മൊയ്​തുവിന്‍റെ വിടൽ സഞ്ചാരങ്ങൾ

  • അ​ര നൂ​റ്റാ​ണ്ടി​ലേ​റെ​യാ​യി ജീ​വി​തം പാ​ടി​ത്തീ​ർ​ക്കു​ന്ന വി​ട​ൽ കെ. ​മൊ​യ്തുവിന്‍റെ വിശേഷങ്ങൾ...

vidal-moidu
വിടൽ മൊയ്​തു പാടുന്നു (ചിത്രം: മു​ര​ളി പെ​രു​മു​ടി​യൂ​ർ)

പൗ​ര​ത്വ ഭേ​ദ​ഗ​തി നി​യ​മ​ത്തി​നെ​തി​രാ​യ പ്ര​തി​രോ​ധ​ത്തി​െ​ൻ​റ ഈ ​ശ​ബ്​​ദം സ​മൂ​ഹ​മാ​ധ്യ​മ​ങ്ങ​ളി​ൽ വൈ​റ​ലാ​ണ്. സ്ഫു​ട​ത​യും ഭാ​വ​ഗാം​ഭീ​ര്യ​വും ചോ​രാ​തെ ഗാ​ന​ത്തി​െ​ൻ​റ ആ​ത്മാ​വ​റി​ഞ്ഞു പാ​ടി​യ പാ​ട്ടു​കാ​ര​നെ തേ​ടി​യു​ള്ള അ​ന്വേ​ഷ​ണ​ങ്ങ​ളും അ​തി​ലേ​റെ വൈ​റ​ലാ​യി​ക്ക​ഴി​ഞ്ഞു. ഇ​ന്ന​ലെ​വ​രെ അ​ധി​ക​മാ​രു​മ​റി​യാ​തെ അ​ന്ന​ത്തി​നു​വേ​ണ്ടി പാ​ട്ടു​പാ​ടി ന​ട​ന്ന ഓ​ങ്ങ​ല്ലൂ​ർ കൊ​ണ്ടൂ​ർ​ക്ക​ര ക​ക്ക​ട​വ​ത്ത് മൊ​യ്തു എ​ന്ന എ​ഴു​പ​ത്തി​നാ​ലു​കാ​ര​ൻ ഇ​ന്ന്​ നാ​ട്ടി​ലെ താ​ര​മാ​ണ്. അ​ഭി​ന​ന്ദ​ന ഫോ​ൺ കാ​ളു​ക​ളും അ​ന്വേ​ഷ​ണ​ങ്ങ​ളും നി​ല​ക്കു​ന്നി​ല്ല. സെ​ൽ​ഫി​യെ​ടു​ക്കാ​ൻ ന്യു​ജ​ൻ പി​ള്ളേ​രു​ടെ മ​ത്സ​രം വേ​റെ. മൊ​യ്തു, വി​ട​ൽ കെ. ​മൊ​യ്തു​വാ​യ ക​ഥ അ​ദ്ദേ​ഹ​ത്തി​ൽ​നി​ന്ന് ത​ന്നെ കേ​ൾ​ക്കാം. ‘‘മ​ത​പ​ര​മാ​യ ബി​രു​ദ​ങ്ങ​ളാ​ണ് ഫൈ​സി, ദാ​രി​മി, ബാ​ഖ​വി. ഔ​ദ്യോ​ഗി​ക​മാ​യി ക​ല​ക്ട​ർ, ഡോ​ക്ട​ർ, എ​ൻ​ജി​നീ​യ​ർ അ​ങ്ങ​നെ. പ​ഴ​യ അ​ഞ്ചാം ക്ലാ​സു​കാ​ര​ന് ഇ​തൊ​ന്നും മോ​ഹി​ക്കാ​നാ​വി​ല്ല​ലോ. അ​പ്പോ​ൾ എ​നി​ക്ക് പ​റ്റി​യ ബി​രു​ദം ഞാ​ൻ​ത​ന്നെ ക​ണ്ടെ​ത്തി- വി​ട​ൽ.’’ 

വി​ട​ൽ എ​ന്നാ​ൽ ത​ള്ള​ൽ എ​ന്നും സ്ഥ​ലം​വി​ട​ൽ എ​ന്നു​മൊ​ക്കെ​യാ​ണ് പൊ​തു​വേ അ​ർ​ഥ​മാ​ക്കു​ന്ന​ത്. ബ​ഡാ​യി പ​റ​യു​ന്ന​വ​രെ​യും ഈ ​പ​ദം കൊ​ണ്ട് വി​വ​ക്ഷി​ക്കാം. എ​ന്നാ​ൽ, മൊ​യ്തു​വി​െ​ൻ​റ വി​ട​ൽ  ഇ​തൊ​ന്നു​മ​ല്ല. വി​ട​ൽ മൊ​യ്തു എ​ന്നു കേ​ൾ​ക്കു​ന്ന​വ​ർ തെ​ല്ലു പ​രി​ഹാ​സ​ത്തോ​ടെ ചി​രി​ക്കു​ന്നു​ണ്ടെ​ന്ന് മൊ​യ്തു പ​റ​യു​ന്നു. ത​നി​ക്ക് ഇ​ങ്ങ​നെ​യൊ​രു പേ​രു​കി​ട്ടി​യ സം​ഭ​വം അ​ദ്ദേ​ഹ​ത്തി​െ​ൻ​റ ഓ​ർ​മ​ക​ളി​ലൂ​ടെ. ക​ക്ക​ട​വ​ത്ത് ആ​ലി​ക്കു​ട്ടി​യു​ടെ​യും ബീ​ക്കു​ട്ടി​യു​ടെ​യും മൂ​ന്നു മ​ക്ക​ളി​ൽ മൂ​ത്ത​വ​നാ​ണ് മൊ​യ്തു. പ​ട്ടി​ണി​യും പ​രി​വ​ട്ട​വു​മാ​യി ക​ഴി​യു​ന്ന കു​ടും​ബ​ത്തി​െ​ൻ​റ അ​ത്താ​ണി​യാ​വേ​ണ്ട​വ​ൻ തൊ​ഴി​ലൊ​ന്നു​മി​ല്ലാ​തെ എ​ത്ര​നാ​ൾ അ​ട​ങ്ങി​യി​രി​ക്കും. അ​ങ്ങ​നെ​യൊ​രു​നാ​ൾ പ​തി​നേ​ഴാം വ​യ​സ്സി​ൽ വീ​ടു​വി​ട്ടി​റ​ങ്ങി. പാ​ട്ടു​പാ​ടാ​നു​ള്ള ക​ഴി​വ് മാ​ത്ര​മാ​യി​രു​ന്നു കൈ​മു​ത​ൽ. ഗ്രാ​മ​ങ്ങ​ളി​ലൂ​ടെ ന​ട​ന്ന് നാ​ലാ​ളു കൂ​ടു​ന്നി​ട​ത്തും ക​വ​ല​ക​ളി​ലും വി​ളി​ക്കു​ന്ന വീ​ടു​ക​ളി​ലു​മാ​ണ് പാ​ട്ടു​പാ​ടി​യി​രു​ന്ന​ത്. പ​ല​പ്പോ​ഴും പാ​ട്ടു കേ​ൾ​ക്കാ​നാ​ളു​ണ്ടാ​വി​ല്ല, കേ​ട്ടാ​ൽ​ത​ന്നെ കാ​ശു​കൊ​ടു​ക്കാ​തെ മൂ​ടും​ത​ട്ടി​പ്പോ​കു​ന്ന​വ​രും കു​റ​വ​ല്ല. 

അ​ങ്ങ​നെ ക​ഷ്​​ട​പ്പാ​ടി​െ​ൻ​റ ദി​വ​സ​ങ്ങ​ൾ ത​ള്ളി​നീ​ക്കു​മ്പോ​ൾ അ​ന​ങ്ങ​ന​ടി​യി​ലെ ബ​സ്​​സ്​​റ്റോ​പ്പി​ൽ വി​ശ്ര​മി​ക്കാ​നി​രു​ന്ന​താ​ണ് ജീ​വി​ത​ത്തി​ന് വ​ഴി​ത്തി​രി​വാ​യ​ത്. അ​തു​ക​ണ്ട ഒ​രു മ​നു​ഷ്യ​സ്നേ​ഹി മൊ​യ്തു​വി​െ​ൻ​റ ജീ​വി​ത​വ​ഴി തി​രു​ത്തു​ക​യാ​യി​രു​ന്നു. വി​ശ​പ്പ​ക​റ്റാ​ൻ അ​ദ്ദേ​ഹം എ​ത്തി​ച്ച​ത് സ​മീ​പ​ത്തെ ഒ​രു സൂ​ഫി​യു​ടെ അ​ടു​ക്ക​ലേ​ക്കാ​ണ്. അ​വി​ടെ ന​ട​ക്കു​ന്ന ച​ട​ങ്ങു​ക​ളി​ൽ പ​ങ്കെ​ടു​ത്ത മൊ​യ്തു​വി​ന് ത​െ​ൻ​റ ക​ഴി​വ് തെ​ളി​യി​ക്കാ​നും അ​വ​സ​രം ല​ഭി​ച്ചു. സൂ​ഫി ആ​വ​ശ്യ​പ്പെ​ട്ട ഗാ​ന​ങ്ങ​ൾ സ​ദ​സ്യ​ർ പാ​ടു​ക​യാ​യി​രു​ന്നു രീ​തി. അ​വ​ർ പ​രാ​ജ​യ​പ്പെ​ട്ടി​ട​ത്ത് മൊ​യ്തു പാ​ടി സൂ​ഫി​യു​ടെ ആ​ദ​രം നേ​ടി. തു​ട​ർ​ന്ന് അ​ദ്ദേ​ഹ​ത്തി​െ​ൻ​റ ആ​വ​ശ്യ​പ്ര​കാ​രം മാ​സ​ങ്ങ​ളോ​ളം ഒ​പ്പം കൂ​ടി. പാ​ടു​ക എ​ന്ന​തി​ന് വി​ടു​ക എ​ന്നാ​ണ് സൂ​ഫി പ​റ​ഞ്ഞി​രു​ന്ന​ത്. നീ​യൊ​ന്നു വി​ട് എ​ന്നു​പ​റ​ഞ്ഞാ​ൽ നീ​യൊ​ന്ന് പാ​ട് എ​ന്ന​ർ​ഥം. ഏ​റെ​ക്കാ​ലം ഇ​ത് തു​ട​രാ​നാ​യി​ല്ല. എ​നി​ക്ക് എ​ന്തെ​ങ്കി​ലും തൊ​ഴി​ൽ വേ​ണം എ​ന്നു​പ​റ​ഞ്ഞ​പ്പോ​ൾ നീ ​വേ​റെ തൊ​ഴി​ലി​നൊ​ന്നും പോ​ക​ണ്ടാ, ഇ​ങ്ങ​നെ വി​ട്ടു​ന​ട​ന്നോ, ഒ​രു ബു​ദ്ധി​മു​ട്ടും ഉ​ണ്ടാ​വി​ല്ലെ​ന്ന് പ​റ​ഞ്ഞ്​ അ​നു​ഗ്ര​ഹി​ച്ചു. 

അ​ര നൂ​റ്റാ​ണ്ടി​ലേ​റെ​യാ​യി ജീ​വി​തം പാ​ടി​ത്തീ​ർ​ക്കു​ക​യാ​ണ് വി​ട​ൽ കെ. ​മൊ​യ്തു. കാ​സ​ർ​കോ​ട് മു​ത​ൽ ചാ​വ​ക്കാ​ടു​വ​രെ​യു​ള്ള പ്ര​ദേ​ശ​ങ്ങ​ളി​ൽ അ​ദ്ദേ​ഹം എ​ത്താ​ത്ത ഇ​ട​ങ്ങ​ളി​ല്ല. ആ​ദ്യ​കാ​ല​ത്ത്  സൈ​ക്കി​ളു​ന്തി​യാ​യി​രു​ന്നു യാ​ത്ര​യെ​ങ്കി​ൽ പി​ന്നീ​ട് ഓ​ട്ടോ റി​ക്ഷ​യാ​യി. ക​യ്‌​പേ​റി​യ ജീ​വി​ത​ത്തി​ൽ പാ​ട്ടും ന​ർ​മ​ഭാ​ഷ​ണ​വു​മാ​യി മ​ധു​രം ചാ​ലി​ച്ച് 74ാം വ​യ​സ്സി​ലും കൂ​ടു​ത​ൽ ഓ​ജ​​സ്സോ​ടെ  പ്ര​യാ​ണം തു​ട​രു​ക​യാ​ണ് മൊ​യ്തു. എ​ന്നാ​ൽ, തൃ​ശൂ​ർ വാ​ടാ​ന​പ്പ​ള്ളി​ക്ക​പ്പു​റം പാ​ടാ​ൻ പോ​യി​ട്ടി​ല്ലെ​ന്നു മൊ​യ്തു പ​റ​യു​ന്നു. ചാ​വ​ക്കാ​ടാ​ണ് 15 വ​ർ​ഷ​ത്തോ​ളം തു​ട​ർ​ച്ച​യാ​യി പാ​ടി​യ​ത്. പ​ഴ​യ​കാ​ല​ത്തു​ത​ന്നെ ഇ​വി​ട​ത്തു​കാ​രി​ലേ​റെ​യും ഗ​ൾ​ഫ് രാ​ജ്യ​ങ്ങ​ളി​ലാ​യി​രു​ന്നു. ഇ​ല്ലാ​യ്മ​യു​ടെ കാ​ല​ത്തും കൈ​യ​യ​ഞ്ഞു കാ​ശു​ത​ന്ന നാ​ട് ത​നി​ക്കി​ന്നും പ്രി​യ​പ്പെ​ട്ട​താ​ണ്.

vidal_24

 

ഒ​രു വി​ട​ൽ 50 പൈ​സ!
കാ​ര​ക്കാ​ട് ചേ​രി​ക്ക​ല്ലി​ൽ എ​ട്ടു​വ​ർ​ഷം വാ​ട​ക​ക്കു താ​മ​സി​ച്ചു. അ​ക്കാ​ല​ത്താ​ണ് ചാ​വ​ക്കാ​ട് പാ​ട്ടു​പാ​ടാ​ൻ പോ​യി​രു​ന്ന​ത്. വി​വാ​ഹം ക​ഴി​ഞ്ഞു പ്രാ​ര​ബ്‌​ധ​മാ​യ​പ്പോ​ൾ ഇ​ങ്ങ​നെ വി​ട്ടു​ന​ട​ന്നാ​ൽ പോ​രെ​ന്ന് മൊ​യ്തു​വി​ന് തോ​ന്നി. വീ​ടു​ക​ളി​ൽ പാ​ടു​ന്ന​തി​നൊ​പ്പം ക​വ​ല​ക​ളി​ൽ ചെ​ന്ന് മൈ​ക്ക് വാ​ട​ക​ക്കെ​ടു​ത്ത് പാ​ടാ​ൻ തു​ട​ങ്ങി. എ​ന്നാ​ൽ, പ​ല​പ്പോ​ഴും മൈ​ക്ക്​ സെ​റ്റി​െ​ൻ​റ വാ​ട​ക​ക്കേ വ​രു​മാ​നം തി​ക​യു​മാ​യി​രു​ന്നു​ള്ളൂ. മ​ഴ​ക്കാ​ലം  ആ​റു​മാ​സം  വി​ട​ലി​ന് അ​വ​ധി​യാ​ണ്. അ​ങ്ങ​നെ ഓ​ട്ടോ​റി​ക്ഷ ഡ്രൈ​വ​റാ​യും വേ​ഷ​പ്പ​ക​ർ​ച്ച വേ​ണ്ടി വ​ന്നു. പ​ട്ടാ​മ്പി ഗു​രു​വാ​യൂ​ർ റോ​ഡ് ജ​ങ്​​ഷ​നി​ൽ ത​ട്ടു​ക​ട ന​ട​ത്തി​യി​രു​ന്ന പ​രു​ന്ത​ൻ സെ​യ്തി​ന് നാ​ല്​​ ഓ​ട്ടോ​റി​ക്ഷ​ക​ളു​ണ്ടാ​യി​രു​ന്നു. ഓ​ട്ടോ​റി​ക്ഷ ഓ​ടി​ക്കാ​ൻ പ​ഠി​ക്ക​ണ​മെ​ന്ന ആ​ഗ്ര​ഹം അ​ദ്ദേ​ഹ​ത്തി​െ​ൻ​റ മു​ന്നി​ൽ​വെ​ച്ചു. മൂ​ന്നു​ദി​വ​സം കൊ​ണ്ട് ഡ്രൈ​വി​ങ് പ​ഠി​ച്ചു. മ​ഴ​യു​ള്ള ഒ​രു സ​ന്ധ്യ​ക്ക് ഓ​ട്ടോ വി​ളി​ച്ച​യാ​ളോ​ട് പോ​കാ​ൻ പ​റ്റി​ല്ലെ​ന്ന് സെ​യ്ത് പ​റ​ഞ്ഞു. എ​ന്നാ​ൽ, സ​മ്മ​തം ത​ന്നാ​ൽ താ​ൻ പോ​കാ​മെ​ന്നാ​യി മൊ​യ്തു. അ​ങ്ങ​നെ സ​ധൈ​ര്യം ഓ​ട്ടം പോ​യി. 

ഓ​ട്ടോ​റി​ക്ഷ ഓ​ടി​ച്ച​പ്പോ​ൾ ഓ​ട്ടോ​ക്കാ​ര​നാ​വാ​ൻ മോ​ഹം. അ​തും സാ​ധി​ച്ചു​ത​ന്ന​ത് സെ​യ്ത് ത​ന്നെ. സൈ​ക്കി​ളി​ൽ ഉ​ല​കം ചു​റ്റി പാ​ട്ടു​പാ​ടി ന​ട​ന്ന മൊ​യ്തു​വി​ന് ഓ​ട്ടോ പു​തി​യ ഊ​ർ​ജം ന​ൽ​കി. സാ​വ​ധാ​നം ഒ​രു വ​ണ്ടി സ്വ​ന്ത​മാ​ക്കി. ച​ങ്ങ​രം​കു​ളം സ്വ​ദേ​ശി താ​ഹി​ർ ഇ​സ്മാ​യി​ൽ ആ​ണ് സാ​മ്പ​ത്തി​ക സ​ഹാ​യം ഒ​രു​ക്കി​യ​ത്. 30 വ​ർ​ഷ​മാ​യി സ്വ​ന്തം ഓ​ട്ടോ​റി​ക്ഷ​യി​ലാ​ണ് യാ​ത്ര. പാ​ട്ടി​നു മാ​ത്ര​മ​ല്ല, അ​ടു​ത്ത ചാ​യ​ക്ക​ട​യി​ലേ​ക്കും ഈ  ​വ​ണ്ടി ത​ന്നെ വേ​ണം. വ​ഴി​ക്ക​ട​വ് ചു​രം ക​യ​റി വ​യ​നാ​ടും പി​ന്നെ ക​ണ്ണൂ​രും കാ​സ​ർ​കോ​ട്ടു​മൊ​ക്കെ ഈ ​മു​ച്ച​ക്ര വ​ണ്ടി പാ​ഞ്ഞെ​ത്തി​യി​ട്ടു​ണ്ട്. സ്വ​ന്ത​മാ​യി മൈ​ക്ക് സെ​റ്റും വാ​ങ്ങി വ​ണ്ടി​യി​ൽ വെ​ച്ചാ​ണ്  നാ​ടാ​കെ​യു​ള്ള  മൊ​യ്തു​വി​െ​ൻ​റ വി​ട​ൽ.
വി​ട​ലി​െ​ൻ​റ വി​ല​നി​ല​വാ​രം 

അ​ടി​യ​ന്ത​രാ​വ​സ്ഥ​ക്കാ​ല​ത്ത് നി​ത്യോ​പ​യോ​ഗ സാ​ധ​ന​ങ്ങ​ളു​ടെ വി​ല​നി​ല​വാ​ര​പ്പ​ട്ടി​ക പ്ര​ദ​ർ​ശി​പ്പി​ക്ക​ണ​മെ​ന്ന നി​ർ​ബ​ന്ധ​മു​ണ്ടാ​യി​രു​ന്നു. പ​ല​രും മ​ന​സ്സി​ല്ലാ മ​ന​സ്സോ​ടെ​യാ​ണ് പ​ട്ടി​ക വെ​ച്ചി​രു​ന്ന​ത്. അ​ക്കാ​ല​ത്ത് വി​ട​ലി​െ​ൻ​റ വി​ല​നി​ല​വാ​ര​പ്പ​ട്ടി​ക ക​ഴു​ത്തി​ൽ കെ​ട്ടി​ത്തൂ​ക്കി​യാ​യി​രു​ന്നു ന​ട​പ്പ്. 

''ഒ​രു വി​ട​ൽ -50 പൈ​സ.
2 എ​ണ്ണം- 100 പൈ​സ.
3 എ​ണ്ണ​ത്തി​ന്   1 ഫ്രീ. 
​ആ​കെ സ്​​റ്റോ​ക്​ 100''

ക​ഴു​ത്തി​ൽ ബോ​ർ​ഡും ത​ല​യി​ൽ ഹാ​ൻ​ഡ് ബാ​ഗും വ​ട്ട​ത്തി​ലൊ​രു മാ​പ്പി​ള ത​ലേ​ക്കെ​ട്ടും. ചു​ണ്ടി​ലെ​രി​യു​ന്ന കു​റ്റി​ബീ​ഡി​യും. കാ​ണു​ന്ന​വ​ർ​ക്ക് തോ​ന്നും പി​രാ​ന്തെ​ന്ന്- മൊ​യ്തു ചി​രി​ക്കു​ന്നു. വി​ട​ൽ പൊ​ലീ​സ് സ്​​റ്റേ​ഷ​നി​ലെ​ത്തി​യ​തും ഈ ​പാ​ട്ടു​കാ​ര​െ​ൻ​റ ഓ​ർ​മ​യി​ലു​ണ്ട്. വി​ട​ൽ എ​ന്തെ​ന്നു ചോ​ദി​ച്ച പൊ​ലീ​സു​കാ​ര​ന് തൃ​പ്തി​ക​ര​മാ​യ ഉ​ത്ത​രം ന​ൽ​കാ​ൻ ക​ഴി​ഞ്ഞി​ല്ല. കൊ​ണ്ടു​പോ​യ​ത് സ്​​റ്റേ​ഷ​നി​ലേ​ക്ക്. ആ​വ​ർ​ത്തി​ച്ചു​ള്ള ചോ​ദ്യ​ങ്ങ​ൾ​ക്കു​മു​ന്നി​ൽ പ​ത​റി. പി​ന്നെ പൊ​ലീ​സ് മു​റ. അ​ടി പൊ​ട്ടും എ​ന്നാ​യ​പ്പോ​ൾ ഉ​ച്ച​ത്തി​ലൊ​രു പാ​ട്ടു​പാ​ടി. ഇ​താ​ണ് സാ​റെ വി​ട​ൽ. പി​ന്നെ ചി​രി​ക്കാ​തി​രി​ക്കാ​ൻ പൊ​ലീ​സി​നും ക​ഴി​ഞ്ഞി​ല്ല. 

ആ​ളെ​ക്കൂ​ട്ടാ​നു​ള്ള വി​ട​ൽ വി​ദ്യ​ക​ൾ
പാ​ട്ടി​ന്​ ആ​ളെ​ക്കൂ​ട്ടാ​ൻ അ​നൗ​ൺ​സ്‌​മെ​ൻ​റ്​ ന​ട​ത്തി അ​പ​ക​ട​ത്തി​ൽ ചെ​ന്നെ​ത്തി​യ​തും സ​മ​ർ​ഥ​മാ​യി ക​ര​ക​യ​റി​യ​തു​മാ​യ അ​നു​ഭ​വ​ങ്ങ​ൾ മൊ​യ്തു​വി​നു​ണ്ട്. വി​ട​ൽ കെ. ​മൊ​യ്തു​വി​െ​ൻ​റ ഖി​സ്സ​പ്പാ​ട്ട് അ​ടു​ത്ത ക​വ​ല​യി​ൽ ന​ട​ക്കു​ന്നു, എ​ല്ലാ​വ​രെ​യും ക്ഷ​ണി​ക്കു​ന്നു എ​ന്നു​പ​റ​ഞ്ഞു​കൊ​ണ്ടു​ള്ള ഓ​ട്ട​ത്തി​നി​ടെ​യാ​ണ് പൊ​ലീ​സ് മു​ന്നി​ലെ​ത്തി​യ​ത്. മൈ​ക്ക് അ​നു​മ​തി​യൊ​ന്നും എ​ടു​ത്തി​ട്ടാ​യി​രു​ന്നി​ല്ല പ്ര​ചാ​ര​ണം. പെ​ട്ടെ​ന്ന് മൊ​യ്തു​വി​െ​ൻ​റ ത​ല​ച്ചോ​റി​ൽ പൂ​ത്തി​രി ക​ത്തി, അ​ത് പു​റ​ത്തു​വ​ന്ന​ത് ഇ​ങ്ങ​നെ: ‘‘ഇ​ന്നാ​ലി​ല്ലാ​ഹി വ ​ഇ​ന്നാ ഇ​ലൈ​ഹി റാ​ജി​ഉൗ​ൻ, ക​ക്ക​ട​വ​ത്ത് മൊ​യ്തു എ​ന്ന​വ​ർ ഇ​ന്ന​ലെ രാ​ത്രി മ​രി​ച്ച വി​വ​രം വ്യ​സ​ന​സ​മേ​തം അ​റി​യി​ച്ചു​കൊ​ള്ളു​ന്നു. പ​രേ​ത​െ​ൻ​റ ജ​നാ​സ ഖ​ബ​റ​ട​ക്കം...

ഒാ​ർ​മ​യി​ൽ മൊ​യ്തു പൊ​ട്ടി​ച്ചി​രി​ച്ചു. ക​ണ്ണു ന​ന​യി​ച്ച സ്നേ​ഹ​ത്തി​െ​ൻ​റ ക​ഥ​യും മൊ​യ്തു​വി​െ​ൻ​റ ജീ​വി​ത യാ​ത്ര​യി​ലു​ണ്ട്. ഏ​ഴ​ര സെ​ൻ​റ്​ സ്ഥ​ല​ത്തി​െ​ൻ​റ ആ​ധാ​രം പ​ണ​യ​പ്പെ​ടു​ത്തി​യാ​ണ് മോ​ളെ കെ​ട്ടി​ച്ച​യ​ച്ച​ത്. വാ​യ്പ തി​രി​ച്ച​ട​ക്കാ​തെ ജ​പ്തി​യാ​യി. വീ​ടും സ്ഥ​ല​വും ന​ഷ്​​ട​പ്പെ​ടു​മെ​ന്ന അ​വ​സ്ഥ​യി​ൽ ര​ക്ഷ​ക്കെ​ത്തി​യ​ത് വി​ട​ൽ ആ​രാ​ധ​ക​നാ​യ പാ​ടൂ​ർ സ്വ​ദേ​ശി​യാ​ണ്. ഒ​രി​ക്ക​ലും മ​റ​ക്കാ​നാ​വാ​ത്ത​താ​ണ്  ഈ ​സ​ഹാ​യം- മൊ​യ്തു​വി​െ​ൻ​റ ക​ണ്ഠ​മി​ട​റി.
വൈ​വി​ധ്യ​മേ​റി​യ​താ​ണ് മൊ​യ്തു​വി​െ​ൻ​റ വി​ട​ൽ. മാ​പ്പി​ള​പ്പാ​ട്ടു​ക​ൾ മാ​ത്ര​മ​ല്ല, ഹൈ​ന്ദ​വ ഭ​ക്തി​ഗാ​ന​വും അ​ദ്ദേ​ഹ​ത്തി​ന് വ​ഴ​ങ്ങും.

''ഹ​രി പ​ണ്ട് മോ​ഹി​നി വേ​ഷം ച​മ​ച്ചു 
ഹ​ര​ന​ത് ക​ണ്ട് മ​യ​ക്ക​വും വ​ന്നു 
അ​തി​ലൊ​രു ബാ​ല​ക​നു​ണ്ടാ​യി​ത്തീ​ർ​ന്നു 
ഗ​തി​ലോ​ക ശാ​സ്‌​താ​വാം ദൈ​വ​മാ​യ്‌​ത്തീ​ർ​ന്നു''

അ​യ്യ​പ്പ ഭ​ക്തി​ഗാ​നം യു ​ട്യൂ​ബി​ൽ കേ​ട്ട് ചെ​ന്നൈ സ്വ​ദേ​ശി​യാ​യ ശ്രീ​നി​വാ​സ​ൻ വി​ളി​ച്ച് അ​ഭി​ന​ന്ദി​ച്ച​തും പാ​രി​തോ​ഷി​കം ന​ൽ​കി​യ​തും അ​ഭി​മാ​ന​ത്തോ​ടെ മൊ​യ്തു വെ​ളി​പ്പെ​ടു​ത്തു​ന്നു. സ്ഥ​ല​ത്തി​നും ആ​ളു​ക​ൾ​ക്കും അ​നു​സ​രി​ച്ചു​ള്ള പാ​ട്ടു​ക​ൾ പാ​ടാ​ൻ വി​ദ​ഗ്ധ​നാ​ണ് ഈ ​വി​ട​ൽ ഉ​സ്താ​ദ്. പ​ഴ​യ ചാ​യ​മ​ക്കാ​നി​യെ​ക്കു​റി​ച്ചു​ള്ള സ്വ​ന്തം കൃ​തി അ​ദ്ദേ​ഹ​ത്തി​െ​ൻ​റ ഹാ​സ്യ ഭാ​വ​ന​ക്ക് ദൃ​ഷ്​​ടാ​ന്ത​മാ​ണ്. നാ​ട്ടി​ൻ പു​റ​ത്ത് ചാ​യ​ക്ക​ട ന​ട​ത്തു​ന്ന​വ​ൻ കു​ത്തു​പാ​ള​യെ​ടു​ക്കു​ന്ന​ത് സ​ര​സമായി ആവിഷ്​കരിച്ചിരിക്കുന്നത് ഇങ്ങനെ...

''ഹക്കാണ് ഞാനൊരു മക്കാനി തുറന്നിവിടെ 
നക്കാനായിട്ട് ചിലര്  
തക്കത്തിൽ വന്ന് പുലർകാലത്ത് തന്നെ കടം 
നക്കിക്കുടിച്ച് നടന്ന്...
രാവിലെ വന്നു ചായ കുടിച്ച് കടം പറയുന്നതാണ് വരികൾ.. ഇനി അവരുടെ വരവിനെക്കുറിച്ച്.
നിസ്കാരം ഇല്ല, മുഖംപോലും 
കഴുകും പതിവില്ലല്ലോ തെല്ല് പറയാൻ...
കണ്ണുംതിരുമ്മി വന്നിരുന്നുടൻ  
ചൊല്ലും പലേ ഫിത്ന ഫസാദ് പറയാൻ..''

പിന്നെ കാലിൽ കാലു കയറ്റിവെച്ച് വിവാഹം, ചരമം, രാഷ​്ട്രീയം, ഏഷണി...ഇങ്ങനെയുള്ള സംസാരമൊക്കെ പാട്ടിൽ കുറിക്കുന്നു. സന്തത സഹചാരിയായ ഓട്ടോറിക്ഷ ഓടിച്ചാൽ ​ൈകയിൽ ഒന്നും കിട്ടില്ല ബാക്കി വെക്കാൻ എന്ന് സങ്കടപ്പെടുന്ന ഓട്ടോ റിക്ഷക്കാരുടെ ദൈന്യാവസ്ഥയെക്കുറിച്ചുള്ള പാട്ട് പലയിടത്തുനിന്നും നോട്ടുമാല നേടിത്തന്നിട്ടുണ്ടെന്ന് ഇദ്ദേഹം അവകാശപ്പെടുന്നു. വലിയൊരു നോട്ടുപുസ്തകത്തിൽ നിറയെ പാട്ടുകളാണ്, മൊയ്‌തുവി​​​​​​​​​െൻറ വിടലുകൾ. ആദ്യകാലത്ത് പ്രശസ്തരായ എഴുത്തുകാരെ നേരിൽ കണ്ടുവരെ പാട്ടുകൾ സമ്പാദിച്ചിരുന്നു. പഴയ ഗാനരചയിതാക്കൾ പാട്ടുകൾ തന്നിരുന്നു. എന്നാൽ പുതിയ തലമുറക്ക് വൈമുഖ്യമാണ്. കെ.വി.എം. പന്താവൂർ, സമദ് മൗലവി (നാസർ മണ്ണാർമല), അബ്​ദുറസാഖ് ഹാജി, പുലിക്കോട്ടിൽ ഹൈദർ, ചിന്നൻ അവറാൻ തുടങ്ങിയവരൊക്കെ സഹായിച്ചവരാണ്. ഹുസൈൻ മുട്ടാഞ്ചേരി, തെഞ്ചേരി ശാഹുൽ ഹമീദ്, ജുനൈദ് ചുർക്കള, ബഷീർ മാറഞ്ചേരി തുടങ്ങിയവരുടെ പാട്ടുകളാണ് ഇപ്പോൾ പ്രിയം.

വൈറൽ ആയ വിടൽ 

''സ്വതന്ത്രഭാരത ഭൂവിൽ അതിനി നാം 
കുതന്ത്രഭരണക്കാരുടെ കെണിയിൽ 
പിറന്ന നാടിനെ വെടിഞ്ഞിടാൻ  പറഞ്ഞിറങ്ങിയാൽ വിടുമോ..''

പൗരത്വ  ഭേദഗതി നിയമത്തെ നിശിതമായി വിമർശിച്ചും മതാന്ധതക്കൊരു വിലങ്ങിടണമെന്നാഹ്വാനം ചെയ്തും ബദ്​റുദ്ദീൻ പാറന്നൂർ രചിച്ച ഗാനം. ഗാനം മൊയ്തു പാടി, ഗാന രചയിതാവ് ബദ്​റുദ്ദീൻ പ്രചരിപ്പിച്ചു. പാട്ടുകേട്ട് ഇഷ്​ടം മീഡിയയുടെ മുനീർ വാഫി മൊയ്തുവിനെ സ്​റ്റുഡിയോയിലേക്ക് ക്ഷണിച്ചു. ഓർക്കസ്ട്രയില്ലാതെ മാത്രം പാടിപ്പതിഞ്ഞ മൊയ്തു തെല്ലും ഭയം കൂടാതെ മ്യൂസിക്കിനൊപ്പം ശബ്​ദം നൽകി. ലക്ഷങ്ങളുടെ കാതുകളിലൂടെ പടർന്ന ഗാനം വൈറലായി. അങ്ങനെ മൊയ്തുവി​​​​​​​​​െൻറ വിടൽ ഹൈ ബ്രേക്കിങ്ങായി...  

പാസ്​പോർട്ട്​ എടുക്കണം, വിമാനം കയറണം
ഇന്ന് എവിടെ പോകും, എവിടെ പോയാലാണ് അരിക്കാശ് കിട്ടുക എന്നായിരുന്നു ഇതുവരെയുള്ള ചിന്ത. എന്നാൽ, പുതിയ പാട്ട് പ്രശസ്തനാക്കി. ദിനേന പരിപാടികളായി. ചത്തുകിടന്നിരുന്ന മൊബൈൽ ഫോണിന് വിശ്രമമില്ലാതായി. 55 വർഷം വേണ്ടിവന്നു മൊയ്​തുവി​​​​​​​​​െൻറ വിടൽ ഇത്രയും ജനങ്ങളിലെത്താൻ. പ്രതിഷേധപ്പാട്ടാണ് ശ്രദ്ധേയമായതെങ്കിലും മറ്റു പാട്ടുകളും പറച്ചിലും കേൾക്കാൻ ആളുകളേറെയുണ്ട്.  ഇപ്പോൾ വിദേശത്തും ആരാധകസംഘം മൊയ്തുവിനെ കാത്തിരിക്കുകയാണ്. റിയാദിലേക്കാണ് ക്ഷണം കിട്ടിയിരിക്കുന്നത്. പാസ്പോർട്ട് എടുക്കാൻ നടപടിയായി. വിടാൻ മാത്രമല്ല, ബാക്കിയായ മോഹംകൂടി സഫലീകരിക്കാൻ തയാറായിരിക്കുകയാണ് ആരാധകൻ. ഉംറ ചെയ്യണം, ഗൾഫൊന്നു കാണണം, ദൈവം ഉദ്ദേശിച്ചാൽ... വിടൽ മൊയ്തു പറഞ്ഞു നിർത്തി. ഭാര്യ ഫാത്തിമ. ആറ്​ പെൺമക്കളും മൂന്ന്​ ആൺമക്കളുമുണ്ട്​. 

Loading...
COMMENTS