ്യാ​പി​ച്ചു​കി​ട​ന്നി​രു​ന്ന അ​തി​ര​ട​യാ​ള​മാ​യി​ട്ടു​കൂ​ടി​യാ​ണ്​ പ​ള്ളി സ്ഥാ​പി​ക്ക​പ്പെ​ട്ട​ത്. തി​രു​വി​താം​കൂ​റി​ലെ പൗ​രാ​ണി​ക വാ​ണി​ജ്യ​കേ​ന്ദ്ര​മാ​യ സ​സ്യ​മാ​ർ​ക്ക​റ്റി​നോ​ട് ചേ​ർ​ന്നാ​ണ് ജു​മാ മ​സ്ജി​ദ് നി​ല​കൊ​ള്ളു​ന്ന​ത്.

ക​ച്ച​വ​ട പ്ര​മാ​ണി​മാ​രു​ടെ ഇ​ട​പെ​ട​ലു​ക​ളാ​ൽ 12 നൂ​റ്റാ​ണ്ടു​ക​ൾ​ക്ക് മു​മ്പ് കാ​യം​കു​ളം രാ​ജാ​വാ​ണ് പ​ള്ളി​ക്കാ​യി സ്ഥ​ലം ന​ൽ​കി​യ​ത്. ന​ഗ​ര​പ​രി​ധി​യി​ലും സ​മീ​പ പ​ഞ്ചാ​യ​ത്തു​ക​ളി​ലു​മാ​യി ആ​റാ​യി​രം കു​ടും​ബ​ങ്ങ​ളെ​യാ​ണ് പ​ള്ളി​ക്ക്​ കീ​ഴി​ലു​ള്ള മ​ഹ​ല്ല്​ ഉ​ൾ​ക്കൊ​ള്ളു​ന്ന​ത്. പ്ര​വ​ർ​ത്ത​ന പ​രി​ധി​ക്കു​ള്ളി​ലെ നി​ര​വ​ധി മ​ഹ​ല്ലു​ക​ൾ സ്വ​ത​ന്ത്ര​മാ​യ ശേ​ഷ​വും നാ​ല് ജു​മാ​മ​സ്ജി​ദു​ക​ളും പ​ത്തോ​ളം മ​സ്ജി​ദു​ക​ളും മ​ദ്റ​സ​ക​ളും ഇ​തി​ന്‍റെ അ​ധി​കാ​ര​പ​രി​ധി​യി​ൽ പ്ര​വ​ർ​ത്തി​ക്കു​ന്നു.

വി​വി​ധ സം​സ്ഥാ​ന​ങ്ങ​ളി​ൽ​നി​ന്ന്​ ന​ഗ​ര​ത്തി​ലെ​ത്തു​ന്ന ക​ച്ച​വ​ട​ക്കാ​രും തൊ​ഴി​ലാ​ളി​ക​ളും ഡ്രൈ​വ​ർ​മാ​രു​മൊ​ക്കെ ആ​ശ്ര​യി​ക്കു​ന്ന പ​ള്ളി​യാ​ണി​ത്. റ​മ​ദാ​നി​ൽ പ​ള്ളി​യി​ലെ​ത്തു​ന്ന എ​ല്ലാ​വ​ർ​ക്കും ആ​വ​ശ്യ​മാ​യ സൗ​ക​ര്യ​ങ്ങ​ൾ ഇ​വി​ടെ ഒ​രു​ക്കു​ന്നു. നോ​മ്പു​തു​റ അ​ന്ത​ർ​സം​സ്ഥാ​ന തൊ​ഴി​ലാ​ളി​ക​ൾ​ക്ക​ട​ക്കം വ​ലി​യ ആ​ശ്വാ​സ​മാ​ണ്. അ​തു​പോ​ലെ ന​ഗ​ര​ത്തി​ലെ ക​ച്ച​വ​ട​ക്കാ​ർ​ക്കും തൊ​ഴി​ലാ​ളി​ക​ൾ​ക്കും യാ​ത്ര​ക്കാ​ർ​ക്കും ഒ​രു പോ​ലെ സൗ​ക​ര്യ​വു​മാ​ണ്. നോ​മ്പു​തു​റ​ക്കാ​നാ​യി എ​ത്തു​ന്ന​വ​ർ​ക്ക് ശ​രീ​ര​വും മ​ന​സ്സും നി​റ​യു​ന്ന ത​ര​ത്തി​ൽ വി​ഭ​വ​ങ്ങ​ളൊ​രു​ക്കി ന​ൽ​കു​ന്ന​തി​ലെ ജാ​ഗ്ര​ത​യും ന​ഗ​ര​മ​സ്ജി​ദി​ലെ പ്ര​ത്യേ​ക​ത​യാ​ണ്.