അതിരുകളില്ലാത്ത സ്നേഹം; അഗതി മന്ദിരത്തിൽ ആഹ്ലാദരാവ്​

  • വെ​ള്ളി​മാ​ടു​കു​ന്ന് ആ​ഫ്റ്റ​ർ കെ​യ​ർ ഹോ​മിലെ മൂന്ന്​ പേർക്ക്​ ഒരേ പന്തലിൽ മംഗല്യം

10:49 AM
11/02/2019
vellimadukunnu-marriage
വിവാഹിതരാവുന്ന ആഫ്റ്റർ കെയർ ഹോമിലെ അന്തേവാസികളും ഭാവി വരന്മാരും

കോ​ഴി​ക്കോ​ട്: ഒ​രു​മി​ച്ച് ക​ണ്ട സ്വ​പ്ന​ങ്ങ​ൾ ഒ​രേ ദി​വ​സം യാ​ഥാ​ർ​ഥ്യ​മാ​വു​ന്ന​തി‍​​െൻറ ഇ​ര​ട്ടി സ​ന്തോ​ഷ​ത്തി​ലാ​ണ് അ​വ​ർ മൂ​ന്നു​പേ​രും. വെ​ള്ളി​മാ​ടു​കു​ന്ന് ആ​ഫ്റ്റ​ർ കെ​യ​ർ ഹോ​മി​ൽ സു​ന്ദ​ര​മാ​യ ഭാ​വി സ്വ​പ്നം​ക​ണ്ടി​രു​ന്ന മൂ​ന്നു​പേ​രാ​ണ് തി​ങ്ക​ളാ​ഴ്ച രാ​വി​ലെ 11നും 11.30​നും ഇ​ട​യി​ലു​ള്ള മു​ഹൂ​ർ​ത്ത​ത്തി​ൽ പു​തു​ജീ​വി​ത​ത്തി​ലേ​ക്ക് കാ​ലെ​ടു​ത്ത് വെ​ക്കു​ന്ന​ത്.

ക​രോ​ക്കെ ഗാ​ന​മേ​ള​യും നൃ​ത്ത​ങ്ങ​ളു​മാ​യി ആ​ഹ്ലാ​ദ​നി​റ​വി​ലാ​ണ് അ​ഞ്ജു​വും മോ​ഹി​നി​യും സി​ന്ധു​വും ജീ​വി​ത​ത്തി​ലെ ഏ​റെ പ്ര​ധാ​ന​പ്പെ​ട്ട ദി​വ​സ​ത്തി​ലേ​ക്ക് ക​ട​ക്കു​ന്ന​ത്. ക​ല്യാ​ണ ആ​ഘോ​ഷ​ങ്ങ​ൾ​ക്കു​ള്ള ഒ​രു​ക്കം ദി​വ​സ​ങ്ങ​ൾ​ക്കു​മു​മ്പേ ആ​രം​ഭി​ച്ചി​രു​ന്നു. സു​ഹൃ​ത്തു​ക്ക​ളും പ്രി​യ​പ്പെ​ട്ട​വ​രും എ​ത്തി​യ​തോ​ടെ ആ​ഘോ​ഷ​ത്തി​​​െൻറ​യും ആ​ഹ്ലാ​ദ​ത്തി​​​െൻറ​യും വേ​ലി​യേ​റ്റ​ത്തി​നാ​ണ് ആ​ഫ്റ്റ​ർ കെ​യ​ർ ഹോം ​ഞാ​യ​റാ​ഴ്ച സാ​ക്ഷ്യം​വ​ഹി​ച്ച​ത്. 

പാ​ല​ക്കാ​ട് സ്വ​ദേ​ശി ശ്രീ​ജി​ത്താ​ണ് അ​ഞ്ജു​വി​നെ വി​വാ​ഹം ചെ​യ്യു​ന്ന​ത്. കോ​ഴി​ക്കോ​ട് ത​ന്നെ​യു​ള്ള ജ​സി​ൻ മോ​ഹി​നി​യെ​യും മ​ല​പ്പു​റം സ്വ​ദേ​ശി ഷി​നോ​ജ് സി​ന്ധു​വി​നെ​യും തി​ങ്ക​ളാ​ഴ്ച ജീ​വി​ത​സ​ഖി​യാ​ക്കും. വ​ർ​ഷ​ങ്ങ​ൾ​ക്കു ശേ​ഷ​മാ​ണ് ആ​ഫ്റ്റ​ർ കെ​യ​ർ ഹോ​മി‍​​െൻറ മു​റ്റ​ത്ത് വി​വാ​ഹ​പ്പ​ന്ത​ൽ ഉ​യ​രു​ന്ന​ത്. ത​ങ്ങ​ളു​ടെ ബാ​ല്യ​വും കൗ​മാ​ര​വും ക​ണ്ട ആ​ഫ്റ്റ​ർ കെ​യ​റി‍​​െൻറ മ​ണ്ണി​ൽ​നി​ന്ന് പു​തു​ജീ​വി​ത​ത്തി​ലേ​ക്ക് കാ​ലെ​ടു​ത്തു​വെ​ക്കു​ന്ന​തി‍​​െൻറ ആ​ഹ്ലാ​ദ​വും സ​ന്തോ​ഷ​വും മൂ​വ​ർ​ക്കു​മു​ണ്ട്.

vellimadukunnu-marriage

സാ​മൂ​ഹി​ക നീ​തി വ​കു​പ്പി​ലെ​യും വ​നി​ത -ശി​ശു​ക്ഷേ​മ വ​കു​പ്പി​ലെ​യു​മൊ​ക്കെ ജീ​വ​ന​ക്കാ​രു​ടെ അ​ക​മ​ഴി​ഞ്ഞ സ​ഹാ​യ​വും വി​വാ​ഹ ന​ട​ത്തി​പ്പി​നു​ണ്ട്. വി​വാ​ഹാ​ഘോ​ഷ​ങ്ങ​ളു​ടെ സം​ഘാ​ട​ന​ത്തി​ൽ ‘ആം ​ഓ​ഫ് ജോ​യ്’ ആ​ഫ്റ്റ​ർ കെ​യ​ർ ഹോം ​കു​ടും​ബ​ത്തോ​ടൊ​പ്പം സ​ജീ​വ​മാ​യി ഉ​ണ്ട്. വി​വാ​ഹം ഗം​ഭീ​ര​മാ​ക്കാ​ൻ ക​ഴി​ഞ്ഞ കു​റെ ദി​വ​സ​ങ്ങ​ളാ​യി ഓ​ടി​ന​ട​ക്കു​ന്ന ആ​ഫ്റ്റ​ർ കെ​യ​ർ ഹോം ​സൂ​പ്ര​ണ്ട് കെ. ​സ​തി​ക്കും ബ​ന്ധ​പ്പെ​ട്ട​വ​ർ​ക്കും പി​ന്തു​ണ ന​ൽ​കാ​ൻ ഇ​വ​രു​മു​ണ്ട്.

കോ​മ്പൗ​ണ്ടി​ലെ മ​റ്റ് അ​നാ​ഥാ​ല​യ​ങ്ങ​ളി​ലെ​യും അ​ഗ​തി​മ​ന്ദി​ര​ങ്ങ​ളി​ലെ​യും അ​ന്തേ​വാ​സി​ക​ളെ​യും ക്ഷ​ണി​ച്ച് ‘ആം ​ഓ​ഫ് ജോ​യ്​’​യു​ടെ നേ​തൃ​ത്വ​ത്തി​ൽ ഞാ​യ​റാ​ഴ്ച ആ​ഘോ​ഷ​രാ​വ് സം​ഘ​ടി​പ്പി​ച്ചു. ത​ലേ ദി​വ​സം അ​ന്തേ​വാ​സി​ക​ൾ​ക്കും മ​റ്റു​മു​ള്ള ഭ​ക്ഷ​ണം കോ​ഴി​ക്കോ​ട് സ​ബ് ക​ല​ക്ട​റു​ടെ ഓ​ഫി​സ് സ്​​റ്റാ​ഫാ​ണ് ഒ​രു​ക്കു​ന്ന​ത്. വി​വാ​ഹ ദി​വ​സം 600 പേ​ർ​ക്കു​ള്ള സ​ദ്യ ഒ​രു​ക്കു​ന്ന​ത് കെ.​ഡി.​സി ബാ​ങ്കാ​ണ്.

വി​വാ​ഹ​ത്തി​ന് ഒ​രു ല​ക്ഷ​ത്തി​ൽ​പ​രം രൂ​പ​യു​ടെ ധ​ന​സ​ഹാ​യ​വു​മാ​യി സ്മൈ​ൽ​സ് (സ്​​റ്റു​ഡ​ൻ​റ്​​സ് വെ​ൽ​ഫെ​യ​ർ ചാ​രി​റ്റ​ബ്​​ൾ സൊ​സൈ​റ്റി) ആ​ഫ്റ്റ​ർ കെ​യ​ർ ഹോ​മി​ന് സ​ഹാ​യ​മാ​യി ഉ​ണ്ട്. കൂ​ടാ​തെ മൂ​ന്നു പെ​ൺ​കു​ട്ടി​ക​ൾ​ക്കും ഓ​രോ ല​ക്ഷം രൂ​പ​യു​ടെ സ​ഹാ​യം സം​സ്ഥാ​ന വ​നി​ത- ശി​ശു​ക്ഷേ​മ വ​കു​പ്പ് ന​ൽ​കു​ന്നു​ണ്ട്.

Loading...
COMMENTS