ആ ചിത്രങ്ങളിൽ നിങ്ങൾ മരിക്കുന്നില്ല യാനിസ്​...

ഒരുപാട്​ വാക്കുകൾക്കു പകരം ഒരു ചിത്രം മതി ലോകത്തോട്​ ഒത്തിരിക്കാര്യങ്ങൾ ഒട്ടേറെക്കാല ം സംസാരിക്കാൻ. യാനിസ്​ ബെഹ്റാകിസിന്റെ ചിത്രങ്ങൾ അങ്ങനെ സംസാരിച്ചുകൊണ്ടിരിക്കുകയായിരുന്നു കഴിഞ്ഞ 30 വർഷങ്ങള ായി. ലോകത്തിന്റെ അതിസുന്ദരമായ കാഴ്​ചകളിലൊന്നും ഉടക്കിനിന്ന്​ നേരം കളയാത്തൊരു ക്യാമറയും തൂക്കി അയാൾ കടന്ന ുചെന്നതൊക്കെയും മനുഷ്യദുരിതങ്ങളുടെ ചാവുനിലങ്ങളിലേക്കായിരുന്നു. യുദ്ധങ്ങളും പലായനങ്ങളും പലപാട്​ കണ്ട യാനി സ്​ 58ാമത്തെ വയസ്സിൽ അർബുദത്തോട്​ പൊരുതി ജയിക്കാനാവാതെ ഈ ലോകത്തിൽനിന്ന്​ മായുമ്പോൾ ആ ചി​ത്രങ്ങൾ ഇനിയുള്ള കാലം അതിവാചാലമായി സംസാരിച്ചുകൊണ്ടേയിരിക്കും.

യുദ്ധമെന്ന്​​​ പേരിടുന്നില്ലെങ്കിലും അതിന്റെ കെടുതികൾ പല ദേശങ്ങളിലൂടെ ആഞ്ഞടിച്ചുകൊണ്ടിരിക്കുന്നുവെന്ന്​ റോയിട്ടർ വാർത്താ ഏജൻസിക്കുവേണ്ടി പകർത്തിയ ചിത്രങ്ങളിലൂട െ യാനിസ്​ പറഞ്ഞുകൊണ്ടേയിരുന്നു. അശാന്തമായ സിറിയയുടെ മണ്ണിൽ നിന്ന്​ ജീവനും വാരിപ്പിടിച്ച്​ ഗ്രീക്കി​​​​​ന് റെ അതിർത്തി ദേശമായ മാസിഡോണിയയിലെ വിശാലമായ റോഡിലൂടെ കൊടും മഴയിൽ നടന്നുവരുന്ന അഭയാർത്ഥിയായ പിതാവി​​​​​ന്റ െയും അയാൾ വാരിപ്പിടിച്ചിരിക്കുന്ന കുഞ്ഞു മകളുടെയും ചിത്രം മതി യാനിസിനെ​ ലോകം എക്കാലവും ഓർത്തിരിക്കാൻ. സ്വന് തം നെഞ്ചിൽ നനഞ്ഞൊട്ടി കിടക്കുന്ന കുഞ്ഞിനെ, വഴിയിലെങ്ങും വീണ്​ മരിച്ചുപോയില്ലല്ലോ എന്ന ആശ്വാസത്തിൽ അമർത്തി ചുംബിക്കുന്ന ആ പിതാവിൽ ഈ ലോകത്തി​​​​​ന്റെ മുഴുവൻ വേദനകളും ഒറ്റ ഫ്രെയിമിൽ ഒത്തുചേർന്നിരിക്കുന്നു. വയലൻസിന്റെ വിദൂരദൃശ്യങ്ങൾ പോലും പതിയാത്ത ആ ചിത്രം മതി ​സിറിയ എന്ന ദേശത്തി​​​​ന്റെ കരളലിയുന്ന വാർത്തകളെ ലോകമെങ്ങുമെത്തിക്കാൻ.

ഗ്രിസ്​ അതിർത്തിസേനയിലെ ഭടന്മാരോട്​ യാചിക്കുന്ന അഭയാർത്ഥികൾ - ചിത്രം യാനിസ്​

അടിക്കുറിപ്പുകളില്ലാതെ വായിക്കാൻ പോന്ന ചിത്രങ്ങളായിരുന്നു യാനിസ്​ ബഹ്​റാകിസിന്റേത്. സിറിയ, അഫ്​ഗാൻ, ലിബിയ, കൊസോവ, ചെച്​നിയ, സിയറ ലിയോൺ, സൊമാലിയ, ഇൗജിപ്​റ്റ്​, ടുണീഷ്യ, ഉക്രൈൻ, കശ്​മീർ, ഇറാഖ്​, ഇസ്രായേൽ- ഫലസ്​തീൻ അതിർത്തികൾ...
ദുരന്തങ്ങളുടെ നടുക്കയങ്ങളിൽനിന്ന്​ യാനിസിന്റ്റെ ക്യാമറയുടെ ഷട്ടറുകൾ ലോകത്തോട്​ ചിലച്ചുകൊണ്ടേയിരുന്നു. ആ ചിത്രങ്ങൾ കണ്ട്​ നടുങ്ങിക്കൊണ്ടായിരുന്നു ലോകമെങ്ങുമുള്ള മിക്ക പത്രങ്ങളുടെയും പ്രഭാതങ്ങൾ കണ്ണുതുറന്നത്​.

യാനിസ്​ ബെഹ്​റാകിസ്​

1960 ൽ ഗ്രീസിലെ ഏതൻസിൽ ജനിച്ച യാനിസിനെ 2015ൽ 'ദ ഗാർഡിയൻ' പത്രം ഫോട്ടോഗ്രാഫർ ഓഫ്​ ദ ഇയർ ആയി തെരഞ്ഞെടുത്തപ്പോൾ അദ്ദേഹം പറഞ്ഞതിങ്ങനെയായിരുന്നു. 'കഴിഞ്ഞ 25 വർഷമായി ലോകമെങ്ങുമുള്ള അഭയാർത്ഥികളുടെ ചിത്രങ്ങൾ ഞാൻ പങ്കുവെച്ചുകൊണ്ടിരുന്നു. ഇപ്പോൾ ഇതാ അവർ അതിർത്തി കടന്ന്​ എന്റെ രാജ്യത്തേക്കും വന്നിരിക്കുന്നു. ഓരോ രാത്രികളിലും അപകടം നിറഞ്ഞ കടലുകൾ താണ്ടി അവർ എ​​​​​ന്റെ നാടിന്റെ അതിർത്തികളിൽ എന്തു സംഭവിക്കുമെന്നു പോലുമറിയാതെ വന്നിറങ്ങുന്നു....'

ഗ്രീസിലെ ലെസ്​ബോസ്​ തീരത്ത്​ മറിഞ്ഞ തോണിയിൽ നിന്ന്​ രണ്ട്​ കുഞ്ഞുങ്ങളുമായി രക്ഷപ്പെടുന്ന സിറിയൻ അഭയാർത്ഥി - ചിത്രം: യാനിസ്​

സിറിയയിൽ നിന്ന്​ അഭയം തേടി ഗ്രീസി​​​​​ന്റെയും മറ്റ്​ യൂറോപ്യൻ രാജ്യങ്ങളുടെയും അതിർത്തികളിൽ വന്നിറങ്ങുന്ന മനുഷ്യരുടെ ഗതികേടുകൾ ലോകമറിഞ്ഞത്​ യാനിസിന്റെ അതിവാചാലമായ ചിത്രങ്ങളിലൂടെയായിരുന്നു. പട്ടിണിയും ദാരിദ്ര്യവും നിസ്സഹായതയും മാ​ത്രമായിരുന്നില്ല, മരണവും ഒളിച്ചുകളിക്കുന്നുണ്ടായിരുന്നു ആ ചിത്രങ്ങളിൽ. തകിടം മറിഞ്ഞ ചെറിയ തോണിയിൽ നിന്ന്​ രണ്ട്​ കുഞ്ഞുങ്ങളുമായി രക്ഷപ്പെടാൻ ശ്രമിക്കുന്ന പിതാവി​​​​​ന്റ ചിത്രം കാണുമ്പോൾ അറിയാതൊരു വിറയൽ കാഴ്​ചക്കാര​​​​​ന്റെ ഉള്ളംകാലിൽനിന്ന്​ അരിച്ചുകയറും.

ഈജിപ്​റ്റിലെ തെഹ്​രീക്​ സ്​ക്വയറിൽ നടന്ന പ്രതിഷേധം പകർത്താനെത്തിയ യാനിസ്​ ബെഹ്​റാകിസ്​

പേരിനും പെരു​മയ്​ക്കുമായല്ല താൻ ചിത്രങ്ങൾ എടുക്കുന്നതെന്നും സുന്ദരമായ ഈ ലോകത്തിന്റെ മറുവശങ്ങളിൽ ഇങ്ങനെയും നടക്കുന്നുവെന്നു പറയുകയുമായിരുന്നു തന്റെ ലക്ഷ്യമെന്നും​ യാനിസ്​ പറഞ്ഞിരുന്നു.

ക്യാമറയുടെ ക്ലിക്​ ബട്ടണിലേക്ക്​ നീങ്ങിയ അതേ കൈകൾ അഭയാർത്ഥികൾക്കുനേരേയും അനുതാപത്തോടെ നീണ്ടു ചെന്നിട്ടുമുണ്ട്

​

അർബുദം കവർന്നുകൊണ്ടിരിക്കുമ്പോഴും അതിരാവിലെ മുതൽ പാതിരാ​ത്രി വരെ അഭയാർത്ഥികളുടെ ജീവിതം പകർത്താൻ പാഞ്ഞുനടക്കുകയായിരുന്നു യാനിസ്​. യുദ്ധമുഖത്തുനിന്ന്​ നിരവധി ചിത്രങ്ങൾ പകർത്തുമ്പോഴും യുദ്ധത്തെ അതിരറ്റ്​ വെറുത്തിരുന്നു യാനിസ്​. വെറുതെ ചിത്രം പകർത്തുക മാത്രമായിരുന്നില്ല, അദ്ദേഹം. ക്യാമറയുടെ ക്ലിക്​ ബട്ടണിലേക്ക്​ നീങ്ങിയ അതേ കൈകൾ അഭയാർത്ഥികൾക്കുനേരേയും അനുതാപത്തോടെ നീണ്ടു ചെന്നിട്ടുമുണ്ട്​..

യാനിസ്​ പകർത്തിയ അഭയാർത്ഥി ക്യാമ്പി​ന്റെ ചിത്രം

2000ൽ സിയറ ലിയോണിൽ യാനിസിനും സംഘത്തിനും നേരേ ആക്രമണമുണ്ടായി. കൂടെയുണ്ടായിരുന്ന അമേരിക്കൻ റിപ്പോർട്ടർ കുർട്ട്​ ഷോർക്കും അസോസിയേറ്റ്​ പ്രസി​​​​​ന്റെ സ്​പാനിഷ്​ ക്യാമറമാൻ മിഗുൽ ഗിൽ മൊറേനോ ഡി മൊറായും ആ ആക്രമണത്തിൽ കൊല്ലപ്പെട്ടു. യാനിസും ദക്ഷിണാഫ്രിക്കൻ ക്യാമറമാൻ മാർക്​ ഷിഷോമും കഷ്​ടിച്ചായിരുന്നു രക്ഷപ്പെട്ടത്​. 2016 ൽ പുലിറ്റ്​സർ അവാർഡിനും അദ്ദേഹം നയിച്ച ടീം അർഹമായി. പുരസ്​കാരങ്ങൾ എന്നും യാനിസിന്റെ പിന്നാലെയുണ്ടായിരുന്നു...

അപകടം നിറഞ്ഞ കടലിലൂടെ അഭയാർത്ഥികളെയും വഹിച്ച്​ ഗ്രീസി​ന്റെ തീരത്തേക്ക്​ വരുന്ന ചെറുതോണിയുടെ ചിത്രം യാനിസ്​ പകർത്തിയത്​

58ാമത്തെ വയസ്സിൽ വിടപറഞ്ഞെങ്കിലും യുദ്ധവിരുദ്ധതയുടെയും അഭയാർത്ഥി പ്രതിസന്ധികളുടെയും മുഖച്ചിത്രമായി യാനിസ്​ ബെഹ്റാക്കി​​​​​ന്റെ ചിത്രങ്ങൾ നിലനിൽക്കുക തന്നെ ചെയ്യും. നിക്​ ഉട്ടി​​​​ന്റെയും കെവിൻ കാർട്ടറുടെയും ചിത്രങ്ങൾ പോലെ..

(ചിത്രങ്ങൾക്ക്​ കടപ്പാട്​: റോയി​ട്ടേഴ്​സ്​)